3 ​ແຂວງ​ຂອງ​ລາວ, ຫວຽດນາມ ​ແລະ ຣາຊະ​ອານາຈັກ​ໄທ ກັບ​ການ​ຄ້າ​ຊາຍ​ແດນ

- advert banner 728 90 728x90 - 3 ​ແຂວງ​ຂອງ​ລາວ, ຫວຽດນາມ ​ແລະ ຣາຊະ​ອານາຈັກ​ໄທ ກັບ​ການ​ຄ້າ​ຊາຍ​ແດນ

- new3 - 3 ​ແຂວງ​ຂອງ​ລາວ, ຫວຽດນາມ ​ແລະ ຣາຊະ​ອານາຈັກ​ໄທ ກັບ​ການ​ຄ້າ​ຊາຍ​ແດນ

ກອງປະຊຸມປຶກສາຫາລືລະຫວ່າງພາກລັດ ແລະ ພາກ ທຸລະກິດ ວ່າດ້ວຍການອຳ ນວຍຄວາມສະດວກການ ຄ້າຊາຍ ແດນລະຫວ່າງ ແຂວງສະຫວັນນະເຂດ ສປປ ລາວ, ແຂວງກວາງຈິ ສສ ຫວຽດນາມ ແລະ ຈັງຫວັດ ມຸກດາຫານ ຣາຊະອານາຈັກໄທ ໄດ້ຈັດຂຶ້ນທີ່ແຂວງ ສະຫວັນນະເຂດໃນວັນທີ 9 ກັນຍານີ້,  ໂດຍການເຂົ້າຮ່ວມ ຂອງ ທ່ານທ່ອນແກ້ວ ພຸດທະ ໄກຍະລາດ ຮອງເຈົ້າແຂວງ ສະຫວັນນະເຂດ, ທ່ານ ຫງວຽນ ກວນຈິນ ຮອງ ປະທານຄະນະກຳມະການ  ປະຊາຊົນແຂວງກວາງຈິ ແລະ ທ່ານ ສຸພາກອນ ມູນລະສຸວັນ ຮອງຜູ້ວ່າຣາຊະການຈັງຫວັດມຸກດາຫານ,  ມີຜູ້ອຳນວຍການບໍລິຫານ ຂອງສະຖາບັນລຸ່ມແມ່ນ້ຳ ຂອງເຂົ້າຮ່ວມນຳດ້ວຍ.

ທ່ານທ່ອນແກ້ວ ພຸດທະໄກຍະລາດ ກ່າວໃນພິທີວ່າ:  ການຮ່ວມກັນເປີດກອງປະ ຊຸມຄັ້ງນີ້ ແມ່ນເພື່ອເປີດໂອ ກາດໃຫ້ບັນດາພະແນກການ   ແລະ ຂະແໜງການທີ່ກ່ຽວຂ້ອງຕ່າງໆ ຈາກພາກລັດ ແລະ ພາກທຸລະກິດ ໄດ້ມາ ພົບປະສົນທະນາແລກປ່ຽນບົດຮຽນຮ່ວມກັນ ເພື່ອແກ້ໄຂຂອດອຸປະສັກສິ່ງກີດຂວາງ ຕ່າງໆ ໃນການປະກອບທຸລະ ກິດ ໂດຍສະເພາະກໍແມ່ນທຸ ລະກິດປະເພດສິນຄ້າກະສິກຳ ແລະ ການບໍລິການທີ່ ຕິດ ພັນກັບສິນຄ້າກະສິກຳ ເຊິ່ງ ແມ່ນໜຶ່ງໃນໝວດສິນຄ້າ ຕົ້ນຕໍ ທີ່ມີການນຳເຂົ້າ  ແລະ ສົ່ງອອກຜ່ານດ່ານຊາຍແດນ ຂອງ 3 ແຂວງ ດັ່ງກ່າວຄື ດ່ານສາກົນຂົວມິດຕະພາບ ລາວ-ໄທ ແຫ່ງທີ II ແລະ ດ່ານສາກົນແດນສະຫວັນ- ລາວບາວ ເພາະສະນັ້ນກອງ ປະຊຸມໃນມື້ນີ້ຈະມີຄວາມສຳຄັນຫລາຍ ໃນການຫາລືການ ອຳນວຍ ຄວາມສະດວກການຄ້າຊາຍແດນໃຫ້ກັບຜູ້ປະ ກອບການ ແລະ ເພີ່ມປະສິດ ທິພາບໃນການຄຸ້ມຄອງວຽກ ງານການຄ້າຊາຍແດນຂອງພາກລັດດີຂຶ້ນ ແລະ ທັງເປັນການກະຕຸກຊຸກຍູ້ການພົວພັນການຄ້າລະຫວ່າງ 3 ແຂວງດັ່ງກ່າວໄດ້ ຂະຫຍາຍຕົວ,ກອງປະຊຸມຄັງນີ້ ແມ່ນຈັດຂຶ້ນເປັນຄັ້ງທີ II ທີ່ສືບເນື່ອງມາຈາກຜົນໄດ້ຮັບອັນດີຂອງກອງປະຊຸມທີ່ ຜ່ານມາ, ເຊິ່ງບັນດາຂໍ້ສະເໜີຂອງພາກທຸລະກິດໄດ້ຮັບການພິຈາລະນາ ແລະ ນຳໄປສູ່ການຈັດຕັ້ງປະຕິບັດໃນ ທາງທີ່ດີຂຶ້ນ ດັ່ງນັ້ນກອງປະ ຊຸມໃນມື້ນີ້ ບໍ່ພຽງແຕ່ເປັນການສະຫລຸບ-ລາຍງານການຈັດຕັ້ງປະຕິບັດດາຂໍ້ສະເໜີ ຂອງກອງປະຊຸມໃນຄັ້ງທີ່ ຜ່ານມາແຕ່ຍັງເປັນການສົນ ທະນາປຶກສາຫາລື   ແລະ ຫາ ແນວທາງແກ້ໄຂບັນຫາ ແລະ ຂໍ້ສະເໜີອັນໃໝ່ເພີ່ມເຕີມ ອີກເພື່ອເປັນການສົ່ງເສີມ   ແລະ ສ້າງສະພາບແວດ   ລ້ອມທີ່ເອື້ອຍອຳນວຍຕໍ່ການຄ້າ  ແລະ ການລົງທຶນ ແລະ ການລົງທຶນຜ່ານ 3 ແຂວງດັ່ງກ່າວມີປະສິດທິຜົນ./.

- lattana 1 - 3 ​ແຂວງ​ຂອງ​ລາວ, ຫວຽດນາມ ​ແລະ ຣາຊະ​ອານາຈັກ​ໄທ ກັບ​ການ​ຄ້າ​ຊາຍ​ແດນ
- 3257 - 3 ​ແຂວງ​ຂອງ​ລາວ, ຫວຽດນາມ ​ແລະ ຣາຊະ​ອານາຈັກ​ໄທ ກັບ​ການ​ຄ້າ​ຊາຍ​ແດນ

error: Content is protected !!