ຊາວໜຸ່ມຕະລຸມບອນຮ່ວມໃຈຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ

- advert banner 728 90 728x90 - ຊາວໜຸ່ມຕະລຸມບອນຮ່ວມໃຈຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ
- IMG 0001 - ຊາວໜຸ່ມຕະລຸມບອນຮ່ວມໃຈຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ

ນັບແຕ່ໄດ້ຮູ້ຂ່າວວ່າຢູ່ 6 ແຂວງພາກກາງ ແລະ ພາກໃຕ້ຄື: ແຂວງຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ແຂວງອັດຕະປືໄດ້ປະສົບກັບໄພນໍ້າຖ້ວມລະຫວ່າງຕົ້ນເດືອນນີ້, ສົ່ງຜົນກະທົບຮ້າຍແຮງຕໍ່ຊີວິດ ແລະ ຊັບສິນ ເຮືອນຊານບ້ານຊ່ອງ, ຜົນລະປຸກ, ໄຮ່ນາຮົ້ວສວນ, ສັດລ້ຽງ, ລວມທັງຖະໜົນຫົນທາງຈຳນວນຫຼາຍຖືກຕັດຂາດປະຊາຊົນຈໍານວນຫລາຍຕ້ອງໄດ້ອົບພະຍົບໄປຢູ່ບ່ອນປອດໄພ.

- new3 - ຊາວໜຸ່ມຕະລຸມບອນຮ່ວມໃຈຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ
- IMG 01 - ຊາວໜຸ່ມຕະລຸມບອນຮ່ວມໃຈຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ
- IMG 0007 - ຊາວໜຸ່ມຕະລຸມບອນຮ່ວມໃຈຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ

 ຕໍ່ກັບສະພາບການດັງກ່າວສູນກາງຊາວໜຸ່ມປະຊາຊົນປະຕິວັດ ໃນຖານະເປັນກຳລັງແຮງທີ່ສຳຄັນຂອງຊາດໄດ້ຕະລຸມບອນເຂົ້າຊ່ວຍເຫຼືອປະຊາຊົນຜູ້ທີ່ປະສົບຢູ່ແຕ່ລະພື້ນທີ່ດັ່ງກ່າວ ແລະ ໃນລະຫວ່າງວັນທີ 7 ຫາ 11 ກັນຍານີ້ ສະຫາຍ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ໄດ້ນຳພາຄະນະນຳເອົາເຫື່ອແຮງ, ນໍ້າຈິດນໍ້າໃຈ, ວັດຖຸປັດໃຈຈຳນວນໜຶ່ງ, ປະກອບມີ ເຂົ້າສານ 6 ໂຕນ, ເຮືອ 6 ລຳ, ນໍ້າດື່ມ, ໝີ່, ປ໋ອງປາ, ເສື້ອຊູຊີບ, ເຄື່ອງນຸ່ງຫົ່ມ ແລະ ອື່ນໆລວມມູນຄ່າທັງໝົດ 108 ລ້ານກີບ ພ້ອມດ້ວຍກຳລັງອາສາສະໝັກຊາວໜຸ່ມຕະລຸມບອນທັງໝົດຈຳນວນ 10.554 ຄົນ; ໃນນັ້ນມີອາສາສະໝັກຊາວໜຸ່ມຕະລຸມບອນຂອງແຂວງຄຳມ່ວນ 3.892 ຄົນ, ຊາວໜຸ່ມແຂວງສະຫວັນນະເຂດ 1.050 ຄົນ, ແຂວງສາລະວັນ 2.286 ຄົນ, ແຂວງເຊກອງ ຈຳນວນ 595 ຄົນ, ແຂວງອັດຕະປື ຈຳນວນ 931 ຄົນ ແລະ ແຂວງຈຳປາສັກ 1.800 ຄົນ ແລະ ຊາວໜຸ່ມໃນຂົງເຂດກຳລັງປ້ອງກັນຊາດ, ປ້ອງກັນຄວາມສະຫງົບ, ບັນດາອາສາສະໝັກຊາວໜຸ່ມທີ່ຢູ່ໃນບັນດາກະຊວງ, ອົງການ ແລະ ຂະແໜງ ການຕ່າງໆໄດ້ສຸມກຳລັງເຂົ້າໃສ່ໃນຂະບວນດັງກ່າວດ້ວຍຄວາມບໍ່ຮູ້ອິດຮູ້ເມື່ອຍ.

- lattana 1 - ຊາວໜຸ່ມຕະລຸມບອນຮ່ວມໃຈຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ
- IMG 0008 - ຊາວໜຸ່ມຕະລຸມບອນຮ່ວມໃຈຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ
- 0 - ຊາວໜຸ່ມຕະລຸມບອນຮ່ວມໃຈຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ

     ສະຫາຍ ອາລຸນໄຊ ສູນນະລາດ ກ່າວວ່າ: ຊາວໜຸ່ມລາວພວກເຮົາພາຍໃຕ້ຄຳຂັວນທີ່ວ່າ “ຊາວໜຸ່ມຕະລຸມບອນຮ່ວມໃຈຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ” ໄດ້ພ້ອມກັນອອກເດີນທາງມາຢ່າງຮີບດ່ວນລົງມາຊ່ວຍຜູ້ປະສົບໄພໃນ 6 ແຂວງດັ່ງກ່າວ, ພ້ອມເປັນ ການໃຫ້ກຳລັງໃຈຊ່ວຍເຫຼືອປະຊາຊົນຜູ້ທີ່ພວມປະເຊີນບັນຫາໃນຄະນະນີ້, ທັງຍັງໄດ້ນຳເອົາປັດໄຈຕ່າງໆເຖິງແມ່ນວ່າບໍ່ຫຼວງຫຼາຍບໍ່ສາມາດຕອບສະໜອງຄວາມຮຽກຮ້ອງຕ້ອງການຂອງປະຊາຊົນຜູ້ປະສົບໄພໄດ້ກໍຕາມ, ອັນສຳຄັນແມ່ນປຸກລະດົມກຳລັງອາສາສະໝັກຊາວໜຸ່ມຕ້ອງໄດ້ບຸກບືນ ກຽມພ້ວມຮັບໃຊ້ທຸກສະຖານະການທີ່ເກີດຂຶ້ນ.

error: Content is protected !!