ນາຍົກລັດຖະມົນຕີ ​ທອງ​ລຸນ ສີ​ສຸ​ລິດ ຢ້ຽມຢາມ ຣາຊະອານາຈັກ ກຳປູເຈຍ​ສອງ​ປະ​ເທດ​ໄດ້​ຍົກ​ລະ​ດັບ​ຂຶ້ນ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ໝັ້ນ​ຄົງ​ຍາວ​ນານ

- advert banner 728 90 728x90 - ນາຍົກລັດຖະມົນຕີ ​ທອງ​ລຸນ ສີ​ສຸ​ລິດ ຢ້ຽມຢາມ ຣາຊະອານາຈັກ ກຳປູເຈຍ​ສອງ​ປະ​ເທດ​ໄດ້​ຍົກ​ລະ​ດັບ​ຂຶ້ນ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ໝັ້ນ​ຄົງ​ຍາວ​ນານ

ໂດຍຕອບສະໜອງຕາມຄຳເຊີນ ຂອງ ສົມເດັດ ອັກຄະມະຫາເສນາບໍດີ ເຕໂຈ ຮຸນ ແຊນ, ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ, ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ​ໄດ້ ເດີນທາງໄປຢ້ຽມຢາມ ຣາຊະອານາຈັກ ກຳປູເຈຍ ຢ່າງເປັນທາງການ ໃນລະຫວ່າງ ວັນທີ 12-13 ກັນຍາ 2019 ເພື່ອຮັດແໜ້ນສາຍພົວພັນມິດຕະພາບ, ຄວາມສາມັກຄີອັນເປັນມູນເຊື້ອທີ່ມີມາແຕ່ດົນນານ ແລະ ເສີມຂະຫຍາຍການຮ່ວມມື ລະຫວ່າງ ລາວ ແລະ ກຳປູເຈຍ ໃຫ້​ກວ້າງ​ຂວາງໂດຍ ທ່ານ ນາຍົກລັດຖະມົນຕີ ໄດ້ເດີນ ທາງເຖິງນະຄອນຫລວງພະນົມເປັນ ໃນວັນທີ 12 ກັນຍານີ້ ແລະ ໄດ້ມີພິທີຕ້ອນຮັບຢ່າງເປັນທາງການ ແລະ ​ສົມ​ກຽດ ໂດຍ​ມີ ສົມເດັດ ເຕໂຈ ຮຸນ ແຊນ ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ ທີ່ ຫໍສັນຕິພາບ. ຈາກນັ້ນ​ການ​ນຳ​ຂັ້ນ​ສູງ​ສອງ​ຝ່າຍ​ໄດ້​ຣ່ວມ​ພົບ​ປະ​ປຶກ​ສາ​ຫາ​ລື​ວຽກ​ງານ​ພົວ​ພັນ​ຮ່ວມ​ມື​ສອງ​ປະ​ເທດ​ໂດຍ ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນ ແລະ ສົມກຽດ ຈາກລັດຖະບານ ແລະ ປະຊາຊົນກຳປູເຈຍ ໂດຍສະເພາະແມ່ນ ສົມເດັດ ນາຍົກລັດຖະມົນຕີ ຮຸນ ແຊນ, ເຊິ່ງເປັນການຢ້ຽມຢາມ ຣາຊະອານາຈັກ ກຳປູເຈຍ ຢ່າງເປັນທາງການ ຄັ້ງທີ 2 ໃນຕຳແໜ່ງນາຍົກລັດຖະມົນຕີ, ອັນມີຄວາມໝາຍສໍາຄັນທີ່ສຸດ ຕໍ່ການເສີມຂະຫຍາຍສາຍພົວພັນສອງຝ່າຍ ລາວ-ກຳປູເຈຍ ໃນຖານະເປັນເພື່ອນມິດສະໜິດສະໜົມ, ເປັນບ້ານໃກ້ເຮືອນຄຽງ ບ້ານພີ່ເມືອງນ້ອງ, ບ້ານແກ່ວເມືອງດອງ ມາແຕ່ບູຮານນະການ. ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ສະແດງຄວາມຊົມເຊີຍຕໍ່ຜົນສໍາເລັດ ຂອງການເລືອກຕັ້ງສະພາທ້ອງຖິ່ນຂັ້ນນະຄອນຫລວງ, ແຂວງ,​ ນະຄອນ ແລະ ເມືອງຂອງ​ກຳ​ປູ​ເຈຍໃນເດືອນພຶດສະພາ 2019 ຜ່ານມາ, ເຊິ່ງສະແດງໃຫ້ເຫັນເຖິງຄວາມເຊື່ອໝັ້ນ ແລະ ຄວາມສັດທາຂອງປະຊາຊົນກໍາປູເຈຍ ຕໍ່ພັກປະ ຊາຊົນ ກໍາປູເຈຍ ໂດຍລວມ ແລະ ໂດຍສະເພາະ ຕໍ່ການຊີ້ນໍານໍາພາຂອງ ສົມເດັດ ນາຍົກລັດຖະມົນຕີ ຮຸນ ແຊນ ຕະຫລອດໄລຍະຜ່ານມາ ທີ່ໄດ້ນໍາຄວາມສີວິໄລຈະເລີນກ້າວໜ້າມາສູ່ປະເທດຊາດ ໃຫ້ທົ່ວປະເທດມີສະຖຽນລະພາບດ້ານການເມືອງ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນໄດ້ຮັບການປົວແປງດີຂຶ້ນເປັນກ້າວໆ ແລະ ບົດບາດອິດທິພົນຊື່ສຽງຂອງກໍາປູເຈຍ ນັບມື້ນັບໄດ້ຮັບການຍົກສູງຂຶ້ນ ໃນເວທີພາກພື້ນ ແລະ ສາກົນ.

- new3 - ນາຍົກລັດຖະມົນຕີ ​ທອງ​ລຸນ ສີ​ສຸ​ລິດ ຢ້ຽມຢາມ ຣາຊະອານາຈັກ ກຳປູເຈຍ​ສອງ​ປະ​ເທດ​ໄດ້​ຍົກ​ລະ​ດັບ​ຂຶ້ນ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ໝັ້ນ​ຄົງ​ຍາວ​ນານ

ໃນການພົບປະສອງຝ່າຍໄດ້ຮ່ວມກັນທົບທວນຄືນການຈັດຕັ້ງປະຕິບັດ ບັນດາເອກະສານຮ່ວມມືສອງຝ່າຍ ກໍ່ຄືການຕົກລົງຂອງການນຳຂັ້ນສູງສອງປະເທດ ໃນທຸກໆດ້ານ ຕະຫລອດໄລຍະຜ່ານມາ ແລະ ວາງແຜນການຮ່ວມມືໃນຕໍ່ໜ້າ, ເປັນຕົ້ນແມ່ນການຮ່ວມມືດ້ານການເມືອງ, ການຕ່າງປະເທດ, ປ້ອງກັນຊາດ-ປ້ອງກັນຄວາມສະຫງົບ, ການຮ່ວມມືດ້ານຊາຍແດນ; ດ້ານເສດຖະກິດ, ການຄ້າ,​ ການລົງທຶນ, ໂຍທາທິການ ແລະ ຂົນສົ່ງ, ຂົງ​ເຂດ ພະລັງງານ, ກະສິກຳ ແລະ ການປະມົງ, ການຮ່ວມມືດ້ານສັງຄົມ-ວັດທະນະທຳ, ສຶກສາ ແລະ ກິລາ, ແຮງງານ ແລະ ສະຫວັດດີການສັງຄົມ, ວັດທະນະທຳ ແລະ ທ່ອງທ່ຽວ, ສາທາລະນະສຸກ ຕະຫລອດຮອດ ການພົວພັນຮ່ວມມືໃນລະດັບທ້ອງຖິ່ນ, ແຂວງແຮກ ສ່ຽວ ກໍ່ຄື ການຮ່ວມມືໃນກອບພາກພື້ນ ແລະ ອານຸພາກພື້ນ. ສອງຝ່າຍໄດ້ແລກປ່ຽນຄໍາຄິດຄໍາເຫັນແບບກົງໄປກົງມາ, ຈິງໃຈ ແລະ ເປັນເອກະພາບກັນສູງ ໂດຍສອງນາຍົກລັດຖະມົນຕີ ໄດ້ຊີ້ນຳບັນດາຂະ     ແໜງການທີ່ກ່ຽວຂ້ອງ ຈົ່ງເອົາໃຈໃສ່ ຮ່ວມກັນຈັດຕັ້ງປະຕິບັດບັນດາຂໍ້ຕົກລົງ ທີ່ສອງຝ່າຍໄດ້ມີຮ່ວມກັນ ກໍ່ຄືການຕົກລົງຂັ້ນສູງຂອງການນຳສອງປະເທດ ໃຫ້ປາກົດຜົນເປັນຈິງ, ແກ້ໄຂບັນຫາການກຳນົດຊາຍແດນທີ່ຍັງຄົງຄ້າງໃຫ້ສຳເລັດຢ່າງສົມບູນໂດຍໄວ ແລະ ສືບຕໍ່ຮັກສາກົນໄກການພົບປະ ແລະ ປະສານງານກັນໃນແຕ່ລະລະດັບ ເພື່ອຊຸກຍູ້ໃຫ້ການຮ່ວມມືໃນແຕ່ລະດ້ານໄດ້ຮັບການຈັດຕັ້ງປະຕິບັດຢ່າງມີປະສິດຕິພາບ.

ໃນໂອກາດຢ້ຽມຢາມຄັ້ງນີ້, ສອງນາຍົກລັດຖະມົນຕີໄດ້ຮ່ວມລົງນາມ ແລະ ເປັນສັກຂີພິຍານໃນການລົງນາມເອກະສານຮ່ວມມືສອງຝ່າຍ ຈຳນວນ 06 ສະບັບ ຄື: ຖະແຫລງການຮ່ວມ ລະຫວ່າງ ນາ ຍົກລັດຖະມົນຕີ ແຫ່ງ ສປປ ລາວ ກັບ ນາຍົກລັດຖະມົນຕີ ແຫ່ງ ຣາຊະອານາຈັກກໍາປູເຈຍ; ສັນຍາວ່າດ້ວຍການຮ່ວມມືຂະແໜງພະລັງງານໄຟຟ້າ (ປັບປຸງປ່ຽນແທນສະບັບທີ່ໄດ້ລົງນາມໃນປີ 1999); ສັນຍາຊື້ຂາຍສະໜອງໄຟຟ້າ 500 MW ແບບລະບົບສູ່ລະບົບ ລະຫວ່າງ ລັດວິສາຫະກິດໄຟຟ້າລາວ ແລະ ລັດວິສາຫະກິດໄຟຟ້າກຳປູເຈຍ; ສັນຍາຊື້ຂາຍໄຟຟ້າໂຄງການໄຟຟ້າຖ່ານຫີນກະລຶມ ເພື່ອຂາຍໄຟຟ້າໃຫ້ກັບລັດວິສາຫະກິດໄຟຟ້າກຳປູເຈຍ; ສັນຍາຊື້ຂາຍໄຟຟ້າໂຄງການໄຟຟ້າຖ່ານຫີນລະມານ ເພື່ອຂາຍໄຟຟ້າໃຫ້ກັບລັດວິສາຫະກິດໄຟຟ້າກຳປູເຈຍ ແລະ ບົດບັນທຶກຄວາມເຂົ້າໃຈ ວ່າດ້ວຍການຮ່ວມມືດ້ານແຮງງານ.

ພາຍຫລັງສຳເລັດການພົບປະທາງການ ແລະ ພິທີລົງນາມ ສອງນາຍົກລັດຖະມົນຕີໄດ້ຖະແຫລງຂ່າວຮ່ວມ ຊຶ່ງທັງສອງຝ່າຍໄດ້ຢືນຢັນຄືນເຖິງຄວາມມຸ້ງໝັ້ນ ໃນການສືບຕໍ່ເສີມຂະຫຍາຍສາຍພົວພັນມິດ ຕະພາບ, ຄວາມສາມັກຄີຊ່ວຍເຫລືອຊຶ່ງກັນ ແລະ ກັນ ຖານບ້ານໃກ້ເຮືອນຄຽງ ບ້ານພີ່ເມືອງນ້ອງ ບ້ານແກ່ວເມືອງດອງ ທີ່ເປັນມູນເຊື້ອອັນດີງາມມາແຕ່ດົນນານ ລະຫວ່າງສອງປະເທດ ກໍຄື ສອງລັດຖະບານ ໃຫ້ນັບມື້  ແໜ້ນແຟ້ນຍິ່ງໆຂຶ້ນ ບົນພື້ນຖານເຄົາລົບອະທິປະໄຕ, ຄວາມສະເໝີພາບ,​ ຕ່າງຝ່າຍຕ່າງມີຜົນປະໂຫຍດຮ່ວມກັນ. ພິເສດໃນໂອກາດການຢ້ຽມຢາມຄັ້ງນີ້ ສອງຝ່າຍຍັງໄດ້ຕົກລົງຍົກລະດັບການພົວພັນສອງຝ່າຍ ລະຫວ່າງ ສປປ ລາວ ແລະ ຣາຊະອານາຈັກ ກໍາປູເຈຍ ຂຶ້ນເປັນຄູ່ຮ່ວມຍຸດທະສາດຮອບດ້ານ ແລະ ໝັ້ນຄົງຍາວນານ; ສອງຝ່າຍເຫັນດີໃຫ້ບັນດາກະຊວງ ແລະ ຂະແໜງການກ່ຽວຂ້ອງ ສືບຕໍ່ຈັດຕັ້ງປະຕິບັດຕາມເນື້ອໃນສັນຍາ, ຂໍ້ຕົກລົງຕ່າງໆ ທີ່ສອງຝ່າຍໄດ້ເຊັນກັນ ກໍ່ຄື ການຕົກລົງຂອງການນຳຂັ້ນສູງສອງປະເທດ ໃຫ້ນັບມື້ແຕກດອກອອກຜົນຫລາຍຂຶ້ນ ໂດຍຜ່ານກົນໄກການຮ່ວມມືສອງຝ່າຍຄື: ຄະນະກໍາມະການຮ່ວມມືວ່າດ້ວຍ ການຮ່ວມມືສອງຝ່າຍ ລາວ-ກໍາປູເຈຍ (JC), ກໍ່ຄືກົນໄກຮ່ວມມືອື່ນໆ; ສອງຝ່າຍໄດ້ເປັນເອກະພາບກັນ ແລະ ຢືນຢັນວ່າ ບໍລິເວນ ແກ້ງຕໍມໍຄອຍ-ຫ້ວຍຕະເງົາ ເປັນບໍລິເວນຄົງຄ້າງທີ່ຍັງບໍ່ທັນໄດ້ຮັບການແກ້ໄຂ, ດັ່ງນັ້ນຈຶ່ງໄດ້ເຫັນດີເປັນເອກະພາບກັນວ່າໄລຍະທີ່ກຳລັງສືບຕໍ່ແກ້ໄຂນີ້ແມ່ນ:

1. ບໍ່ໃຫ້ມີກຳລັງທະຫານຢູ່ໃນບໍລິເວນນີ້

- c53e9110 8b8c 4b50 bb96 f5718075e87a 1024x682 - ນາຍົກລັດຖະມົນຕີ ​ທອງ​ລຸນ ສີ​ສຸ​ລິດ ຢ້ຽມຢາມ ຣາຊະອານາຈັກ ກຳປູເຈຍ​ສອງ​ປະ​ເທດ​ໄດ້​ຍົກ​ລະ​ດັບ​ຂຶ້ນ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ໝັ້ນ​ຄົງ​ຍາວ​ນານ

2. ບໍ່ໃຫ້ມີປະຊາຊົນອາໄສຢູ່ ຫລື ດໍາເນີນກິດຈະກໍາໃດໆຢູ່ບໍລິເວນດັ່ງກ່າວ ແລະ

3. ໃຫ້ມີການກວດກາຮ່ວມກັນ ທັງທາງບົກ, ທາງນໍ້າ ແລະ ທາງອາກາດ.

- lattana 1 - ນາຍົກລັດຖະມົນຕີ ​ທອງ​ລຸນ ສີ​ສຸ​ລິດ ຢ້ຽມຢາມ ຣາຊະອານາຈັກ ກຳປູເຈຍ​ສອງ​ປະ​ເທດ​ໄດ້​ຍົກ​ລະ​ດັບ​ຂຶ້ນ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ໝັ້ນ​ຄົງ​ຍາວ​ນານ
- 7827adea 35fe 4fa0 b6fa c1071aac43d2 - ນາຍົກລັດຖະມົນຕີ ​ທອງ​ລຸນ ສີ​ສຸ​ລິດ ຢ້ຽມຢາມ ຣາຊະອານາຈັກ ກຳປູເຈຍ​ສອງ​ປະ​ເທດ​ໄດ້​ຍົກ​ລະ​ດັບ​ຂຶ້ນ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ໝັ້ນ​ຄົງ​ຍາວ​ນານ
- 831bd022 806e 467d 97c3 6667e2c3eec2 - ນາຍົກລັດຖະມົນຕີ ​ທອງ​ລຸນ ສີ​ສຸ​ລິດ ຢ້ຽມຢາມ ຣາຊະອານາຈັກ ກຳປູເຈຍ​ສອງ​ປະ​ເທດ​ໄດ້​ຍົກ​ລະ​ດັບ​ຂຶ້ນ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ໝັ້ນ​ຄົງ​ຍາວ​ນານ
- 1335e4e3 9ad9 4850 b6be 5ae85520a63e - ນາຍົກລັດຖະມົນຕີ ​ທອງ​ລຸນ ສີ​ສຸ​ລິດ ຢ້ຽມຢາມ ຣາຊະອານາຈັກ ກຳປູເຈຍ​ສອງ​ປະ​ເທດ​ໄດ້​ຍົກ​ລະ​ດັບ​ຂຶ້ນ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ໝັ້ນ​ຄົງ​ຍາວ​ນານ

ການກວດກາຮ່ວມສອງຝ່າຍແມ່ນສາມາດກວດກາໂດຍການໃຊ້ກຳລັງຄົນ ຫລື ການໃຊ້ເຮືອບິນບໍ່ມີຄົນຂັບ (Drone). ສອງຝ່າຍເຫັນດີໃຫ້ຮັກສາສະຖານະພາບເດີມບໍລິເວນຊາຍແດນທີ່ຍັງຄົງຄ້າງ ໂດຍປາສະຈາກສິ່ງປຸກສ້າງຕ່າງໆ ທີ່ພາໃຫ້ມີການປ່ຽນແປງສະພາບບໍລິເວນດັ່ງກ່າວ ຈົນກວ່າສອງຝ່າຍຈະສຳເລັດການສຳຫລວດ ແລະ ປັກຫລັກໝາຍຊາຍແດນໃຫ້ສຳເລັດ; ສອງຝ່າຍ ເຫັນດີຕົກລົງກັນຮ່າງສົນທິສັນຍາ ວ່າດ້ວຍການກຳນົດເສັ້ນຊາຍແດນ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ກັບ ຣາຊະອານາຈັກກຳປູເຈຍ ໃນບໍລິເວນທີ່ທັງສອງຝ່າຍໄດ້ສໍາຫລວດ ແລະ ໄດ້ຕົກລົງເອກະພາບກັນແລ້ວໃນ  86% ຂອງແລວເຂດຊາຍແດນ ລະຫວ່າງ ສອງປະເທດ ເພື່ອດໍາເນີນການປັກຫລັກໝາຍຊາຍແດນໃຫ້ສຳເລັດໂດຍໄວ. ພາຍຫລັງສຳເລັດສົນທິສັນຍາແລ້ວ ສອງຝ່າຍເປັນເອກະພາບກັນຈະດຳເນີນການປັກຫລັກໝາຍຖີ່ ແລະ ຍົກລະດັບຫລັກໝາຍຊາຍແດນ ທີ່ມີຢູ່ແລ້ວນັ້ນໃຫ້ໄດ້ມາດຕະຖານ ແລະ ມີຄວາມແຂງແກ່ນຕື່ມ. ສໍາລັບບໍລິເວນຊາຍແດນທີ່ຄົງຄ້າງມິດຕະພາບ ທັງສອງຝ່າຍເຫັນດີຈະສືບຕໍ່ປຶກສາຫາລື ເພື່ອຊອກຊ່ອງທາງແກ້ໄຂຮ່ວມກັນຕໍ່ໄປໃຫ້ສໍາເລັດໂດຍສົມບູນ.

ໃນຕອນຄໍ່າວັນດຽວກັນ, ທ່ານນາຍົກລັດຖະມົນຕີ ທອງລຸນ ສີສຸລິດ ພ້ອມດ້ວຍຄະນະຜູ້ແທນຂັ້ນສູງ ຂອງລາວ ໄດ້ເຂົ້າຮ່ວມງານລ້ຽງອາຫານຄໍ່າ ຈັດເປັນກຽດໂດຍ ສົມເດັດ ນາຍົກລັດຖະມົນຕີ ເຕໂຈ ຮຸນແຊນ ຊຶ່ງມີການເຂົ້າຮ່ວມຂອງການນຳຂັ້ນສູງຂອງກຳປູເຈຍ, ທີ່ຫໍສັນຕິພາບ.

ໃນໂອກາດຢ້ຽມຢາມ ຣາຊະອານາຈັກ ກຳປູເຈຍ ໃນຄັ້ງນີ້, ທ່ານ ທອງລຸນ ສີສຸລິດ ຍັງໄດ້ເຂົ້າຢ້ຽມຂໍ່ານັບ ສົມເດັດ ຊາຍ ຊຸມ, ປະທານສະພາສູງ ແລະ ຮັກສາການປະມຸກລັດ ແລະ ສົມເດັດ ເຮັງ ຊໍາຣິນ, ປະທານສະພາແຫ່ງຊາດ ກຳປູເຈຍ; ແລະ ໄດ້ວາງພວງມາລາ ທີ່ ອານຸສາວະລີເອກະລາດ ແລະ ອານຸສາວະລີ ເຈົ້າໂນໂຣດົມສີຫານຸ.

ໃນວັນທີ 13 ກັນຍາ 2019, ທ່ານ ນາຍົກລັດຖະມົນຕີ ທອງລຸນ ສີສຸລິດ ພ້ອມດ້ວຍຄະນະຜູ້ແທນຂັ້ນສູງຂອງລາວ ໄດ້ເດີນທາງກັບຄືນປະເທດ ດ້ວຍຄວາມສະຫວັດດີພາບ, ສຳເລັດການຢ້ຽມຢາມ ຣາຊະອານາຈັກ ກຳປູເຈຍ ຢ່າງເປັນທາງການ ດ້ວຍຜົນສຳເລັດສູງ.

error: Content is protected !!