ທ່ານ​ເລ​ນິນ​ກັບ​ວິທີ​ຮຽນ​ພາສາ​ຕ່າງປະ​ເທດ

- advert banner 728 90 728x90 - ທ່ານ​ເລ​ນິນ​ກັບ​ວິທີ​ຮຽນ​ພາສາ​ຕ່າງປະ​ເທດ

- new3 - ທ່ານ​ເລ​ນິນ​ກັບ​ວິທີ​ຮຽນ​ພາສາ​ຕ່າງປະ​ເທດ

ໂດຍ: ວິ​ເສດ ສະ​ແຫວ​ງສຶກສາ

ເກືອບຮອດ 40 ປີແລ້ວ ເດ ນັບແຕ່ຜູ້ຂຽນຮຽນຈົບມາແຕ່ສະຫະພາບໂຊຫວຽດ (ຕອນນັ້ນຍັງບໍ່ທັນເປັນ “ອະດີດ” ເທື່ອ) ແຕ່ວັນເວລາ ເໝືອນກັບວ່າຫາກໍຜ່ານໄປເມື່ອວານນີ້ເອງເພາະຄວາມ ຊົງຈຳຫລາຍໆ ເລື່ອງຍັງ   ເຕັ້ນດີດສະກິດຫົວໃຈຢູ່ບໍ່ຈາງຫາຍເປັນ.

ແຕ່ສຳລັບມື້ນີ້ຂໍເວົ້າ ສະເພາະແຕ່ເລື່ອງທ່ານ ເລນິນ ກັບການຮຽນພາສາຕ່າງ ປະເທດທີ່ຜູ້ຂຽນຈື່ບໍ່ລືມ. ເລື່ອງນີ້ອາຈານທ່ານໜຶ່ງ ເລົ່າໃຫ້ຝັງເພື່ອເປັນກຳລັງ ໃຈໃຫ້ຜູ້ຂຽນ ແລະ ເພື່ອນໆ ຮ່ວມຫ້ອງເອົາໃຈໃສ່ຮຽນພາສາລັດເຊຍ. ພາສາເປັນ ເຄື່ອງມືຕົ້ນຕໍເພື່ອຂັບເຄື່ອນ ສູ່ຄວາມຮູ້ ແລະ ຜົນສຳເລັດໃນການສຶກສາຂອງຜູ້ຂຽນເອງ.

ທ່ານ ເລນິນ ແມ່ນໃຜນັ້ນບໍ່ເວົ້າ, ທ່ານຜູ້ອ່ານກໍຄົງຮູ້ແລ້ວຂໍເວົ້າພຽງວ່າທ່ານ ເປັນບິດາຈານ ແຫ່ງການປະຕິວັດລັດເຊຍ, ເປັນຜູ້ສ້າງ ຕັ້ງລັດແຫ່ງຊົນຊັ້ນກຳມະກອນທຳອິດໃນໂລກເອີ້ນວ່າ ສະຫະພາບໂຊຫວຽດ.

ທ່ານເລນິນໄດ້ວາງຄຳຂວັນອຳມະຕະ ສຳລັບທຸກຄົນທີ່ຕ້ອງການຜົນສຳເລັດສູງສຸດໃນການສຶກສາວ່າ: “ຮຽນຮຽນຮຽນ! ຮຽນ ແລ້ວຮຽນອີກຮຽນເລື້ອຍໆໄປ!”  ນີ້ ຄືປະໂຫຍດແປ ເປັນພາສາລາວ ທີ່ພວກເຮົາລື້ງຫູມາ ແລ້ວ, ແຕ່ຖ້າໃຫ້ຖືກກັບພາສາລັດເຊຍທີ່ອອກຈາກປາກ ຂອງທ່ານເລນິນແທ້ແລ້ວ ກໍຄວນແປວ່າ “ຮຽນດ້ວຍ ຕົນເອງ” ບໍ່ແມ່ນ “ຮຽນ” ລ້າໆ.

ເພາະທ່ານ ເລນິນ ນັ້ນຕະ ຫລອດຊີວິດ, ທ່ານຢຶດຖືການຮຽນຮູ້ດ້ວຍຕົນເອງເປັນຕົ້ນຕໍ. ທ່ານເອງຮຽນບໍ່ຈົບເພາະຕ້ອງໄດ້ເຄື່ອນໄຫວນຳພາຂະບວນການປະຕິວັດ ເພື່ອນໂຄ່ນລົ້ມລະບອບພະເຈົ້າຊາ. ທ່ານຖືກຈັບກຸມ, ຖືກເນລະເທດໄປຢູ່ເຂດ ຊີເບຣີ ບ່ອນຄວາມໜາວບໍ່ເຄີຍປານີມະນຸດໜ້າໃດເລີຍ ແລະ ອີກຫລາຍໆ ຄັ້ງທ່ານ ກໍຕ້ອງໄດ້ເຄື່ອນໄຫວລີຊ້ອນຢູ່ຕ່າງປະເທດ, ດັ່ງນັ້ນຈະໃຫ້ທ່ານ ມີໂອກາດນັ່ງຢູ່ຫ້ອງຮຽນໄດ້ແນວໃດ.

ທ່ານ ອາຈານ ໄດ້ຍົກຕົວຢ່າງໜຶ່ງທີ່ຜູ້ຂຽນຈື່ບໍ່ລືມນັ້ນ ກໍຄືວິທີທ່ານເລນິນຮຽນພາສາອັງກິດດ້ວຍຕົນເອງ ບໍ່ເຖິງປີແຕ່ກໍສາມາດຂຽນບົດ ຄວາມເປັນພາສາອັງກິດສົ່ງ ໄປລົງໜັງສືພິມຢູ່ສະຫະລັດ ອາເມລິກາ. ພາສາຕ່າງປະ ເທດ ທີ່ທ່ານເລນິນມີຄວາມ ຊຳນານເພາະໄດ້ມີໂອກາດ ຮຽນຢ່າງເປັນລະບົບໄດ້ແກ່ ພາສາຝຣັ່ງເສດ ແລະ ເຢຍລະ ມັນ ສ່ວນພາສາອັງກິດ ນັ້ນ ທ່ານບຸກບືນຮຽນເອົາເອງ 100% ທ່ານອາຈານເວົ້າໃຫ້ ຜູ້ຂຽນຟັງວ່າ, ທ່ານເລນິນມີ ວິທີຮຽນພາສາຕ່າງປະເທດ ແບບສະເພາະ ແລະ ທ່ານ ກໍໄດ້ນຳໃຊ້ວິທີດັ່ງກ່າວເພື່ອ ຮຽນພາສາອັງກິດ.

- lattana 1 - ທ່ານ​ເລ​ນິນ​ກັບ​ວິທີ​ຮຽນ​ພາສາ​ຕ່າງປະ​ເທດ

ວິທີຂອງທ່ານມີ 4 ບາດ ກ້າວ:

ບາດກ້າວທີ 1 ທ່ານອ່ານ ຄົ້ນຄວ້າບົດຮຽນເປັນພາສາ ອັງກິດຢ່າງລະອຽດເຊັ່ນ: ຫລັກໄວຍາກອນ, ປະໂຫຍກ ຄຳສັບ ທີ່ມີໃນບົດນັ້ນ.

ບາດກ້າວທີ 2 ທ່ານສົມ ທຽບບົດພາສາອັງກິດກັບ ພາສາລັດເຊຍທີ່ເປັນພາສາ ແມ່ຂອງທ່ານເພື່ອຊອກຫາ ຄວາມແຕກຕ່າງ ແລະ ຄວາມ ຄ້າຍຄຽງກັນ (ດ້ານຫລັກ ໄວຍາກອນ ແລະ ໂຄງປະ ກອບຂອງປະໂຫຍກ) ພ້ອມ ທັງຮຽນຄຳສັບໃໝ່ໆ.

ບາດກ້າວທີ 3 ທ່ານລົງ ມືແປບົດພາສາອັງກິດເປັນພາສາລັດເຊຍ ແລະ ບາດກ້າວທີ 4 ທ່ານແປບົດລັດເຊຍນັ້ນຄືນເປັນພາສາອັງກິດ ໂດຍບໍ່ເບິ່ງຕົ້ນສະບັບພາສາອັງກິດ. ຫລັງຈາກນັ້ນທ່ານ ເລນິນກໍເອົາບົດພາສາອັງ ກິດທີ່ທ່ານແປຈາກພາສາ ລັດເຊຍມາສົມທຽບກັບບົດ ພາສາອັງກິດຕົ້ນສະບັບວ່າ ມີບ່ອນຜິດບ່ອນຖືກແນວໃດ ແລ້ວທ່ານກໍຈະເອົາໃຈໃສ່ ແປຄືນສະເພາະບ່ອນທີ່ຜິດ ເທົ່ານັ້ນ.

ທ່ານເລນິນຮຽນພາສາອັງກິດດ້ວຍຕົນເອງວັນລະ 15-20 ນາທີ ເທົ່ານັ້ນແຕ່ ທ່ານ ເຮັດເປັນປັກກະຕິທີ່ສຸດ.

ສະຫລຸບຄວາມແລ້ວ ທ່ານເລນິນຮຽນພາສາຕ່າງ ປະເທດດ້ວຍຫລັກການແປ ລະຫວ່າງພາສາທີ່ຮຽນກັບ ພາສາແມ່ຂອງ ທ່ານເປັນ ຕົ້ນຕໍ./.

- 7587 - ທ່ານ​ເລ​ນິນ​ກັບ​ວິທີ​ຮຽນ​ພາສາ​ຕ່າງປະ​ເທດ
error: Content is protected !!