ບໍລິຈາກທີ່ຈິງໃຈ ນໍາໃຊ້ຢ່າງປອດໃສ

ບໍລິຈາກທີ່ຈິງໃຈ ນໍາໃຊ້ຢ່າງປອດໃສ - advert banner 728 90 728x90 - ບໍລິຈາກທີ່ຈິງໃຈ ນໍາໃຊ້ຢ່າງປອດໃສ

​ໂດຍ: ມຶກບໍ່​ແຫ້ງ

ບໍລິຈາກທີ່ຈິງໃຈ ນໍາໃຊ້ຢ່າງປອດໃສ - new3 - ບໍລິຈາກທີ່ຈິງໃຈ ນໍາໃຊ້ຢ່າງປອດໃສ

ຍ້ອນໄພພິບັດນໍ້າຖ້ວມ ມວນປະຊາຊົນລາວພ້ອມທັງຫ້າງຮ້ານ ບໍລິສັດໄດ້ເຕົ້າໂຮມຄວາມສາມັກຄີກັນບໍລິຈາກເງິນຄຳ ພ້ອມທັງວັດຖຸສິ່ງຂອງເພື່ອຊ່ວຍພີ່ນ້ອງຮ່ວມຊາດທີ່ປະສົບໄພ ແຕ່ສິ່ງໜຶ່ງຜູ້ຄົນຄິດນຳບໍ່ໜ້ອຍກໍຄື ເລື່ອງການ ນຳໃຊ້ເງິນ ແລະ ເຄື່ອງບໍລິຈາກເຫຼົ່ານັ້ນ.

ການເກີດໄພພິບັດ ໂດຍສະເພາະໄພນໍ້າຖ້ວມໃນປະເທດເຮົານັ້ນ ຖືວ່າໜັກໜ່ວງສົມຄວນໃນປີນີ້ເຮັດໃຫ້ປະຊາຊົນຈຳນວນຫຼາຍໄດ້ຮັ ຜົນກະທົບ, ອີງຕາມການລາຍງານຂອງກະຊວງແຮງງານ ແລະ ສະຫວັດ ດີການ ສັງຄົມລາຍຫຼ້າສຸດໃຫ້ຮູ້ວ່າ ໄພນໍ້າຖ້ວມປັດຈຸບັນ ໂດຍສະເພາະ 6 ແຂວງພາກກາງຫາພາກໃຕ້ໄດ້ສົ່ງຜົນກະທົບໂດຍກົງຕໍ່ປະຊາຊົນ220 ພັນກວ່າຄົນ ກວມເອົາ ປະມານ 3% ຂອງປະຊາກອນທົ່ວປະເທດ.

ບໍລິຈາກທີ່ຈິງໃຈ ນໍາໃຊ້ຢ່າງປອດໃສ - 70723252 1109845585885887 2597022387220250624 n - ບໍລິຈາກທີ່ຈິງໃຈ ນໍາໃຊ້ຢ່າງປອດໃສ
ບໍລິຈາກທີ່ຈິງໃຈ ນໍາໃຊ້ຢ່າງປອດໃສ - 69551032 1108433822693730 3535668377156583424 n - ບໍລິຈາກທີ່ຈິງໃຈ ນໍາໃຊ້ຢ່າງປອດໃສ

ຕໍ່ສະພາບດັ່ງກ່າວໄດ້ເຮັດໃຫ້ສັງ​ຄົມມີຄວາມເຫັນອົກເຫັນໃຈພີ່ນ້ອງຮ່ວມຊາດ ເພາະສະນັ້ນ ຫຼາຍພາກສ່ວນ ນັບແຕ່ສ່ວນບຸກຄົນ ຜູ້ທີ່ມີເງື່ອນໄຂ ກໍໄດ້ບໍລິຈາກວັດຖຸສິ່ງຂອງຈຳເປັນ, ອາຫານ ແລະ ເຄື່ອງດຶ່ມ, ນອກນັ້ນ ບັນດາບໍລິສັດ ຮ້າງຮ້ານຕ່າງໆ ກໍໄດ້ຊ່ວຍເຫຼືອລັດຖະບານດ້ວຍເງິນ, ບາງບໍລິສັດກໍໃຫ້ຫຼາຍຕື້ ບາງບໍລິສັດກໍໃຫ້ຫຼາຍລ້ານຕາມແຕ່ເງື່ອນໄຂ ເມື່ອມາໂຮມເຂົ້າກັນແລ້ວກໍຖືວ່າຫຼາຍສົມຄວນ.

ບໍລິຈາກທີ່ຈິງໃຈ ນໍາໃຊ້ຢ່າງປອດໃສ - 69687585 1108415786028867 2073208248814534656 n - ບໍລິຈາກທີ່ຈິງໃຈ ນໍາໃຊ້ຢ່າງປອດໃສ
ບໍລິຈາກທີ່ຈິງໃຈ ນໍາໃຊ້ຢ່າງປອດໃສ - f6e34bb3 5847 4685 8148 7ddb85b12341 1 1024x768 - ບໍລິຈາກທີ່ຈິງໃຈ ນໍາໃຊ້ຢ່າງປອດໃສ

ການຊ່ວຍເຫຼືອ ດ້ວຍການບໍລິຈາກເປັນເງິນນັ້ນ ຖືວ່າເປັນປະໂຫຍດຢ່າງຍິ່ງ  ເພາະວ່າ ພາກສ່ວນຮັບຜິດ ຊອບຂອງລັດຖະບານ ເພິ່ນຈະສາມາດໃຊ້ຈ່າຍຕາມຄວາມເໝາະສົມ ວ່າອັນໃດຕ້ອງການດ່ວນ, ອັນໃດຕ້ອງການໜ້ອຍ-ຫຼາຍ ອີງຕາມຄວາມຮຽກຮ້ອງຕ້ອງການຕົວຈິງຂອງປະຊາຊົນຜູ້ໄດ້ຮັບຜົນກະທົບໂດຍຜ່ານການປະເມີນຜົນເສຍຫາຍຄັກແນ່.

ແຕ່ສິ່ງທີ່ປະຊາຊົນ ມີຄວາມສົງໄສກໍຄືຄວາມອາດສາມາດ ແລະ ຄວາມຂາວສະອາດ ໃນການຄຸ້ມຄອງ ແລະນໍາໃຊ້ເງິນນັ້ນເອງ ເພາະຜ່ານມາ ພວກເຮົາເຫັນໄດ້ວ່າຕອນທີ່ບໍລິຈາກແມ່ນເຜີຍໃຫ້ສັງຄົມຮັບຮູ້ຢ່າງກວ້າງຂວາງ ຜ່ານທາງສື່ຕ່າງໆ.

ບໍລິຈາກທີ່ຈິງໃຈ ນໍາໃຊ້ຢ່າງປອດໃສ - lattana 1 - ບໍລິຈາກທີ່ຈິງໃຈ ນໍາໃຊ້ຢ່າງປອດໃສ

ເມື່ອເປັນເຊັ່ນນັ້ນອາດເປັນການດີທີ່ສຸດຖ້າຫາກວ່າພວກເຮົາສາມາດ ເຜີຍແຜ່ລາຍລະອຽດໃນການໃຊ້ຈ່າຍຕົວຈິງຂອງເງິນບໍລິຈາກເຫຼົ່ານັ້ນ ຕໍ່ສາທາລະນະຊົນ ວ່າ ເງິນທີ່ບໍລິຈາກນັ້ນ ປະຊາຊົນຜູ້ໄດ້ຮັບຜົນກະທົບ ໄດ້ຮັບຜົນປະໂຫຍດແທ້.

ແນ່ນອນ ການເກີດໄພພິບັດນັ້ນ ມີທ່າອ່ຽງທີ່ນັບມື້ນັບຮຸນແຮງ ແລະ ຖີ່ຂຶ້ນຊັກໄຊ້ ເມື່ອເປັນເຊັ່ນນັ້ນ ຈຶ່ງຕ້ອງຮຽກຮ້ອງການຊ່ວຍເຫຼືອຈາກທຸກ ພາກສ່ວນຂອງສັງຄົມຮວມທັງການຊ່ວຍເຫຼືອເປັນເງິນ, ເພາະສະນັ້ນ ຖ້າຫາກວ່າ ການນຳໃຊ້ເງິນບໍລິຈາກພວກເຮົາມີຄວາມໂປ່ງໄສ ແລະ ມີປະສິດທິຜົນເທົ່າໃດ ຍິ່ງສ້າງຄວາມເຊື່ອໝັ້ນແກ່ປະຊາຊົນ ຜູ້ມີຈິດໃຈ ເອື້ອເຟື້ອຍ ເຜື່ອແຜ່ເທົ່ານັ້ນ.

ເມື່ອມີຄວາມໄວ້ເນື້ອເຊື່ອໃຈແລ້ວບໍ່ມີສິ່ງໃດທີ່ຈະມາຫັກຫ້າມເຂົາ ເຈົ້າໃນການບໍລິຈາກຄັ້ງຕໍ່ໆໄປຖ້າຫາກມີໄພສຸກເສີນຂຶ້ນກັບປະເທດກໍຄືປະຊາຊົນເຮົາ.

ຜ່ານມາກໍສະແດງໃຫ້ເຫັນວ່າລັດຖະບານເຮົາໄດ້ພະຍາຍາມໃນການ ສ້າງກົນໄກ ແລະ ເປັນລະບົບລະບຽບທີ່ດີຂຶ້ນໃນການຄຸ້ມຄອງ ແລະ ນຳໃຊ້ ສິ່ງຂອງບໍລິຈາກຮວມທັງເງິນ ເພື່ອຊ່ວຍຜູ້ປະສົບໄພພິບັດ ໃຫ້ໄດ້ດີ ແລະ ທັນການກວ່າເກົ່າ ແລະ ເຊື່ອແນ່ວ່າສິ່ງດັ່ງກ່າວຈະຕ້ອງໄດ້ຮັບການປັບປຸງຂຶ້ນຕຶ່ມໃນອະນາຄົດ ບໍ່ວ່າດ້ານຄວາມອາດສາມາດ, ກົນໄກທີ່ຈະແຈ້ງ ແລະໂປ່ງໃສ ທີ່ສາມາດສ້າງຄວາມໄວ້ເນື້ອເຊື່ອໃຈໃຫ້ປະຊາຊົນຍິ່ງຂຶ້ນ.

error: Content is protected !!