ດ່ານ​ພາສີ​ສາກົນ​ປາກ​ຊັນ​ເກັບ​ລາຍ​ຮັບ​ບໍ່​ໄດ້​ຕາມ​ແຜນ​ຍ້ອນ​ສິນຄ້າ​ນຳ​ເຂົ້າຫລຸດ​ລົງ

- advert banner 728 90 728x90 - ດ່ານ​ພາສີ​ສາກົນ​ປາກ​ຊັນ​ເກັບ​ລາຍ​ຮັບ​ບໍ່​ໄດ້​ຕາມ​ແຜນ​ຍ້ອນ​ສິນຄ້າ​ນຳ​ເຂົ້າຫລຸດ​ລົງ

- new3 - ດ່ານ​ພາສີ​ສາກົນ​ປາກ​ຊັນ​ເກັບ​ລາຍ​ຮັບ​ບໍ່​ໄດ້​ຕາມ​ແຜນ​ຍ້ອນ​ສິນຄ້າ​ນຳ​ເຂົ້າຫລຸດ​ລົງ

ດ່ານພາສີສາກົນ ປາກຊັນ ແຂວງບໍລິຄຳໄຊ ເປັນອີກດ່ານໜຶ່ງເຊື່ອມຕໍ່ໄທ-ລາວ- ຫວຽດນາມ ອັນເປັນປະຕູ ເສດຖະກິດການບໍລິການທາງຜ່ານ, ຂອງແຂວງ ບໍລິຄຳໄຊ, ແຕ່ໃນ 8 ເດືອນຜ່ານມາ, ດ່ານດັ່ງກ່າວ ສາມາດເກັບລາຍຮັບຈາກພາສີໄດ້ພຽງ 132 ຕື້ກວ່າກີບ, ຫລຸດລົງ 42,32% ຂອງແຜນ ການວາງໄວ້ທັງນີ້ກໍຍ້ອນວ່າ ການນຳເຂົ້ານ້ຳມັນເຊື້ອໄຟ, ພາຫະນະ, ສິ້ນສ່ວນອາໄຫລ່, ອາຍແກັດ, ເຄື່ອງໃຊ້ໄຟຟ້າ, ສິນຄ້າປະເພດອື່ນໆ ຜ່ານດ່ານ ດັ່ງກ່າວຫລຸດລົງ.

ຮອງຫົວໜ້າດ່ານກ່າວວ່າ: ດ່ານພາສີສາກົນ ປາກຊັນໄດ້ເນັ້ນໃສ່ຂອດການບໍລິການໃຫ້ມີຄວາມສະດວກວ່ອງໄວ, ມີຄວາມໂປ່ງໃສ. ແຕ່ສາເຫດຫລັກທີ່ພາໃຫ້ເກັບລາຍຮັບບໍ່ໄດ້ຕາມແຜນແມ່ນມາຈາກການນໍາເຂົ້ານໍ້າມັນເຊື້ອໄຟຜ່ານດ່ານ, ແຫ່ງນີ້ຫລຸດລົງຍ້ອນໂຄງການກໍ່ສ້າງເຂື່ອນໄຟຟ້ານ້ຳງຽບ 1 ແລະ ໂຄງການພູ້ເບ້ຍມາຍນິງນຳເຂົ້ານ້ຳມັນເຊື້ອໄຟ.

- 225874 - ດ່ານ​ພາສີ​ສາກົນ​ປາກ​ຊັນ​ເກັບ​ລາຍ​ຮັບ​ບໍ່​ໄດ້​ຕາມ​ແຜນ​ຍ້ອນ​ສິນຄ້າ​ນຳ​ເຂົ້າຫລຸດ​ລົງ

- lattana 1 - ດ່ານ​ພາສີ​ສາກົນ​ປາກ​ຊັນ​ເກັບ​ລາຍ​ຮັບ​ບໍ່​ໄດ້​ຕາມ​ແຜນ​ຍ້ອນ​ສິນຄ້າ​ນຳ​ເຂົ້າຫລຸດ​ລົງ

ຫລຸດລົງເຊັ່ນກັນ ແລະ ອີກສາເຫດເຮັດໃຫ້ດ່ານພາສີສາກົນປາກຊັນບໍ່ສາດປະຕິບັດລາຍຮັບໄດ້ຕາມແຜນການກໍເນື່ອງຈາກດ່ານແຫ່ງ ນີ້ມີສະຖານທີ່ຄັບແຄບສ່ຽງເກີດອຸບັດເຫດ, ການຂົນສົ່ງສິນຄ້າໃຊ້ເຮືອບັກໃຫຍ່ເປັນພາຫະນະ, ການຂົນສົ່ງໃຊ້ ເວລາດົນ, ເດີ່ນບໍລິເວນສາງ ຍັງຢູ່ໃນຂັ້ນຕອນປັບປຸງ, ການບໍລິການຍັງບໍ່ທັນເຂົ້າສູ່ລະບົບສາກົນແບບ CIQ ແລະ ຍັງມີຫລາຍຂະແໜງການເຮັດວຽກຜ່ານຫລາຍຂອດຂັ້ນ, ການປະຕິບັດມູນ ຄ່າແຈ້ງຕາມຫລັກການຊື້- ຂາຍຕົວຈິງພົບຄວາມຫຍຸ້ງຍາກ, ການຊໍາລະສະສາງທາງດ້ານເອກະສານສຳ ລັບການນຳເຂົ້າສິນຄ້າເຄື່ອງຂອງໂຄງການ ທີ່ໄດ້ຮັບບຸລິ ມະສິດ ຍັງຊັກຊ້າບໍ່ທັນຕາມກຳນົດເວລາ.

ເຖິງແນວໃດກໍຕາມໃນ 4 ເດືອນທ້າຍປີນີ້, ດ່ານພາສີ ແຫ່ງນີ້ຈະສູ້ຊົນເກັບລາຍຮັບໃຫ້ໄດ້ 170 ຕື້ກີບ, ດ້ວຍການສືບຕໍ່ປະສານສົມທົບກັບກອງກວດພາສີປະຈຳແຂວງ ໃນການຄຸ້ມຄອງຕິດຕາມສິນຄ້ານຳເຂົ້າ ແລະ ສົ່ງອອກ, ສິນຄ້ານຳໃຊ້ໂຄງການລົງທຶນຕ່າງໆ; ສຸມໃສ່ຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ແລະ ເຂັ້ມງວດການ ປະຕິບັດ 10 ຂໍ້ຫ້າມ, ຂອງພະນັກງານຂະແໜງການເງິນ ເພີ່ມທະວີການຄຸ້ມຄອງກວດກາສິນຄ້າເຂົ້າ-ອອກດ່ານ, ຄຸ້ມຄອງການເກັບລາຍຮັບ ເຂົ້າງົບປະມານໃຫ້ຖຶກຕ້ອງ ຄົບຖ້ວນ ແລະ ທັນກຳນົດເວລາ./.

error: Content is protected !!