ຕ້ານ​ແລ້ງ​ຕ້ານ​ຖ້ວມ​ກາຍ​ເປັນ​ວາລະ​ຂອງ​ຊາດ

- advert banner 728 90 728x90 - ຕ້ານ​ແລ້ງ​ຕ້ານ​ຖ້ວມ​ກາຍ​ເປັນ​ວາລະ​ຂອງ​ຊາດ

ໂດຍ: ທິດ​ກ່ຳ

- new3 - ຕ້ານ​ແລ້ງ​ຕ້ານ​ຖ້ວມ​ກາຍ​ເປັນ​ວາລະ​ຂອງ​ຊາດ

ໃນເງື່ອນໄຂສະພາບດິນຟ້າອາກາດນັບມື້ມີການປ່ຽນແປງບໍ່ວ່າໃນປັດຈຸບັນ, ກໍຄືອະນາຄົດ, ເຫັນວ່າບັນຫາການຕ້ານແລ້ງ-ຕ້ານຖ້ວມຢູ່ ປະເທດເຮົາໄດ້ກາຍເປັນພາລະກິດອັນຍິ່ງ ໃຫຍ່ທີ່ພວກເຮົາບໍ່ຄວນລະເຫລີງຖືເບົາອີກແລ້ວ.

ອັນສາເຫດກໍຍ້ອນວ່າ ການປ່ຽນແປງດິນຟ້າອາກາດຂອງໂລກກໍຄືຢູ່ພາກພື້ນໄດ້ເຕືອນໃຫ້ພວກເຮົາຕ້ອງພ້ອມກັນຄິດ ແລະ ຮ່ວມກັນ ແກ້. ໃນປີ 2017 ເກີດມີໄພນ້ຳຖ້ວມໜັກຢູ່ທາງພາກເໜືອ ແຂວງອຸດົມໄຊຈາກນັ້ນ, ກໍຕໍ່ໃສ່ວັນທີ 23 ເດືອນ ກໍລະກົດ ເຊິ່ງໃນປີນັ້ນເອງໄດ້ ມີເຫດການເຂື່ອນເຊປຽນ- ເຊນ້ຳນ້ອຍແຕກຢູ່ເມືອງສະໜາມໄຊ, ແຂວງອັດຕະປື.

ຈາກໄພພິບັດດັ່ງກ່າວ, ໄດ້ເຮັດໃຫ້ປະຊາຊົນຈຳນວນ 6 ບ້ານໄດ້ຮັບຜົນກະທົບໜັກສົມຄວນ, ຄືມີຄົນຕາຍ ແລະ ຫາຍສາບສູນ 30 ກວ່າຄົນ, ເຮືອນຊານບ້ານຊ່ອງຂອງ ປະຊາຊົນ, ເນື້ອທີ່ການຜະລິດ, ໄຮ່ນາຮົ້ວສວນ, ເງິນຄຳ, ວັດຖຸຊັບສິນຖືກທຳລາຍເສຍ ຫາຍຮາບກ້ຽງ, ຕົ້ນເຫດກໍ ແມ່ນຍ້ອນເກີດມີພາຍຸຝົນຕົກໜັກ.

ປະຊາຊົນຈົນເຖິງຂັ້ນ ຍ້າຍບ້ານຍ້າຍເຮືອນໄປຕັ້ງຢູ່ແຫ່ງໃໝ່ທີ່ມີຄວາມປອດໄພກວ່າ, ທັງໄດ້ບຸກເບີກເນື້ອ ທີ່ການຜະລິດ, ສ້າງບ່ອນຢູ່ ທຳກິນໃໝ່ໃຫ້ປະຊາຊົນເຂົ້າສູ່ສະພາບປົກກະຕິເໝືອນເດີມ, ການຟື້ນຟູໄດ້ດຳເນີນ ໄປແຕ່ມື້ເກີດເຫດ ຈົນມາ ຮອດປີ 2019 ກໍຍັງບໍ່ ທັນສຳເລັດ ແລະ ພວມເລັ່ງລັດພັດທະນາໄປຢ່າງບໍ່ຂາດໄລຍະ.

ພໍຕົກມາໃນຕົ້ນເດືອນກັນ ຍາປີ 2019 ສິ່ງທີ່ບໍ່ຄາດຝັນ ກໍເກີດຂຶ້ນອີກ, ຄືເຫດການໄພພິບັດນ້ຳຖ້ວມຢູ່ 2 ແຂວງ ພາກກາງ ແລະ 4 ແຂວງພາກ ໃຕ້ຄື: ຄຳມ່ວນ, ສະຫວັນນະ ເຂດ, ສາລະວັນ, ເຊກອງອັດຕະປື ແລະ ຈຳປາສັກ.

ຄັ້ງນີ້, ເຫັນວ່າຟ້າຝົນຕົກໜັກໃນລັກສະນະຖີ່ຂຶ້ນ ແລະ ຮຸນແຮງກວ່າເກົ່າທັງເປັນບໍລິເວນກວ້າງກວມຫລາຍທ້ອງຖິ່ນເຂດແຂວງ, ໄດ້ສົ່ງຜົນກະທົບຕໍ່ຊີວິດການເປັນຢູ່ ຂອງປະຊາຊົນ ແລະ ເສດຖະກິດຂອງຊາດໜັກໜ່ວງສົມຄວນເຊັ່ນ: ມີຄົນເສຍຊີວິດ 10 ກວ່າຄົນ, ຟື້ນຖານເສດ ຖະກິດຂອງ ທ້ອງຖິ່ນກໍຄືຂອງຊາດຖືກທຳລາຍຫລາຍຮ້ອຍເຮັກຕາ, ຂົວ, ຖະໜົນຫົນທາງ, ເຮືອນຊານບ້ານຊ່ອງ, ວັດຖຸຊັບສິນຈຳນວນຫລວງຫລາຍຖືກທຳລາຍເສຍຫາຍ.

- lattana 1 - ຕ້ານ​ແລ້ງ​ຕ້ານ​ຖ້ວມ​ກາຍ​ເປັນ​ວາລະ​ຂອງ​ຊາດ

ນອກຈາກຜົນກະທົບຈາກຟ້າຝົນຕາມລະດູການ ແລ້ວພໍຕົກຍາມແລ້ງມາກໍມີສະພາບອາກາດຮ້ອນໂພດ, ໜາວໂພດຄືດັ່ງໃນປີທີ່ ຜ່ານໆມາ.

ເພາະສະນັ້ນ, ພວກເຮົາຕ້ອງມີແຜນຕອບຕ້ານ- ຕອບໂຕ້ໄພພິບັດແຫ່ງຊາດໄວ້ກ່ອນລ່ວງໜ້າບໍ່ຄວນລໍຖ້າໃຫ້ມັນເກີດຂຶ້ນແລ້ວ ຈຶ່ງພາກັນເຕື້ອງລົງມືເຫັນວ່າ ມີຄວາມອຶດອາດຊັກຊ້າເຮັດ ໃຫ້ມີການເສຍຫາຍເພີ່ມຂຶ້ນຢ່າງຫລວງຫລາຍ.

ເພື່ອເປັນການຕ້ານ ແລະ ສະກັດກັ້ນໄພພິບັດທີ່ອາດຈະເກີດຂຶ້ນໃນຕໍ່ໜ້າ ແລະ ຍາວນານນັ້ນພວກເຮົາຄວນເຮັດ ແນວໃດ? ຄືກ່ອນອື່ນໝົດພາກສ່ວນ ຫລື ຂະແໜງການທີ່ຮັບຜິດຊອບວຽກນີ້ຕ້ອງມີແຜນສຶກສາອົບຮົມປະຊາຊົນຮູ້ການກຽມພ້ອມຕ້ານ ແລ້ງ-ຕ້ານຖ້ວມໄວ້ລ່ວງໜ້າກ່ອນໄພພິບັດຈະເກີດຂຶ້ນເຊັ່ນ: ຖືເປັນອັນສຳຄັນໃນການຕິດຕາມສະພາບການປ່ຽນແປງດິນຟ້າອາກາດ, ການແຈ້ງເຕືອນຂອງອຸຕຸນິຍົມຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດແຕ່ລະຂັ້ນຕ້ອງເຮັດວຽກຢ່າງ ຈິງຈັງເຂັ້ມແຂງລຽນຕິດ  ແລະ ຕໍ່ເນື່ອງ, ປະສານງານ ແລະ ເຊື່ອມໂຍງກັບຂະແໜງການທີ່ກ່ຽວຂ້ອງຢ່າງຊະນິດແໜ້ນບໍ່ຄວນລໍຖ້າແຕ່ຮັບບໍລິຈາກ ແລະ ຈໍລະຈອນແຈກຢາຍວັດຖຸເຄື່ອງຂອງທີ່ໄດ້ຮັບຈາກການອຸປະຖຳແຕ່ ຢ່າງດຽວ.

ວຽກອັນສຳຄັນກ່ອນອື່ນໝົດຕ້ອງສ້າງກອງທຶນໃຫ້ເຂັ້ມແຂງ, ສ້າງພື້ນຖານວັດຖຸເຕັກນິກໃຫ້ການຕ້ານແລ້ງ-ຕ້ານຖ້ວມແຕ່ລະຂັ້ນໃຫ້ພຽງພໍຈຶ່ງຈະສາມາດຮັບມື ກັບໄພພິບັດທີ່ເກີດຂຶ້ນແຕ່ລະປີໄດ້./.

- 236987 - ຕ້ານ​ແລ້ງ​ຕ້ານ​ຖ້ວມ​ກາຍ​ເປັນ​ວາລະ​ຂອງ​ຊາດ

error: Content is protected !!