ທະຫານແຂວງຈຳປາສັກລົງສົມທົບກັບພາກສ່ວນຕ່າງໆເລັ່ງຟື້ນຟູພື້ນທີ່ໄດ້ຮັບຜົນກະທົບຈາກໄພນໍ້າຖ້ວມ

- advert banner 728 90 728x90 - ທະຫານແຂວງຈຳປາສັກລົງສົມທົບກັບພາກສ່ວນຕ່າງໆເລັ່ງຟື້ນຟູພື້ນທີ່ໄດ້ຮັບຜົນກະທົບຈາກໄພນໍ້າຖ້ວມ

ກອງບັນຊາການທະຫານ ແຂວງຈຳປາສັກໄດ້ຈັດຕັ້ງກຳລັງລົງສົມທົບກັບຄະນະກໍາມະການ​ຕ້ານ ແລະ ຄວບ​ຄຸມໄພພິບັດ ແຂວງ, ອົງການພາກລັດ ແລະ ເອກະຊົນ ກໍຄືປະຊາຊົນພ້ອມກັນເລັ່ງແກ້ໄຂຟື້ນຟູພື້ນທີ່ໆໄດ້ຮັບຜົນກະທົບຈາກເຫດການໄພພິບັດນ້ໍາຖ້ວມຢູ່ແຂວງຈຳປາສັກ, ພາຍຫຼັງນໍ້າໄດ້ບົກແຫ້ງລົງ ໂດຍສະເພາະແມ່ນຢູ່ ນະຄອນປາກເຊ ແລະ ເມືອງຊະນະສົມບູນ ເຮັດໃຫ້ປະຊາຊົນ ແລະ ພື້ນທີ່ການຜະລິດ ໄດ້ຮັບຄວາມເສຍຫາຍເປັນວົງກວ້າງໂດຍເລັ່ງໃສ່ການຟື້ນຟູ ໂຄງລ່າງພື້ນຖານຄື: ປົວແປງເຮືອນຊານຂອງ ປະຊາຊົນ, ສ້ອມແປງເສັ້ນທາງທີ່ຖືກຕັດຂາດ, ເຄື່ອນຍ້າຍຜູ້ປະສົບໄພ, ລຳລຽງສະບຽງອາຫານ, ໃຫ້ການປິ່ນປົວດ້ານສຸຂະພາບ ແລະ ປ້ອງກັນຄວາມເປັນລະບຽບຮຽບຮ້ອຍ ຮັກສາຊັບສິນທີ່ມີຄ່າຂອງປະຊາທີ່ຖືກຜົນກະທົບໄວ້ໄດ້ຢ່າງ​ປອດ​ໄພ.

- new3 - ທະຫານແຂວງຈຳປາສັກລົງສົມທົບກັບພາກສ່ວນຕ່າງໆເລັ່ງຟື້ນຟູພື້ນທີ່ໄດ້ຮັບຜົນກະທົບຈາກໄພນໍ້າຖ້ວມ
- f5518f96 b512 4cf4 afd1 344c543c8bbb 1024x682 - ທະຫານແຂວງຈຳປາສັກລົງສົມທົບກັບພາກສ່ວນຕ່າງໆເລັ່ງຟື້ນຟູພື້ນທີ່ໄດ້ຮັບຜົນກະທົບຈາກໄພນໍ້າຖ້ວມ

ສະຫາຍ ພັນເອກ ບຸນມາກ ວິລະວົງ ຫົວຫນ້າການເມືອງກອງບັນຊາການທະຫານແຂວງຈໍາປາສັກໃຫ້ຮູ້ວ່າ:ທົ່ວແຂວງມີ 1 ນະຄອນ, 9ຕົວເມືອງ ໃນນັ້ນມີ 1 ຕົວເມືອງທີ່ບໍ່ຖືກນໍ້າຖ້ວມຄື ເມືອງປາກຊ່ອງ ແຕ່ກໍໄດ້ຮັບຜົນກະທົບມີ 395 ບ້ານ, 42.187 ຄອບຄົວ, 206.341 ຄົນ, ພາກສ່ວນທີ່ໄດ້ຖືກຍົກຍ້າຍ:ມີຈໍານວນ 98 ບ້ານ, 6.446 ຄອບຄົວ,40.033 ຄົນ, ໃນນີ້ຍ້າຍໄປຈຸດພັກຊົ່ວຄາວ 3.935 ຄອບຄົວ,34.558 ຄົນ,ຍ້າຍໄປຢູ່ນໍາພີ່ນ້ອງ 1.876 ຄອບຄົວ,4.535 ຄົນ.ສັດລ້ຽງ ງົວ 19.039 ໂຕ, ຄວາຍ 9.438 ໂຕ,ຫມູ 2.024 ໂຕ, ແບ້ 22.254 ໂຕ, ສັດປີກ 112.463 ໂຕ, ໜອງປາ 695 ​ໜອງ,7.113.000 ໂຕ, ເນື້ອທີ່ນາ 34.492 ເຮັກ​ຕາ, ເນື້ອທີ່ທໍາການຜະລິດອື່ນໆ 3.017 ເຮັກ​ຕາ ລະບົບພື້ນຖານໂຄງລ່າງ:ເສັ້ນທາງ 104 ເສັ້ນ ມີຄວາມຍາວ 28.157 Km, ຂົວ 05 ແຫ່ງ, ນ້ໍາປະປາ 96 ບ້ານ, ເສົາໄຟຟ້າ 05 ຕົ້ນ, ນ້ໍາກິນ, ນໍ້າໃຊ້ 96 ບໍ່,ໂຮງຮຽນ 104 ແຫ່ງ, ສຸກສາລາ 16 ແຫ່ງ, ໂຮງຫມໍ 02 ແຫ່ງ. ໃນນັ້ນນະຄອນປາກເຊມີ 34 ບ້ານຖືກນໍ້າຖ້ວມ, ມີ 5.573 ຄອບຄົວ, ມີຈໍານວນ 32.000 ກວ່າຄົນທີ່ໄດ້ຮັບຜົນກະທົບ.

ພາຍຫຼັງນ້ໍາບົກແຫ້ງຄະນະພັກ-ຄະນະບັນຊາພວກເຮົາກໍໄດ້ນໍາໃຊ້ກໍາລັງ ຈຳນວນ 350 ສະຫາຍ ເຂົ້າຟື້ນຟູສະຖານທີ່ ພັກເຊົາເຊັ່ນ: ບ້ານ, ເຮືອນ ແລະ ສະຖານທີ່ບ່ອນອື່ນໆ ພ້ອມທັງປະສານສົມທົບກັບພາກສ່ວນທີ່ກ່ຽວຂ້ອງເລັ່ງຟື້ນຟູບັນດາຂະແໜງການທີ່ສຳຄັນເປັນຕົ້ນແມ່ນກະສິກຳ-ປ່າໄມ້, ຂະແໜງໂຍທາທິການ ແລະ ຂົນສົ່ງ, ຂະແໜງການພະລັງງານ ແລະ ບໍ່ແຮ່, ສຶກສາທິການ ແລະ ກິລາ, ສາທາລະນະສຸກ, ຖະແຫຼງຂ່າວ,ວັດທະນະທຳ ແລະ ທ່ອງທ່ຽວ, ແຮງງານ ແລະ ສະຫວັດດີການ-ສັງຄົມ ໃຫ້ກັບຄືນສູ່ສະພາບປົກກະຕິໂດຍໄວ.

- lattana 1 - ທະຫານແຂວງຈຳປາສັກລົງສົມທົບກັບພາກສ່ວນຕ່າງໆເລັ່ງຟື້ນຟູພື້ນທີ່ໄດ້ຮັບຜົນກະທົບຈາກໄພນໍ້າຖ້ວມ
- 2685abe7 2bb3 4458 abde 250c294f8680 - ທະຫານແຂວງຈຳປາສັກລົງສົມທົບກັບພາກສ່ວນຕ່າງໆເລັ່ງຟື້ນຟູພື້ນທີ່ໄດ້ຮັບຜົນກະທົບຈາກໄພນໍ້າຖ້ວມ
- 69943512 1116109331926179 708884360794734592 n - ທະຫານແຂວງຈຳປາສັກລົງສົມທົບກັບພາກສ່ວນຕ່າງໆເລັ່ງຟື້ນຟູພື້ນທີ່ໄດ້ຮັບຜົນກະທົບຈາກໄພນໍ້າຖ້ວມ

ສະຫາຍ ພັນໂທ ບຸນຖອງ ຈີນດາວົງ ຫົວຫນ້າການເມືອງກອງບັນຊາການທະຫານເມືອງ ຊະນະສົມບູນໃຫ້ຮູ້ຕື່ມວ່າ: ສະພາບນໍ້າຖ້ວມຢູ່ເມືອງຊະນະສົມບູນ ປະກອບມີ 3 ຈຸດໃຫຍ່ກວມ 34ບ້ານ, ມີຈຳນວນ 7.671ຄອບຄົວ, 36.381ຄົນ, ຍິງ 17,162 ຄົນ, ເນື້ອທີ່ນາ 10.725,42 ເຮັກຕາ, ເສັ້ນທາງໄດ້ຖືກນ້ໍາຖ້ວມມີ 2 ຈຸດຄື: ຈຸດເຂດທາງແບ່ງສະຜ່າຍ-ບ້ານສີວິໄລ(ຄຸ້ມດອນເພັກ) ແລະ ຈຸດບ້ານນາໃນ-ບ້ານໜອງໃຜ່,ໄຟຟ້າ, ນ້ໍາປະປາ ລະບົບການສື່ສານ ຖືກຕັດຂາດ, ປັດຈຸບັນນີ້ລະດັບນ້ໍາຖ້ວມໄດ້ ຫລຸດລົງສ່ວນຫຼາຍແລ້ວ, ກໍາລັງປະກອບອາວຸດພວກເຮົາ ຈຶ່ງໄດ້ປະສານສົມທົບກັບພາກ ສ່ວນກ່ຽວຂ້ອງຈັດກໍາລັງລົງຊ່ວຍເຄື່ອນຍ້າຍປະຊາຊົນຢູ່ບັນດາສູນພັກສຸກເສີນກັບສູ່ພູມລໍາເນົາທັງໝົດດ້ວຍຄວາມປອດໄພ ແລະ ຈັດຕັ້ງກໍາລັງເຂົ້າພື້ນຟູເບື້ອງຕົ້ນ ໃນພື້ນທີ່ທີ່ຖືກນ້ໍາຖ້ວມ, ສ້ອມ ແປງບ້ານເຮືອນ ແລະ ຈັດຕັ້ງກໍາລັງແພດໝໍລົງປິ່ນປົວ ແລະ ແຈກຢາຍຢາ, ໃຫ້ຄໍາແນະນໍາໃນການປ້ອງກັນພະຍາດ, ລະດົມທຸກພາກສ່ວນສຸມໃສ່ການອະນາໄມເຮືອນຊານ, ສຳນັກງານ, ຫ້ອງການ, ບັນດາໂຮງຮຽນ, ໂຮງໝໍ ແລະ ອື່ນໆທີ່ຖືກນໍ້າຖ້ວມ, ປັດກວາດທໍາຄວາມສະອາດເພື່ອເປັນການຕ້ານ ແລະ ປ້ອງກັນພະຍາດຕ່າງໆທີ່ອາດຈະເກີດຂຶ້ນ ພາຍຫຼັງນໍ້າຫຼຸດລົງ.

error: Content is protected !!