ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ

ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ - advert banner 728 90 728x90 - ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ

ໃນວັນທີ 14 ກັນຍານີ້, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ (ສພຊ) ໄດ້ເດີນທາງດ້ວຍເຮືອບິນພິເສດໄປທີ່ເມືອງສອງຄອນແຂວງສະຫວັນນະເຂດ ເພື່ອການຕິດຕາມສະພາບນໍ້າຖ້ວມ ແລະ ພົບປະຢ້ຽມຢາມໃຫ້ກໍາລັງໃຈປະຊາຊົນຜູ້ປະສົບໄພ, ໂດຍການຕ້ອນຮັບຂອງທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມດ້ວຍຄະນະ.

ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ - new3 - ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ

ໂອກາດດັ່ງກ່າວ, ທ່ານ ປະທານສະພາ ໄດ້ມີຄໍາເຫັນໂອ້ລົມຕໍ່ອໍານາດການປົກຄອງເມືອງ ໂດຍທ່ານໄດ້ສະແດງຄວາມຊົມເຊີຍຕໍ່ຄະນະນໍາຂອງແຂວງ ແລະ ເມືອງ, ພ້ອມດ້ວຍປະຊາຊົນທົ່ວປະເທດໄດ້ໃຫ້ກໍາລັງໃຈ, ສົ່ງວັດຖຸປັດໄຈມາຊ່ວຍເຫລືອຜູ້ປະສົບໄພ.   ພ້ອມທັງເນັ້ນໃຫ້ສືບຕໍ່ເຝົ້າລະວັງໃຫ້ດີ ເພາະລະຫວ່າງເດືອນ ສິງຫາ ຫາ ກັນຍາ ເຊິ່ງອາດຈະມີພາຍຸຕື່ມອີກ. ດັ່ງນັ້ນຈົ່ງສືບຕໍ່ເຝົ້າລະວັງ, ມີສະຕິຕ້ານພະຍາດຕ່າງໆທີ່ອາດຈະລະບາດ ແລະ ສືບຕໍ່ປຸກລະດົມຂົນຂວາຍການປະກອບສ່ວນຊ່ວຍເຫລືອຜູ້ປະສົບໄພໃຫ້ມີເງືອນໄຂ ຟື້ນຟູຊີວິດການເປັນຢູ່ດີຂຶ້ນ. ພ້ອມນີ້, ທ່ານປະທານສະພາ ຍັງໄດ້ໄປພົບປະປະຊາຊົນທີ່ອົບພະຍົບມາຢູ່ບ້ານລະຫານໍ້າ ເມືອງສອງຄອນ, ພ້ອມທັງມອບເຄື່ອງຊ່ວຍເຫລືອບັນເທົາທຸກຕ່າງໆ ເຊິ່ງປະກອບມີ ເຂົ້າສານ, ນໍ້າດື່ມ, ຢາປົວພະຍາດ ແລະ ເຄື່ອງໃຊ້ອັນຈໍາເປັນຈໍານວນໜຶ່ງ.

ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ - NAA 0502 5 - ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ
ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ - 8899 1024x625 - ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ

    ໃນວັນດຽວກັນ, ທ່ານປະທານສະພາແຫ່ງຊາດຮ່ວມກັບເຈົ້າແຂວງສະ ຫວັນນະເຂດ ພ້ອມດ້ວຍຄະນະໄດ້ເດີນທາງດ້ວຍເຮືອບິນພິເສດໄປເມືອງຊົນນະບູລີ ໂດຍການຕ້ອນຮັບຂອງ ທ່ານ ຄໍາເຜີຍ ຜັນທະຈອນ ປະທານສະພາປະຊາຊົນແຂວງ ແລະ ທ່ານ ສຸວິໄລ ຫລອງຊາສາດ ເຈົ້າເມືອງຊົນນະບູລີ ເພື່ອຮັບຟັງການລາຍງານສະພາບໄພນໍ້າຖວມພ້ອມທັງມອບເຄື່ອງຊ່ວຍເຫລືອ ຈໍານວນໜຶ່ງໃຫ້ແກ່ປະຊາຊົນຜູ້ທີ່ຖືກຜົນກະທົບ, ລວມມີມູນຄ່າຫລາຍກວ່າ 689 ລ້ານກີບໄດ້ຮັບການອຸປະຖໍາຈາກບັນດາບໍລິສັດ, ຄູ່ຮ່ວມທຸລະກິດ ແລະ ຫລາຍພາກສ່ວນໃນສັງຄົມ.

ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ - lattana 1 - ປະທານສະພາແຫ່ງຊາດຢ້ຽມຢາມປະຊາຊົນຜູ້ທີ່ຖືກໄພນໍ້າຖ້ວມ ຢູ່ແຂວງສະຫວັນນະເຂດ

    ໃນປີ 2019 ນີ້ ແຂວງສະຫວັນນະເຂດເປັນແຂວງໜຶ່ງທີ່ປະສົບໄພພິບັດທາງທໍາມະຊາດໜັກໜ່ວງ, ນັບແຕ່ທ້າຍເດືອນສິງຫາເປັນຕົ້ນມາ ເກີດຝົນຕົກແຮງ, ຕົກໜັກ ຕົກຕິດຕໍ່ກັນ ເຮັດໃຫ້ພື້ນທີ່ລຸ່ມຕໍ່າ ແລະ ລະດັບນໍ້າໃນສາຍເຊຕ່າງໆ ເພີ່ມຂຶ້ນຢ່າງໄວວາ ພື້ນທີ່ການຜະລິດ, ຊົນລະປະທານ, ເສັ້ນທາງ ແລະ ຂົວຫລາຍບ່ອນຖືກເຊາະເຈື່ອນເປ່ເພ.  ຕໍ່ມາລະຫວ່າງວັນທີ 30 ສິງຫາ-1 ກັນຍາ ມີພາຍຸໂພດູເຂົ້າມາຕື່ມອັນເຮັດໃຫ້ຝົນຕົກໜັກໃນທົ່ວແຂວງ ແລະ ວັນທີ 2-6 ກັນຍາ ພາຍຸໝູນເຂດຮ້ອນດີເປຣຊັນໄດ້ພັດຜ່ານເຂົ້າມາຕື່ມອີກເຮັດໃຫ້ແມ່ນໍ້າລໍາເຊຕ່າງໆເພີ່ມຂຶ້ນກາຍເຂດອັນຕະ ລາຍ ໂດຍສະເພາະ ນໍ້າເຊລະນອງ, ເຊຊັງຊອຍ ແລະ ເຊບັງຫຽງນໍ້າໄດ້ສູງຂຶ້ນຜິດປົກກະຕິໃນຮອບຫລາຍສິບປີ ຖ້ວມເຮືອນຊານປະຊາຊົນໃນ 10 ເມືອງ, ໜັກກວ່າໝູ່ແມ່ນເມືອງສອງຄອນ, ເມືອງຈໍາພອນ ແລະ ເມືອງຊົນນະບູລີ, ມີ 165 ບ້ານ, ຫລາຍກວ່າ 13.700 ຄອບຄົວ, ມີຄົນເສຍຊີວິດ 4​ ຄົນ, ເນື້ອທີ່ນາປີຖືກຖ້ວມ 49.274 ເຮັກຕາ, ເນື້ອທີ່ສວນປູກພືດ-ຜັກເສຍຫາຍ 2.585 ເຮັກຕາ, ລະບົບຊົນລະປະທານ 36 ໂຄງການ, ອ່າງເກັບນໍ້າ 11​ ແຫ່ງ, ຄູກັນນໍ້າ 4 ແຫ່ງ, ປະຕູນໍ້າ 4 ແຫ່ງ, ສະຖານີຈັກສູບນໍ້າ 9 ແຫ່ງ, ໜອງປາ 1.819   ໜອງ, ສັດລ້ຽງຕາຍ ແລະ ສູນຫາຍ ເປັນຈໍານວນຫລາຍ, ເສັ້ນທາງຄົມມະນາຄົມ 54 ເສັ້ນ, ໂຮງຮຽນ 165 ແຫ່ງຖືກນໍ້າຖ້ວມ ແລະ ມີ 187 ແຫ່ງບໍ່ສາມາດໄຂສົກຮຽນໃໝ່ໄດ້ ແລະ ສຸກສາລາ 8 ແຫ່ງຖືກນໍ້າຖ້ວມ, ນໍ້າສ້າງນໍ້າບາດານ 659 ໜ່ວຍ ແລະ ວິດຖ່າຍຫລາຍພັນໜ່ວຍຖືກຖ້ວມໃຊ້ການບໍ່ໄດ້.

error: Content is protected !!