ຫລາຍບ່ອນຄວນເອົາເປັນບົດຮຽນ

- advert banner 728 90 728x90 - ຫລາຍບ່ອນຄວນເອົາເປັນບົດຮຽນ

ສະບາຍດີ, ເພື່ອນຜູ້ອ່ານທີ່ຮັກແພງ, ຖ້າໃຜໄດ້ອ່ານໄດ້ຟັງແລ້ວກໍຄົງຈະດີໃຈ ແລະ ພາກພູມໃຈນຳກຳລັງປ້ອງກັນຄວາມສະຫງົບຂອງເຮົາຖ້າໃຜໆກໍປະຕິບັດຕາມຂໍ້ຫ້າມ 11 ຢ່າງ, ທີ່ທ່ານລັດຖະມົນຕີກະຊວງປ້ອງກັນຄວາມສະຫງົບໄດ້ໂອ້ລົມໃຫ້ທິດຊີ້ນຳພະ ນັກງານຄູອາຈານ ແລະ ນັກສຶກສາຢູ່ວິທະຍາຄານສັນຕິບານໃນທ້າຍອາທິດຜ່ານມານີ້ ວ່າ: ຄູອາຈານແມ່ນປັດໄຈສຳຄັນຍິ່ງໃນການເຮັດໜ້າທີ່ສຶກສາອົບຮົມສ້າງນາຍຕຳ ຫລວດໃຫ້ມີຄຸນນະພາບ, ມີຄຸນສົມບັດສິນທຳປະຕິບັດ ແລະ ຢຶດຖືຈັນຍາບັນຂອງຕົນ, ດັ່ງ ນັ້ນຕ້ອງຫລີກລ່ຽງຢ່າງເດັດຂາດໃນ 11 ຂໍ້ຫ້າມຄື:

- new3 - ຫລາຍບ່ອນຄວນເອົາເປັນບົດຮຽນ
  1. ບໍ່ຄວນໃຊ້ໜ້າທີ່ຕຳແໜ່ງໄປໃນທາງທີ່ຜິດກົດໝາຍ, ຜິດລະບຽບການ, ບໍ່ຄວນ ສ້າງຄວາມຫຍຸ້ງຍາກໃຫ້ແກ່ນັກສຶກສາ;
  2. ບໍ່ຄວນໂລບມາກໂລພາ, ບໍ່ມີຄວາມສັດຊື່ການປະຕິບັດໜ້າທີ່ໃນການສິດສອນ- ການຊອກຮູ້ຮ່ຳຮຽນ-ການຄົ້ນຄວ້າວິທະຍາສາດ;
  3. ບໍ່ຄວນຂູ່ເຂັນບັງຄັບລຳອຽງເລືອກປະຕິບັດຕໍ່ກັບນັກຮຽນ (ບໍ່ຄວນສົມຮູ້ຮ່ວມຄິດໃນການປົກປິດການກະທຳທີ່ບໍ່ດີຂອງນັກຮຽນ ລວມທັງເພື່ອນຮ່ວມງານ);
  4. ບໍ່ລ່ວງລະເມີດຮ່າງກາຍກຽດສັກສີຄວາມເປັນມະນຸດຂອງນັກຮຽນເພື່ອນຮ່ວມ ງານ, ບໍ່ເຮັດສິ່ງທີ່ເຕະຕ້ອງເຖິງໜ້າວຽກການເຄື່ອນໄຫວຂອງເພື່ອນຮ່ວມງານ ແລະ ຜູ້ອື່ນໆ;
  5. ບໍ່ຈັດຕັ້ງການສອນ-ການຮຽນເພີ່ມທີ່ຜິດກັບລະບຽບກົດໝາຍ (ຫາກຖືກຕາມລະບຽບກໍສາມາດປະຕິບັດໄດ້);
  6. ບໍ່ຄວນສູບຢາ ຫລື ດື່ມສິ່ງມືນເມົາໃນໂມງການ, ຢູ່ໃນຫ້ອງການ, ຫ້ອງຮຽນ ຫລື ໃນສະຖານທີ່-ທີ່ບໍ່ໄດ້ຮັບອະນຸຍາດ;
  7. ບໍ່ຄວນນຳໃຊ້ໂທລະສັບໃນເວລາລວມ, ເວລາຂຶ້ນຫ້ອງຮຽນ, ເວລາສອບເສັງ;
  8. ບໍ່ຄວນສ້າງເປັນກຸ່ມກ້ອນທີ່ເຮັດໃຫ້ແຕກແຍກພາຍໃນ ຫລື ແຕກແຍກຄວາມສາມັກຄີ;
  9. ບໍ່ສວຍໂອກາດໂຄສະນາຊວນເຊື່ອ ຫລື ຂັດກັບທັດສະນະແນວທາງນະໂຍບາຍຂອງພັກ;
  10. ບໍ່ຫລົບຫລີກໜ້າທີ່ຄວາມຮັບຜິດຊອບ, ບໍ່ປະລະໜ້າທີ່, ບໍ່ປະລະວຽກຕາມ ລຳພັງໃຈ ການໄປມາຊັກຊ້າເລີກການໄວ, ຕັດຮອນ ຫລື ເລັ່ງລັດຫລັກສູດການຮຽນການສອນທີ່ເປັນການຝ່າຝືນລະບຽບວິໄນວິຊາສອນຂອງໂຮງຮຽນ.
  11. ບໍ່ຈັດຕັ້ງ ແລະ ບໍ່ເຂົ້າຮ່ວມການເຄື່ອນໄຫວຕ່າງໆ ທີ່ເຮັດໃຫ້ເສື່ອມເສຍອິດ ທິພົນບົດບາດຂອງຄູ-ອາຈານ.

ຕາມທັດສະນະຜູ້ຂຽນແລ້ວນີ້ແມ່ນຂໍ້ຫ້າມອັນປະເສີດ, ເຊິ່ງບໍ່ພຽງແຕ່ພະນັກງານຄູອາ ຈານ, ນາຍ ແລະ ພົນຕຳຫລວດເທົ່ານັ້ນ ເຊິ່ງຂະແໜງການອື່ນໆ ກໍຄວນຮ່ຳຮຽນ ເອົາເພື່ອສ້າງພະນັກງານຂອງຕົນເອງມີຈັນຍາບັນຈັນຍາທຳອັນດີເລີດນີ້./.

- lattana 1 - ຫລາຍບ່ອນຄວນເອົາເປັນບົດຮຽນ
error: Content is protected !!