ກົມມາດຕະຖານ ແລະ ວັດແທກ ມອບອຸປະກອນການຮຽນໃຫ້ ນັກຮຽນ ຢູ່ເມືອງເຟືອງ ແຂວງວຽງຈັນ

- advert banner 728 90 728x90 - ກົມມາດຕະຖານ ແລະ ວັດແທກ ມອບອຸປະກອນການຮຽນໃຫ້ ນັກຮຽນ ຢູ່ເມືອງເຟືອງ ແຂວງວຽງຈັນ

ໃນວັນທີ 13 ກັນຍານີ້,  ທ່ານ ວຽງທອງ ວົງທະວິໄລ ຫົວໜ້າ ກົມມາດຕະຖານ ແລະ ວັດແທກ ກະຊວງວິທະຍາສາດ ແລະ ເຕັກໂນໂລຊີ ພ້ອມດ້ວຍຄະນະໄດ້ລົງເຄື່ອນໄຫວສ້າງກິດຈະກຳແບ່ງປັນນໍ້າໃຈມອບອຸປະກອນທີ່ຈຳເປັນໃນການຮໍ່າຮຽນໃຫ້ແກ່ນັກຮຽນ ໂຮງຮຽນປະຖົມສົມບູນ ຜາຫລວງ ເຂດເມືອງເຟືອງ ແຂວງວຽງຈັນ, ເຊິ່ງໂຮງຮຽນດັ່ງກ່າວແມ່ນຢູ່ໃນເຂດຫ່າງໄກສອກຫລີກ. ນັກຮຽນຈຳນວນໜຶ່ງຍັງຂາດເຂີນເຄື່ອງນັກຮຽນ ແລະ ອຸປະກອນຮໍ່າຮຽນຫລາຍຢ່າງ, ເພື່ອປະຕິບັດຕາມແນວທາງນະໂຍບາຍຂອງພັກລັດໃນການສົ່ງເສີມທາງດ້ານການສຶກສາເພີ່ມໂອກາດໃນການເຂົ້າເຖິງການສຶກສາຮໍ່າຮຽນໃຫ້ນ້ອງໆໄດ້ມີສີ່ງອຳນວຍຄວາມສະດວກຄົບຖ້ວນ ແລະ ໃຫ້ເຫັນໄດ້ເຖິງຄວາມສຳຄັນຂອງການສຶກສາ.​

- new3 - ກົມມາດຕະຖານ ແລະ ວັດແທກ ມອບອຸປະກອນການຮຽນໃຫ້ ນັກຮຽນ ຢູ່ເມືອງເຟືອງ ແຂວງວຽງຈັນ
- IMG 0001 1 - ກົມມາດຕະຖານ ແລະ ວັດແທກ ມອບອຸປະກອນການຮຽນໃຫ້ ນັກຮຽນ ຢູ່ເມືອງເຟືອງ ແຂວງວຽງຈັນ
- IMG 0003 1 - ກົມມາດຕະຖານ ແລະ ວັດແທກ ມອບອຸປະກອນການຮຽນໃຫ້ ນັກຮຽນ ຢູ່ເມືອງເຟືອງ ແຂວງວຽງຈັນ

ອຸປະກອນການສຶກສາທີ່ນຳມາມອບຄັ້ງນີ້ແມ່ນໄດ້ຈາກການຮ່ວມແຮງຮ່ວມໃຈຈາກຫລາຍພາກສ່ວນຄື: ຈາກການສົມທົບຂອງບັນດາຄູ່ຮ່ວມມື,​ ບໍລິສັດ ແລະ ພະນັກງານພາຍໃນກົມ ປະກອບມີປື້ມຂຽນ ຈຳນວນ 1.​250 ຫົວ,​ ບິກຂຽນ 960 ກ້ານ,​ ຖົງກະເປົາ 85 ໜ່ວຍ, ສໍດຳ 960 ກ້ານ,​ ຢາງລຶບ 240 ອັນ,​ ໂຮງແຫລມສໍ 224 ອັນ,​ ໄມ້ບັນທັດ 70 ອັນ,​ ກະຕຸກໃສ່ນໍ້າດື່ມພົກພາ 31 ກະຕຸກ ແລະ ອຸປະກອນກິລາ+ຊຸດກິລາ ຈຳນວນໜຶ່ງ ລວມເປັນມູນຄ່າປະມານ 17 ລ້ານກວ່າກີບ.

- lattana 1 - ກົມມາດຕະຖານ ແລະ ວັດແທກ ມອບອຸປະກອນການຮຽນໃຫ້ ນັກຮຽນ ຢູ່ເມືອງເຟືອງ ແຂວງວຽງຈັນ

ໂອກາດນີ້, ອຳນວຍການໂຮງຮຽນດັ່ງກ່າວ ໄດ້ຕາງໜ້າໃຫ້ຄູອາຈານ ແລະ ນັກຮຽນ ສະແດງຄວາມຂອບອົກຂອບໃຈ ແລະ ປິຕິຍິນດີຕໍ່ການແບ່ງປັນນໍ້າໃຈຊ່ວຍເຫລືອໃນຄັ້ງນີ້ ແລະ ໄດ້ອວຍພອນໄຊໃຫ້ແກ່ຄະນະນຳກົມ ແລະ ພະນັກງານທັງໝົດຈົ່ງມີແຕ່ຄວາມພາສຸກ ປະສົບຜົນສຳເລັດສົມຄວາມມຸ້ງມາດປາດຖະໜາທຸກປະການ ຂໍໃຫ້ສືບຕໍ່ໃນການສ້າງກິດຈະກຳດີໆແບບນີ້ຕໍ່ໄປເລື້ອຍໆ.

error: Content is protected !!