ງານບຸນມະໂຫລານ ອຸຍມານິເຕ (Fête de l’Humanité) ຄັ້ງທີ 44

ງານບຸນມະໂຫລານ ອຸຍມານິເຕ (fête de l'humanité) ຄັ້ງທີ 44 - advert banner 728 90 728x90 - ງານບຸນມະໂຫລານ ອຸຍມານິເຕ (Fête de l’Humanité) ຄັ້ງທີ 44

ງານບຸນມະໂຫລານ ອຸຍມານິເຕ ຄັ້ງທີ 44 ໄດ້​ຈັດຂຶ້ນທີ່ປາຣີ ​ໃນ​ວັນ​ທີ 13 ກັນ​ຍານີ້ ຊຶ່ງໃນໂອກາດດັ່ງກ່າວ ສະຖານທູດລາວ ທີ່ ປາຣີ ໂດຍການປະສານສົມທົບຂອງສຳພັນຄົນລາວທີ່ປະເທດຝຣັ່ງ ໄດ້ມີການເປີດຮ້ານວາງສະແດງມູນເຊື້ອຂະບວນການປະຕິວັດຕໍ່ສູ້ກູ້ຊາດຂອງປະຊາຊົນລາວ, ໂດຍຜ່ານການໂຄສະນາໃນໜ້າໜັງສືພິມປະຊາຊົນສະບັບທໍາອິດ, ກະບອກສຽງຂອງແນວລາວອິດສະຫຼະ ກໍ່ຄື ສູນກາງພັກປະຊາຊົນປະຕິວັດລາວ ໃນປັດຈຸບັນ. ງານບຸນມະໂຫລານ ອຸຍມານິເຕ ໂດຍການເຂົ້າຮ່ວມຂອງ ທ່ານ ຢົງ ຈັນທະລັງສີ, ເອກອັກຄະລັດຖະທູດ ແຫ່ງ ສປປ ລາວ ປະຈຳ ສ.ຝຣັ່ງ ແລະ​ມີທ່ານເອກອັກຄະລັດຖະທູດ ສສ. ຫວຽດນາມ; ທ່ານຮອງບັນນາທິການໜັງສືພິມເຢິນເຊີນຫວຽດນາມ; ທ່ານປະທານຄະນະຈັດຕັ້ງບຸນມະໂຫລານ  ອຸຍມານິເຕ ແລະ ທ່ານ ເດນິສ ໂຣສປີແອ, ກຳມະການກົມການເມືອງສູນກາງພັກຄອມມູນິດຝຣັ່ງ; ທ່ານ ປະທານສໍາພັນຄົນເຊື້ອຊາດລາວທີ່ປະເທດຝຣັ່ງ; ພ້ອມດ້ວຍແຂກທີ່ຖືກເຊີນເຂົ້າຮ່ວມ ຫລາຍກວ່າ 100 ຄົນ.

ງານບຸນມະໂຫລານ ອຸຍມານິເຕ (fête de l'humanité) ຄັ້ງທີ 44 - new3 - ງານບຸນມະໂຫລານ ອຸຍມານິເຕ (Fête de l’Humanité) ຄັ້ງທີ 44
ງານບຸນມະໂຫລານ ອຸຍມານິເຕ (fête de l'humanité) ຄັ້ງທີ 44 - 4da24823 d7f5 4e8d a0f4 0ad777bb16c9 - ງານບຸນມະໂຫລານ ອຸຍມານິເຕ (Fête de l’Humanité) ຄັ້ງທີ 44
ງານບຸນມະໂຫລານ ອຸຍມານິເຕ (fête de l'humanité) ຄັ້ງທີ 44 - 0c44aa02 ac53 410f a6f8 77db5b4ad583 - ງານບຸນມະໂຫລານ ອຸຍມານິເຕ (Fête de l’Humanité) ຄັ້ງທີ 44

ໃນງານບຸນດັ່ງກ່າວ, ທ່ານເອກອັກຄະລັດຖະທູດລາວ ໄດ້ກ່າວຈຸດປະສົງ ແລະ ປະຫວັດຄວາມເປັນມາໃນການເຂົ້າຮ່ວມງານໃນຄັ້ງນີ້, ພ້ອມທັງໄດ້ເລົ່າຄືນປະຫວັດມູນເຊື້ອການກຳເນີດ ແລະ ການເຕີບໃຫຍ່ຂະຫຍາຍຕົວຂອງຂະບວນການຕໍ່ສູ້ກູ້ຊາດຂອງປະຊາຊົນລາວໂດຍການນຳພາຂອງພັກປະຊາຊົນປະຕິວັດລາວ ແລະ ໄດ້ຍົກໃຫ້ເຫັນມູນເຊື້ອອັນປີຊາສາມາດສະຫຼາດສ່ອງໃສຂອງພັກ ທີ່ໄດ້ນຳພາກອງທັບ ແລະ ປະຊາຊົນລາວບັນດາເຜົ່າລຸກຂຶ້ນຕໍ່ສູ້ຕ້ານແອກຄອບຄອງຂອງຕ່າງຊາດ ແລະ ຍາດເອົາເອກະລາດ, ອຳນາດອະທິປະໄຕ ແລະ ຄວາມມີອິດສະຫຼະພາບມາສູ່ປະຊາຊົນລາວບັນດາເຜົ່າ.

ງານບຸນມະໂຫລານ ອຸຍມານິເຕ ໄດ້ຈັດຂຶ້ນທຸກໆປີໂດຍການເຊື້ອເຊີນເອົາບັນດາຜູ້ຕາງໜ້າສຳນັກຂ່າວສານ, ໜັງສືພິມຄອມມູນິດ ແລະ ໜັງສືພິມກ້າວໜ້າທີ່ເປັນກະບອກສຽງຂອງຊົນຊັ້ນກຳມະກອນ ແລະ ຊາວຜູ້ອອກແຮງງານຈາກທົ່ວໂລກ ລວມທັງບັນດາອົງການຈັດຕັ້ງທີ່ກ້າວໜ້າທີ່ໃຫ້ການສະໜັບສະໜູນລະບອບການ ເມືອງຄອມມູນິດ ເຊິ່ງ ສປປ ລາວ ແມ່ນໄດ້ເຂົ້າຮ່ວມໃນນາມໜັງສືພິມປະຊາຊົນ ທີ່ເປັນກະບອກສຽງຂອງພັກປະຊາຊົນປະຕິວັດລາວ. ສຳລັບປີນີ້, ສະຖານທູດລາວໄດ້ນຳຜະລິດຕະພັນຊຶ່ງເປັນສີມືຂອງຄົນລາວຫຼາຍຢ່າງມາວາງສະແດງເຊັ່ນ: ຮູບພາບການເຄື່ອນໄຫວຂອງພັກໃນໄລຍະຕໍ່ສູ້ກູ້ຊາດ ແລະ ໄລຍະປົກປັກຮັກສາ ແລະ ສ້າງສາພັດທະນາປະເທດຊາດ, ເຄື່ອງຫັດຖະກຳຈັກສານ ແລະ ແຜ່ນແພບັນດາເຜົ່າ, ບັນດາເອກະສານສົ່ງເສີມການລົງທຶນ ແລະ ແຜ່ນພັບໂຄສະນາການທ່ອງ ທ່ຽວລາວ. ນອກຈາກນັ້ນ, ກໍ່ໄດ້ມີການຈໍາໜ່າຍອາຫານພື້ນເມືອງລາວຈຳນວນໜຶ່ງ ຊຶ່ງເປັນການສ້າງສີສັນ ແລະ ໄດ້ຮັບຄວາມນິຍົມສົນໃຈຈາກຜູ້ເຂົ້າຮ່ວມງານຢ່າງຫຼວງຫຼາຍ. 

ງານບຸນມະໂຫລານ ອຸຍມານິເຕ (fête de l'humanité) ຄັ້ງທີ 44 - lattana 1 - ງານບຸນມະໂຫລານ ອຸຍມານິເຕ (Fête de l’Humanité) ຄັ້ງທີ 44
error: Content is protected !!