ນ້ຳ​ແຫ້ງ​ລົງ​ການ​ສຶກສາ​ຕ້ອງ​ມາ​ກ່ອນ

- advert banner 728 90 728x90 - ນ້ຳ​ແຫ້ງ​ລົງ​ການ​ສຶກສາ​ຕ້ອງ​ມາ​ກ່ອນ

​ໂດຍ: ທ່ຽງ​ທຳ

- new3 - ນ້ຳ​ແຫ້ງ​ລົງ​ການ​ສຶກສາ​ຕ້ອງ​ມາ​ກ່ອນ

ສະບາຍດີ, ເພື່ອນຜູ້ອ່ານ ທີ່ຮັກແພງ, ມາຮອດດຽວນີ້ ພວກເຮົາກໍຈະຮູ້ດຳຮູ້ແດງກັນແລ້ວຕໍ່ ສະພາບນ້ຳຖ້ວມປີນີ້, ມັນຮ້າຍແຮງຊ່ຳໃດບາງ ຄອບຄົວກໍເກືອບຈະເອົາຊີວິດບໍ່ຫລອດ, ທັງເວັນ ແລະ ຄືນໄດ້ຫອບເອົາລູກ, ເອົາຫລານພາຄອບຄົວໜີຕາຍຈາກນ້ຳ.

ໃນຂະນະທີ່ມີທະຫານ, ຕຳຫລວດ, ຊາວໜຸ່ມຊາຍສະ ກັນພ້ອມດ້ວຍພາຫະນະລົດຍົນ, ເຮືອແພເຂົ້າມາຊ່ວຍ, ແຕ່ປານນັ້ນຖ້າໃຜໂຊກບໍ່ດີ ກໍຈົມໄປກັບນ້ຳ, ຕາມການກວດກາຜົນເສຍຫາຍຈາກຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງ ຊາດໃຫ້ຮູ້ວ່າ: ສະເພາະ 6 ແຂວງພາກກາງ ແລະ ພາກໃຕ້ມີ 43 ເມືອງ. 1.400 ກວ່າ ບ້ານ ແລະ ຫລາຍກວ່າ175.400 ຄອບຄົວໃນນັ້ນ ມີເກືອບ 4 ແສນຄົນໄດ້ຮັບ ຜົນກະທົບ ແລະ ມີ 14.000 ກວ່າຄອບຄົວຕ້ອງໄດ້ອົບພະຍົບລົບໜີນ້ຳໄປຢູ່ບ່ອນພັກ ຊົ່ວຄາວ, ຈົນເຖິງປັດຈຸບັນ ບາງ ຄອບຄົວກໍຍັງບໍ່ສາມາດ ກັບເມືອບ້ານເຮືອນຂອງຕົນໄດ້, ຍ້ອນໄພນ້ຳຮ້າຍແຮງ ນີ້ໄດ້ກືນກິນໄປທັງເຮືອນຊານ ແລະ ຊັບສິນເປັນຈຳນວນ ຫລວງຫລາຍ.ເນື້ອທີ່ປູກເຂົ້າຫລາຍກວ່າ 151.700 ເຮັກຕາ, ຈົມຢູ່ໃຕ້ນ້ຳ, ຜົນ ລະປູກ ແລະ ສັດລ້ຽງສູນ ຫາຍໄປເປັນຈຳນວນຫລວງຫລາຍ, ໜອງປາ 3.200 ກວ່າໜອງໄດ້ຮັບຄວາມເສຍຫາຍ, ຊົນລະປະທານ 110 ແຫ່ງ, ອ່າງເກັບນ້ຳ 43 ແຫ່ງ, ຄອງເໝືອງຫລາຍກວ່າ 64.000 ແມັດ, ເສັ້ນທາງ ຄົມມະນາຄົມ 252 ກິໂລແມັດ, ຂົວ 12 ແຫ່ງ, ໂຮງໝໍ ແລະ ສຸກສາລາ 15 ແຫ່ງເປ່ ເພເສຍຫາຍ ແລະ ສິ່ງທີ່ໜ້າ ເປັນຫວ່ງກວ່າໝູ່ແມ່ນໂຮງຮຽນ 300 ກວ່າແຫ່ງມີນັກ ຮຽນນັບຫລາຍພັນຄົນຍັງບໍ່ ທັນໄດ້ເປີດສົກຮຽນໃໝ່, ຕໍ່ ສະພາບດັ່ງກ່າວມີຫລາຍຄົນໃຫ້ຂໍ້ຄິດວ່າ: ມາຮອດດຽວ ນີ້ສະພາບນ້ຳຖ້ວມດັ່ງກ່າວ  ກໍຄ່ອຍໆ ບົກແຫ້ງລົງແລ້ວ, ອັນສຳຄັນຕົ້ນຕໍນອກຈາກການແກ້ໄຂປາກທ້ອງ, ຊີວິດການເປັນຢູ່ ແລະ ບັນຫາປ້ອງກັນບໍ່ໃຫ້ພະຍາດລະບາດແລ້ວ, ອີກສິ່ງໜຶ່ງກໍແມ່ນການ ບິແບ່ງຄວາມຊ່ວຍເຫລືອຜູ້ປະສົບໄພນັ້ນໄປໃຫ້ຂະແໜງການສຶກສາແດ່ໂດຍສະເພາະແມ່ນທຶນຮອນເພື່ອປົວແປງໂຮງຮຽນ, ໂຕະຕັ່ງ, ກະດານດຳ ແລະ ການຈັດຊື້ອຸປະກອນການສຶກສາ ທີ່ຈຳເປັນ, ນັບທັງປຶ້ມຕ່ຳລາສອນ-ຕ່ຳລາຮຽນ, ຊັ້ນຮຽນຕ່າງໆ ຕະຫລອດຮອດການຊ່ວຍເຫລືອປຶ້ມສໍໃຫ້ແກ່ເດັກນັກຮຽນຜູ້ປະສົບໄພດັ່ງກ່າວມີເງື່ອນໄຂເຂົ້າສົກຮຽນໃໝ່ 2019-2020 ນີ້ໄດ້ທວ່ງທັນ ຫລື ຖ້າໂຮງຮຽນໃດຫາກບໍ່ມີເງື່ອນ ໄຂປົວແປງໃຫ້ທ່ວງທັນກໍ ຄວນມີວິທີການແຕ່ຫົວທີເພື່ອ ຊັບຊ້ອນໃຫ້ນ້ອງນັກຮຽນເຫລົ່ານັ້ນ ໄດ້ໄປຮຽນ ຢູ່ບ່ອນ ທີ່ເໝາະສົມ.

- lattana 1 - ນ້ຳ​ແຫ້ງ​ລົງ​ການ​ສຶກສາ​ຕ້ອງ​ມາ​ກ່ອນ

ພ້ອມດຽວກັນນີ້ຂະແໜງການອື່ນໆ ກໍຄວນມີວິທີຊ່ວຍຂະແໜງການຂອງໃຜມັນຕື່ມອີກເພື່ອຟື້ນຟູຜົນເສຍຫາຍ ຈາກໄພທຳມະຊາດທີ່ຮ້າຍແຮງນີ້ໃຫ້ຜ່ານພົ້ນໄປໂດຍໄວ. ກໍດັ່ງຂະແໜງໄຟຟ້າມາຮອດປັດຈຸບັນລະບົບໄຟຟ້າທີ່ຖືກຕັດຂາດ, ເປ່ເພເສຍຫາຍນັ້ນ ກໍໄດ້ຮັບການປົວແປງເປັນປົກກະຕິແລ້ວ ແລະ ສາທາກໍຕ້ອງເບິ່ງສຸກສາລາ, ໂຮງໝໍທີ່ໄດ້ຮັບຜົນກະທົບເພື່ອປຸກລະດົມປົວແປງໃຫ້ນຳໃຊ້ໄດ້ໂດຍໄວ ແລະ ຄວາມເປັນຕາຍອີກອັນໜຶ່ງກໍແມ່ນຂະແໜງກະສິກຳກໍຕ້ອງມີ ແຜນໃຫ້ທ້ອງຖິ່ນຈັດຕັ້ງປະຕິບັດການຜະລິດຄືນໃໝ່ໃຫ້ທັນລະດູ ແລະ ມີປະສິດທິຜົນ./.

- 39 - ນ້ຳ​ແຫ້ງ​ລົງ​ການ​ສຶກສາ​ຕ້ອງ​ມາ​ກ່ອນ

error: Content is protected !!