ເປີດນໍາໃຊ້ອາຄານສໍານັກງານໃຫຍ່ ທະນາຄານ ຫວຽດຕິນ ລາວ ຈໍາກັດ

- advert banner 728 90 728x90 - ເປີດນໍາໃຊ້ອາຄານສໍານັກງານໃຫຍ່ ທະນາຄານ ຫວຽດຕິນ ລາວ ຈໍາກັດ

ໃນວັນທີ 17 ກັນຍານີ້, ທະນາຄານຫຸ້ນສ່ວນອຸດສາຫະກໍາ ການຄ້າ ຫວຽດນາມ (ທະນາຄານຫວຽດຕິນVietinBank) ໄດ້ເປີດນໍາໃຊ້ອາຄານສໍານັກງານໃຫຍ່ ຂອງຕົນຂຶ້ນທີ່ຖະໜົນລ້ານຊ້າງ, ບ້ານຫັດສະດີ ເມືອງຈັນທະບູລີນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີ ກະຊວງການເງິນ, ທ່ານ ເລມິງ ຮຶງ ຜູ້ວ່າການທະນາຄານແຫ່ງ ສສ ຫວຽດນາມ, ທ່ານທູດ ສສ ຫວຽດນາມ ປະຈຳລາວ ແລະຜູ້ວ່າການທະນາຄານແຫ່ງ ສປປ ລາວ ພ້ອມແຂກຖືກເຊີນເຂົ້າຮ່ວມເປັນຈໍານວນຫລາຍ.

- new3 - ເປີດນໍາໃຊ້ອາຄານສໍານັກງານໃຫຍ່ ທະນາຄານ ຫວຽດຕິນ ລາວ ຈໍາກັດ

ໂອກາດນີ້, ທ່ານ ເລ ດຶກ ເທາະ ປະທານສະພາບໍລິຫານ ທະນາຄານ VietinBank ກ່າວວ່າ: ນັບແຕ່ມື້ສ້າງຕັ້ງ ແລະ ເຄື່ອນໄຫວຮອດປັດຈຸບັນ, ທະນາຄານ ຫວຽດຕິນ ລາວ ໄດ້ຕັ້ງໜ້າພັດທະນາຕົນເອງດີຂຶ້ນ ຊ່ວຍໃຫ້ການເຄື່ອນໄຫວທຸລະກິດມີຄຸນນະພາບ,ປອດໄພ,ມີໝາກຜົນ, ຍືນຍົງ ແລະ ເປັນທໍາ, ເປັນທະນາຄານທຸລະກິດໜຶ່ງທີ່ໃຫ່ຍໃນ ສ ປປ ລາວ ແລະທະນາຄານ ຫວຽດຕິນ ລາວ ຍັງໄດ້ປະກອບສ່ວນຊຸກຍູ້ເສດຖະກິດການຄ້າ, ການລົງທຶນ, ຮັດແໜ້ນສາຍພົວພັນຮ່ວມມືລາວຽຫວຽດນາມໄດ້ນັບມື້ຍິ່ງເບັ່ງບານ.

- 4455 1 - ເປີດນໍາໃຊ້ອາຄານສໍານັກງານໃຫຍ່ ທະນາຄານ ຫວຽດຕິນ ລາວ ຈໍາກັດ

ການເປີດໂຕອາຄານສໍານັກງານຫລັງໃໝ່ຂອງທະນາຄານຫວຽດຕິນ ລາວ ຈໍາກັດຢູ່ນະຄອນຫລວງວຽງຈັນແຫ່ງນີ້ ແມ່ນເພື່ອສືບຕໍ່ຂະຫຍາຍການລົງທຶນທີ່ຍາວນານ, ຮ່ວມມືທີ່ຍາວນານ ຂອງທະນາຄານ VietinBank ຢູ່ລາວ.

- lattana 1 - ເປີດນໍາໃຊ້ອາຄານສໍານັກງານໃຫຍ່ ທະນາຄານ ຫວຽດຕິນ ລາວ ຈໍາກັດ
- DSC06973 - ເປີດນໍາໃຊ້ອາຄານສໍານັກງານໃຫຍ່ ທະນາຄານ ຫວຽດຕິນ ລາວ ຈໍາກັດ

ອາຄານສໍານັກງານໃຫຍ່ທະນາຄານຫວຽດຕິນ ລາວ ໄດ້ອອກແບບຢ່າງທັນສະໄໝ ເພື່ອສາມາດຕອບສະໜອງໄດ້ຕາມມາດຕະຖານສາກົນ ແລະ ເປັນອາຄານທີ່ງົດງາມ ຕັ້ງຢູ່ໃຈກາງຂອງນະຄອນຫລວງວຽງຈັນ ໃນເນື້ອທີ່ດິນ 3.609 ຕາແມັດ, ສ້າງເປັນ 9 ຊັ້ນ, ມີເນື້ອທີ່ປຸກສ້າງ 18,522 ຕາແມັດ ເພື່ອຕອບສະໜອງຄວາມຕ້ອງການ, ຍົກສູງຄຸນນະພາບການບໍລິການຂອງຕົນທີ່ເປັນທະນາຄານທີ່ມີຊື່ສຽງ ແລະ ການບໍລິການແບບມືອາຊີບຂອງ ທະນາຄານຫວຽດຕິນ ລາວ. ຄຽງຄູ່ໄປກັບການເຄື່ອນໄຫວທຸລະກິດຢ່າງມີໝາກຜົນ ແລ້ວທະນາຄານຍັງໄດ້ປະກອບສ່ວນເຂົ້າໃນວຽກງານສ້າງສາ ແລະ ພັດທະນາເສກຖະກິດ-ສັງຄົມລາວນັບມື້ດີຂຶ້ນ. ປັດຈຸບັນທະນາຄານດັ່ງກ່າວ, ໄດ້ເອົາໃຈໃສ່ຊ່ວຍເຫລືອສັງຄົມ ໂດຍຕະຫລອດມາຄື: ໄດ້ປະກອບສ່ວນຊ່ວຍເຫລືອເຄື່ອງມືການແພດ, ຊ່ວຍເຫລືອຜູ້ທຸກຍາກ. ແລະ ປະຊາຊົນຜູ້ໄດ້ຮັບຜົນກະທົບຈາກໄພພິບັດທາງທໍາມະຊາດຕ່າງໆ ດັ່ງສະພາບໄພນ້ຳຖ້ວມຢູ່ແຂວງພາກກາງ ແລະ ພາກໃຕ້ ອັນໄດ້ສ້າງຄວາມເສຍຫາຍໃຫຍ່ຫລວງໃຫ້ປະຊາຊົນ ແລະ ໃນໂອກາດດຽວກັນນີ້ ທະນາຄານ ຫວຽດຕິນ ລາວ ຈໍາກັດໄດ້ມອບເງິນຊ່ວຍເຫລືອໃຫ້ລັດຖະບານຈໍານວນ 100.000 ໂດລາສະຫະລັດເພື່ອນຳໄປ ຊ່ວຍເຫລືອໄພທໍາມະຊາດໃນຄັ້ງນີ້ອີກດ້ວຍ.

error: Content is protected !!