ຮ່ວມ​ໃຈ​ຊ່ວຍ​ເຫລືອ​ຜູ້​ປະສົບ​ໄພພິບັດ​ໃຫ້​ດີ​ທີ່​ສຸດ

- advert banner 728 90 728x90 - ຮ່ວມ​ໃຈ​ຊ່ວຍ​ເຫລືອ​ຜູ້​ປະສົບ​ໄພພິບັດ​ໃຫ້​ດີ​ທີ່​ສຸດ

ໂດຍ: ທິດ​ກ່ຳ

- new3 - ຮ່ວມ​ໃຈ​ຊ່ວຍ​ເຫລືອ​ຜູ້​ປະສົບ​ໄພພິບັດ​ໃຫ້​ດີ​ທີ່​ສຸດ

ໄພພິບັດທີ່ເກີດຈາກນ້ຳ ຖ້ວມໃນປີ 2019 ນີ້ ໜັກໜ່ວງສົມຄວນມີຄົນຕາຍເຖິງ 10 ກວ່າຄົນ, ເນື້ອທີ່ເສຍຫາຍໄດ້ ກວມເອົາ 2 ແຂວງພາກກາງ ແລະ 4 ແຂວງພາກໃຕ້.

ນອກຈາກນັ້ນ, ຍັງມີບັນຫາຟ້າຜ່າ, ດິນເຈື່ອນ, ໄຟໄໝ້ ແລະ ສັດຕູພືດທຳລາຍອັນໄດ້ສ້າງຄວາມເສຍຫາຍຕ່າງໆນາໆໃນ 13 ແຂວງ, 112 ເມືອງ, 2.072 ບ້ານ, 179.068 ຄອບຄົວ, 579.299 ຄົນ ແລະ ມີຜູ້ເສຍຊີວິດຫລາຍເຖິງ 28 ຄົນ ແລະ ສູນຫາຍອີກ 7 ຄົນ.

ແນວໃດກໍດີ, ຫລ້າສຸດ ໃນວັນທີ 16 ກັນຍາ ທີ່ຜ່ານ ມານີ້ ທ່ານຈະເລີນ ເຢຍປາວ ເຮີ ລັດຖະມົນຕີ ປະຈຳສຳນັກ ງານນາຍົກ, ໂຄສົກລັດຖະ ບານຮ່ວມກັບກະຊວງແຮງ ງານ ແລະ ສະຫວັດດີການ ສັງຄົມໄດ້ຖະແຫລງກ່ຽວ ກັບຜົນກອງປະຊຸມຮີບດ່ວນ ຂອງລັດຖະບານເພື່ອປຶກ ສາຫາລືກ່ຽວກັບການແກ້ໄຂຜົນເສຍຫາຍຈາກໄພພິບັດ ຕ່າງໆ ໂດຍສະເພາະແມ່ນ ບັນຫານ້ຳຖ້ວມໃນ 6 ແຂວງ ພາກກາງ ແລະ ພາກໃຕ້ທີ່ ກຳລັງປະເຊີນຢູ່ນັ້ນໃຫ້ຜ່ອນ ຜັນລົງ.

ຕໍ່ໄພພິບັດທີ່ເກີດຂຶ້ນຄັ້ງນີ້, ນັບແຕ່ຂັ້ນລັດຖະບານ, ບຸກຄົນ, ນິຕິບຸກຄົນ, ການຈັດຕັ້ງທຸກຂັ້ນບໍລິສັດຫ້າງ ຮ້ານຕະຫລອດຮອດການຈັດຕັ້ງສາກົນຈຳນວນໜຶ່ງ ໄດ້ສຸມໃສ່ຊ່ວຍເຫລືອຜູ້ປະສົບບັນຫາຢ່າງບໍ່ຫລົດລະຈົນມາຮອດປັດຈຸບັນນີ້, ກໍຍັງມີຫລາຍພາກສ່ວນໄດ້ຫລັ່ງ ໄຫລໄປໃຫ້ການຊ່ວຍເຫລືອບໍ່ວ່າຈະເປັນເງິນ, ວັດຖຸສິ່ງຂອງຕ່າງໆ ນັບແຕ່ເຂົ້າສານອາຫານແຫ້ງ, ເຄື່ອງອຸປະ ໂພກບໍລິໂພກ ແລະ ພາບທີ່ ໂດດເດັ່ນປະທັບໃຈທີ່ສຸດກໍ ຄືກອງທັບປະຊາຊົນລາວ, ໜ່ວຍກູ້ໄພແຕ່ລະເຂດແຂວງ ໄດ້ພ້ອມກັນອອກແຮງປະ ເຊີນໜ້າໂດຍກົງກັບໄພພິບັດ ນັບແຕ່ຕົ້ນຈົນຮອດມື້ນ້ຳບົກແຫ້ງ. ນີ້ຄືພາບທີ່ດີງາມ ຂອງຊາດ ແລະ ຄວາມພູມ ໃຈຕໍ່ຄົນລາວເຮົາທີ່ບໍ່ປະບໍ່ ຖິ້ມກັນໃນຍາມມີເຫດຮ້ອນອັດຕະຄັດຂັດສົນ.

- lattana 1 - ຮ່ວມ​ໃຈ​ຊ່ວຍ​ເຫລືອ​ຜູ້​ປະສົບ​ໄພພິບັດ​ໃຫ້​ດີ​ທີ່​ສຸດ

ແນວໃດກໍຕາມ, ເພື່ອສືບຕໍ່ຊ່ວຍເຫລືອແກ້ໄຂບັນ ຫາໄພພິບັດຫລັງນ້ຳຖ້ວມ ລັດຖະບານເຮົາຍັງໄດ້ກຳນົດເອົາ 13 ໜ້າວຽກມອບໃຫ້ບັນດາຂະແໜງການທີ່ກ່ຽວຂ້ອງຈັດຕັ້ງປະຕິບັດຈົນ ກວ່າຊີວິດການເປັນຢູ່ຂອງປະຊາຊົນຈະກ້າວເຂົ້າສະພາບປົກກະຕິ.

ການກຳນົດມອບໝາຍໜ້າວຽກນີ້ໄດ້ມຸ້ງເປົ້າໄປເຖິງກະຊວງການເງິນ, ກະຊວງກະສິກຳ ແລະ ປ່າໄມ້, ກະຊວງປ້ອງກັນຊາດ, ກະຊວງປ້ອງກັນຄວາມສະຫງົບ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງຖະແຫລງຂ່າວວັດທະນະທຳ ແລະ ທ່ອງທ່ຽວ ເປັນຜູ້ເຮັດໜ້າທີ່ຕາມພາລະບົດບາດໃຫ້ເປັນທີ່ປະຈັກຕາສົມກັບວ່າພັກ ແລະ ລັດຖະບານເຮົາຍາມໃດກໍໄດ້ເອົາ ໃຈໃສ່ໃກ້ຊິດຕິດແທດ, ເປັນຫວ່ງເປັນໄຍປະຊາຊົນບັນດາເຜົ່າຕະຫລອດມາ.

ຖືໄດ້ວ່າໃນປີ 2019 ເປັນປີໜຶ່ງທີ່ປະເທດຊາດຂອງ ພວກເຮົາໄດ້ຮັບຜົນກະທົບຈາກໄພພິບັດຕ່າງໆ ທີ່ເກີດ ລຽນຕິດຕໍ່ເນື່ອງອັນໄດ້ສ້າງຄວາມເສຍຫາຍຕໍ່ຊີວິດ ແລະ ຊັບສິນຂອງຊາດ, ຂອງປະຊາຊົນຢ່າງຫລວງຫລາຍພາຍມາກ ແລະ ຕາມເຮົາຄິດໄພພິບັດທີ່ເກີດຂຶ້ນນີ້ ເຮົາກໍບໍ່ຄວນປະໝາດເພາະສະພາບ ການປ່ຽນແປງຂອງດິນຟ້າອາກາດມັນບໍ່ຄືແຕ່ເກົ່າປາງ ຫລັງແລ້ວ. ເພາະສະນັ້ນ, ໃນສະພາບປັດຈຸບັນກໍຄືອະນາ ຄົດທຸກສິ່ງຢ່າງພວກເຮົາຕ້ອງມີຄວາມພ້ອມເພື່ອຕອບໂຕ້ ແລະ ຮັບມື້ໃຫ້ທວ່ງທັນ./.

- 576 - ຮ່ວມ​ໃຈ​ຊ່ວຍ​ເຫລືອ​ຜູ້​ປະສົບ​ໄພພິບັດ​ໃຫ້​ດີ​ທີ່​ສຸດ

error: Content is protected !!