ບໍ​ລິ​ການ U-money ທະນາຄານເທິງມືຖືຂອງຄົນລາວ

- advert banner 728 90 728x90 - ບໍ​ລິ​ການ U-money ທະນາຄານເທິງມືຖືຂອງຄົນລາວ

ເປັນຫຍັງຕ້ອງໃຊ້ຢູມັນນີ ?

- new3 - ບໍ​ລິ​ການ U-money ທະນາຄານເທິງມືຖືຂອງຄົນລາວ

– ກໍຍ້ອນສະດວກສາມາດ ຕື່ມມູນຄ່າໂທຫຼືຊໍາລະຄ່າບໍລິການອື່ນໆຂອງຢູນີເທວໄດ້ ແລະຍັງໄດ້ສ່ວນຫຼຸດສູງເຖິງ 5%

– ສາມາດໂອນເງິນດ້ວຍມືຖື ແລະ ຖອນອອກເປັນເງິນສົດສະດວກ, ໄວ ແລະ ປະຢັດເວລາ

– ສາມາດຮັກສາເງິນໄດ້ແບບປອດໄພ ແລະ ທ້ອນເງິນໃນໂຕ.

- 437142ba2ff4 1024x730 - ບໍ​ລິ​ການ U-money ທະນາຄານເທິງມືຖືຂອງຄົນລາວ

ບໍລິສັດ ສະຕາ ຟິນເທັກ ຈໍາກັດຜູ້ດຽວ (ບໍລິສັດ) ແມ່ນບໍລິສັດລູກຂອງບໍລິສັດ ສະຕາ ໂທລະຄົມ ຈໍາກັດ ທີ່ໄດ້ຖືກສ້າງຕັ້ງຂຶ້ນຢ່າງຖືກຕ້ອງຕາມກົດໝາຍ ແລະ ໄດ້ຮັບອະນຸຍາດໃຫ້ເປັນຜູ້ໃຫ້ບໍລິການດ້ານການໂອນເງິນພາຍໃນປະເທດ,ການບໍລິການຊໍາລະເງິນເອເລັກໂຕຣນິກ (e-money) ຜ່ານລະບົບມືຖື ຈາກທະນາຄານແຫ່ງ ສປປ ລາວ.

ການບໍລິການ u-money ແມ່ນບໍລິການດ້ານການເງິນທາງມືຖືທີ່ສາມາດນໍາໃຊ້ໄດ້ ແລ້ວໃນຂອບເຂດທົ່ວປະເທດອີງຕາມການສະໜອງລະບົບເຄືອຂ່າຍຂອງຢູນີເທວໃນທົ່ວປະເທດສາມາດບໍລິການທາງດ້ານການເງິນໄດ້ຢ່າງງ່າຍດາຍ ແລະ ສະດວກວ່ອງໄວ.

- lattana 1 - ບໍ​ລິ​ການ U-money ທະນາຄານເທິງມືຖືຂອງຄົນລາວ

ບໍລິການ u-money ນອກ ຈາກຮັບ-ສົ່ງ- ຖອນເງິນສົດ ແລ້ວ, u-money ກໍຍັງສາມາດຊໍາລະຄ່າບໍລິການຂອງຢູນີເທວໄດ້ຕື່ມອີກເຊັ່ນ: ສຳ ລັບຕື່ມເງິນມູນຄ່າໂທ, ຊຳລະເບີມືຖືລາຍເດືອນຈະໄດ້ຮັບສ່ວນຫຼຸດເຖິງ 5%; ສຳລັບຊໍາລະຄ່າບໍລິການ FTTH, ບໍລິການເຊົ່າສາຍ (Lease line) ຮັບສວນຫຼຸດ 2% ແລະ ຢູມັນນີແມ່ນຍັງສາມາດເຮັດໜ້າທີ່ ຄືຮັກສາເງິນເພື່ອທ້ອນໄດ້ນໍາອີກກໍລະນີຫາກບໍ່ຕ້ອງການຊໍາລະ ຫຼື ໂອນເງິນໃຫ້ຄົນອື່ນ.

ພິເສດ: ແຕ່ວັນທີ: 01/ 05/2019 ເຖິງ ວັນທີ: 31/ 10/2019, ລູກຄ້າທີ່ລົງ ທະບຽນໃໝ່ບໍລິການ ຢູມັນນີ ແລະ ເອົາເງິນເຂົ້າບັນບັນຊີ ຢູມັນນີ 30.000 ກີບຂຶ້ນໄປຈະ ໄດ້ຮັບມູນຄ່າໂທ 20,000 ກີບ/ນໍາໃຊ້ໄດ້ 7 ວັນ – ສໍາລັບ SIM ມືຖືແບບຕື່ມເງິນ ແລະ ແບບມືຖືຕັ້ງໂຕະ 030; ສໍາລັບ SIM ມືຖືແບບລາຍເດືອນ: ຈະຄິດໄລ່ເພືອຕັດຈໍານວນມູນຄ່າໂທ 20.000 ກີບໃນໃບບິນໃຫ້ແກ່ລູກຄ້າໃນທ້າຍເດືອນ ແລະ ສໍາລັບ SIM Net (3G &4G) ຈະໄດ້ຮັບດາຕາ 1GB ໃນບັນຊີ Data2 /ນໍາໃຊ້ໄດ້ 7 ວັນ.

ລູກຄ້ານໍາໃຊ້ເລກໝາຍຢູນີເທວ ສາມາດລົງທະບຽນນໍາໃຊ້ບໍລິການໄດ້ດ້ວຍຮູບແບບງ່າຍໆ ຄື: ລູກຄ້າລົງທະບຽນດ້ວຍຕົນເອງກົດ *999# ໂທອອກ ແລະ ປະຕິບັດຕາມຂັ້ນຕອນ ຫຼື ລູກຄ້າສາມາດດາວໂຫຼດ ແອັບພິເຄຊັນໃນ AppStore ແລະ Google Play ເພື່ອລົງທະບຽນ ແລະ ນຳໃຊ້ ຫຼື ສາມາດລົງທະບຽນນຳໃຊ້ບໍລິການ u-money ທີ່ປ່ອງບໍລິການຂອງຢູນີເທວ ແລະ ຈຸດຂາຍ ຢູມັນນີໄດ້. ກໍລະນີລູກຄ້າທີ່ໃຊ້ເບີຂອງເຄືອຂ່າຍອື່ນກໍສາມາດນໍາໃຊ້ບໍລິການ u-money ໄດ້ (ຮັບ-ສົງ-ຖອນ ເງິນສົດ) ພຽງແຕ່ນຳເງິນສົດ ແລະ ບັດປະຈາໍຕົວ, ສໍາມະໂນຄົວ ຫຼື ພາດສະປອດ)ເຮັດການບໍລິການໂອນເງິນ-ສົ່ງເງິນໃຫ້ຄອບຄົວໄດ້ທີ່ຮ້ານຈຸດຂາຍ ຢູມັນນີ ຫຼື ປ່ອງບໍລິການ ຢູນີເທວ ເພື່ອເຮັດທຸລະກໍາ. ກໍລະນີທີ່ລູກຄ້າຕ້ອງການລົງທະບຽນໃຊ້ບໍລິການທີ່ປ່ອງບໍລິການຂອງ ຢູນິເທວ ແລະ ຈຸດຂາຍ u-money(ຫາກລູກຄ້າຍັງບໍ່ທັນລົງທະບຽນເບີມືຖື),  ລູກຄ້າຈະຕ້ອງໄດ້ປະກອບເອກະສານຄື: ສໍາເນົາບັດປະຈໍາຕົວ ຫຼື ປື້ມສຳມະໂນຄົວ ຫຼື ໜັງສືຜ່ານ.

ບໍລິສັດ ສະຕາ ຟິນເທັກ ຈໍາກັດຜູ້ດຽວ ຈະສືບຕໍ່ຂະຫຍາຍການບໍລິການໃຫ້ມີຄວາມຫຼາກຫຼາຍເພື່ອເຮັດໃຫ້ການໂອນເງິນພາຍໃນປະເທດ ແລະ ການຊໍາລະຜ່ານມືຖືເປັນບໍລິການທີ່ເຕັມຮູບແບບ, ໃນອະຄົດຈະເພີ່ມຊ່ອງທາງການຊໍາລະໃຫ້ສະດວກສະບາຍໃຫ້ແກ່ລູກຄ້າເຊັ່ນ: ຊຳລະຄ່ານໍ້າ, ຊຳລະຄ່າໄຟຟ້າ, ຊື້ຫວຍ ແລະ ຊຳລະຄ່າໃຊ້ຈ່າຍຊື້ສິນຄ້າຕ່າງໆຕາມຮ້ານຄ້າຕ່າງໆ.

error: Content is protected !!