ໜຶ່ງ​ໃນ​ຄວາມ​ກັງວົນ​ໃຈ​ຂອງ​ຫວຽດນາມ​ກ່ຽວ​ກັບ​ການທ່ອງທ່ຽວ

ໜຶ່ງ​ໃນ​ຄວາມ​ກັງວົນ​ໃຈ​ຂອງ​ຫວຽດນາມ​ກ່ຽວ​ກັບ​ການທ່ອງທ່ຽວ - advert banner 728 90 728x90 - ໜຶ່ງ​ໃນ​ຄວາມ​ກັງວົນ​ໃຈ​ຂອງ​ຫວຽດນາມ​ກ່ຽວ​ກັບ​ການທ່ອງທ່ຽວ

​ໂດຍ: ​ວິ​ເສດ ສະ​ແຫວ​ງສຶກສາ

ໜຶ່ງ​ໃນ​ຄວາມ​ກັງວົນ​ໃຈ​ຂອງ​ຫວຽດນາມ​ກ່ຽວ​ກັບ​ການທ່ອງທ່ຽວ - new3 - ໜຶ່ງ​ໃນ​ຄວາມ​ກັງວົນ​ໃຈ​ຂອງ​ຫວຽດນາມ​ກ່ຽວ​ກັບ​ການທ່ອງທ່ຽວ

   ຫາກ​ເບິ່ງ​ແຕ່​ເລື່ອງ​ຕົວ​ເລກ​ນັກ​ທ່ອງ​ທ່ຽວ​ທີ່​ຫລຸຫ​ລັ່ງທັງ​ເທ​ເຂົ້າ​ໄປ​ຫວຽດນາມ​ແລ້ວ ​ຫລາຍ​ຄົນ​ກໍ​ຄົງ​ຈະ​ຊະອອນ​ໃຈນຳບໍ່​ແມ່ນ​ຂອງ​ຢອກ, ​ໃນ​ຂະນະ​ທີ່​ຈຳນວນ​ນັກ​ທ່ອງ​ທ່ຽວ​ທີ່​ເຂົ້າມາທ່ຽວ​ລາວ​ຫລຸດ​ຄາດໝາຍ (ສຳລັບ​ປີ 2018). ​ແຕ່​ທ່ານ​ຜູ້​ອ່ານ​ຮູ້​ບໍ່​ວ່າ​ທາງ​ການ​ຂອງ​ປະ​ເທດ​ຫວຽດນາມ​ນັ້ນຍັງ​ມີ​ຄວາມ​ກັງ​ວັນ​ໃຈ​ເພາະ​ຢ້ານ​ວ່າ​ວັນໜຶ່ງ​ຂ້າງ​ໜ້າ ອຸດ​ສະຫະ​ກຳ​ທ່ອງ​ທ່ຽວ​ທີ່​ພວມ​ເບັ່ງ​ບານ​ຢູ່​ດຽວ​ນີ້ ​ຈະ​ພົບ​ກັບ​ທາງ​ຕັນ ​ຍ້ອນ​ຄວາມ​ເມີນ​ເສີຍລະ​ເລີຍ​ກ່ຽວ​ກັບ​ປັດ​ໄຈອັນ​ຈຳ​ເປັນ​ໃນ​ການ​ເຮັດ​ໃຫ້​ອຸດ​ສາຫະ​ກຳ​ນີ້​ມີ​ຄວາມ​ຍືນຍົງ.

   ໜັງສືພິມ​ວຽງ​ຈັນທາ​ມ ສະບັບ​ວັນ​ທີ 26 ມັງກອນ​ປີ​ນີ້​ ທີ່​ອີງ​ຕາມ​ເປັນ​ພາສາ​ອັງກິດ​ແປ​ເປັນລາວ​ວ່າ: “ຊັບພະຍາກອນ​ດ້ານ​ການທ່ອງທ່ຽວ​ຂອງ​ຫວຽດນາມ​ພວມ​ຖືກ​ຂົ່ມຂູ່”. “​ໂດຍ​ໄດ້ບອກ​ວ່າການ​ທ່ອງ​ທ່ຽວ​ທີ່​ຂະຫຍາຍຕົວ​ເກີນ​ໄປ​ໄດ້​ທຳລາຍ​ຄວາມ​ສວຍ​ງາມ​ຂອງ​ແຫ​ລ່ງທ່ອງ​ທ່ຽວ​ຕາມ​ຊາຍ​ຝັງ​ຂອງ​ບັນດາ​ແຂວງ, ​ເຊິ່ງອາດ​ຈະ​ກາຍ​ເປັນຄວາມ​ຫາ​ຍະ​ນະ​ຂອງປະ​ເທດ​ໃນ​ອະນາຄົດ” ​ແລະ ວ່າ​ອີກ 5 ປີ​ຕໍ່ໜ້າ​ ຫວຽດນາມ​ອາດ​ສູນ​ເສຍ​ຊັບພະຍາກອນ​ການທ່ອງທ່ຽວ​ທັງ​ໝົດ.

  ຄຳ​ເຕືອນ​ນີ້​ອອກ​ມາ​ຈາກ​ປາກ​ທ່ານ ວູ​ເທ​ບິງ (Vu the binh) ຮອງ​ຫົວໜ້າ​ສະມາຄົມການທ່ອງທ່ຽວ​ຫວຽດນາມ. ທ່ານ​ໄດ້​ເອົາ​ຕົວຢ່າງ​ຊາຍ​ຝັ່ງກົວ​ແດ (Cua Dia) ​ຢູ່​ເມືອງ​ໂຮ້ຍອານ (Hoi An) ວ່າ: ພວມ​ສູນ​ເສຍ​ຄວາມ​ມີ​ສະ​ເໜ່ສຳລັບ​ນັກ​ທ່ອງ​ທ່ຽວ​ຈາກ​ຕາ​ເວັນ​ຕົກ ​ຍ້ອນ​ວ່າ​ຖືກ​ທາດ​ເກືອ​ຮຸກ​ຮານ. ໂຕ​ຊາຍ​ຝັ່ງ​ເອງກໍ​ຖືກ​ເຊາະ​ເຈືອ​ນ ​ຍ້ອນ​ຂາດ​ຂີ້ຕົມ ​ແລະ ຂີ້ດິນ​ທີ່​ເຄີຍ​ໄຫລ​ມາ​ປົກ​ຫຸ້ມ​ແຕ່​ຈາກ​ບໍລິ​ເວນ​ແຫ​ລ່ງນ້ຳຂ້າງ​ເທິງ. ບໍ່​ມີ​ຂີ່​ຕົມ ​ແລະ ຂີ້ດິນ​ໄຫລ​ມາ​ແຕ່​ແມ່ນ້ຳດ້ານ​ເທິງ ກໍ​ເພາະວ່າ​ມີ​ການ​ກໍ່ສ້າງ​ເຂື່ອນ​ກີດ​ກັນ​ໄວ້​ ບໍ່​ນັບ​ການ​ລັກລອບ​ຂຸດ​ຄົ້ນດິນຊາຍ​ແບບ​ຜິດ​ກົດໝາຍ. ນອກ​ນັ້ນກໍ​ຍັງ​ມີ​ການ​ປຸກ​ສ້າງ​ທີ່​ພັກອຶກ​ກະ​ທຶກ​ຄຶກ​ໂຄມ​ຕາມ​ແຄມ​ຝັ່ງປິດ​ຕັນ​ດິນຊາຍ​ທີ່​ເຄີຍ​ໄຫລ​ລົງ​ສູ່​ຫາ​ດຊາຍ.

  ຫາດ​ຊາຍ​ມຸຍ​ເນ (Mui Ne) ຢູ່​ແຂວງ​ນິງທວນ,​ ເຊິ່ງ​ເມື່ອ​ກ່ອນ​ໄດ້​ຄະ​ແນນ​ເປັນ 1 ​ໃນ 10 ຫາດ​ຊາຍ​ທີ່​ງາມ​ທີ່​ສຸດ​ໃນ​ພາກພື້ນອາຊີ​-ປາຊີ​ຟິກ​,​ ແຕ່​ດຽວ​ນີ້​ກໍ​ພວມ​ຢູ່​ໃນ​ສະພາບ​ດຽວ​ກັບຫາ​ດຊາຍ​ຝັ່ງ​ກົວ​ແດທີ່​ໂຮ້ຍອານ.

  ຕາມ​ຄຳ​ເຫັນ​ຂອງ​ທ່ານ​ຮອງ​ຫົວໜ້າ​ສະມາຄົມ​ການທ່ອງທ່ຽວຫວຽດນາມ​ແລ້ວ, ​ໃນ​ປັດຈຸ​ບັນ​ມີ​ພຽງ​ຫາດ​ຊາຍ​ຝັ່ງ​ຢູ່​ແຂວງນິງທວນ (Ninh Thnan) ​ແລະ ຟູ​ເຢນ (phu yen) ​ເທົ່າ​ນັ້ນ ທີ່​ຍັງ​ຮັກສາ​ມົນ​ສະ​ເໜ່​ໄວ້​ໄດ້ ​ແລະ ​ໄດ້​ເຕືອນ​ສອງ​ແຂວງ​ນີ້​ວ່າ: ຢ່າ​ຟ້າວ​ຟັ່ງ​ພັດທະນາ​ແຫ​ລ່ງທ່ອງ​ທ່ຽວ​ຊາຍ​ຝັ່ງ, ຄວນ​ຖອດ​ຖອນບົດຮຽນ​ຈາກ​ສະພາບ​ເສຍ​ຫາຍ​ຂອງ​ບ່ອນ​ອື່ນ​ກ່ອນ ​ແລ້ວ​ຈຶ່ງ​ວາງ​ແຜນ​ພັດທະນາ ​ແລະ ຄັ​ດ​ເລືອກ​ຜູ້​ລົງທຶນ​ຢ່າງ​ລະມັດລະວັງ​. ສ່ວນ​ຫາ​ດຊາຍ​ຝັ່ງ​ໄບເກ​ນ (Bai ken) ຢູ່​ເກາະ​ຟູກ​ວກ, ​ເຊິ່ງ​ໄດ້​ຖືກ​ຈັດ​ອັນ​ດັບ​ເປັນ 1 ​ໃນ 100 ຊາຍ​ຝັ່ງ​ທີ່​ງາມທີ່​ສຸດ​ຂອງ​ໂລກ (ຈາກ​​ເຄືອຂ່າຍ​ການບິນ​ກາ​ນາ​ດາ) ນັ້ນ ກໍ​ພວມ​ປະ​ເຊີນ​ກັບ​ຄວາມ​ຫາ​ຍະ​ນະ ຍ້ອນ​ການ​ປຸກ​ສ້າງ, ​ເຊິ່ງສ່ວນ​ຫລາຍ​ແມ່ນ​ຜິດ​ກົດໝາຍ.

  ຕົວ​ເລກ​ໃນຕົ້ນປີ​ນີ້​ນັ້ນ ​ໄດ້​ຊີ້ອອກ​ວ່າ​ມີ​ການ​ປຸກ​ສ້າງ​ຈຳນວນ 650 ຫົວໜ່ວຍ​ໄດ້​ລະ​ເມີດ​ລະບຽບ​ການ​ກ່ຽວ​ກັບ​ການ​ປຸກ​ສ້າງທີ່​ພັກ ກໍ​ຄື​ຕຶກ​ຕ່າງໆທີ່​ປຸກ​ສ້າງ​ຂຶ້ນນັ້ນ​ ໄດ້​ປິດ​ບັງ​ຄວາມ​ງາມ​ຂອງ​ຊາຍ​ຝັ່ງ​ໝົດ.

ໜຶ່ງ​ໃນ​ຄວາມ​ກັງວົນ​ໃຈ​ຂອງ​ຫວຽດນາມ​ກ່ຽວ​ກັບ​ການທ່ອງທ່ຽວ - lattana 1 - ໜຶ່ງ​ໃນ​ຄວາມ​ກັງວົນ​ໃຈ​ຂອງ​ຫວຽດນາມ​ກ່ຽວ​ກັບ​ການທ່ອງທ່ຽວ

  ຢູ່​ແຂວງ​ບາ​ເຣຍວຸ້ງ​ເຕົ່າ, ​ເຊິ່ງຖື​ວ່າ​ເປັນ: “ປອດ​ຂຽວ” ຂອງ​ເຂດ​ພາກ​ໃຕ້​ຫວຽດນາມ​ນັ້ນ ດຽວ​ນີ້​ກຳລັງ​ຖືກ​ນັກ​ລົງທຶນ​ຍາດ​ແຍ່ງ​ແຂ່ງຂັນ​ກັນຫາ​ປະ​ໂຫຍ​ດ

ຍ້ອນ​ທາງ​ແຂວງ​ເອົາ​ໃຈ​ນັກ​ລົງທຶນ​ຫລາຍ​ເກີນ​ໄປ​ ຄື​ພວກ​ເຂົາ​ສາມາດ​ເຮັດ​ຫຍັງ​ກໍ​ໄດ້​ກັບ​ພື້ນທີ່​ທີ່​ໄດ້​ຮັບ​ສິດ​ລົງທຶນ.

  ບົດ​ຄວາມ​ໄດ້​ປິດ​ທ້າຍ​ວ່າ: ສູດ​ສຳ​ເລັດ​ຮູບ​ທີ່​ໃຊ້​ຕີ​ລາຄາ​ຄວາມ​ສົມບູນ​ແບບ​ຂອງ​ແຫ​ລ່ງທ່ອງ​ທ່ຽວ​ຫວຽດນາມ​ນັ້ນ ຍັງ​ຢືດຖື​ຢູ່ 3 ຂໍ້​ຄື: ສະຖານ​ທີ່​ຕ້ອງ​ມີ​ທິວ​ທັດ​ສວຍ​ງາມ, ມີ​ການ​ບໍລິການ​ທີ່​ສະດວກ​ສະບາຍ ​ແລະ ມີ​ຈຳນວນ​ນັກ​ທ່ອງ​ທ່ຽວ​ຕອມ​ຢ່າງ​ຫລວງຫລາຍ ​ແລະ ສູດ​ນີ້​ເອງ ​ທີ່​ອາດ​ທຳລາຍ​ຄວາມ​ຢືນ​ຍົງ​ຂອງ​ອຸດ​ສາຫະ​ກຳ​ທ່ອງ​ທ່ຽວ​ໃນ​ທີ່​ສຸດ.

ໜຶ່ງ​ໃນ​ຄວາມ​ກັງວົນ​ໃຈ​ຂອງ​ຫວຽດນາມ​ກ່ຽວ​ກັບ​ການທ່ອງທ່ຽວ - 249 1 - ໜຶ່ງ​ໃນ​ຄວາມ​ກັງວົນ​ໃຈ​ຂອງ​ຫວຽດນາມ​ກ່ຽວ​ກັບ​ການທ່ອງທ່ຽວ

error: Content is protected !!