ພົບພໍ້ບັນຫາ ຈຶ່ງພາໃຫ້ເຂັ້ມແຂງ

ພົບພໍ້ບັນຫາ ຈຶ່ງພາໃຫ້ເຂັ້ມແຂງ - advert banner 728 90 728x90 - ພົບພໍ້ບັນຫາ ຈຶ່ງພາໃຫ້ເຂັ້ມແຂງ

ໂດຍ: ມຶກບໍ່​ແຫ້ງ

ພົບພໍ້ບັນຫາ ຈຶ່ງພາໃຫ້ເຂັ້ມແຂງ - new3 - ພົບພໍ້ບັນຫາ ຈຶ່ງພາໃຫ້ເຂັ້ມແຂງ

ໄພນໍ້າຖ້ວມປີນີ້ ແມ່ນຮ້າຍແຮງສົມຄວນ, ຍ້ອນມີບົດຮຽນ ໃນປີຜ່ານໆ ມາ ການນຳພາ ເພື່ອຮັບມືກັບໄພພິບັດ ນັບມື້ນັບດີຂຶ້ນ.

2019​ ແມ່ນອີກປີໜຶ່ງທີ່ລາວເຮົາພົບພໍ້ກັບໄພນໍ້າຖ້ວມ ທີ່ຮ້າຍແຮງ ໃນຮອບຫຼາຍປີ ທັງກວມເອົາບໍລິເວນ ກວ້າງຂວາງ, ອີງຕາມ ກະຊວງ ແຮງງານ ແລະ ສະຫວັດ​ດີການ ສັງຄົມ ໄດ້ລາຍ ເມື່ອບໍ່ດົນມານີ້ ວ່າ ໄພນໍ້າຖ້ວມ ເນື່ອງຈາກ ພາຍຸ ໂພດູ ແລະ ດີເພຣຊັນ ພັດຜ່ານ ເມື່ອທ້າຍ ເດືອນສິງຫາ ຫາ ກັນຍາ 2019ໄດ້ສົ່ງຜົນກະທົບຕໍ່ 6​ ແຂວງພາກກາງ ຫາ ພາກໃຕ້, ມີ 37​ ຕົວເມືອງ ແລະ ປະຊາຊົນ ຈຳນວນ 2,2​ ແສນກວ່າຄົນໄດ້ຮັບ ຜົນກະທົບ.

ເນື້ອທີ່ທຳການຜະລິດຂອງປະຊາຊົນຈຳນວນ 1,3 ແສນກວ່າເຮັກຕາ ໄດ້​ຮັບຜົນເສຍຫາຍ ເຊິ່ງກາຍເປັນສິ່ງທ້າທາຍໃນການບັນລຸເປົ້າໝາຍການ ພັດທະນາ ຂອງລັດຖະບານ ໂດຍສະເພາະແມ່ນການຫຼຸດຜ່ອນຄວາມທຸກ ຍາກ ຂອງປະຊາຊົນໃນທົ່ວປະເທດ.

ແຕ່ແນວໃດກໍດີ, ການໂຕ້ຕອບ ແລະຮັບມື ກັບໄພພິບັດປີນີ້ ສາມາດ ສັງເກດໄດ້ວ່າ ດີຂຶ້ນກວ່າ ປີຜ່ານມາຫຼາຍດ້ານ, ເປັນຕົ້ນ ການຊີ້ນຳທີ່ທັນ ການຂອງການນຳສູງສຸດ, ພາຍຫຼັງຮູ້ຂ່າວນໍ້າຖ້ວມກະທັນຫັນ ທ່ານ ນາຍົກ ທອງລຸນ ສີສຸລິດ ພ້ອມດ້ວຍຄະນະກໍໄດ້ຊີ້ນຳໃຫ້ບັນດາພາກສ່ວນທີ່ກ່ຽວ ຂ້ອງເລັ່ງໃຫ້ການຊ່ວຍເຫຼືອປະຊາຊົນເປັນການດ່ວນ.

ເມື່ອເປັນເຊັ່ນນັ້ນ, ກະຊວງແຮງງານ ແລະ ສະຫວັດດີການສັງຄົມ ໃນນາມເປັນປະທານ ຄະນະກຳມະການຄວບຄຸມ ແລະ ປ້ອງກັນໄພພິບັດ ແຫ່ງຊາດໄດ້ສົມທົບກັບພາກສ່ວນທີ່ກ່ຽວຂ້ອງໂດຍສະເພາະກະຊວງປ້ອງ ກັນປະເທດ ແລະ ກະຊວງອື່ນໆ ພ້ອມພາກັນໃນການລົງພາກສະໜາມ ເພື່ອຊ່ວຍເຫຼືອ ປະຊາຊົນ ທີ່ໄດ້ຮັບຜົນກະທົບ, ນັບແຕ່ການກະກຽມ ເຂົ້າສານ ອາຫານແຫ້ງ, ນໍ້າດື່ມ ແລະ ວັດຖຸອຸປະກອນອັນຈຳເປັນ ໃຫ້ແກ່ປະຊາຊົນ, ນອກນັ້ນພວກເຮົາຍັງເຫັນການກຽມພ້ອມທາງດ້ານ ເຮືອບິນ, ລົດ, ເຮືອ, ລົດທີ່ສະເທືອນບົກສະເທືອນນໍ້າກໍອອກມາຮັບໃຊ້ ໃນຍາມສຸກເສີນເຊັ່ນກັນ.

ພ້ອມນັ້ນ, ພາກສ່ວນອື່ນໆ ໂດຍສະເພາະ ບັນດາໜ່ວຍກູ້ໄພ, ປະຊາຊົນ ທົ່ວໄປ, ພຣະສົງ ສຳມະເນນທີ່ມີເງື່ອນໄຂກໍໄດ້ພ້ອມພາກັນ ໃນການສຸມໃສ່ຊ່ວຍເຫຼືອຜູ້ໄດ້ຮັບຜົນກະທົບຢ່າງທັນການ.

ພົບພໍ້ບັນຫາ ຈຶ່ງພາໃຫ້ເຂັ້ມແຂງ - lattana 1 - ພົບພໍ້ບັນຫາ ຈຶ່ງພາໃຫ້ເຂັ້ມແຂງ

ນອກຈາກ ການໂຕ້ຕອບດັ່ງກ່າວ,  ຍັງສັງເກດເຫັນວ່າ ການເຕືອນ ໄພນໍ້າຖ້ວມລ່ວງໜ້າກໍຂ້ອນຂ້າງເຮັດໄດ້ດີ ໂດຍສະເພາະການແຈ້ງຂ່າວ ພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດ ຕົວຢ່າງ ການ ແຈ້ງເຕືອນກ່ຽວກັບພາຍຸ ໂພດູ ໃນວັນທີ 28 ກໍຖືວ່າ ຊັດເຈນສົມຄວນ ໂດຍ ເພິ່ນໄດ້ແນະນຳຮອດວ່າ “ໃຫ້ມີການເກັບມ້ຽນ ເຄື່ອງຂອງຈຳເປັນ ແລະ ສັດລ້ຽງໄປໄວ້ບ່ອນສູງ ເນື່ອງຈາກວ່າຈະມີນໍ້າໄຫຼຊຸ ແລະ ນໍ້າຖ້ວມ ອັ່ງ”.

ອັນສຳຄັນ ພວກເຮົາຕ້ອງເພີ່ມທະວີຄວາມຕື່ນຕົວ ແລະ ໃຫ້ຄວາມ ສຳ ຄັນຕໍ່ກັບການແຈ້ງເຕືອນລັກສະນະນີ້ໃນອະນາຄົດ ເພື່ອການກະກຽມຄວາມ ຮອບດ້ານຕັ້ງແຕ່ທ້ອງຖິ່ນສູ່ສູນກາງ, ຮັບປະກັນໄດ້ວ່າປະຊາຊົນໃນທ້ອງ ຖິ່ນໄດ້ຮັບຂໍ້ມູນຢ່າງທົ່ວເຖິງ ແລະທັນການ.

ນັກຊ່ຽວຫຼາຍທ່ານກໍເຫັນດີເປັນເອກະພາບກັນວ່າ ໃນອະນາຄົດນັ້ນ ໄພພິບັດບໍ່ວ່ານໍ້າຖ້ວມ, ໄພແຫ້ງແລ້ງ ແລະ ອື່ນໆຈະເກີດຖີ່ຂຶ້ນ ແລະ ເພີ່ມ ຄວາມຮຸນແຮງຂຶ້ນຍ້ອນຫຼາຍປັດໄຈເຊັ່ນ: ການປ່ຽນແປງດິນຟ້າອາກາດ, ຄວາມສົມດູນທາງດ້ານລະບົບນິເວດ ໄດ້ຄ່ອຍໆສູນຫາຍໄປ.

ເພາະສະນັ້ນ, ການກຽມພ້ອມຮັບມື ໂດຍສ້າງຄວາມເຂັ້ມແຂງ ແຕ່ລະ ຂັ້ນ, ການຊີ້ນຳ ແລະ ນຳພາຢ່າງຮອບດ້ານ ເພື່ອຕອບຕ້ານໄພພິບັດໃນອະ ນາຄົດດ້ວຍການຖອດຖອນບົດຮຽນທີ່ພວກເຮົາປະສົບພົບພໍ້ໃນປັດຈຸບັນ ເພື່ອຮັບປະກັນວ່າ ພວກ​ເຮົາ​ຈະສາມາດຫຼຸດຜ່ອນຜົນເສຍຫາຍທາງດ້ານຊີວິດ ແລະ ຊັບສິນໃຫ້ດີທີ່ສຸດ.

error: Content is protected !!