ໂຄງການ 300 ລ້ານ​ແຫ່ງ​ຄວາມ​ຫວັງ

- advert banner 728 90 728x90 - ໂຄງການ 300 ລ້ານ​ແຫ່ງ​ຄວາມ​ຫວັງ

- new3 - ໂຄງການ 300 ລ້ານ​ແຫ່ງ​ຄວາມ​ຫວັງ

​ໂດຍ: ທິດ​ກ່ຳ

ນັບວ່າເປັນນິມິດໝາຍທີ່ດີ, ລະຫວ່າງສອງຊາດສອງ ແຜ່ນດິນສົມກັບວ່າເປັນເພື່ອນ ຮ່ວມມືຍຸດທະສາດຮອບດ້ານລະຫວ່າງ ລາວ-ຈີນ ຄືໃນຕົ້ນ ເດືອນ ກໍລະກົດທີ່ຜ່ານມາ ສອງປະເທດໄດ້ມີການຮ່ວມມືກັນອັນເປັນໂຄງການສົ່ງ ເສີມວິສະຫະກິດຂະໜາດນ້ອຍ ແລະ ຂະໜາດກາງ (SMEs) ໂດຍທາງຈີນ ໄດ້ປ່ອຍເງິນກູ້ໃຫ້ທາງຝ່າຍ ລາວ ຈຳນວນເຖິງ 300 ລ້ານ ໂດລາສະຫະລັດ.

ຈຸດປະສົງຫລັກໆກໍຄື ເພື່ອສົ່ງເສີມທຸລະກິດຂະໜາດນ້ອຍ ແລະ ຂະໜາດກາງໃນ ສປປ ລາວ, ໂດຍ ສະ ເພາະນອນຢູ່ໃນເງື່ອນໄຂ ການໃຫ້ເງິນກູ້ຢືມນີ້ແມ່ນຈະປ່ອຍອອກ ເປັນ 3 ງວດໆ ລະ 100 ລ້ານໂດລາ.

ໃນເບື້ອງຕົ້ນກໍຈະເລີ່ມ ປ່ອຍ 100 ລ້ານໂດລາກ່ອນ, ເຊິ່ງໃນວັນທີ 13 ກັນຍາ 2019  ຜ່ານມາ ກົມບໍລິການ ທະນາຄານຂອງທະນາຄານແຫ່ງ ສປປ ລາວ ໄດ້ເຊັນບົດບັນທຶກຄວາມເຂົ້າໃຈກັບ 10 ທະນາຄານທຸລະກິດທີ່ມີ ເງື່ອນໄຂຄົບຖ້ວນເຊັ່ນ: ທະນາຄານການຕ່າງປະເທດລາວມະຫາຊົນ, ທະນາຄານພັດທະນາລາວ, ທະນາຄານ ສົ່ງເສີມກະສິກຳ, ທະນາຄານ ມາຣູຮານ ເຈແປນລາວ ຈຳກັດ, ທະນາຄານຮ່ວມພັດທະນາ, ທະນາຄານລາວ-ຈີນ ຈຳກັດ, ທະນາຄານຮ່ວມທຸລະກິດ ລາວ-ຫວຽດນາມ, ທະນາຄານເອສທີ ຈຳກັດ, ທະນາຄານຫຸ້ນສ່ວນການ ຄ້າທະຫານສາຂາລາວ ແລະ ທະນາຄານໄຊງ່ອນເທືອງ ຕິນຈຳກັດ.

ໃນການເຂົ້າຮ່ວມໂຄງ ການເງິນກູ້ຈາກ CDB ບ້ວງ 300 ລ້ານນີ້ເປົ້າໝາຍແມ່ນ ເລັ່ງໃສ່ການພັດທະນາແບບ ຍືນຍົງຂອງລັດຖະບານກໍຄື ການພັດທະນາເສດຖະກິດ- ສັງຄົມແຫ່ງຊາດໃຫ້ເຕີບ ໃຫຍ່ເຂັ້ມແຂງດ້ວຍຮູບການສົ່ງເສີມການພັດທະນາ SMEs ທີ່ຂະແໜງທະນາຄານໄດ້ຮັບການມອບຈາກ ລັດຖະບານ ເຊິ່ງໂຄງການດັ່ງ ກ່າວໄດ້ມີການປຶກສາຫາລື ກັນມາແຕ່ຕົ້ນປີ 2017 ໄລຍະກູ້ຢືມພາຍໃນກຳນົດ 5 ປີເພື່ອສືບຕໍ່ເອົາໄປປ່ອຍກູ້ໃຫ້ ໂຄງການພັດທະນາ SMEs ໃນ ສປປ ລາວ.

- lattana 1 - ໂຄງການ 300 ລ້ານ​ແຫ່ງ​ຄວາມ​ຫວັງ

ແນວໃດກໍຕາມ, ຄາດກະ ວ່າເມື່ອຄົບກຳນົດ 5 ປີກໍຄືປີ ຕໍ່ໆ ໄປພວກເຮົາຈະມີຄວາມ ຫວັງຕໍ່ຂົງເຂດທຸລະກິດຂະໜາດນ້ອຍ ແລະ ຂະໜາດ ກາງມີຄວາມເຂັ້ມແຂງ ແລະ ເຕີບໂຕຂຶ້ນຢ່າງວ່ອງໄວ.

ອີງຕາມແຜນລົບລ້າງ ຄວາມທຸກຍາກ ແລະ ໃຫ້ສາມາດຫລຸດພົ້ນອອກຈາກການ ເປັນປະເທດດ້ອຍພັດທະນາ ໃນປີ 2024 ກໍຄືການເລັ່ງ ຜະລິດສິນຄ້າແບບຍືນຍົງເພື່ອສົ່ງອອກໃຫ້ຫລາຍໆ ລື່ນກວ່າສິ່ງທີ່ມີໃນປັດຈຸບັນ, ຄາດວ່າຮ່ວງເງິນກູ້ 300 ລ້ານໂດລາ ຈະເປັນຂໍກຸນ ແຈກະຕຸກ ຊຸກຍູ້ໃຫ້ການຜະລິດສິນຄ້າຈາກທຸລະກິດຂະໜາດນ້ອຍ ແລະ ຂະໜາດກາງເພີ່ມຂຶ້ນຢ່າງເປັນຮູບປະທຳ.

ເພາະສະນັ້ນ, ຈຶ່ງເວົ້າໄດ້ວ່າໂຄງການ 300 ລ້ານໂດລາເປັນໂຄງການແຫ່ງຄວາມຫວັງ ແລະ ເປັນໂຄງການ ທີ່ດີໃຫ້ຜູ້ປະກອບການທຸລະກິດຂະໜາດນ້ອຍ ແລະ  ຂະໜາດກາງໃນ ສປປ ລາວ ຂອງພວກເຮົາ.

ໃນອະນາຄົດປະເທດ ຊາດບ້ານເມືອງເຮົາຈະມີຄວາມຫລາກຫລາຍຈະເລີນຮັ່ງມີ, ເສດຖະກິດ- ສັງຄົມ ຂອງປະເທດຈະຂະຫຍາຍຕົວ, ການສົ່ງອອກຫລາຍ, ການຂາດດູນ ໜ້ອຍ ແລະ ຈະເຮັດໃຫ້ຄຸນຄ່າຂອງເງິນ ກີບ ລາວແຂງໂຕຂຶ້ນຢ່າງໝັ້ນຄົງ./.

- 246 - ໂຄງການ 300 ລ້ານ​ແຫ່ງ​ຄວາມ​ຫວັງ

error: Content is protected !!