ຄຳ​ມ່ວນ​ເປີດ​ຮ້ານ​ຂາຍ​ເຂົ້າ​ເພື່ອ​ແຊກ​ແຊງ​ລາຄາ

- advert banner 728 90 728x90 - ຄຳ​ມ່ວນ​ເປີດ​ຮ້ານ​ຂາຍ​ເຂົ້າ​ເພື່ອ​ແຊກ​ແຊງ​ລາຄາ

- new3 - ຄຳ​ມ່ວນ​ເປີດ​ຮ້ານ​ຂາຍ​ເຂົ້າ​ເພື່ອ​ແຊກ​ແຊງ​ລາຄາ

ເມື່ອບໍ່ດົນມານີ້ ພະແນກ ອຸດສາຫະກຳ-ການຄ້າ ແຂວງ ຄຳມ່ວນຮ່ວມກັບສະຫະກອນພັດທະນາກະສິກຳ ແລະ ກຸ່ມໂຮງສີເຂົ້າ ແຂວງ ຄຳມ່ວນ ຈັດເປີດຮ້ານຂາຍ ເຂົ້າສານເພື່ອແຊກແຊງລາຄາ ແລະ ດັດສະນີຕະຫຼາດຂຶ້ນທີ່ຕະຫຼາດສຸກສົມບູນ(ຫຼັກ ສາມ)ໃນເທດສະບານ ເມືອງ ທ່າແຂກ ໂດຍການສະໜັບສະ ໜູນຫ້ອງຂາຍ ຈາກໂຄງການ ພັດທະນາເສດຖະກິດພາກພື້ນ ແລະ ທ້ອງຖິ່ນຕາມແລວເສດ ຖະກິດຕາເວັນອອກ-ຕາເວັນຕົກ ສະຖາບັນລຸ່ມແມ່ນໍ້າຂອງ.

ເພື່ອປະຕິບັດຕາມການຊີ້ນຳຂອງກະຊວງອຸດສາຫະກຳ ແລະ ການຄ້າໃນການ ຈັດຕັ້ງປະຕິບັດຄັງແຮເຂົ້າ ແຊກແຊງລາຄາ ແລະ ດັດສົມຕະຫຼາດຂອງລັດຖະບານໃຫ້ໄດ້ຮັບຜົນ, ເຊິ່ງເຂົ້າທີ່ນຳມາ ຂາຍແມ່ນມີລາຄາ 6.700 ກີບ/ກິໂລ ສຳລັບເຂົ້າສານ ໜຽວ. ສ່ວນເຂົ້າສານຈ້າວ ແມ່ນມີຫຼາຍລາຄາໃຫ້ເລືອກຕາມຄວາມຕ້ອງການ ເຊິ່ງ ເໝາະສຳລັບພະນັກງານ, ທະຫານ, ຕຳຫຼວດ ແລະ ປະຊາຊົນທີ່ມີລາຍຮັບຕໍ່າ ເພື່ອແກ້ໄຂ ຄວາມຂາດເຂີນ ເຂົ້າກິນພາຍ ໃນຄອບຄົວທີ່ຈະຕ້ອງໄດ້ບໍລິ ໂພກເຂົ້າທີ່ມີຄຸນະພາບ, ສຳຄັນໄປກ່ວານັ້ນ ແມ່ນເພື່ອຮັກ ສາສະຖຽນລະພາບດ້ານລາຄາສິນຄ້າ ແລະ ເສດຖະກິດ ໃຫ້ໝັ້ນຄົງຫຼີກລ່ຽງຜົນກະທົບຈາກບັນຫາອື່ນໆ ທີ່ຈະກາຍເປັນປາກົດການຫຍໍ້ທໍ້ໃນສັງຄົມ, ຮັບປະກັນ ຄວາມສະຫງົບໃຫ້ຜູ້ບໍລິໂພກ ໄດ້ຮັບຄວາມເປັນທຳທາງ ດ້ານປະລິມານ, ລາຄາ ແລະ ຄຸນນະພາບທັງເປັນການປະຕິບັດພາລະບົດບາດຂອງ ຂະແໜງການຄ້າໃນການ ຕິດຕາມ, ກວດກາ, ຄຸ້ມຄອງລາຄາສິນຄ້າ ແລະ ຄ່າບໍລິການ, ຫຼີກລ່ຽງການສວຍໂອກາດເພື່ອເກງກຳໄລຂອງພໍ່ ຄ້າມືກາງໃນໄລຍະຄ່າເງິນ ກີບຕົກຕໍ່າ./.

- lattana 1 - ຄຳ​ມ່ວນ​ເປີດ​ຮ້ານ​ຂາຍ​ເຂົ້າ​ເພື່ອ​ແຊກ​ແຊງ​ລາຄາ
- 234 - ຄຳ​ມ່ວນ​ເປີດ​ຮ້ານ​ຂາຍ​ເຂົ້າ​ເພື່ອ​ແຊກ​ແຊງ​ລາຄາ

error: Content is protected !!