ກະຊວງ ຖວທ ມອບເຄື່ອງຊ່ວຍເຫລືອໃຫ້ຜູ້ປະສົບໄພນ້ຳຖ້ວມຢູ່ເມືອງຈໍາພອນແຂວງ ສະຫວັນນະເຂດ

- advert banner 728 90 728x90 - ກະຊວງ ຖວທ ມອບເຄື່ອງຊ່ວຍເຫລືອໃຫ້ຜູ້ປະສົບໄພນ້ຳຖ້ວມຢູ່ເມືອງຈໍາພອນແຂວງ ສະຫວັນນະເຂດ

ວັນທີ 21 ກັນຍານີ້ ສາມອົງການຈັດຕັ້ງມະຫາຊົນ ກະຊວງ ຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ນໍາໂດຍ ທ່ານ ຂັນແກ້ວ ພົມມະໄກສອນ, ຫົວໜ້າກົມຈັດຕັ້ງ ແລະ ພະນັກງານ, ຜູ້ຊີ້ນໍາວຽກງານອົງການຈັດຕັ້ງມະຫາຊົນຂອງກະຊວງ ໄດ້ນໍາເອົາເຄື່ອງຊ່ວຍເຫລືອໄປມອບໃຫ້ຜູ້ປະ ສົບໄພນ້ຳຖ້ວມຢູ່ເມືອງ ຈໍາພອນ, ແຂວງ ສະຫວັນນະເຂດ. ພິທີມອບ-ຮັບເຄື່ອງຊ່ວຍເຫລືອໃນຄັ້ງນີ້ ໄດ້ຈັດຂຶ້ນຢູ່ບ້ານ ຊະຄຶນໃຕ້ ຮັບໂດຍ ທ່ານ ສີສຸວັນ ສຸວັນນະສານ, ຮອງເຈົ້າເມືອງ ຈໍາພອນ.

- new3 - ກະຊວງ ຖວທ ມອບເຄື່ອງຊ່ວຍເຫລືອໃຫ້ຜູ້ປະສົບໄພນ້ຳຖ້ວມຢູ່ເມືອງຈໍາພອນແຂວງ ສະຫວັນນະເຂດ

ເຄື່ອງຊ່ວຍເຫລືອທີ່ນໍາໄປມອບໃນຄັ້ງນີ້ ລວມມີ: ເຂົ້າກິນ, ເຄື່ອງນຸ່ງຮົ່ມ, ອາຫານແຫ້ງ, ນ້ຳດື່ມ, ເຄື່ອງໃຊ້ໃນຄົວເຮືອນ, ຢາປົວພະຍາດ ແລະ ອື່ນໆທີ່ສາມອົງການຈັດຕັ້ງມະຫາຊົນ ກະຊວງ ຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ປຸກລະດົມໄດ້ຈາກພາກສ່ວນຕ່າງໆ ໃນສັງຄົມ, ລວມເປັນມູນຄ່າທັງໝົດ 230  ລ້ານກ່ວາກີບ, ສະເພາະເຄື່ອງຊ່ວຍເຫລືອທີ່ມອບໃຫ້ເມືອງຈໍາພອນ ມີມູນຄ່າປະມານ 130 ລ້ານກີບ, ສ່ວນທີ່ເຫລືອຈະມອບໃຫ້ເມືອງ ຊະນະສົມບູນ, ແຂວງ ຈໍາປາສັກ. 

- 335357370368 n - ກະຊວງ ຖວທ ມອບເຄື່ອງຊ່ວຍເຫລືອໃຫ້ຜູ້ປະສົບໄພນ້ຳຖ້ວມຢູ່ເມືອງຈໍາພອນແຂວງ ສະຫວັນນະເຂດ
- n - ກະຊວງ ຖວທ ມອບເຄື່ອງຊ່ວຍເຫລືອໃຫ້ຜູ້ປະສົບໄພນ້ຳຖ້ວມຢູ່ເມືອງຈໍາພອນແຂວງ ສະຫວັນນະເຂດ

ທ່ານ ຮອງເຈົ້າເມືອງ ຈໍາພອນ, ແຂວງ ສະຫວັນນະເຂດ ໃຫ້ຮູ້ວ່າ: ສະພາບນ້ຳຖ້ວມຄັ້ງນີ້ແມ່ນຮຸນແຮງຫລາຍ ມີເນື້ອທີ່ນາປີທົ່ວເມືອງເສຍຫາຍ 12.370 ເຮັກກຕາ, ກວມເອົາຫລາຍກ່ວາເຄີ່ງຫນຶ່ງຂອງເນື້ອທີ່ປັກດໍາທັງໝົດ, ລະບົບຊົນລະປະທານເສຍຫາຍ 34 ແຫ່ງ, ໂຮງຮຽນຖືກນ້ຳຖ້ວມ 35 ແຫ່ງ, ນ້ຳສ້າງ 818 ໜ່ວຍ, ສຸກສາລາ 2 ແຫ່ງ. ນອກຈາກນີ້ ຍັງມີເສັ້ນທາງຄົມມະນາຄົມ, ຕາຂ່າຍໄຟຟ້າ ແລະ ອື່ນໆ ເສຍຫາຍໜັກສົມຄວນ,  ຄາດຄະເນຜົນເສຍຫາຍທັງໝົດປະມານ 30 ຕື້ກີບ.

- lattana 1 - ກະຊວງ ຖວທ ມອບເຄື່ອງຊ່ວຍເຫລືອໃຫ້ຜູ້ປະສົບໄພນ້ຳຖ້ວມຢູ່ເມືອງຈໍາພອນແຂວງ ສະຫວັນນະເຂດ

ໃນໂອກາດນີ້ ທ່ານຮອງເຈົ້າເມືອງ ຈໍາພອນ ໄດ້ສະແດງຄວາມຂອບໃຈຕໍ່ສາມອົງການຈັດຕັ້ງມະຫາຊົນ, ກະຊວງ ຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ທີ່ໄດ້ປຸກລະດົມເຄື່ອງຊ່ວຍເຫລືອຈາກສັງຄົມໄປຊ່ວຍເຫລືອຜູ້ປະສົບໄພນ້ຳຖ້ວມຢູ່ພາຍໃນເມືອງ ຈໍາພອນໃນຄັ້ງນີ້, ພ້ອມທັງຢັ້ງຢືນວ່າ ຈະແຈກຢາຍເຄື່ອງຊ່ວຍເຫລືອໃຫ້ປະຊາຊົນຢູ່ບັນດາບ້ານທີ່ປະສົບໄພນ້ຳຖ້ວມໃນຄັ້ງນີ້ຢ່າງທົ່ວເຖິງ.

error: Content is protected !!