ເລີ່ມຊຸກຍູ້ກາານເກັບລາຍຮັບ 5 ແຂວງເຂົ້າງົບປະມານ

- advert banner 728 90 728x90 - ເລີ່ມຊຸກຍູ້ກາານເກັບລາຍຮັບ 5 ແຂວງເຂົ້າງົບປະມານ

ໃນວັນທີ 13 ມີນານີ້ ຄະນະຮັບຜິດຊອບຊີ້ນໍາ ຊຸກຍູ້ການເກັບລາຍຮັບ 5 ແຂວງຄື: ນະຄອນຫລວງວຽງຈັນ, ຫລວງພະບາງ, ຄຳມ່ວນ, ສະຫວັນນະເຂດ ແລະ ຈຳປາສັກ ໄດ້ຈັດກອງປະຊຸມປຶກສາຫາລືກຽມຄວາມພ້ອມເຄື່ອນໄຫວວຽກງານຊຸກຍູ້ການເກັບລາຍຮັບຕົວຈິງຂຶ້ນທີ່ນະຄອນຫລວງວຽງຈັນເພື່ອ ແນໃສ່ເຮັດໃຫ້ການຄຸ້ມຄອງຈັດເກັບລາຍຮັບງົບປະມານບັນລຸຕາມແຜນການທີ່ວາງໄວ້.

- new3 - ເລີ່ມຊຸກຍູ້ກາານເກັບລາຍຮັບ 5 ແຂວງເຂົ້າງົບປະມານ

ທ່ານ ຮອງລັດຖະມົນຕີກະຊວງການເງິນອາດສະພັງທອງ ສີພັນດອນ ໄດ້ມີຄຳເຫັນວ່າ: ການລົງຊຸກຍູ້ການເກັບລາຍຮັບຢູ່ບັນດາແຂວງດ່ັງກ່າວ ແມ່ນອີງຕາມການສະເໜີຂອງກົມສ່ວຍສາອາກອນ ກະຊວງການເງິນ ສະບັບເລກທີ 0943/ ກງ.ກສອ, ລົງວັນທີ 28 ກຸມພາ 2017 ເພື່ອເປັນບ່ອນອີງອັນໜັກແໜ້ນໃຫ້ແກ່ການສ້າງແຜນພັດຖະນາ ເສດຖະກິດ-ສັງຄົມເວົ້າລວມ, ເວົ້າສະເພາະແມ່ນແຜນໃນການສ້າງລາຍຮັບງົບປະມານແຫ່ງລັດໃຫ້ສອດຄ່ອງກັບຄວາມເປັນຈິງໃນແຕ່ລະໄລຍະ ແລະ ເພື່ອເປັນບ່ອນອີງໃຫ້ແກ່ການຄຸ້ມຄອງຈັດເກັບລາຍຮັບງົບປະມານແຫ່ງລັດຄົບຖ້ວນ, ຖືກຕ້ອງຕາມລະບຽບກົດໝາຍ ມີປະສິດທິພາບສູງ ແລະ ບັນລຸຕາມແຜນການທີ່ສະພາແຫ່ງຊາດຮັບຮອງ.

ສຳລັບເປົ້າໝາຍໃນການຊຸກຍູ້ການເກັບລາຍຮັບຄັ້ງນີ້, ໄດ້ແຕ່ງຕັ້ງຄະນະຊີ້ນຳປະກອບມີ 03 ຈຸ, ຈຸທີ 01 ຊີ້ນຳ, ກວດກາ ແລະ ຊຸກຍູ້ຕິດຕາມການເກັບລາຍຮັບຢູ່ນະຄອນຫລວງວຽງຈັນ ໂດຍແມ່ນທ່ານ ອາດສະພັງທອງ ສີພັນດອນ ຮອງລັດຖະມົນຕີກະຊວງການເງິນ ເປັນຫົວໜ້າຄະນະ, ຈຸທີ 2 ຊີ້ນຳ, ກວດກາ ແລະ ຊຸກຍູ້ຕິດຕາມການເກັບລາຍຮັບຢູ່ແຂວງຫລວງພະບາງ ທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ ເປັນຫົວໜ້າຄະນະ, ຈຸທີ 3 ຊີ້ນຳ, ກວດກາ ແລະ ຊຸກຍູ້ຕິດຕາມການເກັບລາຍຮັບຢູ່ແຂວງຄຳມ່ວນ, ສະຫວັນນະເຂດ ແລະ ຈຳປາສັກ ໂດຍແມ່ນ ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ ເປັນຫົວໜ້າຄະນະ, ໂດຍຈະໄດ້ສົມທົບກັບຄະນະຮັບຜິດຊອບທີ່ຖືກແຕ່ງຕັ້ງຂອງສູນກາງ ແລະ ທ້ອງຖິ່ນໃນການຈັດຕັ້ງຜັນຂະຫຍາຍການເກັບຖານຂໍ້ມູນຕາມຄຳສັ່ງເລກທີ 40/ນຍ, ຮ່ວມກັບອົງການປົກຄອງນະຄອນຫລວງ, ແຂວງ, ເມືອງ…ໄປສູພາກປະຕິບັດຕົວຈິງໂດຍໃສ່ຖານລາຍຮັບທີ່ຖືບັນຊືເຂົ້າຢູ່ໃນລະບົບອາກອນມູນຄ່າເພີ່ມ, ຖານມອບເໝົາທີ່ມີເງື່ອນໄຂເຂົ້າຢູ່ໃນລະບົບອາກອນມູນຄ່າເພີ່ມ, ກວດກາການໄລ່ລຽງອາກອນແບບໄວໃນບັນດາຫົວໜ່ວຍທຸລະກິດ, ປັບປຸງບັນດາກົນໄກການແຈ້ງມອບ,ຊຸກຍູ້ວິທີການກວດກາຄືນຫລັງແຈ້ງມອບ, ໄລ່ລ່ຽງອາກອນກຳໄລປະຈຳປີທີ່ບໍ່ແຈ້ງ ຫລືມາແຈ້ງ ແຕ່ຍັງຄ້າງມອບໃຫ້ທັນຕາມກົດໝາຍກຳນົດ, ກຳນົດເປົ້າໝາຍຫົວໜ່ວຍທຸລະກິດໂດຍສະເພາະຂະແໜງການຜະລິດ, ນ້ຳມັນເຊື້ອໄຟ, ພາຫະນະ ແລະ ອື່ນໆ..ກວດກາຄືນຄວາມຮັບຜິດຊອບຂອງພະນັກງານ, ເຈົ້າໜ້າສ່ວຍອາກອນ ຕໍ່ແບບແຜນການຈັດຕັ້ງປະຕິບັດເກັບລາຍຮັບ, ການປະຕິບັດລະບຽບກົດໝາຍຂອງຂະແໜງການເງິນ, ກຳສະພາບພະນັກງານໃນການປະຕິບັດໜ້າທີ່ ທັງນີ້, ເພື່ອໃຫ້ສາມາດເກັບລາຍຮັບສ່ວຍສາອາກອນໃຫ້ວ່ອງໄວ ແລະ ທັນເວລາ ໂດຍຈະໄດ້ເລີ່ມຈັດຕັ້ງປະຕິບັດພາຍຫລັງສຳເລັດກອງປະຊຸມເປັນຕົ້ນໄປ ແລະ ຈະໃຫ້ສຳເລັດພາຍໃນ 15 ວັນ.

error: Content is protected !!