ຮອງນາຍົກລັດຖະມົນຕີ ບຸນທອງ ຈິດມະນີຢ້ຽມຢາມ ແລະ ເຮັດວຽກ ຢູ່ແຂວງສາລະວັນ ແລະຈຳປາສັກ

- advert banner 728 90 728x90 - ຮອງນາຍົກລັດຖະມົນຕີ ບຸນທອງ ຈິດມະນີຢ້ຽມຢາມ ແລະ  ເຮັດວຽກ ຢູ່ແຂວງສາລະວັນ ແລະຈຳປາສັກ

ໃນວັນທີ 19 ກັນຍານີ້, ທ່ານ ບຸນ​ທອງ ຈິດ​ມະນີ​ ຮອງ​ນາຍົກ​ລັດຖະມົນຕີ,  ປະທານ​ອົງການ​ກວດກາ​ລັດຖະບານ ແລະ ຫົວໜ້າຄະນະກຳມະການຕ້ານການສໍ້ລາດບັງຫລວງຂັ້ນສູນກາງ ພ້ອມຄະນະ ໄດ້ລົງຢ້ຽມຢາມ ແລະ ເຮັດວຽກຢູ່ ແຂວງສາລະວັນ ແລະ ແຂວງຈຳປາສັກ. ພ້ອມທັງໄດ້ຮັບຟັງການລາຍງານກ່ຽວກັບແຜນພັດທະນາ ເສດຖະກິດ-ສັງ ຄົມ, ແຜນການກະກຽມດໍາເນີນກອງປະຊຸມໃຫຍ່ 3 ຂັ້ນ, ຜົນເສຍຫາຍຈາກໄພນ້ຳຖ້ວມ ຢູ່ແຂວງສາລະວັນ ແລະ ຜົນເສຍຫາຍຈາກໄພນ້ຳຖ້ວມ ບ້ານແຊລະບຳ ເມືອງຊະນະສົມບູນ ແຂວງຈຳປາສັກ.

- new3 - ຮອງນາຍົກລັດຖະມົນຕີ ບຸນທອງ ຈິດມະນີຢ້ຽມຢາມ ແລະ  ເຮັດວຽກ ຢູ່ແຂວງສາລະວັນ ແລະຈຳປາສັກ

       ທ່ານ ບົວທອງ ຄຸນຍອດປັນຍາ ຮອງເຈົ້າແຂວງສາລະວັນ ໃຫ້ຮູ້ວ່າ: ໃນປີ 2019 ແຂວງສາ ລະວັນມີການລົງທຶນທັງໝົດ 243 ໂຄງການ ລວມມູນຄ່າ 49 ຕື້ກວ່າກີບ, ການນຳເຂົ້າສິນຄ້າມີມູນຄ່າ 64 ຕື້ກວ່າກີບ, ການສົ່ງອອກບັນລຸ 361 ຕື້ກວ່າກີບ ແລະ ການຊຸກຍູ້ສົ່ງເສີມການປູກເຂົ້ານາປີແມ່ນປະຕິບັດໄດ້ 95%. ສຳລັບການກະກຽມກອງປະຊຸມໃຫຍ່ 3 ຂັ້ນ, ຄະນະປະຈຳພັກແຂວງ ກໍໄດ້ຊີ້ນຳອົງການເສນາທິການຂອງຕົນຢ່າງຂຸ້ນຂ້ຽວ ເພື່ອກຳນົດແຜນດຳເນີນກອງປະຊຸມແຕ່ລະຂັ້ນໃຫ້ລະອຽດ ແລະ ຊັດເຈນ. ແຂວງສາລະວັນ ມີທັງໝົດ 579 ບ້ານ, ໃນນັ້ນ ຖືກຜົນກະທົບ 219 ບ້ານ ມີ 35.698 ຄອບຄົວ, ພົນລະເມືອງ 139.221 ຄົນ, ເສັ້ນທາງ 113 ເສັ້ນໄດ້ຮັບຜົນເສຍຫາຍ ລວມມູນຄ່າ 349 ກວ່າຕື້ກີບ, ຂົວເສຍຫາຍ 48 ແຫ່ງ ມູນຄ່າ 71 ຕື້ກີບ, ຕະຝັ່ງກັນເຈື່ອນເປ່ເພ 1 ແຫ່ງ ມູນຄ່າ 6,8 ຕື້ກີບ, ຊົນລະປະທານ 84 ແຫ່ງ ເສຍຫາຍ 53 ຕື້ກີບ, ໂຮງຮຽນ 197 ແຫ່ງ ເສຍຫາຍ 6,3 ຕື້ກີບ ແລະ ສຸກສາລະ 9 ແຫ່ງ ເສຍຫາຍ 20 ຕື້ກີບ.

ນອກຈາກນັ້ນ ຍັງມີເນື້ອທີ່ທຳການຜະລິດ  45.994 ເຮັກຕາ ໄດ້ຮັບຜົນເສຍຫາຍ, ໜອງປາຖືກນ້ຳຖ້ວມ 3.031 ໜອງ, ສັດລ້ຽງ(ງົວ, ຄວາຍ, ໝູ, ແບ້) 6.289 ໂຕ ແລະ ສັດປີກ 129.097 ໂຕ. ໃນນັ້ນ ມີ 3 ເມືອງຄື: ສາລະວັນ, ວາປີ ແລະ ຄົງເຊໂດນ ໄດ້ຮັບຜົນກະທົບໜັກ ເຊິ່ງມີຜູ້ເສຍຊີ ວິດ 2 ຄົນ, ລວມມູນຄ່າເສຍຫາຍທັງໝົດຈາກໄພພິບັດຄັ້ງນີ້ແມ່ນ 747,9 ຕື້ກີບ.

ສຳລັບບ້ານແຊລະບຳ ເມືອງຊະນະສົມບູນ ມີເຮືອນປະຊາຊົນຖືກນ້ຳຖ້ວມ 368 ຫລັງ, ໃນນັ້ນ ສູນຫາຍ 19 ຫລັງຄາ, ເປ່ເພບໍ່ສາມາດສ້ອມແປງໄດ້ 90 ຫລັງ, ໂຮງຮຽນເສຍຫາຍ 3 ຫລັງ, ເນື້ອທີ່ທຳການຜະລິດ 247,63 ເຮັກຕາຖືກນ້ຳຖ້ວມເສຍຫາຍທັງໝົດ, ສັດລ້ຽງ ແລະ ສັດປີກສູນຫາຍ 1.600 ກວ່າໂຕ ແລະ ອື່ນໆ ລວມມູນຄ່າເສຍຫາຍເບື້ອງຕົ້ນ 16 ຕື້ກວ່າກີບ.

- lattana 1 - ຮອງນາຍົກລັດຖະມົນຕີ ບຸນທອງ ຈິດມະນີຢ້ຽມຢາມ ແລະ  ເຮັດວຽກ ຢູ່ແຂວງສາລະວັນ ແລະຈຳປາສັກ

 ໂອກາດນີ້, ທ່ານຮອງນາຍົກລັດຖະມົນຕີ ໄດ້ເນັ້ນໃຫ້ຄະນະນຳແຂວງສຸມໃສ່ການພັດທະນາຕາມແຜນປົກກະຕິ ປະຈຳປີ 2019 ທີ່ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ຮັບຮອງເອົາໃຫ້ບັນລຸຄາດໝາຍໃນແຕ່ລະດ້ານ ໂດຍສະເພາະການປູກມັນຕົ້ນເປັນສິນຄ້າເພື່ອສົ່ງອອກ, ໄປ ພ້ອມໆກັບ ການເອົາໃຈໃສ່ປະຕິບັດການຟື້ນຟູຈິດໃຈ, ການຊ່ວຍເຫລືອບັນດາຜູ້ປະສົບໄພ ເພື່ອຮັບ ປະກັນໃຫ້ເຂົາເຈົ້າມີເຂົ້າກິນ, ມີນ້ຳດື່ມ, ຢາປົວພະຍາດ ທັງຄົນ ແລະ ສັດ, ປັບປຸງໂຮງຮຽນຊົ່ວຄາວ ຫລື ຖາວອນ ຕາມສະພາບຕົວຈິງ ເພື່ອໃຫ້ເດັກນ້ອຍໄດ້ເຂົ້າໂຮງຮຽນ, ສຸກສາລາຕ້ອງມີຢາປົວພະຍາດ, ລວມທັງເອົາໃຈໃສ່ຟື້ນຟູເນື້ອທີ່ການຜະລິດ.

ໃນໂອກາດລົງເຄື່ອນໄຫວຢູ່ສອງແຂວງດັ່ງກ່າວ, ທ່ານຮອງນາຍົກລັດຖະມົນຕີ ຍັງໄດ້ມອບເງິນສົດ 100 ລ້ານກີບ ພ້ອມເຄື່ອງອຸປະໂພກ-ບໍລິໂພກ ແລະ ຢາປົວພະຍາດມູນຄ່າ 50 ລ້ານກີບ ໃຫ້ແຂວງສາລະວັນ ແລະ ມອບເງິນສົດ 100 ລ້ານກີບ ພ້ອມເຄື່ອງອຸປະໂພກ-ບໍລິໂພກ, ເຄື່ອງໃຊ້ຄົວເຮືອນ ມູນຄ່າ 40 ລ້ານກີບ ໃຫ້ເມືອງຊະນະສົມບູນ ເພື່ອນຳໄປຊ່ວຍເຫລືອປະຊາຊົນທີ່ປະສົບໄພນ້ຳຖ້ວມ.

error: Content is protected !!