ກອງທັບຟີລິບປິນຕັ້ງເປົ້າຍຶດຄືນມາຣາວີ

- advert banner 728 90 728x90 - ກອງທັບຟີລິບປິນຕັ້ງເປົ້າຍຶດຄືນມາຣາວີ

- NjpUs24nCQKx5e1Ba2ahB5YvpTT0yk145CEyFz8zFBL - ກອງທັບຟີລິບປິນຕັ້ງເປົ້າຍຶດຄືນມາຣາວີ

 

ກອງທັບ​ຟີ​ລິບ​ປິນ​ເດີນ​ໜ້າ​ໂຈມ​ຕີ​ທາງ​ອາກາດ​ກຸ່ມ​ຕິດ​ອາວຸດ​ຍຶດ​ເມືອງ​ມາຣາວີ​ຄືນ, ຍອມຮັບ​ມີ​ນັກຮົບ​ຕ່າງ​ຊາດ​ກ່ຽວຂ້ອງ​ໄອ​ຊິ​ສຕາຍ​ແລ້ວ 6 ຄົນ. ຂະນະ​ທີ່​ປະທານາທິບໍດີ ດູ​ເຕີ​ເຕ ຊີ້​ IS ຫລັງ​ຍຶດ​ເກາະ​ມິນ​ດາ​ເນົາ ​ໃຊ້​ເປັນ​ຖານ​ໃນ​ອາ​ຊຽນ.

 

​​ໃນ​ວັນ​ທີ 28 ພຶດສະພາ, ສື່​ຕ່າງປະ​ເທດ​ລາຍ​ງານ​ຄວາມ​ຄືບ​ໜ້າ​ສະຖານະ​ການ​ສູ້​ຮົບ​ຢ່າງ​ດຸ​ເດືອດ ລະຫວ່າງ​ກອງທັບ​ລັດຖະບານ​ຟີ​ລິບ​ປິນກັບ​ກຸ່ມ​ຕິດ​ອາວຸດ​ທີ່​ປະກາດ​ຈົງ​ຮັກ​ພັກດີ​ຕໍ່​ກຸ່ມ​ຕິດ​ອາວຸດ​ລັດ​ອິສລາມ ຫລື IS  ຫລັງ​ບຸກຍຶດ​ເມືອງ​ມາຣາວີ ​ຢູ່​ເກາະ​ມິນ​ດາ​ເນົາ ທາງ​ພາກ​ໃຕ້​ຂອງ​ຟີ​ລິບ​ປິນ ມາ​ແຕ່​ວັນ​ທີ 23 ພຶ​ດສະພາ​ວ່າ: ກອງທັບ​ຍັງ​ເດີນ​ໜ້າ​ປະຕິບັດ​ການ​ໂຈມ​ຕີ​ທາງ​ອາກາດ​ຖະຫລົ່ມ​ເປົ້າໝາຍ​ກຸ່ມ​ຕິດ​ອາວຸດ​ຢ່າງ​ໜັກ, ຂະນະ​ທີ່​ເຊື່ອ​ວ່າ​ມີ​ນັກຮົບ​ຍີ​ຮັດ​ຈາກ​ຕ່າງປະ​ເທດ ຖືກ​ຂ້າ​ຕາຍ​ແລ້ວ 6 ຄົນ ລວມທັງ​ຜູ້​ທີ່​ມີ​ສັນຊາດ​ມາ​ເລ​ເຊຍ ​ແລະ ອິນ​ໂດ​ເນ​ເຊຍ ຈົນ​ເຮັດ​ໃຫ້​ຝ່າຍ​ກຸ່ມ​ຕິດ​ອາວຸດ​ຖືກ​ສັງຫານ​​ແລ້ວ 13 ຄົນ ຈາກ​ຈຳນວນ​ຜູ້​ເສຍ​ຊີວິດ​ຈາກ​ເຫດ​ຮຸນ​ແຮງ​ຢູ່​ເມືອງ​ມາ​ຣາວີ​ເພີ່ມ​ຂຶ້ນ​ເປັນ 46 ຄົນ ​ໂດຍ​ມີ​ທະຫານ 13 ຄົນ.

 

+ ທະຫານຟີລິບປິນປະທະກຸ່ມຕິດອາວຸດຢູ່ມາຣາລີ ເສຍຊີວິດເກືອບ 20 ຄົນ

- Tiger Head 728x90 - ກອງທັບຟີລິບປິນຕັ້ງເປົ້າຍຶດຄືນມາຣາວີ
- 1 1 - ກອງທັບຟີລິບປິນຕັ້ງເປົ້າຍຶດຄືນມາຣາວີ

+ ກຸ່ມກໍ່ການຮ້າຍຂ້າຕັດຫົວຫົວໜ້າຕຳຫລວດຢູ່ເມືອງທາງພາກໃຕ້ຂອງຟີລິບປິນ

 

ພົນ​ຈັດຕະວາ ​ເຣສຕີ​ຕູ​ໂຕ ປາ​ດິລລາ ​ໂຄສົກ​ກອງທັບ​ບົກ​ຟີ​ລິບ​ປິນ ກ່າວ​ວ່າ: ມີ​ນັກຮົບ​ຍິຮັດ​ຕ່າງ​ຊາດ​ໄດ້​ແຊກ​ຊຶມ​ເຂົ້າມາ​ໃນ​ຟີ​ລິບ​ປິນ​ເປັນ​ເວລາ​ດົນ​​ແລ້ວ ​ເພື່ອ​ລໍຖ້າ​ໃຫ້ການ​ສະໜັບສະໜູນ​ຊ່ວຍ​ເຫລືອ​ແກ່​ກຸ່ມ​ຕິດ​ອາວຸດ​ໃນ​ພື້ນທີ່​ໃນ​ການ​ສ້າງ​ລະ​ເບີດ.

 

ບັນດາ​ນັກວິ​ເຄາະ​ການ​ເມືອງ ຊີ້​ວ່າ: ການ​ຍອມຮັບ​ຂອງ​ທາງ​ການ​ຟີ​ລິບ​ປິ​ນວ່າ​ມີ​ນັກຮົບ​ຕ່າງ​ຊາດ​ທີ່​ກ່ຽວຂ້ອງ​ກັບ​ IS ​ແຊກຊຶມ​ເຂົ້າມາ​ຮ່ວມ​ກໍ່​ເຫດ​ຮຸນ​ແຮງ​ກັບ​ກຸ່ມ​ຕິດ​ອາວຸດ​ຢູ່​ເມືອງ​ມາຣາວີນັ້ນ ຖື​ເປັນ​ເລື່ອງ​ທີ່​ຍາກ​ຈະ​ເກີດ​ຂຶ້ນ. ຂະນະ​ທີ່​ປະທາ​ນາ​ທິບໍດີ ​ໂຣດຣິ​ໂກ ດູ​ເຕີ​ເຕີ ຂອງ​ຟີ​ລິບປິບ ຍັງ​ກ່າວ​ວ່າ: ການ​ແຊກ​ຊຶມ​ເຂົ້າມາ​ຮ່ວມ​ກໍ່​ເຫດ​ຍຶດ​ເມືອງ​ມາຣາວີ ​ເປັນ​ສິ່ງ​ທີ່​ພິສູດ​ໃຫ້​ເຫັນ​ວ່າ: ກຸ່ມ​ IS ຕ້ອງການ​ເຂົ້າມາ​ຍຶດຄອງ​ເກາະ​ມິນ​ດາ​ເນົາ ​ເພື່ອ​ຕ້ອງການ​ໃຊ້​ເປັນ​ຖານ​ທີ່​ໝັ້ນຂອງ​ກຸ່ມ​ IS ​ໃນ​ພາກພື້ນອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ).

error: Content is protected !!