ປະທານປະເທດ​ໃຫ້​ກຽດ​ໂອ້​ລົມ​ອົງ​ການ​ປົກຄອງເມືອງໄຊເສດຖາ

ປະທານປະເທດ​ໃຫ້​ກຽດ​ໂອ້​ລົມ​ອົງ​ການ​ປົກຄອງເມືອງໄຊເສດຖາ - advert banner 728 90 728x90 - ປະທານປະເທດ​ໃຫ້​ກຽດ​ໂອ້​ລົມ​ອົງ​ການ​ປົກຄອງເມືອງໄຊເສດຖາ

​ໃນວັນທີ 23 ກັນຍານີ້, ທ່ານ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ ໄດ້​ໃຫ້​ກຽດ​ລົງຢ້ຽມຢາມ ແລະ ພົບ​ປະ​ໂອ້​ລົມ​ຄະນະ​ປົກຄອງ ​ແລະ ພະນັກງານ​ຫລັກ​ແຫ​ລ່ງ​ເມືອງໄຊເສດຖາ ນະຄອນຫລວງວຽງຈັນ, ເຊິ່ງທ່ານປະທານ​ປະ​ເທດ ກໍໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜົນງານທີ່​ເມືອງຍາດມາໄດ້, ພ້ອມໄດ້ເນັ້ນໃຫ້ອໍານາດການປົກຄອງເມືອງ ກໍຄືຂະແໜງການຕ່າງໆເອົາໃຈໃສ່​ເຮັດ​ວຽກ​ງານສຶກສາອົບຮົມການເມືອງແນວຄິດ, ແນວທາງນະໂຍບາຍ, ລະບຽບກົດໝາຍ​ໃຫ້​ພະນັກງານ-ລັດຖະກອນ​ໄດ້​ທົ່ວ​ເຖິງ, ເຊິ່ງບັນຫາດັ່ງກ່າວເປັນບັນຫາທີ່ຕັດສິນການປະຕິບັດໜ້າທີ່ວຽກງານຂອງແຕ່ລະຂະແໜງການ, ການນໍາໃຊ້ສິດປະຊາທິປະໄຕ ເຂົ້າໃນການພັດທະນາວຽກງານເສດຖະກິດ-ສັງຄົມ, ການແກ້ໄຂບັນຫາໄພຫວ່າງງານ, ການສຶກສາ, ສາທາລະນະສຸກ ການຈັດຕັ້ງປະຕິບັດນະໂຍບາຍ 6 ສ ຂອງນະນະຄອນຫລວງວຽງຈັນວາງອອກ, ການເກັບລາຍຮັບເຂົ້າງົບປະມານ ການແກ້ໄຂໜີ້ສິນ ແລະ ຂໍ້ຄົງຄ້າງຕ່າງໆ, ພ້ອມ​ເອົາ​ໃຈ​ໃສ່ຍົກລະດັບສີມືແຮງງານ, ການສ້າງວຽກເຮັດງານທໍາໃຫ້ຊາວໜຸ່ມ, ຕະຫລາດຈຳໜ່າຍສິນຄ້າ, ການແກ້ໄຂຮ່ອງລະບາຍນໍ້າ​ໃຫ້​ສະອາດ​ຈົບງາມ, ​ເອົາ​ໃຈ​ໃສ່​ຊຸກຍູ້ການຜະລິດສິນຄ້າກະສິກຳ ແລະ ອື່ນໆ ​ໃຫ້​ເຕີບ​ໃຫຍ່​ຂະຫຍາຍ​ຕົວ, ​ເຊິ່ງບັນຫາເຫລົ່ານີ້ຕ້ອງເອົາໃຈໃສ່ຢ່າງຈິງຈັງເດັດຂາດ, ​ໂດຍ​ສະ​ເພາະ​ແມ່ນ​ບັນຫາ​ຫຍໍ້​ທໍ້​ຕ່າງໆ​ໃຫ້​ສັງຄົມ​ໃຫ້​ໝົດ​ໄປ.

ປະທານປະເທດ​ໃຫ້​ກຽດ​ໂອ້​ລົມ​ອົງ​ການ​ປົກຄອງເມືອງໄຊເສດຖາ - new3 - ປະທານປະເທດ​ໃຫ້​ກຽດ​ໂອ້​ລົມ​ອົງ​ການ​ປົກຄອງເມືອງໄຊເສດຖາ
ປະທານປະເທດ​ໃຫ້​ກຽດ​ໂອ້​ລົມ​ອົງ​ການ​ປົກຄອງເມືອງໄຊເສດຖາ - 12 1 - ປະທານປະເທດ​ໃຫ້​ກຽດ​ໂອ້​ລົມ​ອົງ​ການ​ປົກຄອງເມືອງໄຊເສດຖາ

ໃນ​ໂອກາດ​ນີ້, ທ່ານເຈົ້າເມືອງກໍ​ໄດ້ລາຍງານການຊີ້ນຳວຽກງານຮອບດ້ານ ຂອງເມືອງໄຊເຊດຖາ ເປັນຕົ້ນແມ່ນການນຳພາການເມືອງ-ແນວຄິດ, ປ້ອງກັນຊາດປ້ອງກັນຄວາມສະຫງົບ, ວຽກງານເສດຖະກິດ, ວຽກງານວັດທະນະທຳ-ສັງຄົມ, ວຽກງານແນວລາວສ້າງຊາດ, ສະຫະພັນນັກຮົບເກົ່າ, ອົງການຈັດຕັ້ງມະຫາຊົນ, ວຽກງານພັກພະນັກງານ ແລະ ວຽກງານອົງການປົກຄອງ. ພ້ອມດຽວກັນ, ກໍໄດ້ນໍາສະເໜີບັນຫາຕ່າງໆຕໍ່ທ່ານປະທານປະເທດ ເພື່ອຂໍທິດທາງປັບປຸງແກ້ໄຂໃນຕໍ່ໜ້າ ເຊັ່ນ: ການອະນຸມັດງົບປະມານໃຫ້ທ້ອງຖິ່ນນໍາໃຊ້, ໂດຍສະເພາະແມ່ນເມືອງໄຊເຊດຖາ ໄລຍະຜ່ານມາເມືອງມີຄວາມຕ້ອງການທຶນຈຳນວນໜຶ່ງ​ ປະມານ 568 ຕື້ກວ່າກີບ, ແຕ່ການອະນຸມັດຕົວຈິງມີພຽງແຕ່ 20,69 ຕື້ກວ່າກີບ, ເຫັນວ່າໜ້ອຍຫລາຍ, ພ້ອມ​ນີ້​ກໍ​ແມ່ນບັນຫາຢາເສບຕິດ, ຂໍ້ຂັດແຍ່ງທາງດ້ານທີ່ດິນ, ຄວາມບໍ່ສະອາດຕາມເສັ້ນທາງສາຍຫລັກໃນຕົວເມືອງ ​ແລະ ອື່ນໆ ​ເພື່ອ​ຂໍ​ທິດ​​ແນະ​ນໍາ​ແກ້​ໄຂ

ປະທານປະເທດ​ໃຫ້​ກຽດ​ໂອ້​ລົມ​ອົງ​ການ​ປົກຄອງເມືອງໄຊເສດຖາ - lattana 1 - ປະທານປະເທດ​ໃຫ້​ກຽດ​ໂອ້​ລົມ​ອົງ​ການ​ປົກຄອງເມືອງໄຊເສດຖາ
error: Content is protected !!