ລາວກຽມສ້າງ​ຕັ້ງ​ກົມ​ຕໍາຫລວດ​ລົດ​ໄຟ

- advert banner 728 90 728x90 - ລາວກຽມສ້າງ​ຕັ້ງ​ກົມ​ຕໍາຫລວດ​ລົດ​ໄຟ

​ເມື່ອ​ທ້າຍ​ອາທິດ​ຜ່ານ​ມາ​ນີ້, ທ່ານ​ຮອງ​ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ພົນ​ຕີ ກົງ​ທອງ ພົງ​ວິ​ຈິດ ​ໄດ້​ເປັນ​ປະທານ​ກອງ​ປະຊຸມ​ປືກສາ​ຫາລື​ການ​ກະກຽມ​ສ້າງ​ຕັ້ງ​ກົມ​ຕໍາຫລວດ​ລົດ​ໄຟ ​​ຕາມຂໍ້​ຕົກລົງ​ຂອງລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ ກໍ​ຄື​ທິດ​ຊີ້​ນໍາ​ຂອງລັດຖະບານ ​ເພື່ອ​ຕອບ​ສະໜອງຄວາມ​ຮຽກຮ້ອງ​ຕ້ອງການ​ຂອງ​ໜ້າ​ທີ່​ການ​ເມືອງ​ໄລຍະ​ໃໝ່, ​ໂດຍ​ສະ​ເພາະວຽກ​ງານ​ປ້​ອງກັນ​ຄວາມ​ສະຫງົບ​ໃຫ້​ມີປະສິດທິ​ພາບ, ຫລັງ​ຈາກ​ໂຄງການ​ກໍ່ສ້າງ​ທາງ​ລົດ​ໄຟ​ລາວ-ຈີນຈະ​ສໍາ​​ເລັດ​ໃນປີ 2021 ຈະ​ມາ​ເຖິງນີ້.

- new3 - ລາວກຽມສ້າງ​ຕັ້ງ​ກົມ​ຕໍາຫລວດ​ລົດ​ໄຟ

ກອງປະຊຸມ, ​​ໄດ້ຜ່ານ​ຂໍ້​ຕົກລົງ​ຂອງ​ລັດຖະມົນຕີ​ກະຊວງ​ປ້ອງ​ກັນ​ຄວາມ​ສະຫງົບ​ວ່າ​ດ້ວຍ​ການ​ແຕ່ງ​ຕັ້ງ​ຄະນະ​ຮັບ​ພິຊ​ອບຄົ້ນຄວ້າ​ກາ​ນສ້າງ​ຕັ້ງກົມ​ຕໍາຫລວດ​ລົດ​ໄຟ, ​ໂດຍ​ແມ່ນ​ທ່ານພົນ​ຕີ ກົງ​ທອງ ພົງ​ວິຈິດ ​ເປັນຫົວໜ້າ​ຄະນະ​ດັ່ງກ່າວ, ​ເພື່ອ​ເຮັດ​ໜ້າ​ທີ່​ເກັບ​ກໍາ​ຂໍ້​ມູນ,​ ສ້າງ​ບົດ​ວິພາກ, ​ໂຄງຮ່າງ​ການຈັດ​ຕັ້ງ, ການ​ບັນຈຸ​ບຸກຄະລາ​ກອນ, ​ເຄື່ອງໝາຍ​ວິຊາ​ສະ​ເພາະ, ​ເຄື່ອງ​ແບບ ​ແລະ ​ແຜ​ນວຽກ​ຕ່າງໆ ຕາມ​ລະບຽບ​ການ ​ແລະ ຂັ້ນຕອນ, ​ໂດ​ຍ​ໃຫ້​ແລກປ່ຽນ​ບົດຮຽນ​ກັບບັນດາ​ປະ​ເທດ​ເພື່ອນ​ມິດ ​ແລະ ສາກົນ ໃນ​ການ​ຄຸ້ມ​ຄອງ​ວຽກ​ງານ​ນີ້ສໍາ​ເລັດ​ຕາມ​ກໍານົດ ​ແລະ ​ເຄື່ອ​ນໄຫວ​ມີ​ປະສິດທິ​ຜົນ.

- lattana 1 - ລາວກຽມສ້າງ​ຕັ້ງ​ກົມ​ຕໍາຫລວດ​ລົດ​ໄຟ
error: Content is protected !!