ເບິ່ງ​ຕື່ມ​ຕູ້​ເກ​ມ ​ແລະ ຮ້ານ​ສະນຸກ​ເກີ

- advert banner 728 90 728x90 - ເບິ່ງ​ຕື່ມ​ຕູ້​ເກ​ມ ​ແລະ ຮ້ານ​ສະນຸກ​ເກີ

ໂດຍ: ທ່ຽງທຳ

- new3 - ເບິ່ງ​ຕື່ມ​ຕູ້​ເກ​ມ ​ແລະ ຮ້ານ​ສະນຸກ​ເກີ

ສະບາຍດີ, ​ເພື່ອນ​ຜູ້​ອ່ານ​ທີ່​ຮັກ​ແພງ, ​ເວົ້າ​ເລື່ອງ​ເດັກຕິດ​ເກ​ມ, ​ໄວ​ລຸ້ນຕິດ​ຫລິ້ນສະນຸກ​​ເກີ.  ກໍ​​ຈະ​ບໍ່​ເປັນ​ເລື່ອງ​ແປກ​ອີກ​ແລ້ວ, ​ແຕ່​ປັດຈຸບັນ​ສິ່ງ​ດັ່ງກ່າວ ມັນ​ໄດ້​ປ່ຽນ​ຮູບ​ມາ​ເປັນ​ເລື່ອງ​ອື່ນ​ອີກ​, ​ເພາະ​ການ​ຫລິ້ນ​ເກ​ມ​ໄດ້​ມີ​ການ​ພະນັນ​ຜ່ານ​ອອນ​ລາຍ​ເຂົ້າມາ​​ແອບ​ແຝງ, ສະນຸກ​ເກີ ກໍ​ມີ​ການ​ພະນັນ​ກັນ​ເກີດ​ຂຶ້ນຢ່າງ​ຮ້າຍ​ແຮງ​ນັບ​ແຕ່​ເບຍ​​ແກ້ວ​ໜຶ່ງ, ​ໄປ​ຈົນ​ຮອດ​ເງິນ​ແສນ​ເງິນ​ລ້ານ, ກ້າວ​ໄປ​ເຖິງການ​ພະນັນ​ໃຫຍ່​ຂຶ້ນຮອດ​ລົດ​ລາງ​ພາຫະນະ, ດິນ​ດອນ​​ເຮືອນ​ຊານ​ກໍ​ມີ, ​ແລະ ​ເພື່​ອ​ເປັນ​ກຳລັງ​ໃຈ​ເພີ່ມ​ພະລັງ, ​ຜູ້​ຂາຍ​ຢາ​ບ້າ, ຢາ​ໄອ, ສິ່ງ​ເສບ​ຕິດ​ ​ເຮ​ໂຣອິນ ຕ່າງໆ ກໍ​ຄອຍ​ໃຫ້ການ​ບໍລິການ​ຜູ້​ຕ້ອງການ​ຢ່າງ​ບໍ່​ອັ້ນ.

ມີ​ຫລາຍ​ຄອບຄົວ​ເສຍລູກ​ເສຍ​ຫລານ, ຫລາຍ​ຄູ່​ຜົວ​ເມຍ​ກໍ​ຕ້ອງ​ໄດ້​ເຊັດ​ນ້ຳຕາ​ຈາກ​ລາ​ກັນ​ໄປ​ຍ້ອນ​ທົນ​ບໍ່​ໄຫວ​ຕໍ່​ຜູ້​ເປັນ​ລູກ, ​ເປັນ​ຜົວ​ຕ້ອງ​ໄປມົ້ວສຸມ​ກັບ​ສິ່ງ​ຫຍໍ້​ທໍ້​ດັ່ງກ່າວ, ບາງ​ຄົນ​ຕິດ​ການ​ພະນັນ​ຕິດ​ຢາ​ເສບ​ຕິດ​ຢ່າງ​ຮ້າຍ​ແຮງ​ກໍ​ຈົນ​ເອົາ​ຕົວ​ບໍ່​ຫລອດ​ໝົດ​ເງິນ​ໝົດ​ຄຳ​ແລ້ວ ກໍ​ຊອກ​ປຸ້ນ​ຈີ້, ຊິງ​ຊັບ, ລັກ​ຊັບ, ຂ້າ​ເຈົ້າ​ເອົາ​ຂອງ​ນາໆ ປະການ​ເກີດ​ຂຶ້ນ, ​ໃນ​ທີ່​ສຸດ​ກໍ​ຈົບ​ຊີວິດ​ລົງ​ໃນ​ຄຸກ​ຕະລາງ​ຕ່າງໆ.

ຕໍ່​ສະພາບ​ຮ້າຍ​ແຮງ​ດັ່ງກ່າວ, ມັນ​ມີ​ຄຳ​ຖາມ​ຈາ​ກສັງຄົມ​ເກີດ​ຂຶ້ນວ່າ: ​ເຮົາ​ຈະ​ປະປ່ອຍ​ໃຫ້​ສະພາບ​ ​ເປັນ​ໄປ​ແນວ​ນີ້​ບໍ່? ຄຳ​ຕອບ​ກໍ​ຍັງ​ຢາກ, ​ເລື່ອງ​ໜຶ່ງ​ກໍ​ຍ້ອນ​ປາກ​ຍ້ອນ​ທ້ອງ ​ແລະ ອີກ​ອັນໜຶ່ງ​ກໍ​ແມ່ນ​ການ​ເປີດ​ກວ້າງ​ການ​ດຳ​ເນີນ​ທຸລະ​ກິດ​ກໍ​ເລີຍ​ລືມ​ເລື່ອງ​ລະບຽບ​ຄຸ້ມ​ຄອງ​ກວດກາ, ​ເອົາ​ແຕ່​ຜູ້​ຈະ​ເຮັດ, ຜູ້​ຈະ​ຂາຍ, ຖ້າ​ເວົ້າເຖິງຮ້ານ​ເກ​ມປັດຈຸບັນ​ເກີດ​ຂຶ້ນປານ​ດອກ​ເຫັດ​ບໍ່​ວ່າ​ແຕ່​ຢູ່​ນະຄອນຫລວງ​ເຮົາ, ​ແຂວງ​ອື່ນໆ ກໍ​ມີ​ຫລາຍ, ມັນ​ຈະ​ເຂົ້າມາ​ໃນ​ຮູບ​ແບບ​ຂໍ​ເປີດ​ຮ້ານ​ກາ​ເຟອິນ​ເຕີ​​ເນັດ, ຮ້ານ​ເກ​ມສຳລັບ​ຄວາມ​ມ່ວນ​ຊື່ນ​ລື​ນ​ເລີງ, ແຕ່​ໃນ​ຕົວ​ຈິງ​ແລ້ວ, ບັນດາ​ຮ້ານ​ເກ​ມດັ່ງກ່າວ​ລ້ວນ​​ແຕ່​ມີ​ການ​ແອບ​​ແຝງ​ຂອງ​ການ ຫລິ້ນການ​ພະນັນ​ທາງ​ອິນ​ເຕີ​​ເນັດ (ອອນ​ລາຍ) ​ແລະ ຮ້າຍ​ແຮງ​ກວ່າ​ນັ້ນກໍ​ກາຍ​ເປັນ​ບ່ອນ​ມົ້ວສຸມ​ສິ່ງ​ເສບ​ຕິດ​ກໍ​ມີ.

- lattana 1 - ເບິ່ງ​ຕື່ມ​ຕູ້​ເກ​ມ ​ແລະ ຮ້ານ​ສະນຸກ​ເກີ

ດັ່ງນັ້ນມັນ​ເຖິງ​ເວລາ​ແລ້ວ​ທີ່​ເບື້ອງມະຫາ​ພາກ​ຈະ​ຕ້ອງ​ໄດ້​ເຂັ້ມງວດ​ກວດກາ, ຄຸ້ມ​ຄອງ​ໃຫ້ຢູ່ໃນ​ກອບ​ລະບຽບ​ກົດໝາຍ, ດັ່ງ​ຢູ່​ແຂວງ​ບໍ່​ແກ້ວ, ​ໃນ​ວັນ​ທີ 19 ກັນຍາ​ນີ້, ​ແຂວງ​ໄດ້​ໃຊ້ລົດ ​ແມັກ​ໂຄ​ ທຳລາຍ​ຕູ້​ເກ​ມ​ເກືອບ 100 ​ເຄື່ອງ​ທີ່​ກຽມ​ນຳ​ອອກ​ຜ່ານ​ດ່ານ​ຂົວ​ມິດຕະພາບ​ສາກົນ​ແຫ່ງ​ທີ 4. ຂອງ​ບໍລິສັດ ​ເອ​ເອຊິກຣິນຊິດ​ຕີ ລາວ​ຈຳກັດ ພາຍຫລັງ​ໄດ້​ມີ​ແຈ້ງ​ການ ຂອງ​ຫ້ອງ​ວ່າການ​ສຳນັກງານ​ນາຍົກລັດຖະມົນຕີ, ຫ້າມ​ອະນຸຍາດ​ສ້າງຕັ້ງສູນ​ບໍລິການ​ຕູ້ ​ເກ​ມ​ໃນ​ຂອບ​ເຂດ​ທົ່ວປະ​ເທດ​, ແຂວງ​ບໍ່ແກ້ວກໍໄດ້​ມີ​ການ​ກວດກາ ​ແລະ ຍຶດທຳລາຍ​ຖີ້ມ./.

- 24974 - ເບິ່ງ​ຕື່ມ​ຕູ້​ເກ​ມ ​ແລະ ຮ້ານ​ສະນຸກ​ເກີ
(ພາບປະກອບ)
error: Content is protected !!