ຢາກ​ໄດ້​ຫລາຍ​ພັດ​ກາຍ​ມາ​ເປັນ​ເຄາະ​ຮ້າຍ

- advert banner 728 90 728x90 - ຢາກ​ໄດ້​ຫລາຍ​ພັດ​ກາຍ​ມາ​ເປັນ​ເຄາະ​ຮ້າຍ

- new3 - ຢາກ​ໄດ້​ຫລາຍ​ພັດ​ກາຍ​ມາ​ເປັນ​ເຄາະ​ຮ້າຍ

​ໂດຍ: ທິດ​ກ່ຳ

ຂ່າວ​ຄາວ​ກ່ຽວ​ກັບ​ລົດ​ປິ້ນ, ລົດ​ເຈືອກ, ລົດ​ຕຳ​ກັນ​ຕາຍ​ເທື່ອ​ລະ​ຫ້າ​, ລະ​ສິບ​ຂອງ​ແຮງງານ​ລາວ​ຢູ່​ໄທ​ປາກົດ​ວ່າ​ມີ​ລຽນຕິດ ​ແລະ ຖີ່​ຂຶ້ນ. ​ເຫດ​ສະ​ເທືອ​ນຂວັນ​ແບບ​ນີ້​​ບໍ່​ເຄີຍ ມີ​ໃນ​ຫລາຍ​ປີຜ່ານມາ, ​ແຕ່​ພໍ​ຕົກ​ມາ​ໃນ​ຊ່ວງ​ທ້າຍ​ປີ 2018 ຫາ ປີ 2019 ​ເຫັນ​ວ່າ​ໝົດ​ໄປ ຫລາຍ​ສົບ​ແລ້ວ.

​        ເມື່ອ​ຕັ້ງ​ໂຈດ​ກັນ​ວ່າ: ອັນ​ສາ​ເຫດ​ມັນ​ເກີດ​ຂຶ້ນຍ້ອນ​ຫຍັງ​? ຖ້າ​ຈະ​ໃຫ້​ທິດ​ກ່ຳ​ຕອບ​ຕາມ​ຄວາມ​ໃນ​ໃຈ​ກໍ​ແມ່ນ​ມາ​ຈາກ​ຜົນ​ຂອງ​ກຳ. ຄຳ​ວ່າ​ຜົນ​ຂອງ​ກຳນັ້ນກໍ​ແມ່ນ​ຜົນ​ຈາກ​ການ​ກະ ທຳ​ຂອງ​ເຮົາ​ເອງ​ເປັນ​ທີ່​ຕັ້ງ. ​ໃນ​ຫລັກ​ສິນ​ທຳ​ໄດ້​ກ່າວ​ວ່າ “ສະຕິ​ມາ​ປັນຍາ​ເກີດ” ຄວາມ​ປະໝາດ​ເປັນ​ທີ່​ມາ​ຂອງ​ຄວາມ​ຕາຍ, ​ເຫດ ​ແລະ ຜົນ​ນັ້ນຄື​ຕົ້ນກຳ​ຂອງ​ຄົນ​ເຮົາ.

ຕໍ່​ຄຳ​ສັ່ງສອນ​ຂອງ​ພະ​ພຸດທະອົງ​ມາ​ເປັນ​ເວລາ​ຍາວ​ນານ​ເຖິງ 2562 ປີ​ຈົນ​ມາ​ຮອດ​ຍຸກ​ປັດຈຸບັນ​ກໍ​ຍັງ​ມີ​ຄວາມ​ໝາຍ ​ແລະ ຍືນ​ຍົງ​ອຳ​ມະຕະ. ສະ​ໄໝ​ກ່ອນ​ເຖິງ​ວ່າ​ໂລກ​ຂອງ​ເຮົາ ບໍ່​ທັນ​ມີ​ການ​ປ່ຽນ​ແປງ​ໄປ​ຫລາຍ, ບ້ານ​ເມືອງ​ເຮົາ​ຍັງ​ບໍ່​ທັນ​ມີ​ຄວາມ​ຈະ​ເລີ​ນ, ການ​ແກ້ງ​ແຍ່ງ​ແຂ່ງຂັນ​ບໍ່​ທັນ​ສູງ, ​ແຕ່​ເພິ່ນ​ກໍ​ລ້ຽງ​ເຮົາ​ມາ​ພາ​ເຮົາ​ໃຫຍ່.

ພໍ​ຕົກ​ມາສະ​ໄໝ​ນີ້, ​ເບິ່ງ​ອັນ​ໃດ​ກໍ​ຄື​ວ່າ​ມີ​ການ​ປ່ຽນ​ແປງ​ໄປ​ຕາມ​ການ​ເວລາ, ຄົນ​ແລ່ນນຳ​ວັດຖຸ, ຈິດ​ໃຈ​ຂອງ​ຄົນ​ເຮົາ​ກໍ​ນັບ​ມື້ມີ​ການ​ປ່ຽນ​ແປງ​ເພາະ​ໂລກ​ວັດຖຸ​ໄດ້​ພາ​ໃຫ້​ແນວ​ຄິດ ຂອງ​ຄົນ​ມີ​ກິ​ເຫລດຕັນຫາ, ​ເກີດ​ຄວາມ​ໂລບ​ມາກ​ໂລພາ, ​ແກ້ງ​ແຍ້​ງ​ແຂ່ງຂັນ​ກັນ​ແບບ​ບໍ່​ມີ​ເມືອງ​ພໍ ​ເຊິ່ງບາງ​ສິ່ງ​ບາງ​ຢ່າງ​ມັນ​ກໍ​ມີ​ອັນ​ບັງຄັບ​ໃນ​ດ້ານ​ອັດຕະວິ​ໄສ ​ແລະ ພາວະ​ວິ​ໄສ.

ການ​ຫລັ່ງ​ໄຫລ​ໄປ​ອອກ​ແຮງ​ງານ​ຢູ່​ຕ່າງປະ​ເທດ​ໂດຍ​ສະ​ເພາະ​ຢູ່​ໄທ​ມັນ​ບໍ່​ແມ່ນ​ມີ​ແຕ່​ຄົນລາວ​ເຮົາ, ປະ​ເທດ​ອື່ນ​ເຂົາ​ກໍ​ມີ. ວິທີ​ການ​ໄປ​ຊອກ​ຢູ່​ຫາ​ກິນ​ໃນ​ເງື່ອນ​ໄຂ​ໂລກ​ໄຮ້​ພົມ​ແດນນັ້ນ​ເປັນຄວາມ​ໄຝ່ຝັນ​ຂອງຄົນ​ໃນ​ຍຸກ​ໂລກາ​ພິວັດ.

ຖ້າ​ເຮົາ​ຫາກ​ເບິ່ງ​ດ້ວຍ​ສາຍຕາ​ກວ້າງໆ ຄົນ​ລາວ​ໄປ​ໄທ, ຄົນ​ໄທ​ມາລາ​ວກໍ​ບໍ່​ອຶດ​ບໍ່​ຢາກ, ​ເຫີ່​ໄປ​ ​​ເກົາຫລີ​ໃຕ້, ​ໄປ​ບັນດາ​ປະ​ເທດ​ຕາ​ເວັນ​ອອກ​ກາງ, ຄົນ​ຈີນ, ຄົນ​ຫວຽດ​ເຫີ່​ກັນ​ມາ​ຊອກ​ຢູ່​ຫາ​ກິນ​ຢູ່​ລາວ, ຄົນ​ເອີ​ລົບ, ອາຊີ​ໄດ້​ພາກັນ​ຫລັ່ງ​​ໄປ​ເປັນ​ກຳມະກອນ, ຊ່ຽວຊານ, ນັກວິ​ສະ​ວະ​ກອນ, ​ເປັນ​ນັກທຸລະກິດ​ມັນ​ກໍ​ມີ​ຖົມ​ເຖ​ ​ເຊິ່ງການ​ອອກ​ໄປ​ຊອກ​ວຽກ​ເຮັດ​ງານ ທຳ​ຢູ່​ຕ່າງປະ​ເທດ​ນັ້ນກໍ​ຍ້ອນ​ປັດ​ໄຈ​ບາງ​ຢ່າງ, ສິ່ງ​ແວດ​ລ້ອມ​ນອກ​ຕົວ ​ແລະ ​ໃນ​ຕົວ​ໂດຍ​ບໍ່ ມີ​ອຳນາດ​ເບື້ອ​ງສູງ ​ແລະ ກົດໝາຍ​ອັນ​​ໃດ​ເກືອດ​ຫ້າມ. ປາກົດການ​ທີ່​ເກີດ​ຂຶ້ນນີ້​ເຂົາ​ເອີ້ນວ່າ ການ​ເຄື່ອນ​ຍ້າຍ​ແຮງ​ງານ ຫລື ​ເອີ້ນຢ່າງ​ນຶ່ງ​ວ່າ​ກົດ​ເກນ​ສະໝອງ​ໄຫລ​ຂອງ​ມະນຸດ​ແບບ​ອັດຕະ​ໂນ​ມັດ ​ແລະ ​ໄຮ້​ພົມ​ແດນ.

- lattana 1 - ຢາກ​ໄດ້​ຫລາຍ​ພັດ​ກາຍ​ມາ​ເປັນ​ເຄາະ​ຮ້າຍ

​        ເພາະສະນັ້ນ, ຈຶ່ງ​ເວົ້າ​ໄດ້​ວ່າການ​ທີ່​ຄົນ​ລາວ​ເຮົາ​ພາກັນ​ຫລັ່ງ​ໄຫລ​ໄປ​ອອກ​ແຮງ​ງານ​ຢູ່ ​ໄທ​ນັ້ນພັກ ​ແລະ ລັດຖະບານ​ເຮົາ​ເພິ່ນ​ກໍ​ບໍ່​ໄປ​ໄດ້​ຫ້າມ​ຫລື​ບີບບັງຄັບ ມັນ​ຂຶ້ນກັບ​ບຸກຄົນ, ນິຕິບຸກຄົນ​ມີ​ຄວາມ​ພໍ​ໃຈ, ຕັດສິນ​ໃຈ​ເປັນ​ທີ່​ຕັ້ງຈະ​ທຳ​ດີ ຫລື ທຳ​ຊົ່ວ​ນັ້ນກໍ​ເປັນ​ເລື່ອງ​ສິດທິ​ຂອງ​ແຕ່​ລະບຸ​ກຄົນ​ມາ​ເປັນ​ໄມ້​ຫລາ​ວັດ​ແທກ.

​        ໃນ​ຄວາມ​ເປັນ​ຈິງ​ແລ້ວ, ຄົນ​ລາວ​ພາກັນ​ຫລັ່ງ​​ໄຫລ​ໄປ​ທຳ​ງານ​ຢູ່​ຕ່າງປະ​ເທດ​ມັນ​ກໍ​ບໍ່​ມີ​ແຕ່​ຢູ່​ໄທ​ຍັງ​ມີ​ຫລາຍ​ປະ​ເທດ​ໃນ​ທົ່ວ​ໂລກ​ຕ່າງ​ແຕ່​ວ່າ​ບ່ອນ​ຫລານ​ບ່ອນ​ໜ້ອຍ. ຈຸດ​ດີ​ຂອງ​ການ​ໄປ​ທຳ​ງານ​ຢູ່​ຕ່າງປະ​ເທດ​ຖ້າ​ເຮົາ​ເປັນ​ຄົນ​ຕັ້ງ​ໃຈ​ກໍ​ໄດ້​ເງິນ​ມາ​ລ້ຽງ​ຕົນ​ເອງ, ​ເປັນ​ການ​ຊ່ວຍ​ຄອບຄົວ​ສາມາດ​ນຳ​ເອົາ​ບົດຮຽນ, ​ເຕັກນິກ​ວິຊາ​ການ​ຕ່າງໆ ມາ​ພັດທະນາ​ຕົນ​ເອງ​ຢ່າງ​ໝັ້ນຄົງ.

​        ແຕ່​ໄປ​ຄຽງ​ຄູ່​ກັນນັ້ນ, ມີ​ຫລາຍ​ຄົນ​ເມື່ອ​ໄປ​ເຫັນ​ບ້ານ​ເຂົາ​ຈະ​ເລີ​ນຮັ່ງມີ​ພັດ​ລືມ​ບ້ານ​ຕົນ​ເອງ, ລືມ​ຜູ້​ບັງ​ເກີດ​ເກົ້າ ​ແລະ ຍິ່ງ​ໄປ​ກວ່າ​ນັ້ນບາງ​ຄົນ​ພັດ​ຕ່າວ​ມາ​ປິ້ນ​ໃສ່​ຮ້າຍ​ປ້າຍ​ສີ ການ​ນຳ​ພັກ-ລັດ​ຖືກຊື້ຈ້າງ​ຈອບ​ອອຍ​ຈາກ​ກຸ່ມ​ຄົນ​ບໍ່​ດີ​ຍຸຍົງ​ສົ່ງ​ເສີມ​ພັດ​ຍິ່ງ​ອອກ​ແລວ​ຂຶ້ນໝື້ຂຶ້ນ​ເຈຍ.

​        ເພາະສະນັ້ນລະ, ທິດ​ກ່ຳ​ ຈຶ່ງ​ວ່າ​ເຫດຜົນ​ຕົ້ນກຳ​ໄປ​ອອກ​ແຮງ​ງານ​ຢູ່​ຕ່າງປະ​ເທດ​ແທນ​ທີ່​ຈະ​ໄດ້​ເງິນ​ໄດ້​ຄຳ​ກັບ​ມາ​ບ້ານ​ມາ​ເມືອງ​ພັດ​ໄດ້​ແຕ່​ຄາບ​ທີ່​ໄຮ້​ວິນ​ຍານ ​ເຊິ່ງພວກ​ເຮົາ​ຕ້ອງ​ໄດ້​ພ້ອມ​ກັນ​ຄິດ​ຢ່າງ​ຖີ່​ຖ້ວນ​ສຳລັບ​ຜູ້​ທີ່​ຍັງ​ຢູ່ ​ແລະ ຜູ້​ທີ່​ຕ້ອງການ​ຢາກ​ໄປ./.

- 49587 - ຢາກ​ໄດ້​ຫລາຍ​ພັດ​ກາຍ​ມາ​ເປັນ​ເຄາະ​ຮ້າຍ
(ພາບປະກອບ)

error: Content is protected !!