ບໍ່ຄຳ-ເຊໂປນມອບວັດຖຸບູຮານຈຳນວນຫລາຍໃຫ້ລັດຖະບານຄຸ້ມຄອງ

- advert banner 728 90 728x90 - ບໍ່ຄຳ-ເຊໂປນມອບວັດຖຸບູຮານຈຳນວນຫລາຍໃຫ້ລັດຖະບານຄຸ້ມຄອງ

ພິທີມອບວັດຖຸບູຮານເກົ່າແກ່ຈຳນວນ 7.800 ອັນ ທີ່ຂຸດຄົ້ນໄດ້ໃນເຂດໂຄງການບໍ່ຄຳເຊໂປນ ແຂວງສະຫວັນນະເຂດ ຂອງບໍລິສັດລ້ານຊ້າງມີ ເນໂຣນສ໌ ໃຫ້ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວເປັນຜູ້ເກັບຮັກສາ ແລະ ຄຸ້ມຄອງຕໍ່ໄປ ໄດ້ມີຂຶ້ນວັນທີ 24 ກັນຍານີ້ ທີິ່ນະຄອນຫຼວງວຽງຈັນ, ລະຫວ່າງທ່ານ ສະໝານ ອະເນກາ ຜູ້ອຳນວຍການ ບໍລິສັດດັ່ງກ່າວ ແລະ ທ່ານຮອງຫົວໜ້າກົມມໍລະດົກ ໂດຍມີທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງ ຖວທ ເຂົ້າຮ່ວມນຳດ້ວຍ.

- new3 - ບໍ່ຄຳ-ເຊໂປນມອບວັດຖຸບູຮານຈຳນວນຫລາຍໃຫ້ລັດຖະບານຄຸ້ມຄອງ

ວັດຖຸບູຮານທີ່ມາມອບຄັ້ງນີ້ປະກອບມີວັດຖຸພັນປະເພດທອງແດງ, ທອງ ເຫລືອງ, ເຫລັກ, ດິນເບົ້າຫລໍ່, ແກ້ວປະດັບ-ເຈຍລະໄນ, ເຄື່ອງປັ້ນດິນເຜົາ, ໄມ້ ທີ່ມີອາຍຸເກົ່າແກ່ແຕ່ 1-3 ພັນປີ ເຊິ່ງໄດ້ມອບໃຫ້ພາກລັດຄຸ້ມຄອງຄື: ຫໍພິພິທະພັນແຫ່ງຊາດ 8 ຮ້ອຍກວ່າອັນ, ຫໍພິພິທະພັນສະຫວັນນະເຂດ 4 ຮ້ອຍກວ່າອັນ ແລະ ຫໍວັດທະນະທຳເມືອງວິລະບູລີຫຼາຍກວ່າ 6.600 ອັນ

- DSC07056 - ບໍ່ຄຳ-ເຊໂປນມອບວັດຖຸບູຮານຈຳນວນຫລາຍໃຫ້ລັດຖະບານຄຸ້ມຄອງ

ທ່ານຜູ້ອຳນວຍການບໍລິສັດດັ່ງກ່າວ ໃຫ້ຮູ້ວ່າ: ຕະຫຼອດເກືອບ 20 ປີຜ່ານມາ ໂຄງການຂຸດຄົ້ນຄໍາ-ທອງ ພາຍໃຕ້ການຄຸ້ມຄອງຂອງບໍລິສັດໄດ້ປະຕິບັດຕາມນະໂຍບາຍ ແລະ ລະບຽບກົດໝາຍຂອງລັດຢ່າງເຂັ້ມງວດ ພ້ອມທັງ ໄດ້ມອບພັນທະຕ່າງໆໃຫ້ລັດຖະບານຫລາຍຮ້ອຍລ້ານໂດລາ ເພື່ອ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ ດ້ວຍດີຕະຫລອດມາ.

- lattana 1 - ບໍ່ຄຳ-ເຊໂປນມອບວັດຖຸບູຮານຈຳນວນຫລາຍໃຫ້ລັດຖະບານຄຸ້ມຄອງ
- DSC07037 - ບໍ່ຄຳ-ເຊໂປນມອບວັດຖຸບູຮານຈຳນວນຫລາຍໃຫ້ລັດຖະບານຄຸ້ມຄອງ
- DSC07030 - ບໍ່ຄຳ-ເຊໂປນມອບວັດຖຸບູຮານຈຳນວນຫລາຍໃຫ້ລັດຖະບານຄຸ້ມຄອງ

ສຳລັບວຽກງານດ້ານບູຮານຄະດີ ບໍລິສັດໄດ້ໃຫ້ຄວາມສຳຄັນ ນັບຕັ້ງແຕ່ເລີ່ມໂຄງການ ປີ 2001 ເປັນຕົ້ນມາ ໄດ້ໃຊ້ງົບປະມານຫລາຍກວ່າ 1,3 ລ້ານໂດລາສະຫະລັດ ເພື່ອຈັດຕັ້ງຄະນະສຳຫລວດ ແລະ ນັກວິຊາການສະເພາະສຶກສາຄົ້ນຄວ້າບູຮານວັດຖຸຕາມຂັ້ນຕອນດ້ວຍຄວາມຮັບຜິດຊອບສູງ, ຮັກສາໄດ້ເຊິ່ງຄວາມມໍລະດົກອັນລໍ້າຄ່າ ແລະ ມີຄວາມໝາຍສຳຄັນທາງປະຫວັດສາດຂອງຊາດ ເຊິ່ງສະແດງເຖິງຄວາມຮັ່ງມີ, ມູນເຊື້ອແນວຄິດປະດິດສ້າງ ແລະ ອາລະຍະທຳອັນເກົ່າແກ່ ທີ່ເປັນສິ່ງເອກອ້າງທະນົງໃຈຂອງປວງຊົນລາວ, ເຮັດໃຫ້ສັງຄົມໂລກໄດ້ຮັບຮູ້ ເຖິງຄວາມອຸດົມສົມບູນດັ່ງກ່າວ ເຊິ່ງໃນອະນາຄົດ ສະຖານທີ່ຄົ້ນພົບວັດຖຸບູຮານນີ້ອາດກາຍເປັນແລ່ງທ່ອງທ່ຽວອັນສຳຄັນຂອງລາວເຮົາ ແລະກາຍເປັນມໍລະດົກໂລກທີ່ຈະສ້າງຊື່ສຽງໃຫ້ຊາດເຮົາອີກດ້ວຍ.

error: Content is protected !!