ເປີດສູນຮ່ວມມື ລາວ-ຈີນ ດ້ານອາຊີວະສຶກສາ ແລະ ອົບຮົມວິຊາຊີບ

- advert banner 728 90 728x90 - ເປີດສູນຮ່ວມມື ລາວ-ຈີນ ດ້ານອາຊີວະສຶກສາ ແລະ ອົບຮົມວິຊາຊີບ

- new3 - ເປີດສູນຮ່ວມມື ລາວ-ຈີນ ດ້ານອາຊີວະສຶກສາ ແລະ ອົບຮົມວິຊາຊີບ

ພິທີເປີດສູນຮ່ວມມື ລາວ-ຈີນ ດ້ານອາຊີວະສຶກສາ ແລະ ອົບຮົມວິຊາຊີບ ໄດ້ມີຂຶ້ນໃນວັນທີ 23 ກັນຍາ ນີ້, ຢູ່ ມະຫາວິທະຍາໄລ ແຫ່ງຊາດ (ຄວສ) ນະຄອນຫລວງວຽງຈັນ,  ພ້ອມທັງເປີດການຝຶກອົບຮົມຜູ້ນຳທ່ຽວ ໃຫ້ແກ່ ຄູ-ອາຈານ ຂອງສະຖາບັນອາຊີວະສຶກສາ ລາວ ໃນຂອບເຂດທົ່ວປະເທດ, ໂດຍມີ ທ່ານ ນາງ ສູນທອນ ໄຊຍະຈັກ ຫົວໜ້າຄະນະພົວພັນຕາງປະເທດສູນກາງພັກ, ທ່ານ ວັງ ກຸຍ ຊູ (Mr. WANG Guishu) ຮອງຫົວໜ້າພະແນກສຶກສາທິການກິລາ ແຂວງ ຫູໜານ ສປ ຈີນ, ພ້ອມດ້ວຍບັນດາຫົວໜ້າກົມ, ຮອງກົມ, ຄູ-ອາຈານ ເຂົ້າຮວ່ມເປັນຈຳນວນຫລາຍ.

ການເປີດສູນການຮວ່ມມື ດັ່ງກ່າວມັນມີຄວາມສໍາຄັນຫລາຍຕໍ່ການພັດທະນາວຽກງານອາຊີວະສຶກສາ ແລະ ຝຶກອົບຮົມວິຊາຊີບຂອງ ສປປ ລາວ, ເຊິ່ງຈະເປັນການປະກອບສວ່ນເຂົ້າໃນການພັດທະນາຊັບພະຍາກອນມະນຸດ, ເປັນການພັດທະນາກໍ່ສ້າງ ແລະ ບໍາລຸງ ຄູອາຊີວະສຶກສາ ແລະ ການພັດທະນາ ທັກສະສີມືແຮງງານແກ່ແຮງງານລາວ ໃຫ້ສາມາດສ້າງວຽກເຮັດງານທໍາ ແລະ ປັບປຸງຊີວິດການເປັນຢູ່ໃຫ້ນັບມື້ ດີຂຶ້ນ ແລະ  ທັງເປັນການປັບປຸງຄຸນນະພາບການຮຽນ-ການສອນ ກໍຄື ການຝຶກອົບຮົມ, ການປັບປຸງຄວາມສາມາດທາງດ້ານວິຊາສະເພາະ ແລະ ວິຊາການສອນຂອງຄູ, ການບໍລິຫານ-ຈັດການ ວຽກງານອາຊີວະສຶກສາ ໃຫ້ເຂັ້ມແຂງ.

ໂອກາດດັ່ງກ່າວ, ທ່ານ ກອງສີ ແສງມະນີ ຮອງລັດຖະມົນຕີ ກະຊວງສຶກສາທິການ ແລະ ກິລາ ໄດ້ມີຄຳເຫັນ ວ່າ: ການເປີດສູນຮ່ວມມື ແລະ ເປີດການຝຶກອົບຮົມໃນຄັ້ງນີ້, ແມ່ນການຮວ່ມມືກັນ ລະຫວ່າງ ສະຖາບັນພັດທະນາອາຊີວະສຶກສາ ຂອງ ສປປ ລາວ ແລະ ວິທະຍາໄລກິດຈະກໍາພົນລະເຮືອນ ຊາງຊາ ແຂວງຫູນານ ສປ ຈີນ, ເຊິ່ງສອງຝ່າຍໄດ້ຕົກລົງກັນ ໃນທ້າຍປີ 2018 ທີ່ຜ່ານມາ ເພື່ອພັດທະນາວຽກງານອາຊີວະສຶກສາ ແລະ ອົບຮົມວິຊາຊີບຮ່ວມກັນ ໃຫ້ເປັນຮູບປະທຳເທື່ອລະກ້າວ.

- lattana 1 - ເປີດສູນຮ່ວມມື ລາວ-ຈີນ ດ້ານອາຊີວະສຶກສາ ແລະ ອົບຮົມວິຊາຊີບ

ຈາກນັ້ນ, ທ່ານ ຫລີ ເຄີ ຮອງອຳນວຍການວິທະຍາໄລເຕັກນິກອາຊີບກິດຈະການພົນລະເຮືອນຊາງຊາ ກໍໄດ້ມີຄຳເຫັນ  ວ່າ: ວິທະຍາໄລເຕັກນິກອາຊີບ ກິດຈະການພົນລະເຮືອນຊາງຊາ ຈະ ປະຕິບັດຂໍ້ລິເລີ່ມ “ໜຶ່ງແລວໜຶ່ງເສັ້ນທາງ’’ ດ້ວຍການເຄື່ອນໄຫວຕົວຈິງ, ດຳເນີນຄົ້ນຫາຊ່ອງທາງ ທີ່ເຊື່ອມຈອດມາດຕະຖານການສຶກສາອາຊີບ ລາວ-ຈີນ, ແລກປ່ຽນປະສົບການ, ບົດຮຽນ ເຊິ່ງກັນ ແລະ ກັນ, ຮ່ວມມືກັນ ແລະ ຕ່າງຝ່າຍຕ່າງມີຜົນປະໂຫຍດຢ່າງຕັ້ງໜ້າ./.

- 1247 1 - ເປີດສູນຮ່ວມມື ລາວ-ຈີນ ດ້ານອາຊີວະສຶກສາ ແລະ ອົບຮົມວິຊາຊີບ
error: Content is protected !!