ປາກດີມີສີແກ່ຕົນປາກສົນລະວົນໄດ້ໂທດ

- advert banner 728 90 728x90 - ປາກດີມີສີແກ່ຕົນປາກສົນລະວົນໄດ້ໂທດ

ໂດຍ: ທິດກ່ຳ

- new3 - ປາກດີມີສີແກ່ຕົນປາກສົນລະວົນໄດ້ໂທດ

ຂ່າວຄາວການຈັບຕົວນາງໝວຍ ຫລື ຊື່ແທ້ ນາງ ຮວາຍເຮືອງ ໄຊຍະບູລີ ໄດ້ໂດ່ງ ດັງໄປທົ່ວສັງຄົມລາວ ແລະ ຕ່າງປະເທດ. ອັນສາເຫດກໍຍ້ອນວ່າຜູ້ກ່ຽວເປັນນັກໄບ່ໄລ່ ສົດຜ່ານສື່ອອນລາຍມາເປັນເວລາຫລາຍເດືອນ, ຫລາຍປີຈົນເປັນທີ່ຍອມຮັບຂອງສັງ ຄົມຢູ່ພາຍໃນ ແລະ ຕ່າງແດນວ່າເປັນເນັດໄອດໍຄອງໃຈຫລາຍຄົນ ຫລື ບາງກຸ່ມ ໂດຍສະເພາະແມ່ນພວກທີ່ຕໍ່ຕ້ານການນຳພາຂອງພັກ-ລັດກໍຄືຕ້ານກັບ ສປປ ລາວ.

ການຈັບຕົວນາງໝວຍ ໃນຄັ້ງນີ້, ແມ່ນໃນຂ້ໍຫາໂຄສະນາບິດເບືອນ, ໃສ່ຮ້າຍປ້າຍສີເກີນ ຄວາມເປັນຈິງຕາມປະມວນກົດໝາຍອາຍາມາດຕາ 117 ເຊິ່ງໄດ້ລະບຸແຈ້ງວ່າ: ບຸກຄົນ ໃດຫາກໄດ້ໂຄສະນາໃສ່ຮ້າຍປ້າຍສີ ສາທາລະນະລັດ ປະຊາທິປະໄຕ ປະຊາຊົນລາວ, ບິດເບືອນແນວທາງຂອງພັກ ແລະ ນະໂຍບາຍຂອງລັດ, ປ່າວຂ່າວອະກຸສົນ, ເຮັດໃຫ້ມີ ຄວາມວຸ້ນວາຍດ້ວຍການເວົ້າ, ການຂຽນ, ການພິມ, ຮູບເງົາ, ວີດີໂອ, ຮູບພາບ, ເອກະສານ, ສື່ເອເລັກໂຕຣນິກ ຫລື ດ້ວຍຮູບການ ອື່ນໆທີ່ມີເນື້ອໃນຕ້ານສາທາລະນະລັດປະຊາທິປະໄຕ ປະຊາຊົນລາວເພື່ອ ເຮັດໃຫ້ອຳນາດ ລັດອ່ອນເພຍຈະຖືກລົງໂທດຕັດອິດສະຫລະພາບແຕ່ 1 ປີຫາ 5 ປີ ແລະ  ຈະຖືກປັບໄໝ ແຕ່ 5 ລ້ານກີບຫາ 20 ລ້ານກີບ.

ໃນຄວາມຈິງແລ້ວ, ຕະຫລອດໄລຍະການເວົ້າວ່າວິພາກວິຈານຜ່ານສື່ອອນລາຍໃນຫລາຍບັນຫາ, ຫລາຍແງ່ມຸມຂອງ ນາງ ໝວຍ ຫລາຍຄົນກໍອາດໄດ້ຍິນ ແລະ ໄດ້ຟັງຄືເລີ່ມແຕ່ການວິພາກວິຈານເລື່ອງບໍ່ມີເງິນຈ້າງເຂົ້າເຮັດວຽກຈົນແກ່ຍາວມາ ຫລາຍເດືອນຫລາຍ ປີທາງການໄດ້ຮຽກເອົາຜູ້ກ່ຽວໄປຕັກເຕືອນຄັ້ງໜຶ່ງແລ້ວ; ແຕ່ບໍ່ຍອມປ່ຽນແປງຍັງເດີນ ໜ້າຈົນມາຮອດເຫດການນ້ຳຖ້ວມ 2 ແຂວງພາກກາງ ແລະ 4 ແຂວງພາກໃຕ້ຜູ້ກ່ຽວໄດ້ໄລ້ສົດໂຄສະນາຜ່ານສື່ອອນລາຍມີຄົນຈຳນວນ ບໍ່ໜ້ອຍໄດ້ສະໜັບສະໜູນເຫັນດີເຫັນພ້ອມ, ເຊິ່ງພວກທີ່ຕົບມືພືຜ້າແບບອອກ ໜ້າຕານັ້ນກໍແມ່ນພວກລາວນອກຈຳນວນໜຶ່ງທີ່ຍັງມີ ແນວຄິດປໍລະປັກ, ມີອະຄະຕິ ແລະ ພວມມີການເຄື່ອນໄຫວຕ້ານກັບ ສປປ ລາວ ແລະ ຕ້ານກັບລະບອບຄອມມູນິດໂດຍລວມ.

ແຕ່ໄປຄຽງຄູ່ກັນນັ້ນກໍຍັງມີຄົນຈຳນວນຫລວງຫລາຍຢູ່ພາຍໃນ ແລະ ຕ່າງປະເທດ ເຫັນວ່າການໂຄສະນາຜ່ານສື່ອອນລາຍຂອງ ນາງໝວຍ ນັ້ນເກີນກວ່າ ເຫດ, ລາມພະ ລາມຈົວ, ບາງປະໂຫຍກຄຳເວົ້າມຸ້ງເປົ້າເຊື່ອງຊ້ອນດ້ວຍອະຄະຕິ ແລະ ເຫັນແຕ່ ອັນສະເພາະບໍ່ເຫັນອັນລວມ, ບໍ່ເບິ່ງເຫດຜົນ, ສະພາບແວດລ້ອມເລີ່ມຈາກເຮົາເອງ ຈຶ່ງໄປຮອດຄົນອື່ນ ຫລື ລວມໝູ່ ແລະ ສັງຄົມ.

ຕົວຢ່າງເຫດການນ້ຳຖ້ວມ 6 ແຂວງພາກກາງ ແລະ ພາກໃຕ້ຜູ້ກ່ຽວ ໄດ້ແຕ່ ນັ່ງຈົມໄບ່ໄລ້ສົດຕິດຕາມຫາຊ່ອງວ່າງເພື່ອໃສ່ຮ້າຍປ້າຍສີໂຈມຕີການຈັດຕັ້ງພັກ-ລັດວ່າບໍ່ເອົາໃຈໃສ່ຕໍ່ການກູ້ໄພຫລ້າຊ້າໃນການຊ່ວຍເຫລືອປະຊາຊົນຜູ້ຖືກເຄາະຮ້າຍ, ທັງໆທີ່ເວລານັ້ນ, ທຸກກຳລັງສັງລວມບໍ່ວ່າກຳລັງທະຫານ, ຕຳຫລວດ, ໜ່ວຍກູ້ໄພທຸກໜ່ວຍງານນັບແຕ່ສູນກາງ ແລະ ທ້ອງຖິ່ນ, ການຕັດຕັ້ງສັງຄົມທຸກພາກສ່ວນ, ຕະຫລອດການນຳພັກ-ລັດແຕ່ຂັ້ນສູນກາງລົງຮອດທ້ອງຖິ່ນໄດ້ພ້ອມກັນສຸມທຸກກຳລັງ ຊ່ວຍເຫລືອປະຊາຊົນຢ່າງບໍ່ລົດລະ ແລະ ເຄັ່ງຮ້ອນທີ່ສຸດນັບແຕ່ມື້ເກີດເຫດຈົນຮອດ ມື້ນ້ຳໄດ້ບົກແຫ້ງລົງ.

- lattana 1 - ປາກດີມີສີແກ່ຕົນປາກສົນລະວົນໄດ້ໂທດ

ຈາກພືດຕິກຳຂອງ ນາງໝວຍທີ່ສ້າງຄວາມສັບສົນວຸ້ນວາຍສ້າງຄວາມເຂົ້າໃຈ ຜິດລະຫວ່າງຂັ້ນເທິງກັບຂັ້ນລຸ່ມ, ລະຫວ່າງການນຳພັກ-ລັດກັບປະຊາຊົນ, ລະຫວ່າງຄົນພາຍໃນກັບພາຍນອກຜູ້ກ່ຽວ ຈຶ່ງມີຄວາມຜິດໃນສະຖານໂຄສະນາບິດເບືອນ, ໃສ່ຮ້າຍປ້າຍສີເກີນເຫດຖືວ່າເປັນການຕ້ານກັບສາທາລະນະລັດ ປະຊາທິປະໄຕ ປະຊາຊົນລາວຢ່າງຈົງໃຈ ເຊິ່ງພົວພັນເຖິງຄວາມສະຫງົບສຸກທາງສັງຄົມ ແລະ ຄວາມໝັ້ນຄົງຂອງຊາດໃນເງື່ອນໄຂທີ່ບ້ານເມືອງພວມເກີດໄພພິບັດ, ມີຄວາມອັດ ຕະຄັດຂັດສົນແທນທີ່ຈະອອກແຮງສຸມທຸກກຳລັງເຂົ້າຊ່ວຍກັນແຕ່ຜູ້ກ່ຽວສະໜຸກນັ່ງໄບ່ໄລ້ສົດກ່າວທັບຖົມໂຈມຕີຊ້ຳຊອກໃສ່ຮ້າຍປ້າຍສີຄົນອື່ນອັນເປັນການຜິດຕໍ່ຈັນຍາບັນ ແລະ ສິດພັນທະຂອງພົນລະເມືອງລາວຜູ້ໜຶ່ງ.

ຈົນມາຮອດຄັ້ງນີ້, ສັດຈະທຳ ຈຶ່ງໄດ້ພິສູດໃຫ້ພວກເຮົາເຫັນເປັນແບບຢ່າງ ແລະ ກໍຖືເປັນຕົວແບບໃນການເວົ້າວ່າວິຈານທານຂວັນຜູ້ອື່ນຖ້າເວົ້າເກີນເຫດ, ເກີນຄວາມ ຈິງ, ເວົ້າຜິດພ້ຽນຕາມໃຈເຮົາເອງຄິດອັນໃດລະເວົ້າ, ເຫັນອັນໃດແລ້ວວ່າແບບອັດ ຕະວິໄສໂດຍບໍ່ຄຳນຶ່ງເຖິງສະພາບແວດລ້ອມ, ສິດທິຂອງຄົນອື່ນ ແລະ ກົດໝາຍບ້ານ ເມືອງກໍພາໃຫ້ເຮົາເສຍຫາຍສຸດທ້າຍມາກໍໄດ້ເຂົ້າຄຸກເຂົ້າຕະລາງແນວນີ້ມັນບໍ່ດີ./.

- 2258 - ປາກດີມີສີແກ່ຕົນປາກສົນລະວົນໄດ້ໂທດ
(ພາບປະກອບ)
error: Content is protected !!