ອົງການກາແດງລາວສື​ບຕໍ່ຊ່ວຍເຫລືອຜູ້ປະສົບໄພນຳ້ຖ້ວມຢູ່ເມືອງຊະນະສົມບູນ

- advert banner 728 90 728x90 - ອົງການກາແດງລາວສື​ບຕໍ່ຊ່ວຍເຫລືອຜູ້ປະສົບໄພນຳ້ຖ້ວມຢູ່ເມືອງຊະນະສົມບູນ

ໃນວັນທີ 24 ກັນຍານີ້, ທ່ານ ຄຳຮຸ່ງ ເຮືອງວົງສີ ປະທານອົງການກາແດງລາວ, ພ້ອມດ້ວຍຄະນະ ໄດ້ນຳ​ເອົາເຄື່ອງບັນເທົາທຸກ ໄປຊ່ວຍ​ເຫລືອປະຊາຊົນຜູ້ປະສົບໄພນຳ້ຖ້ວມຢູ່ບ້ານ ໂຊໂລນ້ອຍ 154 ຄອບຄົວ, ບ້ານໂຊໂລໃຫຍ່ 258 ຄອບຄົວ ແລະ ບ້ານຕ່າງລ່າງ 53 ຄອບຄົວ ທີ່ຂື້ນກັບ ເມືອງ ຊະນະສົມບູນ ແຂວງ ຈຳປາສັກ, ຊຶ່ງ​ເຄື່ອງ​ບັນ​ເທົາ​ທຸກ​ດັ່ງ​ກ່າວປະກອບມີ: ເຂົ້າໜຽວ, ໝີ່ສຳເລັດຮູບ, ປາກະປ໋ອງ, ນຳ້ດື່ມ, ນຳ້ມັນພືດ, ເກືອ, ກັບໄຟແຊັກ, ທຽນໄຂ, ສະບູ, ຢາສີຟັນ, ຜ້າອານະໄມ ແລະ ຢາປົວພະຍາດ. ລວມມູນຄ່າທັງໝົດ 113 ລ້ານ​ກວ່າກີບ, ເຊິ່ງແມ່ນການປະກອບສ່ວນຂອງ ບໍລິສັດ ລົງທຶນພັດທະນາລາວ; ບໍລິສັດ ນະຄອນຊັບ ຈໍາກັດຜູ້ດຽວ; ບໍລິສັດ ຊາວອີສເອເຊຍ ທາວເວີ ຈຳກັດ (Southeast Asia Tower Company Limited) ແລະ ບໍລິສັດ ກໍ່ສ້າງ-ລົງທຶນ ແລະ ຖືຮຸ້ນແຂວງຢຸນນານ ຈໍາກັດ,

- new3 - ອົງການກາແດງລາວສື​ບຕໍ່ຊ່ວຍເຫລືອຜູ້ປະສົບໄພນຳ້ຖ້ວມຢູ່ເມືອງຊະນະສົມບູນ

   ໃນໂອກາດນີ້, ທ່ານປະທານອົງການກາແດງໄດ້ສະແດງເຖິງຄວາມເປັນຫ່ວງເປັນໃຍຕໍ່ປະຊາຊົນທີ່ປະສົບໄພນໍ້າຖ້ວມ ແລະ ​ແນະ​ນໍາໃຫ້​ເຂົາ​ເຈົ້າ​ເພີ່ມ​ທະວີ​ຄວາມສາມັກຄີເປັນຈິດຫນຶ່ງໃຈດຽວກັນປົວແປງອະນາໄມບ້ານເຮືອນ ແລະ ຫັນມາທຳການຜະລິດຄືນ​ໃໝ່ຕາມຄວາມອາດສາມາດ ແລະ ເງື່ອນໄຂຄວາມຈິງ, ເພື່ອທົດແທນຜົນ​ເສຍ​ຫາຍ​ຈາກ​ໄພ​ທໍາ​ມະ​ຊາດ​ດັ່ງກ່າວ​ໃຫ້​ມີ​ປະສິດທິ​ຜົນ​ສູງ.

- lattana 1 - ອົງການກາແດງລາວສື​ບຕໍ່ຊ່ວຍເຫລືອຜູ້ປະສົບໄພນຳ້ຖ້ວມຢູ່ເມືອງຊະນະສົມບູນ
- e0d93852 868f 4be4 9a7a 961796dc061d 1024x682 - ອົງການກາແດງລາວສື​ບຕໍ່ຊ່ວຍເຫລືອຜູ້ປະສົບໄພນຳ້ຖ້ວມຢູ່ເມືອງຊະນະສົມບູນ
- 13c4ef52 9aab 4720 bbd3 dd26e2206d6b 1024x682 - ອົງການກາແດງລາວສື​ບຕໍ່ຊ່ວຍເຫລືອຜູ້ປະສົບໄພນຳ້ຖ້ວມຢູ່ເມືອງຊະນະສົມບູນ

   ນັບ​ແຕ່​ມື້​ເກີດ​​ໄພ​ນໍ້າ​ຖ້ວມຢູ່ 6 ​ແຂວງ​ພາກ​ກາງ ​ແລະ ພາກ​ໃຕ​​້ມາ​ນີ້, ອົງການ​ກາ​ແດງ​ລາວ ກໍ​ເປັນ​ຜູ້​ໜຶ່ງ​ທີ່​ໄດ້ຕັ້ງໜ້າ​ໃຫ້ການ​ຊ່ວຍ​ເຫລືອ​ປະຊາຊົນ​ຜູ້​ປະສົບ​ໄພ​ໂດຍ​ດີ​ຕະຫລອດ​ມາ, ນັບ​ແຕ່​ການ​ຊ່ວຍ​ເຫລືອ​ເຄື່ອງ​ອຸປະ​ໂພ​ກ-ບໍ​ລີ​ໂພ​ກຕ່າງໆ​​ແລ້ວ ອົງການ​ກາ​ແດງ​ປະ​ຈໍາ​ແຕ່​ລະ​ທ້ອງ​ຖິ່ນ​ຍັງ​ໄດ້​ຊ່ວຍ​ຍົກຍ້າຍ​ປະຊາຊົນ​ອອກ​ໄປ​ຢູ່​ບ່ອນ​ປອດ​ໄພ, ຊ່ວຍພາຫະນະ, ​ເຮ​ືອຂົນ​ສົ່ງ, ​ເຄື່ອງ​ຈັກ​ຜະລິດ​ນໍ້າ​ດື່ມ​ສະອາດ ສະໜອງ​ໃຫ້​ປະຊາຊົນ​ໃນ​ເຂດ​ປະສົບ​ໄພ ​ແລະ ບ່ອນ​ພັກ​ເຊົາ​ຊົ່ວ​ຄາວ​ໄດ້​ນໍາ​ໃຊ້​ຢ່າງ​ພຽງພໍ.

error: Content is protected !!