ແຂວງ​ຈຳປາ​ສັກ ​ໄດ້​ຮັບ​ເຄື່ອງ​ຊ່ວຍ​ເ​ຫລື​ອຜູ້​ປະສົບ​ໄພ​ນ້ຳຖ້ວມ​ແລ້ວ 5 ຕື້ກວ່າ​ກີບ

- advert banner 728 90 728x90 - ແຂວງ​ຈຳປາ​ສັກ ​ໄດ້​ຮັບ​ເຄື່ອງ​ຊ່ວຍ​ເ​ຫລື​ອຜູ້​ປະສົບ​ໄພ​ນ້ຳຖ້ວມ​ແລ້ວ 5 ຕື້ກວ່າ​ກີບ

- new3 - ແຂວງ​ຈຳປາ​ສັກ ​ໄດ້​ຮັບ​ເຄື່ອງ​ຊ່ວຍ​ເ​ຫລື​ອຜູ້​ປະສົບ​ໄພ​ນ້ຳຖ້ວມ​ແລ້ວ 5 ຕື້ກວ່າ​ກີບ

ມາຮອດປັດຈຸບັນ, ຜູ້ປະສົບໄພນ້ຳຖ້ວມຢູ່ແຂວງ ຈຳປາສັກໄດ້ຮັບການຊ່ວຍ ເຫລືອແລ້ວ ມູນຄ່າ 5 ຕື້ກວ່າ ກີບ, ລວມທັງພາກລັດ ແລະ ພາກເອກະຊົນ, ບັນດາບຸກຄົນ ແລະ ນິຕິບຸກຄົນ ແລະ ຕ່າງປະເທດ.

ທ່ານ ບົວລິນ ວົງພະຈັນ, ຮອງເຈົ້າແຂວງໆຈຳປາສັກ, ປະທານຄະນະກຳມະການປ້ອງກັນ, ຄວບຄຸມ ແລະ ຟື້ນ ຟູໄພພິບັດແຂວງຈຳປາສັກ ໃຫ້ສຳພາດວ່າ: ໄພນ້ຳຖ້ວມໃນຄັ້ງນີ້ ໄດ້ສ້າງຜົນກະທົບ ແລະ ຄວາມເສຍຫາຍຢ່າງ ໜັກໜ່ວງຕໍ່ຊີວິດ ແລະ ຊັບສິນ, ພື້ນຖານໂຄງລ່າງຖະໜົນຫົນທາງ, ຂົວ, ຕາຂ່າຍໄຟຟ້າ, ເຮືອນຊານບ້ານ ຊ່ອງ ແລະ ໄຮ່ນາຮົ້ວສວນຖືກນ້ຳຖ້ວມ. ປະຊາຊົນຫລາຍພັນຄົນໄດ້ຖືກຍົກຍ້າຍໄປຢູ່ສະ ຖານທີ່ປອດໄພ, ມີ 483 ບ້ານ,  46 ພັນກວ່າຄອບຄົວ, ມີພົນລະເມືອງ 2 ແສນກວ່າຄົນ, ໃນນັ້ນມີຜູ້ເສຍຊີວິດ ແລະ ສູນຫາຍ 8 ຄົນ; ເຮືອນຊານເປ່ເພເສຍຫາຍ ເກືອບ 300 ຫລັງມາຮອດປັດຈຸບັນສາມາດສ້ອມແປງ ສຳເລັດ 196 ຫຼັງ ແລະ ຍັງ ອີກ 78 ຫລັງບໍ່ສາມາດ ສ້ອມແປງໄດ້; ເນື້ອທີ່ທຳການຜະລິດໄຮ່ນາຮົ້ວສວນ ຖືກນ້ຳຖ້ວມເສຍຫາຍ 23 ພັນກ່ວາເຮັກຕາ, ສັດລ້ຽງປະເພດງົວ-ຄວາຍເສຍຫາຍຫລາຍໝື່ນໂຕ, ໝູ , ແບ້ ແລະ ສັດປີກສູນຫາຍນັບຫລາຍແສນໂຕ, ໜອງປາ 1 ພັນກວ່າໜອງ, ມີປາ ເສຍຫາຍ 100 ກວ່າໂຕນ. ນອກຈາກນັ້ນ, ຍັງມີພື້ນຖານໂຄງລ່າງຖະໜົນຫົນທາງເສຍຫາຍ 115 ເສັ້ນ, ຂົວ 7 ແຫ່ງ, ລະບົບນ້ຳປະປາເສຍຫາຍມີມູນຄ່າປະມານ 1 ຕື້ກວ່າກີບ, ພາຫະນະ 152 ຄັນ, ສາຍໄຟຟ້າ, ໝໍ້ແປງ, ໝ້ໍນັບໄຟເສຍຫາຍຕົກເປັນມູນຄ່າປະມານ 2 ຕື້ ກວ່າກີບ, ໂຮງຮຽນເປ່ເພ 8 ຫລັງ, ໂຮງໝໍ 3 ແຫ່ງ, ຄິດ ເປັນມູນຄ່າ 695 ລ້ານກວ່າ ກີບ, ສຸກສາລາ 10 ແຫ່ງ, ໂດຍສັງລວມຜົນເສຍຫາຍ ເບື້ອງຕົ້ນມີຫຼາຍພັນລ້ານກີບ. ທ່ານຮອງເຈົ້າແຂວງໆຈຳປາສັກໃຫ້ຮູ້ຕື່ມວ່າ: ຈາກ ສະພາບຄືດັ່ງກ່າວນີ້, ທາງພັກ, ລັດຖະບານ ກໍຄືອຳນາດການປົກຄອງທຸກຂັ້ນແມ່ນ ໄດ້ເອົາໃຈໃສ່ຊ່ວຍເຫລືອປະຊາຊົນ, ຜູ້ປະສົບໄພຄັ້ງນີ້, ຢ່າງບໍ່ລົດລະເປັນຕົ້ນແມ່ນໄດ້ລົງໄປໃກ້ຊິດຕິດແທດ, ມອບເຄື່ອງອຸປະໂພກ, ບໍລິໂພກເຂົ້າປາອາຫານຕ່າງໆ ຢ່າງຫລວງຫລາຍລວມມີມູນຄ່າປະມານ 5 ຕື້ກວ່າກີບ ໃນນັ້ນມີເຂົ້າກິນ 66 ໂຕນ ໂດຍໄດ້ແຈກຢາຍໃຫ້ເມືອງ ປະສົບໄພຕ່າງໆຄື: ເມືອງ ຊະນະສົມບູນມີ 10 ໂຕນ, ນະ ຄອນປາກເຊ 10 ໂຕນ, ປະທຸມພອນ 10 ໂຕນ, ໂພນທອງ 5 ໂຕນ, ປາກຊ່ອງ 4 ໂຕນ, ບາຈຽງ 5 ໂຕນ, ຈຳປາສັກ 6 ໂຕນ, ສຸຂຸມມາ 6 ໂຕນ, ມຸນລະປະໂມກ 5 ໂຕນ ແລະ ເມືອງໂຂງ ອີກ 5 ໂຕນ.

- lattana 1 - ແຂວງ​ຈຳປາ​ສັກ ​ໄດ້​ຮັບ​ເຄື່ອງ​ຊ່ວຍ​ເ​ຫລື​ອຜູ້​ປະສົບ​ໄພ​ນ້ຳຖ້ວມ​ແລ້ວ 5 ຕື້ກວ່າ​ກີບ

- 4267 - ແຂວງ​ຈຳປາ​ສັກ ​ໄດ້​ຮັບ​ເຄື່ອງ​ຊ່ວຍ​ເ​ຫລື​ອຜູ້​ປະສົບ​ໄພ​ນ້ຳຖ້ວມ​ແລ້ວ 5 ຕື້ກວ່າ​ກີບ
error: Content is protected !!