ທະນາຄານໂລກ ລົງຕິດຕາມການຈັດຕັ້ງປະຕິບັດ ໂຄງການຜະລິດກະສິກຳເປັນສິນຄ້າ ຢູ່ ແຂວງວຽງຈັນ.

- advert banner 728 90 728x90 - ທະນາຄານໂລກ ລົງຕິດຕາມການຈັດຕັ້ງປະຕິບັດ ໂຄງການຜະລິດກະສິກຳເປັນສິນຄ້າ ຢູ່ ແຂວງວຽງຈັນ.

ໃນວັນທີ 20 ກັນຍານີ້ ຢູ່ທີ່ພະແນກກະສິກຳ ແລະ ປ່າໄມ້ແຂວງວຽງຈັນ ໄດ້ຈັດກອງປະຊຸມຮ່ວມກັບທີມງານທະນາຄານໂລກ ເພຶ່ອທົບທວນຜົນການຈັດຕັ້ງປະຕິບັດໂຄງການຜະລິດກະສິກຳເປັນສິນຄ້າໃນແຂວງວຽງຈັນ ໂດຍການເຂົ້າຮ່ວມຂອງ ທ່ານ ນາງ ສິງຄຳ ຄົງສະຫວັນ ຮອງເຈົ້າແຂວງໆວຽງຈັນ, ທ່ານ ນິໂຄລ່າ ພອນທາຣາຫົວໜ້າທີມງານທະນາຄານໂລກປະຈຳລາວ, ພ້ອມດ້ວຍພາກສ່ວນທີ່ກ່ຽວຂ້ອງຂັ້ນສູນກາງ ແລະ ຂັ້ນແຂວງເຂົ້າຮ່ວມ.

- new3 - ທະນາຄານໂລກ ລົງຕິດຕາມການຈັດຕັ້ງປະຕິບັດ ໂຄງການຜະລິດກະສິກຳເປັນສິນຄ້າ ຢູ່ ແຂວງວຽງຈັນ.

ໂຄງການຜະລິດກະສິກຳເປັນສິນຄ້າມີເປົ້າໝາຍຢູ່ 5 ແຂວງຄື: ໄຊຍະບູລີ, ບໍລິຄຳໄຊ, ຄຳມ່ວນ, ນະຄອນຫຼວງວຽງຈັນ ແລະ ແຂວງວຽງຈັນ ໂດຍໄດ້ຮັບການຊ່ວຍເຫຼືອຈາກທະນາຄານໂລກ ດ້ວຍເງິນກູ້ດອກເບ້ຍຕ່ຳໂດຍແມ່ນລັດຖະບານລາວເປັນຜູ້ກູ້ຢືມ, ເຊິ່ງແຂວງວຽງຈັນໄດ້ກຳນົດເອົາເມືອງທຸລະຄົມ ເປັນເມືອງເປົ້າໝາຍຂອງໂຄງການ, ກິດຈະກຳມີການປູກເຂົ້າ ແລະ ພືດຜັກ, ໂດຍໃຫ້ຊາວນາເປັນນັກທຸລະກິດດ້ານກະສິກຳເອງ, ໃນຊ່ວງໄລຍະ 5 ປີ, ແຕ່ປີ 2019 ຮອດປີ 2024.

ຫົວໜ້າປະສານງານໂຄງການຜະລິດກະສິກຳເປັນສິນຄ້າປະຈຳແຂວງວຽງຈັນ ໄດ້ລາຍງານຜົນການຈັດຕັ້ງປະຕິບັດໂຄງການດັ່ງກ່າວແຕ່ຕົ້ນປີມານີ້ໄດ້ສຳເລັດການສ້າງຕັ້ງກຸ່ມບ້ານໃນ 16 ບ້ານ, ກຳນົດແນວຄວາມຄິດພື້ນຖານຂອງການຄ້າຄືເຂົ້າ ແລະ ພືດຜັກ, ສ້າງຕັ້ງກຸ່ມໂຮງສີເຂົ້າ ໃນນັ້ນຜະລິດເຂົ້າມີ 6 ກຸ່ມ, ຜະລິດຜັກ 10 ກຸ່ມ, ໄດ້ມີການຝຶກອົບຮົມເຕັກນິກຕ່າງໆຂອງການປູກເຂົ້າ ແລະ ພືດຜັກ ພ້ອມໄດ້ສຳຫຼວດ-ອອກແບບ 2 ໂຄງການຄື: ໂຄງການຊົນລະປະທານບ້ານແຈ້ງ ແລະ ບ້ານຈຸ້ມ ໃນການປັບປຸງລະບົບຄອງຊົນລະປະທານ, ພ້ອມທັງການເກັບຂໍ້ມູນຜົນກະທົບດ້ານສິ່ງແວດລ້ອມສັງຄົມ, ດ້ານການສະໜັບສະໜູນການເຊື່ອມຕໍ່ຊາວກະສິກອນກັບຕະຫຼາດ ໄດ້ຊ່ວຍກຸ່ມຊາວນາຂາຍແນວພັນເຂົ້າຮຸ່ນ 3 ໄດ້ 1.000 ກວ່າກິໂລ ໃຫ້ກຸ່ມໂຮງສີ, ໄດ້ຮັບເງິນ 5 ລ້ານກວ່າກີບ.

- lattana 1 - ທະນາຄານໂລກ ລົງຕິດຕາມການຈັດຕັ້ງປະຕິບັດ ໂຄງການຜະລິດກະສິກຳເປັນສິນຄ້າ ຢູ່ ແຂວງວຽງຈັນ.
- 400 - ທະນາຄານໂລກ ລົງຕິດຕາມການຈັດຕັ້ງປະຕິບັດ ໂຄງການຜະລິດກະສິກຳເປັນສິນຄ້າ ຢູ່ ແຂວງວຽງຈັນ.
ພາບປະກອບ
- 12 44 - ທະນາຄານໂລກ ລົງຕິດຕາມການຈັດຕັ້ງປະຕິບັດ ໂຄງການຜະລິດກະສິກຳເປັນສິນຄ້າ ຢູ່ ແຂວງວຽງຈັນ.
ພາບປະກອບ

ໃນກອງປະຊຸມຄັ້ງນີ້ ບັນດາຜູ້ເຂົ້າຮ່ວມໄດ້ພ້ອມກັນປະກອບຄຳຄິດຄຳເຫັນ ເພຶ່ອຖອດຖອນບົດຮຽນ ແລະ ປຶກສາຫາລື ຊອກຫາວິທີແກ້ໄຂຈຸດອ່ອນ ແລະ ພ້ອມກັນສືບຕໍ່ດ້ານດີ ຈັດຕັ້ງປະຕິບັດໂຄງການຜະລິດກະສິກຳເປັນສິນຄ້າຢູ່ແຂວງວຽງຈັນ ໃຫ້ມີຄວາມຍຶືນຍົງ.

error: Content is protected !!