ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ

ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ - advert banner 728 90 728x90 - ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ

​ເພື່ອ​ຜັນ​ຂະຫຍາຍ​ຜົນ​ຂອງ​ກອງ​ປະຊຸມ​ຮີບ​ດ່ວນ​ຂອງ​ລັດຖະບານ​ກ່ຽວ​ກັບ​ການ​​ຟື້ນ​ຟູ ​ແລະ ​ແກ້​ໄຂ​ຜົນ​ກະທົບ​ຈາກ​ໄພພິບັດ​ເມື່ອ​ບໍ່​ດົນ​ມາ​ນີ້​ໃຫ້​​ມີ​ປະສິດທິ​ຜົນ, ຫ້ອງ​ວ່າການ​ສໍານັກງານ​ນາຍົກລັດຖະມົນຕີ ​ຈຶ່ງໄດ້​ອອກ​ແຈ້ງ​ການ​ໃຫ້ບັນດາ​ກະຊວງ-ອົງການ​ສູນກາງ ​ແລະ ທ້ອງ​ຖິ່ນ ​ເອົາ​ໃຈ​ໃສ່​ປະຕິບັດ​ມາດ​ຕະກາ​ນ​ແກ້​ໄຂ​ເລັ່ງດ່ວນ​ຄື: ​ໃຫ້​ຄະນະ​ກໍາມະການປ້ອງ​ກັນ ​ແລະ ຄວບ​ຄຸມ​ໄພພິບັດ​ລະດັບ​ຊາດ ສືບ​ຕໍ່​ສົມທົບ​ກັບ​ບັນດາ​ຂະ​ແໜງ​ການ ​ແລະ ທ້ອງ​​ຖິ່ນ ສຸມ​ທຸກ​ກໍາລັງ​ແຮງ ​ແລະ ງົບປະມານ ​ເຂົ້າ​ໃນ​ການ​ແກ້​ໄຂ​ສະພາບ​ໄພພິບັດ​ໃຫ້​ເຂົ້າ​ສູ່​ສະພາບ​ປົກກະ​ຕິ​ໂດຍ​ໄວ, ສືບ​ຕໍ່​​ໃຫ້ການ​ຊ່ວຍ​ເຫລືອ​ສົງ​ເຄາະ, ຈັດ​ສັນ​ເຄື່ອງ​ອຸປະ​ໂພ​ກ-ບໍ​ລິ​ໂພກເປັນ​ຕົ້ນ: ອາຫານ, ​ເຂົ້າກິນ, ນໍ້າ​ດື່ມ, ​ນໍ້າ​ໃຊ້, ຢາ​ປົວ​ພະຍາດ, ການ​ປິ່ນປົວ​ສຸ​ຂະ​ພາບ, ​​​ການປ້ອງ​ກັນ​ພະ​ຍາດ​ສັດ, ການ​ຮັກສາ​ຄວາມ​ສະຫງົບ​ປອດ​ໄພ ​ແລະ ອື່ນໆ.

ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ - new3 - ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ
ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ - 010 - ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ

ສືບ​ຕໍ່​ນໍາ​ໃຊ້ກໍາລັງ​ແຮງ​ທົ່ວ​ສັງຄົມ ​ເຊັ່ນ: ກໍາລັງ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ, ພະນັກງານ-ລັດຖະກອນ,​ ນັກຮຽນ-ນັກ​ສຶກສາ, ຊາວ​ໜຸ່ມ, ​ແມ່ຍິງ, ອາສາ​ສະໝັກ, ນັກທຸລະກິດ ​ແລະ ປະຊາຊົນ ​ເພື່ອ​​ເຮັດ​ອະນາ​ໄມ​ເຮືອນຊານ, ສໍານັກງານ​ອົງການ​ຕ່າງໆ, ​​ໂຮງຮຽນ,​​ ໂຮງໝໍ,​ ສຸກສາລາ,​​ ເສັ້ນທາງ ​ແລະ ອື່ນໆ ​ເພື່ອ​ໃຫ້​ກັບສູ່​ສະພາບ​ປົກກະຕິ ​ແລະ ສາມ​າດນໍາ​ໃຊ້​ໄດ້​ໂດຍ​ໄວ.

​ໃຫ້​ກະຊວງ​ຊັບພະຍາກອນ​ທໍາ​ມະ​ຊາດ ​ແລະ ສິ່ງ​ແວດ​ລ້ອມ ສືບ​ຕໍ່​ເຝົ້າ​ລະວັງ​ສະພາບ​ອາກາດ ​ແລະ ​ແຈ້ງ​ເຕືອນ​ໄພ​ລ່ວງ​ໜ້າ​ໃຫ້​ວ່ອງ​ໄວ ​ແລະ ທັນການ ​ ​ເພື່ອ​ໃຫ້​ປະຊາຊົນ​ມີ​ຄວາມ​ກຽມພ້ອມ​ ແນ​ໃສ່​ຫລຸດ​ຜ່ອນຜົນ​ກະທົບ ​ແລະ ຄວາມ​ເສຍ​ຫາຍ​ທີ່​ຈະ​ຕາມ​ມາ.

ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ - lattana 1 - ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ

ພ້ອມ​ທັງ​ເຫັນ​ດີ​ໃຫ້​ຈັດ​ຕັ້ງ​ການ​ປຸກ​ລະດົມ​ຊ່ວຍ​ເຫລືອ ​ແລະ ບໍລິຈາກ​ດ້ວຍ​ຄວາມ​ສະໝັກ​ໃຈຈາກ​ທຸກ​ພາກສ່ວນ​ໃນ​ສັງ​ຄົມ, ອົງການ​ຈັດ​ຕັ້ງ​ຂອງ​ພັກ-ລັດ ທັງ​ສູນ​ກາງ ​ແລະ ທ້ອງ​ຖິ່ນ, ພາກ​ເອກະ​ຊົນ, ​ບັນດາ​ປະ​ເທດ​ເພື່ອນ​ມິດ, ອົງການ​ຈັດ​ຕັ້ງ​ສາກົນ​ທັງ​ພາຍ​ໃນ ​ແລະ ຕ່າງປະ​ເທດ ​ເພື່ອ​ເປັນ​ທຶນຮອນ​ໄປ​ຊ່ວຍ​ເຫລືອ ​ແລະ ບັນ​ເທົາ​ທຸກ​ໃຫ້​ປະຊາຊົນ​ທີ່​ຖື​ກ​ເສຍ​ຫາຍ​ຈາ​ກ​ໄພ​ທໍາ​ມະ​ຊາດ​ຄັ້ງ​ນີ້ ​ແລະ ມອບ​ໃຫ້​ກະຊວງ​ຖະ​ແຫລ​ງຂ່າວ, ວັດທະນະ​ທໍາ ​ແລະ ທ່ອງ​ທ່ຽວ ​ເປັນ​ເຈົ້າ​ການ​ຊີ້​ນໍ​າບັນດາສື່ມ​ວນຊົນຕ່າງໆຕິດຕາມ ​ແລະ ອອກ​ຂ່າວ ຄວາ​ມຄືບ​ໜ້າ​ໃນ​ການ​ຟື້ນ​ຟູ ​ແລະ ​ແກ້​ໄຂ​ໄພ​ພິບັດ​ຂອງ​ຂະ​ແໜງ​ການ​ກ່ຽວ​ຂ້ອງ ​ແລະ ທ້ອງ​ຖິ່ນ​ຢ່າງ​ໃກ້ຊິດ ​ເພື່ອ​ນໍາ​ສະ​ເໜີ​ຂ່າວ​ດ້ວຍ​ຫລາຍ​ຮູບ​ການ ​ແລະ ຫລາຍ​ຊ່ອງ​ທາງ ​ແນ​ໃສ່​ເຮັດ​ໃຫ້​ສັງຄົມ​ໄດ້​ຮັບ​ຊາບ​ຢ່າງ​ກວ້າງຂວາງ, ທັງ​ເປັນ​ການ​ຕີ​ຖອຍ​ການ​ປ່ອຍ​ຂ່າວ​ທີ່​ເປັນ​ການບິດ​​ເບືອ​ນຄວາມ​ຈິງ ​ແລະ ​ໃສ່​ຮ້າຍ​ປ້າຍ​ສີ​ທີ່​ເປັນ​ການ​ຕ້ານ​ຕໍ່​ແນວທາງ​ນະ​ໂຍບາຍ​ຂອງພັກ ​ແລະ ລະບຽບ​ກົດໝາຍ​ຂອງລັດ.

ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ - 71209936 1123971697806609 6321060573916168192 o - ເພີ່ມ​ທະວີ​ມາດ​ຕະການ​​ເລັ່ງດ່ວນແກ້​ໄຂໄພ​ພິບັດ​ໃຫ້​ມີ​ປະສິດທິ​ຜົນ
error: Content is protected !!