ທະນາຄານແຫ່ງ ສປປ ລາວ ມອບເງິນຊ່ວຍເຫລືອຜູ້ປະສົົບໄພນໍ້າຖ້ວມ.

ທະນາຄານແຫ່ງ ສປປ ລາວ ມອບເງິນຊ່ວຍເຫລືອຜູ້ປະສົົບໄພນໍ້າຖ້ວມ. - advert banner 728 90 728x90 - ທະນາຄານແຫ່ງ ສປປ ລາວ ມອບເງິນຊ່ວຍເຫລືອຜູ້ປະສົົບໄພນໍ້າຖ້ວມ.

ໃນວັນທີ 25 ກັນຍານີ້, ທີ່ກະຊວງແຮງງານ ແລະ ສະຫວັດດີການສັງຄົມ, ທ່ານ ລີປາວ ຢາງ ຫົວໜ້າຫ້ອງການກະຊວງແຮງງານ ແລະ ສະຫວັດດີການສັງຄົມ ໄດ້ຕາງໜ້າໃຫ້ຄະນະກຳມະປ້ອງກັນ ແລະ ຄວບຄຸມໄພພິບັດແຫ່ງຊາດຮັບເງິນຊ່ວຍເຫລືອຜູ້ປະສົບໄພນໍ້າຖ້ວມ ແລະ ເຄື່ອງອຸປະໂພກ-ບໍລິໂພກຕ່າງໆຈາກທະນາຄານແຫ່ງ ສປປ ລາວ ລວມມູນຄ່າ 72,8 ລ້ານກີບ ແລະ ຈາກທີມງານເສບສີລ໌ ຮ່ວມກັບໜ່ວຍງານການກຸສົນເພື່ອສັງຄົມ ຈຳນວນ 6 ລ້ານ​ກວ່າກີບ ເພື່ອນຳໄປມອບໃຫ້ຜູ້ທີ່ໄດ້ຮັບຜົນກະທົບຈາກໄພນໍ້າຖວ້ມຢູ່ບັນດາແຂວງພາກກາງ, ພາກໃຕ້​ໃຫ້ທົ່ວເຖິງ.

ທະນາຄານແຫ່ງ ສປປ ລາວ ມອບເງິນຊ່ວຍເຫລືອຜູ້ປະສົົບໄພນໍ້າຖ້ວມ. - new3 - ທະນາຄານແຫ່ງ ສປປ ລາວ ມອບເງິນຊ່ວຍເຫລືອຜູ້ປະສົົບໄພນໍ້າຖ້ວມ.
ທະນາຄານແຫ່ງ ສປປ ລາວ ມອບເງິນຊ່ວຍເຫລືອຜູ້ປະສົົບໄພນໍ້າຖ້ວມ. - 70730799 1124081351128977 1992951128416845824 o - ທະນາຄານແຫ່ງ ສປປ ລາວ ມອບເງິນຊ່ວຍເຫລືອຜູ້ປະສົົບໄພນໍ້າຖ້ວມ.

  ໃນໂອກາດດັ່ງກ່າວ, ທ່ານ ລີປາວ ຢາງ ໄດ້ສະແດງຂອບໃຈຕໍ່ທະນາຄານ ແຫ່ງ ສປປ ລາວ ແລະ ທີມງານເສບສີລ໌ ຮ່ວມກັບໜ່ວຍງານການກຸສົນເພື່ອສັງຄົມ, ທີ່ໄດ້​ໃຫ້ການຊ່ວຍເຫລືອຜູ້ປະສົບໄພນໍ້າຖ້ວມ​ໃນ​ຄັ້ງ​ນີ້ ເພື່ອແກ້ໄຂບັນເທົາທຸກຊີວິດການເປັນຢູ່​ໃຫ້​ກັບ​ສູ່​ສະພາບ​ປົກກະຕິໄດ້ໂດຍໄວ.

ທະນາຄານແຫ່ງ ສປປ ລາວ ມອບເງິນຊ່ວຍເຫລືອຜູ້ປະສົົບໄພນໍ້າຖ້ວມ. - lattana 1 - ທະນາຄານແຫ່ງ ສປປ ລາວ ມອບເງິນຊ່ວຍເຫລືອຜູ້ປະສົົບໄພນໍ້າຖ້ວມ.

  ຂ່າວ​ໃຫ້​ຮູ້​ອີ​ກວ່າ: ​ໃນ​ວັນ​ທີ 23 ກັນຍາ​ຜ່ານ​ມາ ​ເຈົ້າ​ເມືອ​ງອຸທຸມພອນ​ແຂວງ​ສະຫວັນ​ນະ​ເຂດ ​ໄດ້​ລົງ​ຊຸກຍູ້​ປະຊາຊົນ​ບ້ານ​ເຫລົ່າ​ໃຫຍ່ ​ແລະ ບ້ານ​ໂນນ​ວິ​ໄລ ສ້ອມ​ແປງ​ເສັ້ນທາງ​ໃນ​ສອງ​ບ້ານ​ດັ່ງກ່າວ​ທີ່​ໄດ້​ຮັບ​ຜົນ​ກະທົບ​ຈາກ​ໄພ​ນໍ້າ​ຖ້ວມ​ໃນ​ຜ່ານ​ມາ​ໄດ້​ຮັບ​ຜົນ​ສໍາ​ເລັດ. ​ໃນ​ໄລຍະ​ດຽວ​ກັນ,​ ພະ​ແນ​ກກະສິກໍາ ​ແລະ ປ່າ​ໄມ້​ແຂວງ​ສະຫວັນ​ນະ​ເຂດ ກໍ​ໄດ້​ນໍາ​ເຄື່ອງ​ຊ່ວຍ​ເຫລືອ​ປະກອບ​ມີ ​ເກືອ​ກິນ,​ ​ແປ້ງ​ນົວ, ປາກະປ໋​ອງ, ຢາ​ປົວ​ພະ​ຍາ​ດ, ໝີ່​ສໍາ​ເລັດ​ຮູບ ​ແລະ ນໍ້າ​ດື່ມ, ສະບູ​, ຢາສະຜົມ ລວມມູນ​ຄ່າ​ຫລາຍ​ກວ່າ 14 ລ້ານ​ກີບ​ລົງ​ມອບ​ໃຫ້​ປະຊາຊົນ​ຜູ້​ປະສົບ​ໄພ​ນໍ້າ​ຖ້ວມ​ຢູ່​ບ້ານ​ສອງ​ຄອນ, ວິ​ໄຊ​ສົງ ​ແລະ ບ້ານ​ດົງ​ສະຫວ່າງ​ທົ່ງ ​ເມືອງ​ສອງ​ຄອນ​ແຂ​ວງສະຫວັນ​ນະ​ເຂດ ​ເພື່ອ​ເຂົາ​ເຈົ້າ​ມີ​ເງື່ອ​ນ​ໄຂປັບປຸງ​ຊິວິດ​ການ​ເປັນ​ຢູ່​ຫລັງ​ນໍ້າ​ຖ້ວ​ມ​ດີ​ຂຶ້ນ.

error: Content is protected !!