ລາວ-ຈີນ ຮ່ວມມືໃຫ້ບໍລິການຜ່າຕັດແກ່ນຕາຂຸ້ນບໍ່ເສຍຄ່າ

ລາວ-ຈີນ ຮ່ວມມືໃຫ້ບໍລິການຜ່າຕັດແກ່ນຕາຂຸ້ນບໍ່ເສຍຄ່າ - advert banner 728 90 728x90 - ລາວ-ຈີນ ຮ່ວມມືໃຫ້ບໍລິການຜ່າຕັດແກ່ນຕາຂຸ້ນບໍ່ເສຍຄ່າ

ພິທີເຊັນບົດບັນທຶກຄວາມເຂົ້າໃຈກ່ຽວກັບໂຄງການຮ່ວມມືດ້ານການຜ່າຕັດແກ່ນຕາຂຸ້ນ ລະຫວ່າງກະຊວງສາທາລະນະສຸກແຫ່ງ ສປປ ລາວ ແລະ ມູນນິທິຈີເອັກຂອງ ສປຈີນ​ ໄດ້ມີ​ຂຶ້ນ​ໃນ​ວັນ​ທີ 25 ກັນຍາ​ນີ້​ທີ່​ນະຄອນຫລວງ​ວຽງ​ຈັນ​, ໂດຍການເຂົ້າຮ່ວມຂອງທ່ານ ດຣ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກລາວ, ທ່ານ ຈ່ຽງ ຈ້າຍ ຕຸ່ງ ເອກອັກຄະລັດຖະທູດ ສປຈີນ ປະຈຳລາວ, ທ່ານ ຈຽນ ເຈິນ ຫຍິງ ຮອງປະທານສະພາທີ່ປຶກສາການເມືອງ ສປຈີນ ທັງເປັນປະທານມູນນິທິຈີເອັກ ສປຈີນ, ມີພາກສ່ວນກ່ຽວຂ້ອງຕ່າງໆ​ຂອງ​ສອງ​ຝ່າ​ຍ​ເຂົ້າຮ່ວມນໍາ​ດ້ວຍ.

ລາວ-ຈີນ ຮ່ວມມືໃຫ້ບໍລິການຜ່າຕັດແກ່ນຕາຂຸ້ນບໍ່ເສຍຄ່າ - new3 - ລາວ-ຈີນ ຮ່ວມມືໃຫ້ບໍລິການຜ່າຕັດແກ່ນຕາຂຸ້ນບໍ່ເສຍຄ່າ

   ທ່ານ ດຣ ບຸນກອງ ສີຫາວົງ ໄດ້ມີຄໍາເຫັນ​ໃນ​ພິທີວ່າ: ໂຄງການຮ່ວມມືດ້ານການຜ່າຕັດແກ່ນຕາຂຸ້ນ ເປັນໂຄງການທີ່ດີ ແລະ ຖືກຕາມບູລິມາສິດຂອງກະຊວງສາທາລະນະສຸກ ທີ່ພວກເຮົາພວມຈັດຕັ້ງປະຕິບັດ ​ແລະ ບົນຈິດໃຈດັ່ງກ່າວ ກະຊວງສາທາລະນະສຸກ ​ໄດ້ສຸມໃສ່ການປັບປຸງຄຸນນະພາບຂອງການບໍລິການໃຫ້ດີຂຶ້ນ ແລະ ​ໄດ້ວາງນະໂຍບາຍ 5 ດີ 1 ພໍໃຈ ເພື່ອບັນລຸເປົ້າໝາຍຮັກສາສຸຂະພາບຂອງທົ່ວປວງຊົນ ໃຫ້ບັນລຸເປົ້າໝາຍໃນປີ 2025, ດັ່ງນັ້ນໂຄງການດັ່ງກ່າວນີ້, ນອກຈາກຈະບໍລິການປະຊາຊົນຜູ້ມີບັນຫາທາງສາຍຕາແລ້ວ ຍັງເປັນການສິດສອນ ແລະ ອົບຮົມໃຫ້ພະນັກງານແພດໝໍລາວ ໃຫ້ມີປະສົບ​ການ ແລະ ມີບົດຮຽນຫລາຍຂຶ້ນ.

   ທ່ານ ດຣ ບຸນກອງ ສີຫາວົງ ​ເວົ້າວ່າ: ກະຊວງສາທາລະນະສຸກ ພ້ອມແລ້ວທີ່ຈະອຳນວຍຄວາມສະດວກ ແລະ ຮຽກຮ້ອງມາຍັງວິຊາການ ຝ່າຍລາວ ແລະ ຈີນ ປືກສາຫາລືກັນ, ວາງແຜນ ຈັັດຕັ້ງປະຕິບັດໂຄງການດັ່ງກ່າວນີ້ ໃຫ້ໄດ້ຮັບໝາກຜົນ ແລະ ສາມາດປະກອບສ່ວນເຂົ້າໃນການເພີ່ມທະວີສາຍພົວພັນມິດຕະພາບອັນ​ເປັນ​ມູນ​ເຊື້ອລະຫວ່າງປະຊາຊົນສອງຊາດລາວ-ຈີນໃຫ້ນັບມື້ໄດ້ຮັບການພັດທະນາຂຶ້ນເລື້ອຍໆ.

ລາວ-ຈີນ ຮ່ວມມືໃຫ້ບໍລິການຜ່າຕັດແກ່ນຕາຂຸ້ນບໍ່ເສຍຄ່າ - lattana 1 - ລາວ-ຈີນ ຮ່ວມມືໃຫ້ບໍລິການຜ່າຕັດແກ່ນຕາຂຸ້ນບໍ່ເສຍຄ່າ

  ສຳລັບໂຄງການຮ່ວມມືດ້ານການຜ່າຕັດແກ່ນຕາຂຸ້ນ ແມ່ນຈະເລີມຈັດຕັ້ງປະຕິບັດແຕ່ປີ 2020 ເປັນຕົ້ນໄປ ເປັນໂຄງການເພື່ອໃຫ້ການບໍລິການ ໂດຍບໍ່ໄດ້ເສຍຄ່າ, ພ້ອມທັງຈະຊ່ວຍອຳນວຍຄວາມສະດວກໃຫ້ປະຊາຊົນລາວ ໂດຍສະເພາະຜູ້ທີ່ເປັນພະ ຍາດແກ່ນຕາຂຸ້ນ ໃຫ້ໄດ້ຮັບການບໍລິການຢ່າງທົ່ວເຖິງ, ເຊິ່ງໂຄງການດັ່ງກ່າວແມ່ນຈະມີລົດບໍລິການແບບເຄື່ອນທີ່ໃນຂອບເຂດທົ່ວປະເທດ.

error: Content is protected !!