ເມື່ອຊຸດປະຈຳຊາດກາຍເປັນເຄື່ອງໝາຍການຄ້າ

- advert banner 728 90 728x90 - ເມື່ອຊຸດປະຈຳຊາດກາຍເປັນເຄື່ອງໝາຍການຄ້າ
- bigstock Professional Hospital Staff 66379918 300x181 - ເມື່ອຊຸດປະຈຳຊາດກາຍເປັນເຄື່ອງໝາຍການຄ້າ
ໂດຍ: ມຶກບໍ່ແຫ້ງ

ເປັນເລື່ອງໜ້າຄິດຫງໍາບໍ່ໜ້ອຍເມື່ອບໍ່ດົນມານີ້ສື່ສັງຄົມ (Laopost) ເພິ່ນໄດ້ເຜີຍແຜ່ຮູບພາບຂອງສາວພະນັກງານຮັບຕ້ອນຢູ່ໂຮງໝໍແຫ່ງໜຶ່ງໃນປະເທດໄທໃສ່ຊຸດປະຈຳຊາດລາວ, ຖ້າຫາກຂໍ້ມູນດັ່ງກ່າວເປັນຄວາມຈິງ ກໍຄົງເປັນໜ້າສົນໃຈແລະຫຼາຍຄົນກໍອາດມີທັດສະນະຄະຕິທີ່ແຕກຕ່າງກັນໄປ.

- new3 - ເມື່ອຊຸດປະຈຳຊາດກາຍເປັນເຄື່ອງໝາຍການຄ້າ

ຕໍ່ເຫດການດັ່ງກ່າວບາງຜ່ອງກໍວ່າມັນເປັນຍຸດທະວິທີທາງການຕະຫຼາດຂອງເຂົາເຈົ້າເພື່ອມັດໃຈແລະຂວັກເອົາເງິນຈາກກະເປົາຄົນລາວທີ່ນິຍົມໄປໃຊ້ບໍລິການຢູ່ໂຮງໝໍໄທຢູ່ແລ້ວຫຼືເອີ້ນວ່າເປັນຜູ້ໃຊ້ບໍລິການຫຼັກຂອງໂຮງໝໍເຂດແຂວງໜອງຄາຍ, ອຸດອນທານີກັນເລີຍ, ແຕ່ບາງຜ່ອງກໍວ່າເປັນການດີແລ້ວທີ່ເຂົານິຍົມໃຊ້ຊຸດຂອງຄົນລາວເພາະຄົນພາກອີສານກໍຄືຄົນລາວຕັ້ງແຕ່ກີ້.

ຜູ້ຂຽນອາດບໍ່ລົງເລິກດອກວ່າຊຸດປະຈຳຊາດນັ້ນຄວນເຜີຍແຜ່ໃນຮູບແບບໃດຫຼືເປັນຂອງໃຜແຕ່ຢາກຂໍແລກປ່ຽນກ່ຽວກັບເລື່ອງລະບົບສາທາລະນະສຸກທີ່ເປັນເລື່ອງໜ້າສົນທະນາກັນບໍ່ເລິກບໍ່ແລ້ວ, ເປັນເພາະມັນກ່ຽວກັບຄວາມເປັນຄວາມຕາຍທີ່ພວກເຮົາໃສ່ໃຈເປັນພິເສດ.

ກ່ອນອື່ນພວກເຮົາມາເບິ່ງຄວາມແຕກໂຕນກັນຂອງຄຸນນະພາບດ້ານລະບົບສາທາລະນະສຸກລະຫວ່າງເຮົາກັບປະເທດເພື່ອນບ້ານໂດຍອີງຕາມຕົວເລກຂອງອົງການອະນາໄມໂລກປີ 2015 ໃຫ້ຮູ້ວ່າໃນບັນດາປະເທດອາຊຽນປະເທດທີ່ມີລະບົບສາທາລະນະສຸກທີ່ດີທີ່ສຸດແມ່ນປະເທດສິງກະໂປ (ລຳດັບ 6 ຂອງໂລກ), ຮອງລົງມາແມ່ນບຼູໄນ (ລຳດັບ 40 ຂອງໂລກ), ລຳດັບທີ 3 ໄທ (ລຳດັບ 47 ຂອງໂລກ), ລຳດັບທີ 4 ມາເລເຊຍ (ລຳດັບ 49 ຂອງໂລກ), ລຳດັບທີ 5​ ຟີລິບປິນ (ລຳດັບ 60 ຂອງໂລກ), ລຳດັບທີ 6 ອິນໂດເນເຊຍ (ລຳດັບ 92 ຂອງໂລກ), ລຳດັບທີ 7 ຫວຽດນາມ (ລຳດັບ 160 ຂອງໂລກ), ລຳດັບທີ 8 ສປປລາວ (ລຳດັບ 165 ຂອງໂລກ), ລຳດັບທີ 9​ ກຳປູເຈຍ (ລຳດັບ 174 ຂອງໂລກ) ແລະມຽນມາລຳດັບສຸດທ້າຍຂອງອາຊຽນແລະລຳດັບສຸດທ້າຍຂອງໂລກ (ທັງໝົດມີ 190 ປະເທດທີ່ສຳຫຼວດ).

ເຖິງວ່າສປປລາວເຮົາຈະດີກວ່າກຳປູເຈຍແລະມຽນມາແຕ່ບໍ່ສາມາດທຽບໃສ່ໄທໄດ້ເພາະສະນັ້ນຈຶ່ງບໍ່ແມ່ນເລື່ອງແປກຫຍັງທີ່ຄົນລາວເຮົາຫຼັ່ງໄຫຼໄປໃຊ້ບໍລິການຢູ່ໂຮງໝໍໄທທັງທີ່ລາຄາປິ່ນປົວກໍບໍ່ແມ່ນຖືກພໍປານໃດແຕ່ຫຼາຍຄົນກໍໂຕ້ຖຽງວ່າເພາະມັນເວົ້າເລື່ອງຊີວິດ, ມີເທົ່າໃດກໍຖອກເທໃສ່.

ຜ່ານມາກໍມີຄົນເວົ້າສູ່ຟັງແນ່, ໄດ້ອ່ານແລະໄດ້ປະສົບຕົວຈິງກ່ຽວກັບຄຸນນະພາບການບໍລິການຢູ່ໂຮງໝໍບ້ານເຮົາ, ພວກເຮົາຍັງບໍ່ເວົ້າຮອດເລື່ອງເຄື່ອງມື, ຄວາມຊ່ຽວຊານຫຼືພື້ນຖານໂຄງລ່າງຫຍັງດອກແຕ່ເມື່ອເລີ່ມຈາກການເວົ້າຈາ, ການສົນທະນາຂອງທ່ານໝໍກັບຄົນເຈັບແລ້ວບາງຄົນກໍເວົ້າວ່າຍິ່ງຮູ້ສຶກປ່ວຍໜັກເຂົ້າໄປອີກແລະເຫດການອື່ນໆທີ່ເຮັດໃຫ້ຄົນເຈັບຖອດໃຈບໍ່ຢາກໃຊ້ບໍລິການອີກ.

ແລ້ວເຮົາຈະຍົກສູງຄຸນນະພາບການບໍລິການຂອງໂຮງໝໍໄດ້ແນວໃດ? ຄຳຕອບຂອງຄຳຖາມນີ້ອາດບໍ່ງ່າຍປານໃດແຕ່ຜູ້ຂຽນກໍເຊື່ອຢ່າງຕາຍໃຈວ່າພວກເຮົາມີໂອກາດຢ່າງຫຼວງຫຼາຍ, ທ່ານໝໍທີ່ເວົ້າຈານຳຄົນເຈັບຢ່າງມີຄວາມເຄົາລົບກໍມີຫຼາຍ, ຜ່ານມາລັດຖະບານເຮົາກໍພະຍາຍາມປັບປຸງເລື່ອງຂອດການບໍລິການເຊິ່ງບາງໂຮງໝໍກໍເລີ່ມມີໜໍ່ແໜງຂຶ້ນມາ, ແລະພວກເຮົາກໍຈົ່ງຄົ້ນຫາວ່າເປັນຫຍັງແພດໝໍລາວຄືເວົ້າບໍ່ມ່ວນຕາມທີ່ຄົນເຈັບຢາກໄດ້ຍິນ, ມັນເປັນນຳເລື່ອງຄ່າຕອບແທນບໍ່? ຄວາມອິດເມື່ອຍບໍ່?

ການທີ່ພວ

ກເຮົາເຫັນພາບຂອງຊຸດປະຈຳຊາດຂອງລາວຖືກສວມໃສ່ຮ່າງຄີງຂອງພະນັກງງານຕ້ອນຮັບຢູ່ໂຮງໝໍຂອງປະເທດເພື່ອນບ້ານນັ້ນມັນແມ່ນສັນຍານບົ່ງບອກວ່າເປັນສິ່ງທີ່ເຄັ່ງຮ້ອນທີ່ພວກເຮົາຄວນປັບປຸງຄຸນນະພາບການບໍລິການຂອງໂຮງໝໍກໍຄືລະບົບສາທາລະນະສຸກຂອງພວກເຮົາໃຫ້ດີຂຶ້ນກວ່າເກົ່າ, ຕີຜ່າຍຊື່ສຽງຮຽງນາມອັນບໍ່ຄັກທີ່ໂຮງໝໍລາວໄດ້ຮັບມາຢ່າງຍາວນານໃຫ້ໝົດໄປ, ເຮົາຕ້ອງສ້າງຄວາມເຂັ້ມແຂງພາຍໃນຈຶ່ງບໍ່ມີໃຜມາຍາດອັນເປັນຂອງເຮົາໄປ.

error: Content is protected !!