ທຣຳ ຕົກຢູ່ໃນສະພາບອັດຕະຂັດແລ້ວ

- advert banner 728 90 728x90 - ທຣຳ ຕົກຢູ່ໃນສະພາບອັດຕະຂັດແລ້ວ

ຮຽບຮຽງໂດຍ: ລູກເມືອງພວນ

- new3 - ທຣຳ ຕົກຢູ່ໃນສະພາບອັດຕະຂັດແລ້ວ

ຂ່າວ ຊີເອັນເອັນ ວັນທີ 27 ກັນຍານີ້ ໃຫ້ຮູ້ວ່າ: ທຳນຽບຂາວໄດ້ເປີດເຜີຍຂໍ້ຄວາມ ຊຶ່ງເປັນບົດສົນທະນາທາງໂທລະສັບລະຫ່ວາງປະທານາທິບໍດີສະຫະລັດ ດໍໂນທຣຳ ກັບ ປະທານາທິບໍດີ ໂວໂລດີເມຍ ເຢັນເລັນສະກີ ຜູ້ນຳຢູເຄຣນ ໂດຍເປັນຂໍ້ຄວາມບາງສ່ວນ ທີ່ ທຣຳ ໄດ້ຂໍໃຫ້ ເຢັນເລັນສະກີ ຊ່ວຍກວດສອບ ທ່ານ ໂຈໄບເດັ່ນ ອະດີດຮອງປະທານາທິບໍດີ ແລະ ຕົວເກງຂອງ ພັກ ດີໂມແຄັຣດ ຊຶ່ງຈະຊີງໄຊການເລືອກຕັ້ງປະທານາທິບໍດີກັບເຂົາໃນຊ່ວງປີໜ້າ ເພາະວ່າ ໄບເດັ່ນ ພະຍາຍາມແຊກແຊງຂະບວນການຍຸຕິທຳຂອງ ຢູເຄຣນ ໃນສະໄໝອະດີດປະທານາທິບໍດີ ໂປຣແຈນໂກ ໂດຍຂູ່ຈະລະງັບການຊ່ວຍເຫຼືອ ຫາກຢູເຄຣນ ບໍ່ປົດໄອຍະການທີ່ສອບສວນລູກຊາຍຂອງຕົນເອງໃນສະໄໝນັ້ນ ໂດຍ ທຣຳ ບອກວ່າ: ເຂົາລົມກັບທ່ານ ເຢັນເລັນສະກີ ກໍເພາະວ່າ ບໍ່ຢາກເຫັນການທຸດຈະລິດເກີດຂຶ້ນໃນວົງການການເມືອງຂອງສະຫະລັດ ແລະ ຍັງບອກວ່າ: ການທີ່ຜູ້ແທນລັດຊະດອນສົງໃສວ່າເຂົາເຮັດຜິດລັດຖະທຳມະນູນ ໂດຍຍິບຍົກເອົາເລື່ອງທີ່ເຂົາໂອ້ລົມກັບປະທານາທິບໍດີ ເຢັນເລັນສະກີ ຂຶ້ນມາເປັນປະເດັນພິຈາລະນາຖອດຖອນເຂົາ ປຽບສະເໜືອນການຫຼີ້ນ ລ່າແມ່ມົດເພື່ອຫວັງກຳຈັດເຂົາເທົ່ານັ້ນ. ນອກຈາກນີ້, ທຣຳ ຍັງປະຕິເສດຕັດງົບປະມານຊ່ວຍເຫຼືອດ້ານທະຫານແກ່ ຢູເຄຣນ ເພື່ອກົດດັນໃຫ້ ທ່ານເຊັນສະກີ ຊ່ວຍເຂົາກວດສອບ ທ່ານ ໄບເດັນ ອີກ. ໂດຍທຳນຽບຂາວຈະເປີດເຜີຍບົດສົນທະນາລະຫ່ວາງ ທຣຳ ແລະ ເຊັນສະກີ ແບບລະອຽດຕໍ່ໄປ. ຂະນະນີ້ ຜູ້ແທນສະພາຕໍ່າຂອງສະຫະລັດອາເມລິກາເກີນເຄິ່ງໜຶ່ງໄດ້ມີການສະໜັບວະໜູນເລື່ອງຂະບວນການຖອດຖອນປະທານາທິບໍດີ ດໍໂນທຣຳ ແລ້ວ, ໝາຍຄວາມວ່າເກີນເຄິ່ງໜຶ່ງຂອງສະພາຕໍ່າ ເຫັນດີໃຫ້ສືບຕໍ່ສອບສວນຕໍ່ໄປ ຫຼັງຈາກນັ້ນຈະໄປໃຫ້ສະພາຕໍ່າອອກສຽງອີກຄັ້ງ ວ່າຈະໃຫ້ມີການຖອດຖອນ ປະທານາທິບໍດີ ດໍໂນທຣຳ ຫຼື ບໍ່. ຫຼັງຈາກນັ້ນຈຶ່ງຂຶ້ນໄປຫາສະພາສູງ ເພື່ອໃຫ້ມີການຕັດສິນໃຈ ຖອດຖອນ ຫຼື ບໍ່. ປັດຈຸບັນຂະບວນການເລີ່ມເດີນໜ້າໄປເລື້ອຍໆ ເບິ່ງວ່າສະພາຕໍ່າຈະຖອດຖອນ ຫຼື ບໍ່. ບັນດານັກສັງເກດການໃຫ້ຄຳເຫັນວ່າ: ອາດຈະຖອດຖອນໄດ້ ເພາະ ສະມາຊິກ ດີໂມແຄຣັດ ກວມສ່ວນຫຼາຍໃນສະພາຕໍ່າ ແຕ່ເມື່ອຂຶ້ນເຖິງສະພາສູງອາດຈະເປັນການຍາກ ເພາະສະມາຊິກ ຣີພັບຣີກັນຂອງ ທຣຳ ຫຼາຍກ່ວາ.

- 4217 - ທຣຳ ຕົກຢູ່ໃນສະພາບອັດຕະຂັດແລ້ວ

- lattana 1 - ທຣຳ ຕົກຢູ່ໃນສະພາບອັດຕະຂັດແລ້ວ

error: Content is protected !!