​ເຮັດ​ບຸນ​ ຢ່າຄູນ​ຂີ້​ເຫຍື້ອ

- advert banner 728 90 728x90 - ​ເຮັດ​ບຸນ​ ຢ່າຄູນ​ຂີ້​ເຫຍື້ອ

ໂດຍ: ມຶກບໍ່ແຫ້ງ

- new3 - ​ເຮັດ​ບຸນ​ ຢ່າຄູນ​ຂີ້​ເຫຍື້ອ

ຂີ້​ເຫຍື້ອ ມັກຫຼົງ​ເຫຼືອ​ໃຫ້​ເຫັນ​ຢ່າງ​ຊະ​ຊາຍ​ເປັນ​ປະ​ຈຳ​ພາຍຫຼັງ​ງານ​ບຸນ​ສິນ​ກິນ​ທານ​ຕ່າງໆ ຈົນ​ກາຍ​ເປັນ​ບັນຫາ​ທີ່​ໄດ້​ຮັບ​ການ​ສ່ອງ​ແສງ​ຢ່າງກວ້າງ​ຂວາງ.

ຕັ້ງ​ແຕ່ກີ້ ການ​ເຮັດ​ບຸນ​ສິນ​ກິນ​ທານນັ້ນເປັນ​ເຂົ້າ​ຕົ້ມ​ເຂົ້າ​ໜົມ​ແມ່ນ​ຫໍ່​ດ້ວຍ​ໄປ​ຕອງ ແລະ ​ວັດ​ສະ​ດຸ​ບັນ​ຈຸອື່ນໆ ທີ່​ສາ​ມາດ​ຍ່ອຍ​ສະຫຼາຍ​ໄດ້​ງ່າຍເຊິ່ງ​ສາ​ມາດ​ກຳ​ຈັດ​ໄດ້​ບໍ່​ຍາກ, ເຮັດ​ໃຫ້​ພວກ​ເພິ່ນບໍ່​ໄດ້​ອຸກ​ໃຈ​ພໍ​ປານ​ໃດໃນ​ການ​ກຳ​ຈັດ​ຂີ້​ເຫຍື້ອ​.

ແຕ່​ມາ​ຮອດ​ປັດ​ຈຸ​ບັນມັນ​ກໍ​ເປັນ​ຕາມ​ຄິດ​ຢູ່​ບ່ອນ​ວ່ານັບ​ແຕ່​ເຂົ້າ​ໜົມ, ກ່ອງ​ໂຟມ, ຖົງ​ຢາງ, ຕຸກ​ນ້ຳຢາງແມ່ນ​ເປັນ​ທີ່​ນິ​ຍົມ​ຊົມ​ຊອບໃນ​ການ​ນຳ​ມາ​ກິນ​ທານ​ຕາມ​ວັດ​ວາ​ອາ​ຮາມ​ຕ່າງໆ ທັງ​ນີ້ ກໍ​ຍ້ອນ​ຄວາມ​ສະ​ດວກ​ສະ​ບາຍ ແລະ ປະ​ຊາ​ຊົນ​ ກໍ​ບໍ່​ຄ່ອຍ​ມີ​ເວ​ລາ​ຄື​ແຕ່ກີ້ ໃນ​ການ​ກະ​ກຽມເຂົ້າ​ຕົ້ມເຂົ້າ​ໜົມ​ທີ່​ເຮັດ​ເອົາ​ເອງ​ເພາະໃຜໆ​ກໍ​ມີ​ເວ​ລາ​ຈຳ​ກັດໃນ​ການ​ທຳ​ມາ​ຫາ​ກິນຕາມ​ຍຸກ​ຕາມ​ສະ​ໄໝ.

ເມື່ອ​ເປັນ​ເຊັ່ນ​ນັ້ນພວກ​ເຮົາສາ​ມາດ​ສັງ​ເກດ​ເຫັ​ນ​ໄດ້​ຢ່າງ​ເຕັມ​ຕາ​ວ່າດຽວນີ້ ເມື່ອ​ມີ​ຕັກ​ບາດຢາດ​ນ້ຳເຊັ້ນຫໍ່​ເຂົ້າ​ປະ​ດັບ​ດິນ, ແຈກ​ຫໍ່​ເຂົ້າ, ຫຼືແມ່ນ​ແຕ່​ໄຫຼ​ເຮືອ​ໄຟຈະ​ເຫັນ​ຂີ້​ເຫຍື້ອ​ເຕັມ​ຊະ​ຊາຍຢ່າງບໍ່​ເປັນ​ຕາ​ເບິ່ງ.

- lattana 1 - ​ເຮັດ​ບຸນ​ ຢ່າຄູນ​ຂີ້​ເຫຍື້ອ

ຍິ່ງກວ່ານັ້ນ​, ຂີ້​ເຫຍື້ອທີ່​ຖິ້ມ​ຊະ​ຊາຍ​ດັ່ງ​ກ່າວແມ່ນບໍ່​ສາ​ມາດ​ທຳລະ​ລາຍ​ໄດ້ ໃນ​ມື້​ໜຶ່ງ​ຍາມ​ດຽວ, ແລະ​ກາຍ​ເປັນພາ​ລະ​ໃຫ້​ແກ່​ພ​ຣະ​ສົງ​​ໃນ​ວັດ​ເປັນ​ຄົນ​ເກັບ​ມ້ຽນ ຫຼືບໍ່​ກໍຮົກ​ຊະ​ຊາຍ​ໄປ​ໝົດ​ທົ່ວ​ບໍ​ລິ​ເວນ.

ແທນ​ທີ່​ວ່າ​ພວກ​ເຮົາ​ໄປ​ເຮັດ​ບຸນ​ສິນ​ກິນ​ທານ​ຈະ​ເຮັດ​ສິ່ງ​ຈົບ​ງາມ, ບໍ່​ທຳ​ຮ້າຍ​ຜູ້​ອື່ນບໍ່​ທຳ​ຮ້າຍ​ສິ່ງ​ແວດ​ລ້ອມ​ອ້ອມ​ຂ້າງແຕ່​ພຶດ​ຕິ​ກຳທີ່​ຂາດຄວາມ​ຮັບ​ຜິດ​ຊອບ, ບົ່ງ​ບອກ​ເຖິງ​ຄວາມ​ສີ​ວິ​ໄລທາງ​ດ້ານ​ຈິດ​ໃຈ​ຂອງ​ພວກ​ເຮົາ​ຕຶ່ມ​ອີກເພາະຍາມ​ບຸນ​ຄື​ດັ່ງ​ກ່າວນັ້ນແຂກ​ຕ່າງ​ປະ​ເທດເພິ່ນ​ກໍ​ຢາກ​ເຫັນ​ຢາກ​ຊົມຄວາມ​ສວຍງ​າມ​ຂອງວັດ​ທະ​ນະ​ທຳ​ເຮົາແຕ່​ຖ້າ​ໄປ​ເຫັນ​ແຕ່ຂີ້​ເຫຍື້ອ​ແລ້ວພວກ​ເຮົາສາ​ມາດຈິນ​ຕະ​ນາ​ການ​ໄດ້​ວ່າພວກ​ເພິ່ນ​ຈະ​ຮູ້​ສຶກ​ແນວ​ໃດ?

ມັນ​ເຖິງ​ເວ​ລາ​ແລ້ວ​ທີ່​ພວກ​ເຮົາ​ຄວນຫຼີກ​ລ່ຽງ​ພຶດ​ຕິ​ກຳ​ດັ່ງ​ກ່າວນີ້, ຖ້າ​ຍັງ​ບໍ່​ທັນ​ມີລະ​ບຽບ​ການໃນ​ການ​ຄວບ​ຄຸມ​ການ​ນຳ​ໃຊ້ ປລາ​ສ​ຕິກທີ່​ເຄັ່ງ​ຄັດ​ແລ້ວມັນ​ກໍ​ແມ່ນ​ຄວາມ​ຮັບ​ຜິດ​ຊອບ​ຂອງ​ສ່ວນ​ບຸກຄົນທີ່​ຕ້ອງ​ຮັບ​ປະ​ກັນ​ວ່າສິ່ງ​ຂອງ​ທີ່​ຖື​ໄປ​ກິນ​ທານ, ເຮັດ​ກິດ​ຈະ​ກຳໃນ​ງານ​ບຸນ​ຕ່າງໆ​ນັ້ນບໍ່​ໄດ້​ຖິ້ມ​ຊະ​ຊາຍຕາມ​ໃຈ​ມັກ​.

ພ້ອມນັ້ນ, ຕາມ​ວັດ​ວາອາ​ຮາມສະ​ຖານ​ທີ່​ສາ​ທາ​ລະ​ນະກໍ​ຄວນ​ມີ​ມາດ​ຕະ​ການ​ເຄັ່ງ​ຄັດ​ຂຶ້ນ​ຕຶ່ມ​ເພື່ອ​ຄວບ​ຄຸມການ​ຖິ້ມ​ຂີ້​ເຫຍື້ອ​ຊະ​ຊາຍນັ້ນໃຫ້ຫຼຸດ​ໜ້ອຍ​ຖອຍ​ລົງ.

error: Content is protected !!