ລາວ​ຈະ​ລົບ​ລ້າງ​ພະຍາດ​ວໍ້​​ໃຫ້​ໝົດ​​ໄປ​ໃນ​ປີ 2030

ລາວ​ຈະ​ລົບ​ລ້າງ​ພະຍາດ​ວໍ້​​ໃຫ້​ໝົດ​​ໄປ​ໃນ​ປີ 2030 - advert banner 728 90 728x90 - ລາວ​ຈະ​ລົບ​ລ້າງ​ພະຍາດ​ວໍ້​​ໃຫ້​ໝົດ​​ໄປ​ໃນ​ປີ 2030

ທ່ານ​ຮອງ​ລັດຖະມົນຕີ​ກະຊວງ​ສາທາລະນະ​ສຸກ ພູທອນ ​ເມືອງ​ປາກ ໄດ້ກ່າວໃນ​ພິທີໂຮມ​ຊຸມນຸມ​​ລະນຶກວັນ​ຕ້ານພະຍາດ​ວໍ້​ໂລກ​​ປະ​ຈໍາປີ 2019 ທີ່​​ໄດ້ຈັດ​ຂຶ້ນຢູ່​ສວນ​ເຈົ້າ​ຟ້າ​ງຸ່ມມນະຄອນຫລວງ​ວຽງ​ຈັນ​ໃນ​ວັນ​ທີ 27 ກັນຍານີ້​ວ່າ: ສ​ປປ ລາວ ຈະຮ່ວມ​ກັບ​ບັນ​ດາ​ປະ​ເທດ​ພາກ​ພື້ນ ​ແລະ ສາກົນ, ລວມ​ເຖິງ​ອົງການ​ສາກົນກ່ຽວຂ້ອງ​ຕ່າງໆ ​ເພື່ອ​ບັນລຸຜົນ​ສໍາ​ເລັດ​ຍຸດທະ​ສາດ​ການ​ລົບ​ລ້າ​ງພະຍາດ​ວໍ້​​ໃຫ້​ໝົດ​ໄປ​ໃນ​ປີ 2030, ຫລັງ​ຈາກ​ເຫັນ​ວ່າ​ພະຍາ​ດນີ້​ໄດ້​ຂົ່​ມຂູ່​ສຸຂະພາບ​ຂອງ​ຄົນ​ໃນ​ສັງຄົມ​ຫລາຍ​ສົມຄວນຈາກ​ການ​ຖືກ​ໝາ​ກັດ, ອີງຕາມສະ​ຖິຕິ​ຈາກ​ສູນ​ວິ​ເຄາະ ​ແລະ ລະ​ບາດ​ວິທະຍາ​ນັບແຕ່ປີ 2012-2019 ຢູ່ລາວເຮົາມີ​ຄົນ​ຖືກ​ສັດລ້ຽງ​ປະ​ເພດໝາ ຫລື ​ແມວ ​ກັດ-ຂູດ ທັງ​ໝົດ 270 ກໍລະ​ນີ. ​ໃນ​ນີ້​ໄດ້ມີ​ຜູ້​ເສຍ​ຊີວິດ​ແລ້ວ 29 ຄົນ.

ລາວ​ຈະ​ລົບ​ລ້າງ​ພະຍາດ​ວໍ້​​ໃຫ້​ໝົດ​​ໄປ​ໃນ​ປີ 2030 - new3 - ລາວ​ຈະ​ລົບ​ລ້າງ​ພະຍາດ​ວໍ້​​ໃຫ້​ໝົດ​​ໄປ​ໃນ​ປີ 2030

ທ່ານ​ຮອງ​ລັດຖະມົນຕີ ກ່າວ​ວ່າ: ພະຍາດ​ວໍ້ ​ເປັນ​ພະຍາດ​ຕິດ​ຕໍ່​ຮ້າຍ​ແຮງ​ຊະນິດ​ໜຶ່ງ​ຈາກ​ສັດ​ສູ່​ຄົນ, ​ເຊື້ອ​ພະຍາດ​ນີ້​ສາມາດ​ຕິດ​ແປດ​ໃສ່​ສັດ​ເລືອດ​ອຸ່ນທຸກ​ຊະນິດ​ນໍາ​ອີກ ​ເຊັ່ນ: ໝາ, ​ແມວ, ງົວ, ຄວາຍ, ລິງ, ຊະນີ, ກະຮອກ, ກະ​ແຕ, ​ເສືອ, ໝີ, ໜູ ​ແລະ ​ເຈຍ,​ ​ໂດຍ​ຜ່ານ​ທາງ​ນໍ້າລາຍ​ຂອງ​ສັດ​ທີ່​ເປັນ​ພະຍາດ ດ້ວຍ​ກາ​ນຖືກ​ສັດ​ກັດ, ຂູດ,​ ​ເລຍ ​​ແລ້ວ​ນໍ້າລາຍ​ຊື່​ມເຂົ້າສູ່​ຜິວໜັງ​ທີ່​ມີ​ບາດ​ແຜ,​ທາງ​ຕາ ຫລື ປາກ. ພະ​ຍາດ​ນີ້,​ ມັກລະບາດ​ຢູ່​ບັນ​ດາ​ປະ​ເທດ​ດ້ອຍ​ພັດທະນາ ຫລື ກໍາລັງ​ພັດທະນາ. ດັ່ງອົງກາ​ນອານາ​ໄມ​ໂລກ ລາຍ​ງານ​ວ່າ: ​ແຕ່ລະ​ປີ​ມີ​ຄົນ​ເສຍ​ຊີວິດ​ຈາກ​ພະຍາດ​ນີ້​ປະມານ 59.000 ຄົນ. ​ໃນ​ນີ້ 95% ​ແມ່ນຢູ່​ອາ​ຟຣິກາ  ​ແລະ ອາຊີ ​ແລະ 30-60% ​ແມ່ນ​ຖືກ​ໝາ​ກັດ. ​​​ໄລຍະ​ຜ່ານ​ມາ, ເຖິງ​ວ່າ​ມີ​ວັກ​ແຊັງ​ກັນ​ພະຍາດ​ນີ້​ກໍ​ຕາມ, ​ແຕ່​ການ​ນໍາ​ໃຊ້​ແມ່ນ​ຍັງ​ຢູ່​ໃນ​ອັດຕາ​ທີ່​ຕໍ່າ​​ໃນ​ປະ​ເທດ​ດ້ວຍ​ພັດທະນາ ເນື່ອງຈາກ​ມີ​ລາຄາ​ແພງ. ​ໃນງານຊຸມ​ນຸມ​ດັ່ງກ່າວ​ນີ້, ກະຊວງ​ສາທາລະນະ​ສຸກ ​ໄດ້​ໃຫ້​ບໍລິການ​ສັກ​ວັກ​ແຊັງ​ກັນ​ວໍ້​ໃຫ້​ສັດລ້ຽງ​ບໍ່​​ເສຍ​ຄ່າ​ຊຶ່ງ​ມີ​ມວນ​ຊົນ​ໄດ້​ນໍາ​ສັດລ້ຽງ​ຂອງ​ຕົນ​ປະ​ເພ​ດໝາ ​ແລະ ​ແມວ ມາ​ສັກ​ວັກ​ແຊັງ​ດັ່ງ​ກ່າວ​ເປັນ​ຈໍານວນຫລາຍ.

ລາວ​ຈະ​ລົບ​ລ້າງ​ພະຍາດ​ວໍ້​​ໃຫ້​ໝົດ​​ໄປ​ໃນ​ປີ 2030 - lattana 1 - ລາວ​ຈະ​ລົບ​ລ້າງ​ພະຍາດ​ວໍ້​​ໃຫ້​ໝົດ​​ໄປ​ໃນ​ປີ 2030
error: Content is protected !!