ທ້າຍ​ຝົນຕົ້ນໜາວ​ກິນ​ເຂົ້າ​ໃໝ່​ປາ​ມັນ

ທ້າຍ​ຝົນຕົ້ນໜາວ​ກິນ​ເຂົ້າ​ໃໝ່​ປາ​ມັນ - advert banner 728 90 728x90 - ທ້າຍ​ຝົນຕົ້ນໜາວ​ກິນ​ເຂົ້າ​ໃໝ່​ປາ​ມັນ

ໂດຍ: ທິດ​ກ່ຳ

ທ້າຍ​ຝົນຕົ້ນໜາວ​ກິນ​ເຂົ້າ​ໃໝ່​ປາ​ມັນ - new3 - ທ້າຍ​ຝົນຕົ້ນໜາວ​ກິນ​ເຂົ້າ​ໃໝ່​ປາ​ມັນ

ອຸຕຸແຈ້ງມາວ່ານັບແຕ່ ວັນທີ 23 ຫາ ວັນທີ 29 ທີ່ ຜ່ານມາອາກາດໜາວຂຶ້ນ, ໃນ ຕົວຈິງຢູ່ນະຄອນຫລວງວຽງຈັນຫາກໍຮູ້ສຶກວ່າສີໜາວໆ ໃນຍາມກາງຄືນ, ສ່ວນກາງ ເວັນ ອຸນຫະພູມຂ້ອນຂ້າງສູງຢູ່ໃນລະດັບ 27-28 ຫາ 30 ອົງສາ. ທາງພາກເໜືອ ກໍເລີ່ມໜາວກັນແລ້ວເຊັ່ນ: ແຂວງຜົ້ງສາລີ, ຊຳເໜືອລົງມາໃສ່ຊຽງຂວາງ, ໄຊສົມບູນ. ທາງພາກໃຕ້ເຂດພູພຽງ ບໍລິເວນເມືອງປາກຊ່ອງ ແຂວງຈຳປາສັກໃນມື້ວັນທີ 25 ປາກົດວ່າອຸນຫະພູມຕ່ຳລົງເຖິງ 12 ອົງສາກໍ ເປັນ ອັນ ວ່າໜາວບໍ່ແມ່ນຂອງຢອກ.

ແນວໃດກໍດີ, ຕາມທິດ ກ່ຳວ່າ: ທ້າຍລະດູຝົນຕົ້ນລະດູໜາວນີ້ຫລາຍທ້ອງຖິ່ນກໍຈະໄດ້ກິນເຂົ້າໃໝ່ກັບປາມັນ, ນອກນັ້ນ, ຜູ້ໃດດຸໝັ່ນຍັງໄດ້ ກິນເຂົ້າເໝົ້າເຂົ້າຮາງ, ໄດ້ ກິນປາລົງຕ້ອນລົງຫລີ່, ໄດ້ກິນປີ້ງປາກົດ, ປາເຊືອມ, ກິນຕົ້ມສົ້ມປາຄໍ່ໃສ່ຜັກຂະແຍງ, ກິນແກງປາກົດໃສ່ໄຂ່ມົດສົ້ມ ພໍເຖິງເດືອນສິບແອັດ, ສິບສອງລາວກໍພາກັນເກັບກ່ຽວເຂົ້ານາສຸກເຫລືອງເຕັມທົ່ງ, ຂົນເຂົ້າຂຶ້ນເລົ້າຂຶ້ນເຍຍ, ເກັບກູ້ເຜືອກມັນບີແບ່ງປັນໃຫ້ຍາດພີ່ນ້ອງກິນແດ່, ທານແດ່ ນີ້ຄືວິຖີຊີວິດຂອງຄົນລາວຊາວຊົນນະບົດທີ່ເຮັດໄຮ້ເຮັດນາ, ປູກຝັງລ້ຽງສັດ ເປັນພື້ນຖານ.

ເວົ້າເລື່ອງນີ້ມາ, ກໍເຕັມ ທີ່ແຕ່ປະຊາຊົນບັນດາເຜົ່າໃນ 2 ແຂວງພາກກາງ ແລະ 4 ແຂວງພາກໃຕ້ທີ່ໄດ້ຮັບ ຜົນກະທົບຈາກໄພນ້ຳຖ້ວມ ຢ່າງໜັກໜ່ວງ, ແຫລ່ງຂ່າວ ບອກວ່າພາຍຫລັງນ້ຳໄດ້ບົກແຫ້ງປະຊາຊົນຕ້ອງການ ແນວພັນເຂົ້າ, ແນວພັນພືດ, ແນວພັນປາ, ສັດລ້ຽງນ້ອຍ ໃຫຍ່ ແລະ ການເຂົ້າເຖິງ ແຫລ່ງທຶນ ຮອນເພື່ອຟື້ນຟູ ການຜະລິດແກ້ໄຂຊີວິດການ ເປັນຢູ່ໂດຍໄວ.

ທາງເບື້ອງພັກ ແລະ ລັດຖະບານເຮົາກໍບໍ່ໄດ້ນີ້ງນອນໃຈໃນວັນທີ 16 ກັນຍາ 2019 ຜ່ານມາໄດ້ເປີດກອງປະຊຸມດ່ວນກຳນົດເອົາ 13 ມາດຕະການໃນການແກ້ໄຂໄພພິບັດທົ່ວປະເທດໂດຍ ເລັ່ງມອບໝາຍໃຫ້ຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດ, ກະຊວງປ້ອງກັນຊາດ, ກະຊວງປ້ອງກັນຄວາມສະຫງົບ, ກະຊວງກະສິກຳ ແລະ ປ່າໄມ້, ກະຊວງການເງິນ, ກະຊວງຊັບພະຍາກອນ ແລະ ສິ່ງແວດລ້ອມ, ກະຊວງອຸດສະຫະກຳ ແລະ ການຄ້າ, ກະຊວງພະລັງງານ ແລະ ບໍ່ແຮ່, ກະຊວງ ຖະແຫລງຂ່າວວັດທະນະທຳ ແລະ ທ່ອງທ່ຽວສົມທົບກັບອົງການປົກຄອງທ້ອງຖິ່ນຈົ່ງໄດ້ເຮັດໜ້າທີ່ຂອງຕົນຕາມ ພາລະບົດບາດຢ່າງເຄັ່ງຮ້ອນ ແລະ ໃຫ້ໄດ້ຮັບຜົດີສູງສຸດ.

ນີ້ຄືຄວາມເປັນຫວ່ງເປັນໄຍຂອງພັກ ແລະ ລັດຖະບານ ເຊິ່ງຍາມໃດກໍເຫັນອົກເຫັນໃຈ, ເປັນຫວ່ງໄຍປະຊາຊົນຜູ້ທີ່ໄດ້ຮັບຜົນກະທົບຈາກໄພພິບັດຄັ້ງນີ້. ນອກນັ້ນ, ຍັງໄດ້ວາງນະໂຍບາຍຫລຸດຄ່ານ້ຳ ຄ່າໄພ, ຫລຸດການເສຍພັນທະ ອາກອນຕ່າງໆຕໍ່ເຂດທີ່ຖືກຜົນກະທົບ.

ທ້າຍ​ຝົນຕົ້ນໜາວ​ກິນ​ເຂົ້າ​ໃໝ່​ປາ​ມັນ - lattana 1 - ທ້າຍ​ຝົນຕົ້ນໜາວ​ກິນ​ເຂົ້າ​ໃໝ່​ປາ​ມັນ

ແນ່ນອນ, ເມື່ອເກີດໄພພິບັດແບບນີ້ບັນຫາເສດຖະກິດຂອງຊາດກໍຕ້ອງມີຜົນກະທົບໄປຕາມໆກັນໂດຍສະເພາະແມ່ນລາຄາເຂົ້າ, ປະເພດ ຊີ້ນປາອາຫານອັນຈຳເປັນ ຕ້ອງມີການເໜັງຕິງ, ແຕ່ເພື່ອ ເປັນການຕ້ານ ແລະ ສະກັດກັ້ນ ບັນຫາດັ່ງກ່າວລັດຖະບານໄດ້ ນຳເອົາເຂົ້າຈາກຄັງສຳຮອງຫລາຍພັນໂຕນອອກຈຳໜ່າຍເພື່ອຮັກສາລາຄາເຂົ້າໃນທ້ອງຕະຫລາດໃຫ້ຢູ່ໃນເກນປົກກະຕິ ເຊິ່ງມີແຂວງ ຄຳມ່ວນ, ນະຄອນຫລວງວຽງຈັນພວມຈັດຕັ້ງປະຕິບັດຢ່າງເລັ່ງດ່ວນ, ນອກນັ້ນ, ກໍມອບໝາຍໃຫ້ຂະແໜງອຸດສະຫະກຳ ແລະ ການຄ້າຕ້ອງຄວບຄຸມລາຄາສິນຄ້າໃນທ້ອງຕະຫລາດໃຫ້ຢູ່ໃນສະ ພາບປົກກະຕິ ແລະ ມີຄວາມສະຫງົບ.

ເຖິງຢ່າງໃດກໍດີ, ເທົ່າ ທີ່ເຫັນ ຕົວຈິງຜ່ານວິກິດໄພ ພິບັດຄັ້ງນີ້ການນຳທຸກຂັ້ນ, ນັບທັງພະສົງອົງຄະເຈົ້າ, ບຸກຄົນ, ນິຕິບຸກຄົນ, ບໍລິສັດ ຫ້າງຮ້ານ, ການຈັດຕັ້ງສັງຄົມ ທຸກພາກສ່ວນບໍ່ວ່າຢູ່ພາຍ     ໃນ ແລະ ຕ່າງປະເທດ, ເພື່ອນ ມິດໃກ້ໄກກໍໄດ້ເອົາໃຈໃສ່ ຊ່ວຍເຫລືອຈົນມາຮອດໄລ ຍະນີ້ກໍຍັງທະຍອຍສືບຕໍ່ໄປ ເລື້ອຍໆ.

ສ່ວນເຂດແຂວງທີ່ບໍ່ຖືກຜົນກະທົບກໍຈະໄດ້ກິນເຂົ້າ ໃໝ່ປາມັນ, ມີຫລາຍກໍໃຫ້ບິ ແບ່ງເພື່ອໝູ່ເພື່ອເຮົາ, ເພື່ອ ເພິ່ນເພື່ອໂຕ, ປັນກັນກິນບໍ່ ແມ່ນຈະຫາທາງກິນກັນໃນ ຍາມອັດຕະຄັດຂັດສົນ. ຄົນ ລາວເປັນຄົນມີນ້ຳໃຈ, ບໍ່ປະ ປ່ອຍໃຫ້ພາກັນຕາຍຫງາຍ ຄາງກິນນ້ຳໝອກຄືພວກຈັງ ໄຮ ຫາເວົ້າຢ່າງແນ່ນອນ./.

ທ້າຍ​ຝົນຕົ້ນໜາວ​ກິນ​ເຂົ້າ​ໃໝ່​ປາ​ມັນ - 22369 - ທ້າຍ​ຝົນຕົ້ນໜາວ​ກິນ​ເຂົ້າ​ໃໝ່​ປາ​ມັນ

error: Content is protected !!