ນະ​ຄອນ​ຫລວງຈະເລັ່ງແກ້ໄຂການພະນັນ ​ແລະ ຫວຍ​ເຖື່ອນຢ່າງເຂັ້ມງວດ.

ນະ​ຄອນ​ຫລວງຈະເລັ່ງແກ້ໄຂການພະນັນ ​ແລະ ຫວຍ​ເຖື່ອນຢ່າງເຂັ້ມງວດ. - advert banner 728 90 728x90 - ນະ​ຄອນ​ຫລວງຈະເລັ່ງແກ້ໄຂການພະນັນ ​ແລະ ຫວຍ​ເຖື່ອນຢ່າງເຂັ້ມງວດ.

ໃນກອງປະຊຸມປຶກສາຫາລືວຽກງານຕ້ານ ແລະ ສະກັດກັ້ນການພະນັນທີ່ຕ້ອງຫ້າມ ທົ່ວນະຄອນຫຼວງວຽງຈັນ ໃນວັນທີ 26 ກັນຍານີ້, ຊຶ່ງ​ກອງ​ປະຊຸມ​ໄດ້ຜ່ານຂໍ້ຕົກລົງ ເລກທີ 1856/ປກສ.ນວ, ລົງວັນທີ 24 ກັນຍາ 2019 ວ່າດ້ວຍການແຕ່ງຕັ້ງຄະນະຮັບຜິດຊອບລົງກວດກາຫວຍເຖື່ອນ ແລະ ການພະນັນທີ່ຕ້ອງຫ້າມ, ​ໂດ​ຍໄດ້ແຕ່ງຕັ້ງ ພັທ ຈັນຫອມ ແກ້ວສຸລະໄຊ ຮອງຫົວໜ້າກອງບັນຊາການ, ຫົວໜ້າຫ້ອງຕໍາຫຼວດ ປກສ ນະຄອນຫຼວງວຽງຈັນ ເປັນຫົວໜ້າ, ພັທ ບຸນສອນ ພັນທະວົງ ຮອງຫົວໜ້າຫ້ອງຕໍາຫຼວດ ເປັນຮອງ ແລະ ພັທ ທັດສະພົງ ຫວັນມະນີຈັນ ຫົວໜ້າພະແນກຕໍາຫຼວດປ້ອງກັນເສດຖະກິດ ພ້ອມທັງບັນດາຮອງກອງບັນຊາການ ປກສ ເມືອງ, ຜູ່ຊີ້ນໍາພະແນກຕໍາຫຼວດ 9 ຕົວເມືອງ  ເປັນຄະນະ.ພ້ອມ​ນີ້ ກອງປະຊຸມ ໄດ້ພ້ອມກັນຫາລືວຽກງານຕ້ານ ແລະ ສະກັດກັ້ນການພະນັນທີ່ຕ້ອງຫ້າມ ໃນນະຄອນຫຼວງວຽງຈັນ ເປັນຕົ້ນແມ່ນ ການຫຼິ້ນເກມອອນລາຍ, ການທວຍຜົນເຕະບານ ແລະ ການຈໍາໜ່າຍຫວຍເຖື່ອນຕ່າງໆ ທັງພາຍໃນ ແລະ ຕ່າງປະເທດ ໃຫ້ທັນກັບສະພາບການ ແລະ ເຫດການຕົວຈິງ.

ນະ​ຄອນ​ຫລວງຈະເລັ່ງແກ້ໄຂການພະນັນ ​ແລະ ຫວຍ​ເຖື່ອນຢ່າງເຂັ້ມງວດ. - new3 - ນະ​ຄອນ​ຫລວງຈະເລັ່ງແກ້ໄຂການພະນັນ ​ແລະ ຫວຍ​ເຖື່ອນຢ່າງເຂັ້ມງວດ.

ຕອນທ້າຍກອງປະຊຸມ ພັທ ຈັນຫອມ ແກ້ວສຸລະໄຊ ຮອງຫົວໜ້າກອງບັນຊາການ ຫົວໜ້າຫ້ອງຕໍາຫຼວດ ປກສ ນະຄອນຫຼວງວຽງຈັນ ໄດ້ມີຄໍາເຫັນຊີ້ນໍາໂດຍກ່າວເນັ້ນໃຫ້ບັນດາຄະນະພັກ-ຄະນະບັນຊາ ຫ້ອງຕໍາຫຼວດ ປກສ ນວ ແລະ ບັນດາ ປກສ 9 ຕົວເມືອງ ຕ້ອງເອົາໃຈໃສ່ແກ້ໄຂ ແລະ ສະກັດກັ້ນການພະນັນ ​ແລະ ຫວຍເຖື່ອນທຸກປະເພດ ໂດຍປະສານສົມທົບກັບພາກສ່ວນທີ່ກ່ຽວຂ້ອງ ລົງຕິດຕາມກວດກາເປົ້າໝາຍບຸກຄົນ ຫຼື ນິຕິບຸກຄົນ ທີ່ເຄື່ອນໄຫວຫຼິ້ນການພະນັນເຖື່ອນ ເປັນຕົ້ນແມ່ນ: ການຫຼິ້ນເກມອອນລາຍ, ການທວຍຜົນບານ ແລະ ຈໍາໜ່າຍຫວຍເຖື່ອນຕ່າງໆ, ພ້ອມທັງສຸມໃສ່ແກ້ໄຂບັນດາຮ້ານເກມອອນລາຍ, ຮ້ານອິນເຕີແນັດ ທີ່ເປີດເກີນເວລາກໍານົດໄວ້, ຖ້າເຈົ້າໜ້າທີ່ພົບເຫັນຜູ່ລະເມີດຕໍ່ບັນຫາດັ່ງກ່າວ ແມ່ນເຊີນຜູ່ກ່ຽວເຂົ້າມາສຶກສາອົບຮົມ ໃຫ້ຢຸດເຊົາການເຄື່ອນໄຫວ, ຖ້າຍັງບໍ່ຢຸດເຊົາ ແມ່ນໃຫ້ນໍາໃຊ້ມາດຕະການທາງດ້ານກົດໝາຍຢ່າງເຂັ້ມງວດ.

ນະ​ຄອນ​ຫລວງຈະເລັ່ງແກ້ໄຂການພະນັນ ​ແລະ ຫວຍ​ເຖື່ອນຢ່າງເຂັ້ມງວດ. - lattana 1 - ນະ​ຄອນ​ຫລວງຈະເລັ່ງແກ້ໄຂການພະນັນ ​ແລະ ຫວຍ​ເຖື່ອນຢ່າງເຂັ້ມງວດ.
error: Content is protected !!