ກະຊວງ​ການ​ເງິນ​​​ແນະ​ນໍາ​ທຸກກົມ​ກອງ​​​ປະຕິບັດ​ກົດໝາ​ຍລັດຖະກອນ​ໃຫ້​ເຂັ້ມ​ງວດ

ກະຊວງ​ການ​ເງິນ​​​ແນະ​ນໍາ​ທຸກກົມ​ກອງ​​​ປະຕິບັດ​ກົດໝາ​ຍລັດຖະກອນ​ໃຫ້​ເຂັ້ມ​ງວດ - advert banner 728 90 728x90 - ກະຊວງ​ການ​ເງິນ​​​ແນະ​ນໍາ​ທຸກກົມ​ກອງ​​​ປະຕິບັດ​ກົດໝາ​ຍລັດຖະກອນ​ໃຫ້​ເຂັ້ມ​ງວດ

ລັດຖະມົນຕີ​ກະຊວງ​ການ​ເງິນ ​ໄດ້​ອອກ​ແຈ້ງ​ການ​ແນະ​ນໍາ​ສະບັບ​ເລກທີ 3954/ກງ ລົງ​ວັນ​ທີ 27 ກັນຍາ 2019 ​ເຖິງ​ບັນ​ດາ​ກົມ, ສະ​ຖາ​ບັນ,​ວິທະຍາ​ໄລ, ພະ​ແນ​ກການ​​ເງິນ, ກອງ​ຄຸ້ມ​ຄອງ​ພາສີ, ສ່ວຍ​ສາ​ອາກອນ ​ແລະ ຄັງ​ເງິນ​ແຫ່ງ​ຊາດນັບ​ທັງ​ສູນ​ກາງ ​ແລະ ທ້ອງ​ຖິ່ນ ກ່ຽວກັບ​ການຮັບ​ເອົາ​ພະນັກງານ​ຕາມ​ສັນຍາ ​ແລະ ອາສາ​ສະໝັກ​ເຂົ້າ​​ເຮັດ​ວຽກ​ຢູ່​ຂະ​ແໜງ​ການ​ເງິນ ຕ້ອງ​ປະຕິບັດຕາມ​ກົດໝາຍ​ວ່າ​ດ້ວຍ​ລັດຖະກອນ​ຢ່າ​ງ​ເຂັ້ມ​ງວດ, ພາຍຫລັງ​ເຫັນ​ວ່າ​ປັດຈຸບັນ​ຂະ​ແໜງ​ການ​ເງິນ​ຂັ້ນ​ສູນ​ກາງ ​ແລະ ທ້ອງ​ຖິ່ນ ຍັງ​ມີ​ພະນັກງານ​ຕາມ​ສັນຍາ ​ແລະ ອາສາ​ສະໝັກ​ ຈໍານວນ 1.547 ຄົນ ທີ່​ໄດ້​ປະຕິບັດ​ວຽກ​ງານ​ມາ​ເປັນ​ເວ​ລາ​ດົນ​ນານ, ຈໍານວນ​ໜຶ່ງ​ມີ​ການ​ຄອງຄອຍ​ເຮັດ​ວຽກ​ເພື່ອ​ລໍ​ຖ້າ​ໂກ​ຕາ​ລັດຖະກອນ​ໃໝ່​ໃນ​ແຕ່ລະ​ປີ, ​ແຕ່​ເມື່ອ​ທຽບ​ໃສ່​ທິ​ດຊີ້​ນໍາ​ຂອງ​ລັດຖະບານ​ໃຫ້​ມີ​ການ​ຫລຸດ​ຈໍານວນ​ພະນັກງານ-ລັດຖະກອນ ​ແລະ ​ໂກ​ຕາ​ລົງ​​ແຕ່ລະ​ປີ ຕົວຢ່າງ​: ປີ 2018 ກະຊວງ​ການ​ເງິນ​ໄດ້​ຮັບ​ໂກຕາ​ລັດຖະກອນ​ໃໝ່ 50 ຄົນ ​ແລະ ປີ 2019 ມີ​ຈໍານວນ 25 ຄົນ, ​ເຊິ່ງ​ເຫັນ​ວ່າ​ຫລຸດ​ລົງ​ຕາມ​ລໍາດັບ, ​ໃນ​ຂະນະ​ດຽວ​ກັນ​ມີ​ຈໍານວນ​ໜຶ່ງ​ໄດ້​ເຂົ້າ​ເປັນ​ອາສາ​ສະໝັກ​ມາ​ຫລາຍ​ປີ​ນັບ​ແຕ່ 3-10 ປີ​ກໍ​ມີ ​ແລະ ຈໍ​ານວນ​ໜຶ່ງ​ແມ່ນ​ອາຍຸ​ຈະ​ກາຍ 35 ປີ ກໍ​ໄດ້​ສະ​ເໜີ ຫລື ຮ້ອງ​ຂໍ​ເຂົ້າ​ເປັນ​ລັດຖະກອນ​ໃໝ່​ດ້ວຍ​ເຫດຜົນ​ທີ່​ວ່າ​ເປັນ​ອາສາ​ສະໝັກ​ມາ​ຫລາຍ​ປີ. ສະ​ນັ້ນ ​ເພື່ອ​ແກ້​ໄຂ​ສະພາບ​ດັ່ງ​ກ່າວ ​ໃຫ້​ຖືກຕ້ອງ​ສອດຄ່ອງ​ຕາມ​ລະບຽບກົດໝາຍ​ລັດຖະກອນ ​ແລະ ​ເປັນ​ເອກະ​ພາບ​ໃນ​ຂະ​ແໜງ​ການ​ເງິນ​ທົ່ວ​ປະ​ເທດ, ລັດຖະມົນ​ຕີ​ກະຊວງ​ການ​ເງິນ ຈຶ່ງ​ອອກ​ແຈ້ງ​ການ​ແນະ​ນໍາ​ເພີ່ມ​ຕື່ມ​ດັ່ງ​ນີ້:​ ສືບ​ຕໍ່​ປະຕິບັດ​ຕາມແຈ້ງ​ການຂອງ​ຮອງ​ນາຍົກລັດຖະມົນ​ຕີ, ລັດຖະມົນຕີ​ກະຊວງ​ການ​ເງິນ ສະ​ບັບ​ເລກທີ 4042/ກງ ລົງ​ວັນ​ທີ 6 ທັນວາ 2016 ຢ່າງ​ເຂັ້ມ​ງວດ.

ກະຊວງ​ການ​ເງິນ​​​ແນະ​ນໍາ​ທຸກກົມ​ກອງ​​​ປະຕິບັດ​ກົດໝາ​ຍລັດຖະກອນ​ໃຫ້​ເຂັ້ມ​ງວດ - new3 - ກະຊວງ​ການ​ເງິນ​​​ແນະ​ນໍາ​ທຸກກົມ​ກອງ​​​ປະຕິບັດ​ກົດໝາ​ຍລັດຖະກອນ​ໃຫ້​ເຂັ້ມ​ງວດ

​ໃຫ້​ລຸ​ລ່ວງ​ພະນັກງານ​ຕາມ​ສັນຍາ ​ແລະ ອາສາ​ສະໝັກ ທີ່​ຍັງ​ຄ້າງ​ຢູ່​ໃນຄວາມ​ຮັບ​ພິຊອບ​ຂອງ​ຕົນ​ໃຫ້​ໄປ​ຊອກ​ວຽກ​ງານໃໝ່, ບໍ່​ໃຫ້​ຄອງ​ຄອຍ​ຕົວ​ເລກ​​ໂກ​ຕາລັດຖະກອນ​ໃໝ່ ​ຫລື​ໄປ​ຍົກ​ລະ​ດັບ​ການ​ສຶກສາ​ຕື່ມ, ພາຍຫລັງ​ກະຊວງ​ການ​ເງິນ​ໄດ້ຮັບ​ໂກ​ຕາ​ລັດຖະກອນໃໝ່​ແລ້ວ ແລ​ະ ​ໄດ້​ປະກາດ​ຮັບ​ສະໝັກ​ສອບ​ເສັງ​ເອົາ​ລັດຖະກອນ​ໃໝ່​ໃນ​ແຕ່ລະ​ປີ ຈຶ່ງ​ມາ​ຍື່ນ​ເອກະສານ​ເຂົ້າ​ຮ່ວມ​ສອບ​ເສັງ​ເຂົ້າ​ລັດຖະກອນ​ໃໝ່​ຕາມ​ລະບຽບກົດໝາຍ. ພະນັກງານ​ຕາມ​ສັນຍາ ​ແລະ ອາສາ​ສະໝັກ​ທີ່​ມີ​ອາຍຸ​ເກີນ 35 ປີ​ແລ້ວ, ກະຊວງ​ການ​ເງິນ​ຈະ​ບໍ່​ຮັບ​ພິຈາລະນາ​ເຂົ້າ​ເປັນ​ລັດຖະກອນ​ໃໝ່, ​ເນື່ອງ​ຈາກ​ຂັດ​ກັບ​ກົດໝາຍ​ລັດ​ຖະກອນທີ່​ບໍ່​ໃຫ້​ເກີນ 35 ປີ.

ກະຊວງ​ການ​ເງິນ​​​ແນະ​ນໍາ​ທຸກກົມ​ກອງ​​​ປະຕິບັດ​ກົດໝາ​ຍລັດຖະກອນ​ໃຫ້​ເຂັ້ມ​ງວດ - lattana 1 - ກະຊວງ​ການ​ເງິນ​​​ແນະ​ນໍາ​ທຸກກົມ​ກອງ​​​ປະຕິບັດ​ກົດໝາ​ຍລັດຖະກອນ​ໃຫ້​ເຂັ້ມ​ງວດ

ບໍ່​ໃຫ້​ຖື​ເອົາ​ການ​ເຂົ້າ​ເປັນ​ພະນັກງານ​ຕາມ​ສັນຍາ ​ແລະ ອາສາ​ສະໝັກ​ ມາຫລາຍ​ປີ​ເພື່ອ​ເປັນ​ເງື່ອນ​ໄຂ​ຮັບ​ເຂົ້າ​ເປັນ​ລັດຖະກອນ​ໃໝ່​ເດັດຂາດ. ຫ້າມ​ບໍ່​ໃຫ້​ມອບ​ວຽກ​ທີ່​ສໍາຄັນ​ໃຫ້​ພະນັກງານ​ຕາມ​ສັນຍາ ​ແລະ ອາສາ​ສະໝັກ​ຮັບ​ພິຊອບ​ຢູ່​ແຕ່​ລະ​ບ່ອນ ​ແລະ ​ໃຫ້​ສະ​ຫລຸບ​ຕີ​ລາ​ຄາ​ຄືນ​ການ​ປະຕິບັດ​ວຽກ​ງານ​ຂອງ​ພະນັກງານ​ຕາ​ມສັນຍາ ​ແລະ ອາສາ​ສະໝັກ​ແລ້ວ​ໃຫ້​ລາຍ​ງານ​ກົມ​ຈັດຕັ້ງ ​ແລະ ພະນັກງານ​ກະຊວງ​ການ​ເງິນ, ຖ້າ​ຜູ້​ໃດ​ບໍ່​ປະຕິບັດ​ຕາມ​ລະບຽບ​ກົດໝາຍ​ແມ່ນ​ໃຫ້​ເອົາ​ອອກ​ຈາກ​ບ່ອນ​ສັງກັດ​ຢູ່​ຂະ​ແໜງ​ການ​ເງິ​ນ​ເລີ​ຍ.   

error: Content is protected !!