ຊ່ວຍ​ເຫລືອ​ກັນຍາ​ມມີ​ໄພ​ໄດ້​ກຸສົນ​

- advert banner 728 90 728x90 - ຊ່ວຍ​ເຫລືອ​ກັນຍາ​ມມີ​ໄພ​ໄດ້​ກຸສົນ​

ໂດຍ: ທິດ​ກ່ຳ

- new3 - ຊ່ວຍ​ເຫລືອ​ກັນຍາ​ມມີ​ໄພ​ໄດ້​ກຸສົນ​

​        ໃນ​ຊ່ວງ​ໄລຍະ​ເກີດ​ອຸ​ທົກ​ກະ​ໄພ​ນ້ຳຖ້ວມ 2 ​ແຂວງ​ພາກ​ກາງ ​ແລະ 4 ​ແຂວງ​ພາກ​ໃຕ້​ທີ່ ຜ່ານ​ມາ​ນີ້, ​ເຫັນ ທ່ານ ນາຍົກລັດຖະມົນຕີ ທອງ​ລຸນ ສີ​ສຸ​ລິດ ຈ້ອນ​ຂາ​ໂສ້ງ​ຍ່າງ​ລຸຍ​ນ້ຳ, ທັງ​ຂີ່​ເຮືອ​ເລາະ​ລຽບ​ເບິ່ງ​ສະພາບ​ນ້ຳຖ້ວມ​ໃນ​ບາງ​ເຂດ, ບາງ​ບ້ານ ​ແລະ ບາງ​ເມືອງ​ທີ່​ຖືກຜົນ​ກະທົບ​ຈາກ​ອຸ​ທົກ​ກະ​ໄພ​ໃນ​ຫລາຍ​ພື້ນທີ່.

ນອກ​ນັ້ນ, ຍັງ​ເຫັນ​ທ່ານ​ຮອງ​ນາຍົກ ສອນ​ໄຊ ສີ​ພັນ​ດອນ, ບັນດາ​ທ່ານ​ການ​ນຳ​ຜູ້ອື່ນໆ, ຕະຫລອດ​ທ່ານ​ເຈົ້າ​ແຂວງ, ​ເຈົ້າ​ເມືອງ​ພາກັນ​ລົງພື້ນທີ່​ຢ່າງ​ເປັນ​ຂະ​ບວນຕັ້ງໜ້າ. ຖ້າ​ເວົ້າ ​ເຖິງ​ບັ້ນຮົບ​ໃນ​ການ​ກູ້​ໄພ​ນຳ​ເອົາ​ປະຊາຊົນ​ຜູ້​ທີ່​ຖືກ​ຜົນ​ກະທົບ​ໃນ​ຄັ້ງນີ້​ກໍ​ນັບ​ແຕ່​ພະສົງ​ອົງຄະ​ເຈົ້າ, ທັງ​ບຸກຄົນ, ນິຕິບຸກຄົນ, ບໍລິສັດ​ຫ້າງ​ຮ້ານ, ການຈັດຕັ້ງສັງຄົມ, ສະຖານທູດ, ​ເພື່ອນ​ມິດ​ທີ່ຢູ່​ໄກ້ ​ແລະ ​ໄກ​ໄດ້​ໃຫ້ການ​ຊ່ວຍ​ເຫລືອ​ທັງ​ປັດ​ໄຈ​ເຫື່ອ​ແຮງ​ດ້ວຍ​ຄວາມ​ຈົດ​ຈໍ່​ຈິງ​ໃຈ​ໂດຍ​ບໍ່​ມີ​ອັນ​ໃດ​ມາ​ແອບ​​ແຝງ.

ອັນ​ພິ​ເສດ​ສຸດ, ທິດ​ກ່ຳ​ຂໍ​ຊົມ​ເຊີຍ​ໃຫ້​ທະຫານ​ກອງທັບ​ປະຊາຊົນ​ລາວ ​ແລະ ໜ່ວຍ​ກູ້​ໄພ​ແຕ່ລະ​ເຂດ​ແຂວງ​ທີ່​ໄດ້​ຜ່ານ​ຜ່າ​ວິ​ກິດ​ມະ​ຫັນ​ຕະ​ໄພ​ໃນ​ຄັ້ງນີ້​ອັນ​ເປັນ​ປະຫວັດ​ການຄັ້ງ​ໃຫຍ່ຂອງ​ຊາດ​ລາວ, ຄົນ​ລາວ​ທີ່​ບໍ່​ທັນ​ເຄີຍ​ເຫັນ ​ແລະ ບໍ່​ທັນ​ເຄີຍ​ມີ​ເກືອບ​ທົດ​ສະ​ວັດ ຖື​ໄດ້​ວ່າ​ສະພາບ​ນ້ຳຖ້ວມ 6 ​ແຂວງ​ພາກ​ກາງ ​ແລະ ພາກ​ໃຕ້​ໃນ​ປີ 2019 ນີ້​ເປັນ​ເຫດການ​ຮຸນ​ແຮງ ​ແລະ ມີຄວາມ​ເສຍ​ຫາຍ​ຢ່າງ​ໜັກໜ່ວງ​ສົມຄວນ​ຕໍ່​ເສດຖະກິດ-ສັງຄົມ​ຂອງ​ປະ​ເທດ.

​​ແນວ​ໃດ​ກໍ​ຕາມ, ພາບ​ແຫ່ງ​ນ້ຳ​ໃຈ​ທີ່​ໄດ້​ເຫັນ​ຕົວ​ຈິງ​ໃນ​ບັ້ນຮົບ​ຕ້ານ​ກັບ​ໄພ​ທຳ​ມະ​ຊາດ​ນ້ຳ ຖ້ວມ​ຄັ້ງນີ້​ພວກ​ເຮົາ​ຍິ່ງ​ເຫັນ​ຄວາມ​ສາມັກຄີ​ປອງ​ດອງ​ເປັນ​ປຶກ​ແຜ່ນ​ແໜ້ນ​ໜາ​ຂອງ​ຄົນ​ລາວ​ພາຍ​ໃນ​ຊາດ ​ແລະ ນ້ຳ​ໃຈ​ຂອງ​ເພື່ອນ​ມິດ​ທີ່ຢູ່​ໃກ້ ​ແລະ ຢູ່​ໄກ ​ແລະ ຖື​ໄດ້​ວ່າ​ຊ່ວຍ​ເຫລືອ​ຄັ້ງນີ້​ເປັນ​ການ​ທຳບຸນ​ດ້ວຍ​ຄວາມ​ບໍລິສຸດ​ຜຸດ​ຜ່ອງ​ອີກ​ຢ່າງ​ໜຶ່ງ, ຕໍ່​ຜູ້​ທີ່​ໄດ້​ປະ​ເຊີນ ໜ້າ​ກູ້​ໄພ​ໂດຍ​ກົງ​ກໍ​ແມ່ນ​ໄດ້​ເສຍສະຫລະ​ເຫື່ອ​ແຮງ​ທັງ​ຈິດ​ໃຈ, ກະທັ້ງຊີວິດ​ກໍ​ຕ້ອງ​ໄດ້​ສູ້ ຕາຍ​ເພື່ອ​ກອບ​ກູ້​ເອົາ​ປະຊາຊົນ​ທີ່​ຖືກ​ຜົນ​ກະທົບ​ໃຫ້​ມີ​ຄວາມ​ປອດ​ໄພ​ສູງ​ສຸດ, ​ໃນ​ຫລັກ​ສິນ​ທຳ​ໄດ້​ກ່າວ​ວ່າ ການ​ຊ່ວຍ​ເຫລືອ​ກັນ​ໃນ​ຍາມ​ອັດຕະຄັດ​ຂັດ​ສົນ​ແບບ​ນີ້​ແມ່ນ​ໄດ້​ບຸນ​ກຸສົນ​ມະຫາ​ກັບ.

ດັ່ງ​ທີ່​ຮູ້​ກັນ​ແລ້ວ​ວ່າ, ທຸກ​ປະ​ເທດ​ໃນ​ໂລກ​ຍ່ອມ​ໄດ້​ຮັບ​ຜົນ​ກະທົບ​ຈາກ​ໄພພິບັດ​ທາງ​ທຳ​ມະ​ຊາດ​ທີ່​ແຕກ​ຕ່າງ​ກັນ​ສຸດ​ແລ້ວ​ແຕ່​ເງື່ອນ​ໄຂ ​ແລະ ສະພາບ​ແວດ​ລ້ອມ. ບາງ​ປະ​ເທດ​ກໍ​ຖືກ​ແຜ່ນດິນ​ໄຫວ, ​ແຜນ​ດິນ​ຍະ, ບາງ​ປະ​ເທດ​ກໍ​ຖືກ​ລົມ​ພາຍຸ​ໃຕ້​ຝຸ່ນ, ອາກາດ​ຮ້ອນ​ໂພດ, ໜາວ​ໂພດ ​ແລະ ຍິ່ງ​ໄປ​ກວ່າ​ນັ້ນກໍ​ຖືກ​ຄື້ນສື​ນາ​ມິ​ລ້າງຜານ​ຕາຍ​ເປັນ​ໝື່ນ​ເປັນ​ແສນ.

- lattana 1 - ຊ່ວຍ​ເຫລືອ​ກັນຍາ​ມມີ​ໄພ​ໄດ້​ກຸສົນ​

​        ແຕ່​ສຳລັບ​ປະ​ເທດ​ເຮົາ​ທີ່​ບໍ່​ມີ​ທະ​ເລ​ຫລື​ມະຫາ​ສະໝຸດ​ກໍ​ມີ​ໄພທາງອື່ນ​ມາ​ຂົ່ມຂູ່​ດັ່ງ​ພວກ​ເຮົາ​ໄດ້ເຫັນຄືສູ່ມື້ນີ້. ເມື່ອຕັ້ງໂຈດກັນວ່າເປັນຫຍັງ ຈຶ່ງຕົກຢູ່ໃນສະພາບແບບນີ້? ຄຳຕອບກໍມີຢູ່ວ່າຍ້ອນໜ່ວຍ ໂລກມີການປ່ຽນແປງ ແລະ ກຸດຫ້ຽນໄປຕາມການເວລາ.

ໃນເມື່ອໜ່ວຍໂລກມີການປ່ຽນແປງທຳມະຊາດ ແລະ ສິ່ງແວດລ້ອມນັບທັງສັງຄົມຂອງ ມະນຸດເຮົາກໍມີການປ່ຽນແປງໄປຕາມໆກັນ.

ສາເຫດຕົ້ນຕໍທີ່ເຮັດໃຫ້ມີການປ່ຽນແປງນັ້ນກໍແມ່ນຍ້ອນການພັດທະນາມາເປັນທີ່ ຕັ້ງ, ຈຳນວນພົນລະເມືອງຂອງໂລກເພີ່ມຂຶ້ນ, ຄວາມຮຽກຮ້ອງດ້ານວັດຖຸ ແລະ ຈິດໃຈກໍເພີ່ມຂຶ້ນ, ເຕັກນິກວິທະຍາສາດວິທະຍາການກໍນັບມື້ກ້າວໜ້າລ້ຳຍຸກ, ການແກ້ງ ແຍ້ງແຂ່ງຂັນດ້ານຜົນປະໂຫຍດກໍເພີ່ມຂຶ້ນອັນເປັນທີ່ມາຂອງການທຳລາຍທຳມະຊາດ ໂດຍລວມ.

ເຖິງຢ່າງໃດກໍຕາມ, ຖ້າພວກເຮົາບໍ່ຢາກປະເຊີນໜ້າຕາຍຍ້ອນໄພພິບັດກໍມີແຕ່ພ້ອມ ກັນປົກ ປັກຮັກສາທຳມະຊາດ ແລະ ສິ່ງແວດລ້ອມໃຫ້ຍືນຍົງ, ບໍ່ພາກັນຕັດໄມ້ທຳລາຍ ປ່າ, ໄປຄຽງຄູ່ກັນນັ້ນກໍຕ້ອງພ້ອມກັນປູກໄມ້ໃຫ້ຫລາຍໆ, ບໍ່ອັດຮູລົມຖົມຮູນ້ຳ, ບໍ່ປ່ອຍສານພິດ, ບໍ່ປ່ອຍຄວາມຮ້ອນຕໍ່ຊັ້ນບັນຍາກາດ ຫລື ຈະເຮັດຈະສ້າງຫຍັງລົງໄປກໍ ຕ້ອງຄຳນຶງເຖິງຜົນໄດ້ຜົນເສຍພວກເຮົາຈະບໍ່ພາກັນຕາຍຍ້ອນໄພທຳມະຊາດ ມາທຳລາຍ./.

- 3259 - ຊ່ວຍ​ເຫລືອ​ກັນຍາ​ມມີ​ໄພ​ໄດ້​ກຸສົນ​
error: Content is protected !!