ລັດຖະມົນຕີ​ແຮງ​ງານ ​ແລະ ສະຫວັດ​ດີກາ​ນສັງຄົ​ມຊີ້​ແຈງ​ຕື່ມ​ກ່ຽວ​ກັບ​ການ​ຊ່ວຍ​ເຫລືອ​ຜູ້​ປະສົບ​ໄພ​ນໍ້າ​ຖ້ວມ.

ລັດຖະມົນຕີ​ແຮງ​ງານ ​ແລະ ສະຫວັດ​ດີກາ​ນສັງຄົ​ມຊີ້​ແຈງ​ຕື່ມ​ກ່ຽວ​ກັບ​ການ​ຊ່ວຍ​ເຫລືອ​ຜູ້​ປະສົບ​ໄພ​ນໍ້າ​ຖ້ວມ. - advert banner 728 90 728x90 - ລັດຖະມົນຕີ​ແຮງ​ງານ ​ແລະ ສະຫວັດ​ດີກາ​ນສັງຄົ​ມຊີ້​ແຈງ​ຕື່ມ​ກ່ຽວ​ກັບ​ການ​ຊ່ວຍ​ເຫລືອ​ຜູ້​ປະສົບ​ໄພ​ນໍ້າ​ຖ້ວມ.

​ໃນ​ວັນ​ທີ 1 ຕຸລານີ້, ທ່ານ ຄໍາ​ແພງ ​ໄຊ​ສົມ​ແພງ ລັດຖະມົນຕີ​ກະຊວງ​ແຮງງານ ​ແລະ ສະຫວັດ​ດີກາ​ນສັງຄົມ, ທັງ​ເປັນ​ປະທານ​ຄະນະ​ກໍາມະການ​ປ້​ອງກັນ ​ແລະ ຄວບຄຸມ​ໄພພິບັດ​ແຫ່ງ​ຊາດ ​ໄດ້​ໃຫ້​ສໍາພາດສື່​ມວນ​ຊົນ​ເພື່ອ​ຊີ້​ແຈງ​ຕື່ມ​ກ່ຽວ​ກັບ​ການ​ຊ່ວຍ​ເຫລືອ​ຜູ້​ປະສົບ​ໄພ​ນໍ້າ​ຖ້ວມ​ຢູ່​ບັນດາ​ແຂວງ​ພາກ​ກາງ ​ແລະ ພາກ​ໃຕ້ ວ່າ: ສະພາບ​ນໍ້າ​ຖ້ວມ​ຄັ້ງ​ນີ້​ແມ່ນ​ໜັກໜ່ວງ​ຫລາຍ, ​ເຊິ່ງມີ 58 ​ເມືອງ, 1.794 ບ້ານ, 178.361 ຄອບຄົວ, 662.950 ກວ່າ​ຄົນ ​ໄດ້ຮັບ​ຜົນ​ກະທົບ, ​ໃນ​ນີ້​ມີ​ຜູ້​ສູນຫາຍ 7 ຄົນ ​ແລະ ​ເສຍ​ຊີວິດ 22 ຄົນ. ນອກ​ນີ້,​ ຍັງ​ມີ​ເນື້ອ​ທີ່​ການ​ຜະລິດ, ສັດ​ລ້ຽງ, ຊົນລະປະທານ, ​ຂົວ, ເສັ້ນທາງ, ລະບົບ​ພື້ນຖານ​ໂຄງລ່າງ​ຕ່າງໆ, ​ໂຮງຮຽນ, ​​ໂຮງໝໍ, ສຸກ​ສາລາ ​ແລະ ຊັບ​ສີນ​ອື່ນໆ ​ເປ່​ເພ​ເສຍ​ຫາຍ​ເປັນ​ຈໍານວນ​ຫລາຍ. ຕໍ່​ສະພາບ​ດັ່ງກ່າວ, ລັດຖະບານ ກໍ​ຄື​ຄະນະ​ກໍາມະການ​ປ້​ອງກັນ ​ແລະ ຄວບ​ຄຸມໄພພິບັດ​ແຫ່ງ​ຊາດ ​ໄດ້​ປະສານ​ສົມທົບ​ຢ່າງ​ໃກ້ຊິດ​ກັບ​ບັນ​ດາ​ແຂວງ​ທີ່​ຖືກ​ກະທົບ​ເພື່ອບັນ​ເທົາ​ທຸກ​ສຸກ​ເສີນ​ຮີບ​ດ່ວນ, ​ໂດຍ​ສະ​ເພາະ

ລັດຖະມົນຕີ​ແຮງ​ງານ ​ແລະ ສະຫວັດ​ດີກາ​ນສັງຄົ​ມຊີ້​ແຈງ​ຕື່ມ​ກ່ຽວ​ກັບ​ການ​ຊ່ວຍ​ເຫລືອ​ຜູ້​ປະສົບ​ໄພ​ນໍ້າ​ຖ້ວມ. - new3 - ລັດຖະມົນຕີ​ແຮງ​ງານ ​ແລະ ສະຫວັດ​ດີກາ​ນສັງຄົ​ມຊີ້​ແຈງ​ຕື່ມ​ກ່ຽວ​ກັບ​ການ​ຊ່ວຍ​ເຫລືອ​ຜູ້​ປະສົບ​ໄພ​ນໍ້າ​ຖ້ວມ.

ສົມທົບ​ກັບກອງທັບ​ນໍາ​ໃຊ້ພາຫະນະ, ​ເຮືອບິນ, ​ເຮືອ​ ​ແລະ ອຸປະກອນ​​ເຄື່ອງມື​ຕ່າງໆ​ໄປ​ຊ່ວຍ​ເຫລືອ​ຍົກຍ້າຍປະຊາຊົນ​ອອກ​ຈາກ​ເຂດ​ອັນ​ຕະລາຍ​ໄປ​ຢູ່​ບ່ອນ​ປອດ​ໄພ​, ພ້ອມ​ທັງຮີບ​ຮ້ອນສະໜອງ​ເຕັ້ນ​ແບບ​ຄອບຄົວ​ຈໍານວນ 220 ຊຸດ, ​ເຄື່ອງ​ໃຊ້​ຄົວ​ເຮືອນ 1.500 ກວ່າ​ຊຸດ, ​ເຄື່ອງ​ອຸປະ​ໂພ​ກ-ບໍລິ​ໂພກ ຈາກ​ພາກ​ສ່ວນ​ຕ່າງ​ໆ ລວມ​ເຖິງ​ເຄື່ອງ​ຊ່ວຍ​ເຫລືອ​ຈາກ​ສູນ​ມະນຸດສະ​ທໍາ​ອາ​ຊຽນ​ ກໍ​ໄກ້ໄປ​ແຈກ​ຢາຍ​ໃຫ້​ຜູ້​ປະສົບ​ໄພ​ທັນທີ​ໂດຍ​ບໍ່​​​​ໄດ້ເກັບມ້ຽນ​ໄວ້​ແຕ່​ຢ່າງ​ໃດ. ນອກ​ນີ້, ລັດຖະບານ​ໄດ້​ອະນຸມັດ​ເງິນ​ເບື້ອງ​ຕົ້ນ 5 ຕື້​ກີບ​ໃຫ້​ບັນດາ​ແຂວງ​ທີ່​ຖືກ​ກະທົບ ​ແລະ ມອບ​​ເງິ​ນບ້ວງ​ກອງ​ທຶນ​ແຮ​ນໍ້າມັນ​ສຸກ​ເສີນ 450 ລ້ານ​ກີບ​ໃຫ້​ບັນດາ​ແຂວງ​ເພື່ອ​ນໍາ​ໃຊ້​ເຂົ້າ​ໃນ​ການ​ບໍລິຫານ​ຂົນ​ສົ່ງ​ເຄື່ອງ​ຊ່ວຍ​ເຫລືອ​ບັນ​ເທົາ​ທຸກ​ໄປ​ໃຫ້​ຜູ້​ປະສົບ​ໄພ ​ແລະ ​ແຈກ​ຢາຍ​ເຂົ້າ​ຈາກ​ກອງ​ທຶນ​ເພື່ອນ​ຮ່ວມ​ງານ 1.676 ​ໂຕນ,​​ເຂົ້າຈາກຄັງ​ສະ​ສົມ​ຂອງ​ລັດຈໍານວນ 2.421 ກວ່າ​​ໂຕນ, ​ເຂົ້າ​ອາ​ຊຽນ+3 ຈໍານວນ 1.500 ​ໂຕນ ​ແລະ ​ເຂົ້າບໍລິຈາກ​ຂອງ​ແຂວງ​ຊຽງ​ຂວາງ​ອີກ 20 ​ໂຕນ. ພ້ອມ​ນີ້​, ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ກໍ​ໄດ້​ອອກ​ແຈ້ງ​ການ​ລະດົມ​ບໍລິຈາກ​ນໍາ​ສັງຄົມ​ຜ່ານ​ສື່​ມວນ​ຊົນຕ່າງໆ​ແຕ່ວັນ​ທີ 7-23 ກັນຍາ 2019 ​ໄດ້​ເງິນບໍລິຈາກ 10,5 ຕື້​ກວ່າ​ກີບ, 511 ພັນ​ກວ່າ​ໂດ​ລາສະຫະລັດ ​ແລະ 125 ພັນ​ບາ​ດ (ສະກນ​ເງິນ​ໄທ).

ລັດຖະມົນຕີ​ແຮງ​ງານ ​ແລະ ສະຫວັດ​ດີກາ​ນສັງຄົ​ມຊີ້​ແຈງ​ຕື່ມ​ກ່ຽວ​ກັບ​ການ​ຊ່ວຍ​ເຫລືອ​ຜູ້​ປະສົບ​ໄພ​ນໍ້າ​ຖ້ວມ. - lattana 1 - ລັດຖະມົນຕີ​ແຮງ​ງານ ​ແລະ ສະຫວັດ​ດີກາ​ນສັງຄົ​ມຊີ້​ແຈງ​ຕື່ມ​ກ່ຽວ​ກັບ​ການ​ຊ່ວຍ​ເຫລືອ​ຜູ້​ປະສົບ​ໄພ​ນໍ້າ​ຖ້ວມ.

  ທ່ານ​ລັດຖະມົນຕີ​ກະຊວງ​ດັ່ງກ່າວ ​ໃຫ້​ຮູ້​ວ່າ: ປັດຈຸບັນ, ​ໄດ້​ມອບ​ໝາຍ​ໃຫ້​ກົມ​ສັງຄົມ​ສົງ​ເຄາະ​ສົມທົບ​ກັບ​ບັນດາ​ຂະ​ແໜງ​ການ​ກ່ຽວຂ້ອງ​ຕ່າງໆ ໂດຍ​ໄດ້ຮັບ​ການ​ສະໜັບສະໜູນ​ຈາກ​ສູນ​ປະສານ​ງານ​ຊ່ວຍ​ເຫລື​ອມະນຸ​ດສະ​ທໍາ​ອາ​ຊຽນ ​ໄດ້​ສ້າງ​ເຄື່ອງມື​ປະ​ເມີນ​ຜົນ​ເສຍ​ຫາຍ ​ແລະ ຄວາມ​ຕ້ອງການ​ໃນ​ການ​ຟື້ນ​ຟູ​ໄລ​ຍະ​ສັ້ນ, ກາງ ​ແລະ ຍາວ, ​ໂດຍ​ມີ​ບັນດາ​ກະຊວງ, ອົງການ​ຈັດ​ຕັ້ງ​ສາກົນ​ເຂົ້າ​ຮ່ວມ​ເປັນ​ຄະນະ​ສະ​ເພາະ​ກິດ​ລົງປະ​ເມີນ​ຜົນ​ໃນ 6 ​ແຂວງ, ຊຶ່ງ​​ໄດ້ເລີ່​ມປະຕິບັດມາ​ແຕ່ທ້າຍ​​ເດືອນກັນຍາ​ຫາ​ຕົ້ນ​ເດືອນ​ຕຸລາ ​ເພື່ອ​ເອົາ​ຂໍ້​ມູນ​ຜົນ​ເສຍ​ຫາຍ​ທີ່​ຊັດ​​ເຈນ​ຕົວ​ຈິງ​ມາ​ເປັນ​ບ່ອນ​ອີງ​ໃນ​ການ​ວາງ​ແຜນ​ຊ່ວຍ​​ເຫລືອ ​ແລະ ​ຟື້ນ​ຟູ​ຄືນ​ຫລັງ​ໄພພິບັດ​ໃຫ້​ມີ​ປະສິດທິ​ຜົນ.  

error: Content is protected !!