ນັກທຸລະກິດລາວ-ສ.ເກົາຫລີ ແລກປ່ຽນບົດຮຽນດ້ານການຄ້າ-ການລົງທຶນ

- advert banner 728 90 728x90 - ນັກທຸລະກິດລາວ-ສ.ເກົາຫລີ ແລກປ່ຽນບົດຮຽນດ້ານການຄ້າ-ການລົງທຶນ

ການພົບປະລະຫວ່າງນັກທຸລະກິດລາວ-ສ.ເກົາຫລີ ຄັ້ງທີ 3 ​ເພື່ອ​ແລກປ່ຽນ​ບົດຮຽນ ​ແລະ ປະສົບ​ການ​ຕ່າງໆ​ກ່ຽວ​ກັບ​ການ​ຄ້າ ​ແລະ ການ​ລົງທຶນ​ໄດ້​ຈັດ​ຂຶ້ນ​ໃນ​ວັນ​ທີ 30 ກັນ​ຍາ​ນີ້ທີ່ນະຄອນຫລວງວຽງຈັນ, ​ໂດຍ​ອົງການ​ໂກ​ຕຣາ (KOTRA) ເພື່ອໃຫ້ນັກທຸລະກິດ ແລະ ຜູ້ຈຳໜ່າຍຂອງລາວ ​ແລະ ສ.ເກົາຫລີໄດ້ຊອກຫາສີນ​ຄ້າ​ຈາກ ສ.​ເກົາຫລີ ເຂົ້າມາຈຳໜ່າຍຢູ່​ລາວ​ຫລາຍ​ຂຶ້ນ.

- new3 - ນັກທຸລະກິດລາວ-ສ.ເກົາຫລີ ແລກປ່ຽນບົດຮຽນດ້ານການຄ້າ-ການລົງທຶນ

  ​ໃນງານດັ່ງກ່າວ, ໄດ້ມີຫລາຍບໍລິສັດຈາກ ສ.ເກົາຫລີ ໄດ້ມາແນະນຳຜະລິດຕຳພັນສິນຄ້າຂອງຕົນ, ​ໂດຍ​ສະ​ເພາະ​ແມ່ນ​ອຸປະກອນຮັບໃຊ້ໃນອຸດສາຫະກຳລົດຍົນ, ອຸດສາຫະກຳການກໍ່ສ້າງ, ການກະເສດ ແລະ ອີກຫລາກຫລາຍຜະລິດຕະພັນທີ່ໜ້າສົນໃຈ ແລະ ທັນສະໄໝ ເປັນຕົ້ນ: ບໍລິສັດ ENTRA , ບໍລິສັດ NARAE Industry, ບໍລິສັດ DAEDO TEKRA, ບໍລິສັດ Exolube, DHC, ບໍລິສັດ Sunkyung Chemical ແລະ ບໍລິສັດ TAESUNG.

  ທ່ານ ຈີ ຢຸນ ລີ(Ji YoonLee) ຜູ້ຈັດການຝ່າຍຂາຍ ພະແນກຝ່າຍຂາຍລະຫວ່າງປະເທດ ຂອງບໍລິສັດ Exolube ກ່າວວ່າ: ການມາພົບປະກັບນັກທຸລະກິດລາວຄັ້ງນີ້ ເປັນໂອກາດດີສຳລັບ ບໍລິສັດພວກເຮົາເພາະວ່າ ບໍລິສັດກຳລັງຊອກຫາຕະຫລາດໃໝ່ ເພື່ອຊອກຫາຕົວແທນຈຳໜ່າຍຜະລິດຕະພັນຂອງບໍລິສັດ ໂດຍສະເພາະຢຸ່ ສປປ ລາວ. ບໍລິສັດຂອງພວກເຮົາແມ່ນກຸ່ມບໍລິສັດຜະລິດນ້ຳມັນ ແລະ ສານເຕີມນ້ຳມັນ ຊັ້ນນຳຂອງໂລກ ລວມມີ 100 ກວ່າຜະລິດຕະພັນ  ແລະ ການມານຳສະເໜີຜະລິດຕະພັນຂອງຕົນຄັ້ງນີ້ ເປັນຄັ້ງທຳອິດ ແຕ່ເຫັນວ່າມີນັກທຸລະກິດລາວຈຳນວນຫລາຍທີ່ໃຫ້ຄວາມສົນໃຈ ແລະ ຫວັງວ່າໃນອະນາຄົດຈະມີຜະລິດຕະພັນຂອງພວກເຮົາມາຈຳໜ່າຍໃນ ສປປ ລາວຫລາຍ​ຂຶ້ນ.

- lattana 1 - ນັກທຸລະກິດລາວ-ສ.ເກົາຫລີ ແລກປ່ຽນບົດຮຽນດ້ານການຄ້າ-ການລົງທຶນ
error: Content is protected !!