ຮອງນາຍົກລັດຖະມົນຕີເຄື່ອນໄຫວເຮັດວຽກ ຢູ່ແຂວງຄຳມ່ວນ

- advert banner 728 90 728x90 - ຮອງນາຍົກລັດຖະມົນຕີເຄື່ອນໄຫວເຮັດວຽກ ຢູ່ແຂວງຄຳມ່ວນ

​ໃນ​ວັນ​ທີ 1 ຕຸລາ​ນີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມຄະນະ, ໄດ້ລົງເຄື່ອນໄຫວຢ້ຽມຢາມປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມຢູ່ເມືອງໜອງບົກແຂວງຄຳມ່ວນ, ພ້ອມທັງ​ໄດ້ນຳເອົາເຄື່ອງອຸປະໂພກ-ບໍລິໂພກ ເປັນຕົ້ນ: ເຂົ້າສານ, ນ້ຳດື່ມ, ​ປ໋ອງປາ ແລະ ​ເຄື່ອງ​ໃຊ້ຈໍາ​ເປັນອື່ນໆ ລວມມູນຄ່າກວ່າ 50 ລ້ານກີບ ມອບໃຫ້ຫ້ອງການປົກຄອງເມືອງໜອງບົກ ເພື່ອນຳໄປມອບໃຫ້ແກ່ປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມຢ່າງທົ່ວເຖິງ ​ແລະ ທັນ​ການ.

- new3 - ຮອງນາຍົກລັດຖະມົນຕີເຄື່ອນໄຫວເຮັດວຽກ ຢູ່ແຂວງຄຳມ່ວນ
- 44 1 - ຮອງນາຍົກລັດຖະມົນຕີເຄື່ອນໄຫວເຮັດວຽກ ຢູ່ແຂວງຄຳມ່ວນ

  ​ໂອກາດ​ນີ້, ທ່ານຮອງນາຍົກລັ​ດຖະມົນຕີ, ໄດ້ລົງ​ໄປ​ເບິ່ງພື້ນທີ່ກະສິກຳ, ລະບົບຊົນລະປະທານ ເພື່ອຊອກຫາຊ່ອງທາງໃນການແກ້ໄຂສະເພາະໜ້າ ແລະ ຍາວນານ, ພ້ອມທັງໄດ້ລົງພົບ​ປະປະຊາຊົນທີ່ໄດ້ຮັບຜົນກະທົບຈາກໄພນ້ຳຖ້ວມ, ​ໂດຍ​ເນັ້ນໃຫ້​ເຂົາ​ເຈົ້າເອົາໃຈໃສ່ເບິ່ງແຍງສຸຂະພາບຂອງຕົນເອງໃຫ້ດີ ແລະ ມີສ່ວນຮ່ວມກັບອຳນາດການປົກຄອງບ້ານ, ເມືອງ ໃນການອະນາໄມເຮືອນຊານ, ພື້ນຟູພື້ນທີີ່ໄດ້ຮັບຜົນກະທົບ ເປັນຕົ້ນ: ເນື້ອທີ່ການຜະລິດກະສິກຳ ແລະ ອື່ນໆ ໃຫ້ກັບຄືນສູ່ສະພາບປົກກະຕິໂດຍໄວ.

  ​ອົງການ​ປົກຄອງ​ເມືອງໜອງບົກ ໃຫ້ຮູ້ວ່າ: ເມືອງໜອງບົກ ມີ 55 ບ້ານ, ມີ 10.000 ກວ່າຫລັງຄາເຮືອນ, ມີ 9.000 ກວ່າຄອບຄົວ, ມີ 52.000 ກວ່າຄົນ,  ມີເນື້ອທີ່ນາ 15.000 ກວ່າເຮັກຕາ, ສວນ 500 ກວ່າເຮັກຕາ ໃນນັ້ນ, ເນື້ອທີ່ນາຖືກນ້ຳຖ້ວມເສຍຫາຍ 5 ພັນກວ່າເຮັກຕາ, ມີ 51 ບ້ານ, 3 ພັນກວ່າຄອບຄົວ, ຜົນເສຍຫາຍ 20.800 ກວ່າໂຕນ ລວມມູນຄ່າຜົນເສຍຫາຍທັງໝົດ 78 ຕື້ກວ່າກີບ; ໂຮງຮຽນໄດ້ຮັບຜົນເສຍຫາຍ 4 ແຫ່ງ, ນ້ຳບາດານ 173 ແຫ່ງ, ວິດຖ່າຍ 148 ໜ່ວຍ, ເສັ້ນທາງ 11 ເສັ້ນ. ບັນຈຸບັນອໍານາດການປົກຄອງແຂວງ ກໍຄືເມືອງພວມເລັ່ງປັບປຸງແກ້ໄຂຢ່າງຮີບດ່ວນເພື່ອໃຫ້ກັບຄືນສູ່ສະພາບປົກກະຕິໂດຍໄວ.

- lattana 1 - ຮອງນາຍົກລັດຖະມົນຕີເຄື່ອນໄຫວເຮັດວຽກ ຢູ່ແຂວງຄຳມ່ວນ
error: Content is protected !!