ຊົມ​ເຊີຍ​ວັນ​ຄູ​ແຫ່ງ​ຊາດ

- advert banner 728 90 728x90 - ຊົມ​ເຊີຍ​ວັນ​ຄູ​ແຫ່ງ​ຊາດ

ໂດຍ: ທິດ​ກ່ຳ

- new3 - ຊົມ​ເຊີຍ​ວັນ​ຄູ​ແຫ່ງ​ຊາດ

ໃນເດືອນຕຸລາປີ 2019 ນີ້, ເປັນເດືອນໜຶ່ງທີ່ມີຄວາມໝາຍ, ຍ້ອນວ່າມີວັນປະຫວັດສາດ ຂອງຊາດ ແລະ ວັນສຳ ຄັນທາງພຸດທະສາດສະໜາຫຼາຍໆວັນເປັນຕົ້ນຄື: ວັນທີ 7 ຕຸລາ ວັນຄູແຫ່ງຊາດ, ວັນທີ 12 ຕຸລາວັນປະກາດເອກະ ລາດຂອງຊາດລາວ, ວັນທີ 13 ຕຸລາກົງກັບຂຶ້ນ15 ຄ່ຳ ເປັນມື້ບຸນອອກພັນສາ ແລະ ວັນທີ 14 ຕຸລາເປັນມື້ ບຸນຊ່ວງ ເຮືອນະຄອນຫລວງວຽງຈັນແຕ່ສຳລັບໃນຄໍລຳມື້ນີ້, ທິດກ່ຳຂໍເວົ້າສະເພາະເຈາະຈົງແຕ່ວັນຄູແຫ່ງຊາດ, ຍ້ອນວ່າອີກບໍ່ດົນວັນຄູແຫ່ງຊາດ ກໍຈະໄດ້ວຽນຈົບຄົບຮອບມາເຖິງ, ສ່ວນວ່າຄໍລຳຂອງມື້ຕໍ່ໆ ໄປຈຶ່ງຄ່ອຍເວົ້າຄ່ອຍວ່າເລື່ອງອື່ນໆ ທີ່ມີໃນໄລຍະ ເດືອນຕຸລາມາເລົ່າສູ່ກັນຟັງໂດຍສັງເຂບ.

ກໍດັ່ງພວກເຮົາຮູ້ນຳກັນແລ້ວວ່າ: ວັນທີ 7 ຕຸລາເປັນວັນຄູແຫ່ງຊາດ. ກ່ຽວກັບ ປະຫວັດຫຍໍ້ທີ່ໄປທີ່ມາຂອງ ວັນດັງກ່າວແມ່ນພວກເຮົາ ໄດ້ຖືເອົາຕາມວັນເວລານາຍ ຄູຄຳໄດ້ເປັນຄູຜູ້ທຳອິດຂອງ ລາວມາເປັນທີ່ຕັ້ງ, ດັ່ງປະຫວັດສາດຕົ້ນກຳເນີດເຈຍ ລະໄນຕໍ່ໄປນີ້: ວັນທີ 7 ເດືອນ ຕຸລາປີ1907 ເປັນມື້ ທີ່ ນາຍ ຄູຄຳໄດ້ເປັນຄູສອນຜູ້ ທຳອິດຂອງຊາດລາວ ແລະ ໄດ້ ເລີ່ມເຮັດໜ້າທີ່ນັບແຕ່ມື້ນັ້ນ ເປັນຕົ້ນມາ.

ໃນສະໄໝນັ້ນ, ເວົ້າເຖິງ ການສຶກສາຢູ່ບ້ານເຮົາບໍ່ທັນມີການຂະຫຍາຍຕົວ ຢ່າງຫລວງຫລາຍ, ມີພຽງໂຮງຮຽນປະຖົມ 2 ແຫ່ງຄືຢູ່ວຽງ ຈັນ ແລະ ຫລວງພະບາງໂດຍ ແມ່ນຝຣັ່ງເປັນຜູ້ຕັ້ງຂຶ້ນເພື່ອຮັບໃຊ້ນະໂຍບາຍລ່າຫົວເມືອງຂຶ້ນຂອງພວກເຂົາ.

ໂຮງຮຽນທີ່ສ້າງຕັ້ງຂຶ້ນນີ້ເປັນໂຮງຮຽນຊັ້ນປະຖົມສຶກສາ, ຢູ່ວຽງຈັນຊື່ວ່າ: “ເອບີຕັບຟໍແຣງ”ຟັງແຕ່ຊື່ກໍເຂົ້າໃຈແລ້ວວ່າມັນບໍ່ເຂົ້າແກັບເຂົ້າເກຍກັບພາສາບ້ານເຮົາປານໃດ.  ເມື່ອຕັ້ງຂຶ້ນແລ້ວ ກໍຄັດເອົາຜູ້ທີ່ມີເປົ້າໝາຍເຂົ້າມາຮຽນ, ທັງສິດສອນຄວາມຮູ້, ທັງຝຶກອົບຮົມໃຫ້ເປັນຄູ. ເປົ້າໝາຍທີ່ເຂົ້າມາຮຽນ ແມ່ນຄູບາ ຢູ່ວັດ (ພະສົງ) ຍ້ອນວ່າມີພື້ນຖານດ້ານພາສາບາລີ ແລະ ເຄີຍຮຽນສູດຮຽນທຳມາແລ້ວ.

ນາຍຄູຄຳກໍແມ່ນຜູ້ໜຶ່ງທີ່ ມີໜ້າທີ່ສິດສອນຢູ່ໂຮງຮຽນ ແຫ່ງດັ່ງກ່າວ, ນັກຮຽນປະຖົມສະໄໝນັ້ນເມື່ອຮຽນຈົບຊັ້ນປະຖົມ ປ 6 ແມ່ນເຕັມບ່າວ ເຕັມສາວໝົດແລ້ວມັນບໍ່ຄືສະໄໝນີ້.  ຈຸດພິເສດຂອງນາຍຄູຄຳເປັນຄົນທີ່ຮັກຊາດມີ ແນວຄິດຕ້ານນະໂຍບາຍ ຕ່າງໆ ຂອງຝຣັ່ງ ໂດຍສະ ເພາະແມ່ນການສິດສອນ  ແລະ ຮ່ຳຮຽນ.

ມາຮອດປີ 1920 ຂະ ບວນການຕໍ່ສູ້ຂອງປະຊາຊົນລາວພາຍໃຕ້ການນຳພາຂອງນາຍຄູຄຳໄດ້ລະເບີດຂຶ້ນຢ່າງຮຸນແຮງ, ນາຍຄູຄຳຖືກຝຣັ່ງ ຈັບໄປເຂົ້າຄຸກ ເມື່ອຫາວິທີ ໂຕນອອກຈາກຄຸກໄດ້ແລ້ວໄດ້ປົບໜີໄປລີ້ໄພນຳພີ່ນ້ອງຢູ່ ບາງກອກປະເທດໄທ ຈົນມາຮອດປີ 1949 ນາຍຄູຄຳ ໄດ້ລົ້ມປ່ວຍ ແລະ ເສຍຊີວິດຢູ່ທີ່ນັ້ນ.

- lattana 1 - ຊົມ​ເຊີຍ​ວັນ​ຄູ​ແຫ່ງ​ຊາດ

ພາຍຫລັງມີຂະບວນ ການຕໍ່ສູ້ຂອງນາຍຄູຄຳນັບ ແຕ່ປີ 1920 ເປັນເວລາ ຫລາຍປີຈົນມາຮອດວັນທີ 12 ເດືອນຕຸລາ ປີ 1945 ປະ ຊາຊົນລາວກໍໄດ້ລຸກຮື້ຂຶ້ນ ປະກາດເອກະລາດ. ຈາກນັ້ນ, ລະບົບການສຶກສາ ຢູ່ບ້ານ ເຮົາ ຈຶ່ງຄ່ອຍໆປາກົດໂຕເປັນ ຮູບເປັນຮ່າງ ແລະ ມີການພັດ ທະນາເປັນໄລຍະໆ ຕາມປະຫວັດສາດທີ່ລະອິດລະອ້ຽວ.

ເພາະສະນັ້ນລະ, ວັນທີ 7 ຕຸລາ ຈຶ່ງເປັນຕົ້ນກຳເນີດຂອງວັນຄູແຫ່ງຊາດ. ການທີ່ພັກ ແລະ ລັດຖະບານເຮົາໄດ້ ສຶກສາຄົ້ນຄວ້າເຖິງຕົ້ນເຫດ ທີ່ໄປທີ່ມາທາງປະຫວັດສາດຂອງວັນຄູ ແຫ່ງຊາດມັນກໍບໍ່ແມ່ນຂອງງ່າຍ ຖ້າພວກເຮົາ ບໍ່ກຳໄດ້ທີ່ໄປທີ່ມາຂອງໄລຍະປະຫວັດສາດກໍຈະບໍ່ມີວັນຄູ ແຫ່ງຊາດ.

ການທີ່ເກີດມີວັນຄູແຫ່ງຊາດກໍເປັນນິມິດໝາຍຢ່າງ ໜຶ່ງທາງປະຫວັດສາດຂອງຊາດ, ໂດຍສະເພາະຜູ້ເປັນ ຄູ-ອາຈານທີ່ເຮັດໜ້າທີ່ສິດສອນ ແລະ ພັດທະນາການ ສຶກສາໃຫ້ຈະເລີນກ້າວໜ້າໄປແຕ່ລະຍຸກແຕ່ລະສະໄໝ.

ປະເທດຊາດບ້ານເມືອງເຮົາກວ່າຈະມີຄວາມຈະເລີນຮຸ່ງເຮືອງມາເຖິງທຸກວັນນີ້ກໍ ແມ່ນຄູອາຈານເປັນຜູ້ເຮັດໜ້າ ທີ່ສິດສອນ, ຮ່ຳຮຽນຖ່າຍທອດຄວາມຮູ້ຄວາມຫລັກໃຫ້ ແກ່ຄົນລາວທັງປວງ ອາຊີບ ຄູເປັນອາຊີບທີ່ໃຫ້ຫລາຍໄດ້ໜ້ອຍ, ກິນຕາມໄດ້ໃຊ້ຕາມມີ, ບໍ່ອີ່ຫລີກໍບໍ່ມີການສໍ້ລາດບັງຫລວງ “ຊົມເຊີຍວັນຄູ ແຫ່ງຊາດ” ຄົບຮອບ 24 ປີ ຢ່າງສຸດໃຈ./.

- 25 1 - ຊົມ​ເຊີຍ​ວັນ​ຄູ​ແຫ່ງ​ຊາດ
(ພາບປະກອບ)

error: Content is protected !!