ຊຽງ​ຂວາງຢຶດລົດບັນທຸກ​ໄມ້ 25 ຄັນທີ່​ລະ​ເມີ​ດຄໍາ​ສັ່ງ​ເລກທີ 15/ນຍ

- advert banner 728 90 728x90 - ຊຽງ​ຂວາງຢຶດລົດບັນທຸກ​ໄມ້ 25 ຄັນທີ່​ລະ​ເມີ​ດຄໍາ​ສັ່ງ​ເລກທີ 15/ນຍ

ພະ​ແນ​ກກະສິກໍາ ​ແລະ ປ່າ​ໄມ້ແຂວງ​ຊຽງຂວາງ ໄດ້ອອກ​ແຈ້ງການ​ເຖິງ​ເຈົ້າ​ຂອງ​ລົດ​ບັນທຸກ​ໄມ້​ຈໍານວນ 25 ຄັນ ທີ່​ຖືກ​ເຈົ້າ​ໜ້າ​ທີ່​ຢຶດ​ໄວ້​ແຕ່​ວັນ​ທີ 11 ກໍລະກົດ 2019 ຫລັງ​ຈາກ​ລະ​ເມີດ​ຄໍາ​ສັ່ງ​ເລກທີ 15/ນຍ ​ໃຫ້​ເຂົ້າ​ມາ​ພົວພັນ​ເອົາ​ຢູ່​ພະ​ແນ​ກກະສິກໍາ ​ແລະ ປ່າ​ໄມ້​ແຂວງ​ບໍ່​ໃຫ້​ກາຍ​ວັນ​ທີ 13 ຕຸລາ​ນີ້, ຖ້າ​ກາຍ​ກໍານົດ​ດັ່ງ​ກ່າວ​ແມ່ນ​ຈະ​ຢຶດ​ເປັນ​ຂອງ​ລັດ​ທັງ​ລົດ ​ແລະ ​ໄມ້.

- new3 - ຊຽງ​ຂວາງຢຶດລົດບັນທຸກ​ໄມ້ 25 ຄັນທີ່​ລະ​ເມີ​ດຄໍາ​ສັ່ງ​ເລກທີ 15/ນຍ

​ເຈົ້າ​ໜ້າ​ທີ່ ​ໃຫ້​ຮູ້​ວ່າ: ລົດ​ບັນທຸກ​ທັງ​ໝົດ​ແມ່ນ​​ຖຶກຢຶດ​ໄວ້​ຢູ່​ໂຮງງານ​ປຸງ​ແຕ່ງ​​ໄມ້​ສຸກ​ກະ​ເສີມ ພັນທະ​ວົງ ​ແລະ ​ໂຮງງານ​ປຸງ​​ແຕ່ງ​ໄມ້ ສຸ​ນະລາດ ວົງມົນ​ຕີ, ​ໂດຍ​ເຈົ້າຂອງ​ໂຮງງານ​ປຸງ​ແຕ່ງ​ໄມ້​ທັງ​ສອງ​ແຫ່ງ​ໄດ້​ໃຫ້ການ​ວ່າ: ​ໄມ້​ທັງ​ໝົດ​ຢູ່​ໃນ​ລົດ​ເປັນ​ຂອງ​ຄົນ​ຫວຽດນາມ​ທີ່​ລັກລອບ​ເອົາ​ຂຶ້ນ​ລົດ​ໂດຍ​ບໍ່​ແຈ້ງ​ໃຫ້​ເຈົ້າ​ຂອງ​​ໂຮງງານ​ຊາບ, ​ເພື່ອ​ຈະ​ລັກລອບ​ສົ່ງ​ອອກ​ໄປປະ​ເທດ​ຫວຽດນາມ, ສ່ວນ​ເຈົ້າ​ຂອງ​ລົດ​ແມ່ນ​ໄດ້​ເອົາ​ຕົວ​ຫລົບໜີ. ​ໃນ​ນີ້ລົດ​ບັນທຸກຢູ່​ໂຮງງານ​ປຸງ​ແຕ່ງ​​ໄມ້​ສຸກ​ກະ​ເສີມ ພັນທະ​ວົງ ມີ 15 ຄັນ ​ແລະ ໂຮງງານ​ປຸງ​​ແຕ່ງ​ໄມ້ ສຸ​ນນະລາດ ວົງມົນ​ຕີ ມີ 10 ຄັນ ​ແລະ ມີ​ປະ​ເພດ​ໄມ້​ຕັບ, ​ໄມ້​ເສັ້ນ ​ແລະ ​ໄມ້​ທີ່​ປຸງ​ແຕ່ງ​ເປັນ​ເຟີ​ນີ​ເຈີ ລວມມີ​ບໍລິ​ມາດ​ທັງ​ໝົດ 1.136 ກວ່າ​ແມັດ​ກ້ອນ, ເຊິ່ງ​​ເປັນ​ການ​ກະທໍາທີ່​ລະ​ເມີດ​ຄໍາ​ສັ່ງ​ເລກທີ 15/ນຍ ​ແລະ ກົດໝາຍ​ກ່ຽວຂ້ອງ​ອື່ນໆ​ຂອງ ສປປ ລາວ.

- lattana 1 - ຊຽງ​ຂວາງຢຶດລົດບັນທຸກ​ໄມ້ 25 ຄັນທີ່​ລະ​ເມີ​ດຄໍາ​ສັ່ງ​ເລກທີ 15/ນຍ
- 55 2 - ຊຽງ​ຂວາງຢຶດລົດບັນທຸກ​ໄມ້ 25 ຄັນທີ່​ລະ​ເມີ​ດຄໍາ​ສັ່ງ​ເລກທີ 15/ນຍ
error: Content is protected !!